Leita í fréttum mbl.is

Líkrán og ljúgvitni

 

BoardMeeting

 

Í gær hafði varaforseti Skáksambands Íslands, Óttar Felix Hauksson, samband við stuðningshópinn fyrir Jinky Ong Fischer, sem ég og Greta Björg Úlfsdóttir reynum að byggja upp á bloggum okkar á milli annarra hugleiðinga og starfa. Í ljósi þeirra upplýsinga sem varaformaður kemur með og þeirra upplýsinga sem ég miðlaði í gær um reglur sem gilda fyrir bandaríska borgara sem giftast japönskum ríkisborgurum í Japan, má ætla að fleiri en einn glæpur hafi verið framinn í tengslum við lát Róbert J. Fischers. Það virðist svo að það sé enn meiri ástæða nú en áður, að leita uppi Jinky Ong, sem sögð er vera dóttir Fischers.

Þetta skrifaði Óttar til Gretu og mín:

Ég er varaforseti Skáksambands Íslands. Ég var að koma heim frá Frakklandi nú í vikulokin. Ástæða þess að þú hefur ekki náð sambandi er líklega sú að ég notaði þarlent símakort meðan ég var staddur í Frakklandi. Ég er hræddur um að sjálfur Arnaldur Indriðason hafi varla það hugmyndaflug sem þarf til að láta sér detta í hug þá atburðarás sem orðið hefur. Það líkist ótrúlegri bíræfni af hálfu Garðars Sverrissonar að hlutast til um að lík skákheimsmeistarans var flutt austur fyrir fjall í myrkrinu að morgni mánudagsins 21. janúar, huslað þar niður í kirkjugarði á býli tengdaföður Garðars Sverrissonar og ekki einu sinni sóknarprestinum gert kunnugt um gjörningin, líklega í fyrsta skipti í íslenskri kirkjusögu!.  Þetta virðist kalla á lögreglurannsókn. Mér sýnist réttast að borgaryfirvöld biðji lögreglustjórann í Reykjavík að taka skýrslu af Garðari, lækni þeim er gaf út dánarvottorðið, ábyrgðarmanni þeirrar útfararstofu sem sá um kistulagninguna tæpum sólarhring eftir dauða Fischers og Jakobi Rolland kaþólska prestinum sem jarðsöng Fischer. Það lítur út fyrir að Garðar hafi gert sig myndugan í þessu máli gagnvart öllum aðilum, lækni þeim sem gaf út dánarvottorðið og sennilega afhent Garðari það og svo starfsmanni/mönnum útfararstofnunar þeirrar sem flýttu líksnyrtingu og kistulagningu sem fram fór föstudaginn 18. janúardaginn eftir dauða Fischers, svo og Jakobi Rolland kaþólska prestinum. Það virðist sem Garðar hafi látið í veðri vaka að hann hefði umboð eiginkonu hins látna. Líklegt verður að teljast  að Garðar Sverrisson hafi því haft áætlun um framangreinda atburðarás strax við dauða Fishers. Mér var tjáð að Garðar hafi á fundi sínum við aðila tengda RJF hópnum ekki minnst einu orði á  jarðsetninguna sem í vændum var. Mér skilst að á kvöldi sunnudagsins hafi hann farið hann suður á Keflavíkurflugvöll að sækja Miyoko Vatani og fer með henni og fjölskyldu sinni austur að Laugdælum þar sem tengdafaðir hans og mágur búa. Þar gista þau og snemma morguns koma líkbíllinn og presturinn og jarðsetning fer fram skammt frá gangstéttarkanti kirkjustéttarinnar. Enginn kross, ekkert. Maður sá bara moldarhrúgu í sjónvarpinu í kvöldfréttunum og glaðbeittan mág Garðars á gröfu sinn, hann virtist hinn ánægðasti. Merking orðsins "líkrán" hlaut nýja og eiginlegri merkingu í mínum huga við frétt þessa. Hverjir eru aðstandendur? Ef Garðar Sverrisson segir " að þetta sé að ósk hins fallna meistara" þá læt ég mér fátt um finnast. Arfleifð Bobby Fischers og íslenskrar skáksögu er stærri en svo að hann geti huslað heimsmeistaranum  niður nánast í kálgarðinum hjá tengdapabba sínum. Reykjavíkurborg, sem Fisher kom á heimskortið og Skákakademía Reykjavíkur eiga að fara þess á leit við lögregluyfirvöld að þau, í samvinnu við sýslumanninn á Selfossi flytja líkið í kirkjugarð í Reykjavík og þeir aðalmenn sem upphaflega hvöttu forsætisráðherra Davíð Oddson að beita sér fyrir lausn Fishers úr fangelsinu í Japan ( giftingarpappírar Miyoko Vatani reyndust gagnslausir). Menn eins og Friðrik Ólafsson stórmeistari,  Guðmundur G. Þórarinsson forseti Skáksambands Íslands í heimsmeistaraeinvíginu og síðast en ekki síst Helgi Ólafsson sem ötulastur allra hért á landi hefur verið að halda merki Fishers á lofti. Þetta eru mennirnir sem bera eiga kistu Fishers til grafar með sæmd í Reykjavík. Þar verði reist leiði sem skákáhugamenn hvaðanæva úr heiminum hafi aðgengi og geta vottað þessum merkasta heimsmeistara skáksögunnar virðingu sína. Garðar Sverrisson var alltaf í mínum huga aftaníossi þeirra manna er kölluðust RJF hópurinn. Þetta er svipað eins og Björgvin Halldórson vinur minn myndi orða það: "Söngvarinn er dáinn og nú er rótarinn búinn að reka alla í hljómsveitinni, tekur öll sólóin sjálfur og segir það vilja hins fallna meistara".


« Síðasta færsla | Næsta færsla »

Athugasemdir

1 Smámynd: halkatla

merkilegt... og krípí!

halkatla, 3.2.2008 kl. 11:41

2 Smámynd: Sigurður Þór Guðjónsson

Óttari er varla alvara með því að vilja grafa aftur upp  lík Fischers. Svo skulum við gæta a því að þessi frásögn er algerlega einhliða. Ekki hefur heyrst neitt frá Garðari eða ekkju Fischers.

Sigurður Þór Guðjónsson, 3.2.2008 kl. 13:39

3 Smámynd: Vilhjálmur Örn Vilhjálmsson

Ekkja Fischers? hver er það Sigurður? Hvað hefur hún að segja?

Það er einn einstaklingur, sem ég þekki ekkert, Garðar Sverrisson af nafni, sem hefur líklega svar við öllum spurningum okkar.

Er flutningur á Fischers úr Flóanum nokkuð furðulegri en jarðaförin við Laugadælakirkju? 

Hvað með að spyrja dóttur hans, ef hún kemur í leitirnar, í stað þess að angra konu sem ekki var gift manninum.

Sendiráð Filippseyja á Íslandi (í Oslo) tjáir mér að innanríkisráðuneyti Filippseyja muni nú leita að Jinky Ong. Heldur þú, Sigurður, að það sé fyrir tilstuðlan Sverris Garðarssonar?

Vilhjálmur Örn Vilhjálmsson, 3.2.2008 kl. 13:56

4 Smámynd: Vilhjálmur Örn Vilhjálmsson

Kannski skildi Fischer eftir heimilisfang eða símanúmer til dótturinnar?

Vilhjálmur Örn Vilhjálmsson, 3.2.2008 kl. 14:30

5 Smámynd: Sigurður Þór Guðjónsson

Þetta ER krípí! 

Sigurður Þór Guðjónsson, 3.2.2008 kl. 16:05

6 Smámynd: Greta Björg Úlfsdóttir

Skiptastjóri búsins hlýtur að geta farið fram á aðgangi að skjölum Fischers til að finna heimilisfangið, því það er dagljóst að hann hafði það, fyrst hann gekkst í að fá hana hingað fyrir rúmum tveimur árum. Það er líka talað um Eugene Torre viti hvar þær búa, talað er um Davao City. Fæðingin og faðerneið hlýtur líka að finnast í skrám Sacred Hearts Hospital í Baguio City, þar sem stúlkan fæddist, svo framarlega sem það er í lagi.

Greta Björg Úlfsdóttir, 3.2.2008 kl. 16:59

7 Smámynd: Greta Björg Úlfsdóttir

Svo framarlega sem það er í lagi = það er að segja skjalasafn sjúkrahússins.

Greta Björg Úlfsdóttir, 3.2.2008 kl. 17:00

8 Smámynd: Greta Björg Úlfsdóttir

Gott að sendiráðið ætlar að gangast í málið.

Það er spurning hvort það sé hægt að skipa stelpunni lögmann fyrr en búið er að hafa upp á henni? Veit einhver um það? 

Greta Björg Úlfsdóttir, 3.2.2008 kl. 17:04

9 identicon

Ég endurtek það sem ég skrifað á fyrri blggi þínu Vilhjálmur. Hvað gerir þig, og Gretu, að sjálfskipuðum hagsmunagæsluaðila fyrir meinta dóttur Fischer? Og af hverju eruð þið að gera ekkju Fischers tortryggilega?

Þú spyrð Sigurð Þór: "Ekkja Fischers? hver er það Sigurður? Hvað hefur hún að segja?"

Eins og þú vitir ekki hver hún er og hvað hún hefur að segja! Það hefur margoft komið fram í umræðunni.

Ég endurtek spurningu mína frá hinni bloggfærslu þinni. Er það hatur þitt á "óvinum Ísraels" sem fær þig til að skipta þér af málefnum Fischers?

Torfi Stefánsson (IP-tala skráð) 3.2.2008 kl. 17:50

10 Smámynd: Vilhjálmur Örn Vilhjálmsson

Torfi minn, fáðu þér eitthvað róandi. Ég er ekki að skipta mér af málefnum Fischers. Hann er dáinn. Ég hef áhuga á málefnum dóttur hans.

Það er ekki til nein ekkja Fischers, að minnsta kosti ekki enn. Sjá http://www.postdoc.blog.is/blog/postdoc/entry/432091/

Ég og Gréta erum ekki sjálfskipuð í eitt eða neitt. Við bloggum um mál sem við höfum áhuga á.  Eitt af þeim málum var þögnin um dóttur Fischers. Dóttir eins frægast Íslendings sem sögur fara af, var ekki eftirlýst af íslenskum yfirvöldum, þegar ég hafði samband við sendiráð Filippseyja á Íslandi.  Ég vildi óska þess að aðrir gerðu tækju líka þátt í því sem við Greta erum að gera.  

Hvað með þig Torfi? Myndir þú neita að aðstoða  7 ára barns vegna þess að einver vinur Ísraels er að vinna í málum hennar? Mega vinir Ísraels ekki gera nema ákveðna hluti?

Ert þú guðfræðingurinn Torfi Stefánsson?

Vilhjálmur Örn Vilhjálmsson, 3.2.2008 kl. 18:18

11 identicon

Fái ég mér eitthvað róandi? Ætli það sé ekki nær að þú fáir þér eitthvað róandi.

Þú heldur því fram að það sé ekki til nein ekkja Fischers og notar orðið ljúgvitni hér í fyrirsögn. Hver er ljúgvitnið? Er það forseti skáksambands Japans, Watai? Eru þá allir að ljúga um pappíana sem sýna svart á hvítu að Watai og Fischer voru gift, og líka lögfræðingurinn sem var vígsluvottur við athöfnina. Gott að þú veist allt best sjálfur!

Er það virkilega "þögnin um dóttir Fischers" sem rekur þig og Gretu áfram? Hvaða þögn? Af hverju ættu íslensk stjórnvöld að auglýsa eftir þessari stúlku? Ekki var Fischer forsjármaður hennar.

Ég fer ekki að aðstoða einhverja meinta dóttur einhvers manns nema ég sé beðinn um það. Þess vegna er ég tortrygginn í garð ykkar og spyr mig hvort það sé í raun hrein og klár manngæska sem rekur ykkur áfram.

Svo vil ég upplýsa þig um að það eru fleiri að gera það sama og þið skötuhjúin. Það er hinn margumræddi RJF-hópur. Hann er líka að reyna að hafa upp á "dóttur" Fischers.

Það sem virðist draga hann áfram er þörfin fyrir að vera í sviðsljósinu. Ég hef óljósan grun um að það sé ekki sama stefið sem dregur þig áfram.

Ert þú fornleifafræðingurinn Vilhjálmur?

Torfi Stefánsson (IP-tala skráð) 3.2.2008 kl. 18:49

12 Smámynd: Vilhjálmur Örn Vilhjálmsson

Já, ég er fornleifafræðingurinn Vilhjálmur. Þarf ekki að leyna neinu, hvað það varðar. Hvað með þig?

Gott að heyra að þú vitir að RJF hópurinn sé líka að reyna að hafa upp á dóttur Fischers. Því fleiri, því betra! Þeir voru þó ekki búnir að biðja yfirvöld á Filippseyjum um hjálp þegar ég gerði það. Vonandi hafa þeir einhverjar betri vísbendingar.

Ekki veit ég hvaða hvatir sá hópur hefur að leiðarljósi, en vona það sé ekki illska og vonska eins og sú er skín í gegn í skrifum þínum.

Góðar stundir Torfi, og ég bið að heilsa RJF hópnum næst þegar þú hittir hann.  Segðu okkur endilega fréttir af störfum þeirra. Þeir eru svo þöglir.

Vilhjálmur Örn Vilhjálmsson, 3.2.2008 kl. 19:25

13 identicon

Vonska sem skín úr skrifum mínum? Þú ert nú varla svara verður, þú sem talar um líkrán og ljúgvitni, þ.e. berð upp á fólk refsivert athæfi.

Þú mátt eflaust þakka fyrir að verða ekki lögsóttur fyrir meiðyrði. Þú ert kannski ekkert hræddur við að sem "Dani" því þar er lenska að níða fólk niður (helst þá sem hafa eitthvað á móti framferði Bandaríkjamanna og Ísraels í Miðausturlöndum) og bera tjáningarfrelsinu við?

Ég nenni ekki að fylgjast með bullinu í þér hér eftir, nema það berist mér til eyrna efir öðrum leiðum. Farvel Frans.

Torfi Stefánsson (IP-tala skráð) 3.2.2008 kl. 20:22

14 Smámynd: Vilhjálmur Örn Vilhjálmsson

Bless sí(ý)ra Torfi. Á nú að lögsækja fólk fyrir að reyna að hjálpa barni?

Vilhjálmur Örn Vilhjálmsson, 3.2.2008 kl. 20:32

15 Smámynd: Greta Björg Úlfsdóttir

Ég fæ ekki séð að það komi þessum Trausta, fyrrverandi presti, neitt við um hvað ég blogga, eða hvern/hverja ég vil styðja með mínum málflutningi eða af hvaða hvötum ég geri það.

Ég sé ekki að það komi honum neitt við, frekar en að dóttir Fischers kemur mér við, nema að því leyti að ég vil að það sé farið að landslögum og að réttlætinu sé fullnægt með því að ALLIR málsaðilar og hugsanlegir rétthafar séu teknir til greina þegar kemur að því að skipta búi eftir Fischer. Það er að segja ekki bara einn, ekki bara tveir og ekki bara þrír, heldur fjórir aðilar, það er að segja systursynir hans tveir, meint ekkja hans og DÓTTIR HANS, sem mér virðist vera að margir vilji helst gleyma að sé til.

Greta Björg Úlfsdóttir, 3.2.2008 kl. 21:00

17 Smámynd: Greta Björg Úlfsdóttir

Æ, já, hann heitir víst Torfi, en ekki Trausti, bull var þetta í mér!

Hefði átt að gefa auga leið, eins tyrfinn og hann er...

Greta Björg Úlfsdóttir, 3.2.2008 kl. 23:49

18 Smámynd: Greta Björg Úlfsdóttir

Vihjálmur, í tenglinum sem Eyjólfur gefur upp er búið að dubba þig upp í prófessor í guðfræðideildinni - hvernig líst þér á það?

Greta Björg Úlfsdóttir, 4.2.2008 kl. 12:33

19 Smámynd: Vilhjálmur Örn Vilhjálmsson

Er það í gamla eða nýja testamentinu? Líklegast hafa aðrir kallað Torfa "sýra" á undan mér. Það liggur í augum uppi.

Vilhjálmur Örn Vilhjálmsson, 4.2.2008 kl. 12:47

20 Smámynd: Hrannar Baldursson

Einnig hefur málið verið rætt í öðrum þræði á Skákhorninu, þar sem ég vogaði mér að segja mína skoðun á málinu.

Hrannar Baldursson, 4.2.2008 kl. 20:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband