Síminn til ykkar

 

Í Reykjavík heyri ég að SÍMINN hafi þurft að farga annarri auglýsingu Jóns Gnarrs í röð helgispjalla hans fyrir Mammon á skjánum.

Auglýsing númer tvö gerist á Golgötu. Jesús er kominn á krossinn en heldur þó enn á myndsímanum sínum og skeggræðir við föður sinn. "Af hverju faðir?" hrópar Jesús.

Guð svarar: "Sonur, þeir leituðu að Júdasi og fundann ekki, svo ég benti þeim bara á þig".

Sannast sagna veit ég ekki hvað segja skal um auglýsingu Gnarrs fyrir Símann. Ég er enn að hlæja að því er Jesús segir með þóttasvip: "Við erum hér, hvar ert þú?". Ég er enn að hlægja að því hvernig menn hafa gefið Símanum ókeypis auglýsingu með því að tala um þetta rugl.

Þessi ógeðfellda saga, þar sem Júdas, gyðingnum, er kennt um að hafa selt meistara sinn í hendur Rómverja, er tímaskekkja.

Meginspurningin er í raun hvort síminn, sem er verið að selja í auglýsingunni, sé ekki líka tímaskekkja? Hann er langt á undan tímanum á Íslandi, þar sem enginn venjulegur Jón hefur ráð á honum, ekki einu sinni fyrir 30 silfurpeninga.

 

Siðareglur Símans

Athugasemdir

[Sigurður Þór Guðjónsson, 9.9.2007 kl. 00:43]

Ég hef nú aldrei notað farsíma, hvorki af fyrstu, annarri eða þriðju kynslóð. Sumir eru á undan sinni samtíð en ég er langt á eftir minni samtíð.

[Vilhjálmur Örn Vilhjálmsson, 9.9.2007 kl. 20:26]

Bara rólegur, þetta er ekki mikið betra hjá mér. Ég var fyrst í síðustu viku að uppgötva hvernig maður getur sett nýtt kort í símann sinn þegar maður er í útlandinu og fengið nýtt númer í hverju landi. Nú er ég nefnilega staddur á Vestfjörðum að rannsaka mannlífið. Mér er sama hvort Jesús eða Móses auglýsa síma sem fólk getur ygglt sig í meðan það talar, ég kaupi ekki svoleiðis djöflavélar í bráð. Ég þarf líka svo mikinn tíma til að læra að ýta á takkana, að það tekur því einfaldlega ekki að tilheyra þriðju kynslóðinni. Ég líka á mót því að einhver græði á mér á óþarfa dillum.