Palestínumenn fremja skemmdaverk á fornleifum

Ég er fornleifafræðingur, og sem fornleifafræðingur fordæmi ég Palestínumenn fyrir skemmdaverk á fornminjum og vanvirðingu þeirra á heilögum stöðum annarra.

Myndu Íslendingar grafa skurði yfir þvera og endilanga Þingvelli? Palestínumenn grafa skurði á óhemjulegan hátt í helgustu borg heims.

Palestínumenn hafa umsjón með musterishæð í Jerúsalem. Gyðingar eru ekki velkomnir þar og hundruð saklausra manna hafa verið myrtar vegna æðis sem greip um sig er forsætisráðherra Ísraels leyfði sér að fara í heimsókn á Musterishæð. Fornleifavernd Ísraels þorir ekki að hvessa klærnar gegn þeim sem hafa umsjón með musterishæð.

Nú virðist sem frændi einhvers háttsetts preláta á Musterishæð hafi unnið útboðið í framkvæmdir á hæðinni. En Það er greinilega engin skipulagsstofnun til staðar og enginn áhugi á fornleifunum.

Sagt er að Musterishæð sé einn af heilögustu stöðum Íslam. En fer maður svona með heilaga staði?:

 

Eða svona?

 

Eða svona?

 

Það þurfti meira rafmagn í Al Aqsa moskuna. Þess vegna fór þessi eyðilegging fram.                                                                

Fornleifar, m.a. byggingarbrot með skreyti, gólfhellur úr marmara og öðrum aðfluttum steintegundum, og brot úr fornum gler- og leirílátum voru grafin upp án eftirlits fornleifafræðinga.

Svona skemmdaverk eru aðeins unnin í þjóðfélagi, þar sem eitthvað mikið er að. Hvers konar trú leyfir svona helgispjöll? Hvers konar virðingarleysi er rótin að þessum skemmdaverkum?

Gamla Jerúsalem hefur síðan 1981 verið tilnefnd til World Heritage listans, sem Þingvellir eru komnir á (ég var meðhöfundur að fyrstu skýrslunni til að kynna Þingvelli fyrir UNESCO apparatinu). En enn heyrist ekkert frá World Heritage bákninu (UNESCO) um eyðileggingar Palestínumann á fornleifum. UNESCO hefur einungis verið upptekið af því að banna Ísraelsmönnum að stunda fornleifarannsóknir í hinni fornu borg.

Hér getið þið séð nýjasta glæpavídeóið frá Musterishæð.

Hér getið þið mótmælt eyðileggingunni.

PostDoc hefur áður skrifað um þetta efni: http://www.postdoc.blog.is/blog/postdoc/entry/124173/

Athugasemdir

[Arnar (IP-tala skráð) 28.8.2007 kl. 14:22]

Til hamingju, þér hefur tekist að fá mig til að taka þátt í bloggi, eitthvað sem ég ætlaði aldrei að gera og vona að gerist ekki aftur.
En..

"Svona skemmdaverk eru aðeins unnin í þjóðfélagi, þar sem eitthvað mikið er að."

Vá hvað ég varð reiður að lesa þessa einu settningu. Miklu reiðari en yfir skemmdunum sem þú fjallar um, sem ég er alveg sammála um að eru á engan hátt afsakanlegar.

Þú ert hinsvegar að tala um Palestínu, þjóð sem hefur verið haldið í flóttamannabúðum í fjölda ára (man ekki hvort það eru þrjátíu ár eða fjórtíu, einhverstaðar þar á milli eða jafn vel meira) þar sem þar er skortur á öllu. Og þá er ég ekki bara að tala um kúgun af völum ísraelsmanna og afskiptaleysi alþjóðasamfélagsins heldur býr þessi þjóð við borgarastríðjöld, sem virðist ekki vera mikill vilji til að stoppa. Fyrir utan þetta ástand er náttúrulega skortur á allir opinberi þjónustu (td. heilbrigðisþjónustu), vatni, matvælum og svo mætti lengi telja.

Svo, já, það er eitthvað mjög mikið að í Palestínu. Svona ef þú hefur ekki tekið eftir því. Fornleifar eru örugglega ekki ofarlega á blaði í hugum fólks þar.

[Linda, 28.8.2007 kl. 14:39]

þetta er bara annað dæmið um hatrið sem Arabar og trú þeirra hefur í garð Ísraela/Gyðinga.  Þeim þykir óþolandi að vita til þess að nánast alfarið eru það menjar Gyðinga sem koma upp þegar grafið er á þessu svæði sem vitanlega sannar bara það sem þeir vilja ekki gangast við að þetta er helga landið.  það stendur í ritningunni að það munu koma tímar að jafnvel steinarnir munu hrópa sannleikan, sem fornleifafræðingur þá skilur þú væntanlega hvað er átt við hér.  

Þakka þér fyrir að skrifa um þetta, ég bið Guð að blessa þig og varðveita. 

[Vilhjálmur Örn Vilhjálmsson, 28.8.2007 kl. 15:06]

Til hamingju með það Arnar, og vertu velkominn.

Við erum að tala um Austur-Jerúsalem! Ekki Gaza. Við erum að tala um svæðið sem er 20 metrum yfir hausmótunum á gyðingunum sem biðja við Grátmúrinn og sem endrum og eins eru grýttir ofan frá af skríl sem nýkominn er úr guðshúsum sínum á hæðinni. Náungakærleikurinn virðist ekki kenndur í þeim guðshúsum.  Arabar í Austur-Jerúsalem hafa allt til alls, en eyðileggja samt fornleifar. Það er með öllu óskyljanlegt!

Mig langar að minna þig á, að þegar Íslendingar voru að drepast úr hor og óáran, gátu þeir jafnvel hugsað um fornleifar og sendu um það skýrslur til Kaupmannahafnar. Að hafa áhuga á fortíð sinni og menningu og sjá hana í ljósi annarra menningaheima, án þess að vilja kremja aðra menningaheim undir járnhæl fávisku, öfga og illkvittni, er merki um að í landinu sé menning.

Fornleifar ættu að vera ofarlega í hugum Palestínumanna. En því miður virðist aðeins eitt koma að.

Þessi óvirðing við minjar annarra menningarheima en Íslams fer reyndar ekki aðeins fram í Palestínu. Hún hefur verið skipulögð aðgerð Íslams. Eyðilegging Talibana á minjum Búddatrúarmanna í Afganistan er gott dæmi og hvað var gert við einn elsta grafreit gyðinga í Bagdad á Sýrlandi? Honum var ýtt burtu með jarðýtum þegar byggður var nýr vegur út á flugvöll borgarinnar.

Arnar, þú virðist styðja baráttu Palestínumanna, það skil ég. En þú gerir það sama hvað það kostar. Það er mjög auðvelt þegar maður situr uppi á Íslandi og tilheyrir þjóð sem aldrei hefur verið sótt að. Mér þykir það miður. En engin þjóð hefur rétt á því að eyðileggja menningarminjar, sama hvað hún er hrjáð og vesæl.

[Arnar (IP-tala skráð) 28.8.2007 kl. 16:30]

Man ekki betur en íslendingar hafi étið þessi merkilegu handrit eða saumað úr þeim skó, amk. þeim sem grotnuðu ekki niður í skítugum moldarkofum, þanngað til ónefndur Árni hóf að safna þeim með skipulögðum hætti.

Ég er svo sem engin sérstakur stuðningsmaður málstaðs palestínu, aðgerðir þeirra sjálfra eru ekki líklegar til að afla stuðnings hjá mér alla vega.  En ég get vel ímyndað mér að þeim líði svipað og okkur ef Norðmenn kæmu or hernæmu ísland á þeirri forsendu að það hafi jú verið norskir landnámsmenn sem námu hér land með skipulögðum hætti, smöluðu öllum íslendingum saman á td. Melrakkasléttu og reistu gaddavírsgirðingu í kring.

En það var svo sem ekki það sem ég ætlaði að nöldra yfir heldur þessi settning:

"Svona skemmdaverk eru aðeins unnin í þjóðfélagi, þar sem eitthvað mikið er að."

Jú það er mikið að Palenstínsku þjóðinni.  Kúgun elur af sér hatur, hatur leiðir til ofbeldis, ofbeldi leiðir til kúgunar.

Hefði ég tekið mér smá tíma til að skoða síðuna þína áður en ég svaraði þá hefði ég örugglega fattað að þegar samskipti Ísraels og Palestínu lítur málið svoldið einhliða út gagnvart þér.  Ég mun því ekki eyða meiri tíma í að reyna að útskýra fyrir þér hversu fáránleg þessi settning hljómar í eyrum þess sem sjá ekki heimin bara í svörtu og hvítu.

[Vilhjálmur Örn Vilhjálmsson, 28.8.2007 kl. 16:52]

Nei Arnar, þú sérð líklega hlutina í öllum regnbogans litum, enginn vafi á því. "Kúgun, hatur og ofbeldi" er það sem Ísraelar stunda og Palestínumenn eru saklaus lömb, sem verða að sprengja börn og aðra saklausa málefnum sínum til stuðnings. Greinilega ekkert svart og hvítt hjá þér. Hvað með að kynna sér málin aðeins betur.

Ísraelsmenn hafa margoft boðið Palestínskum yfirvöld aðstoð við framkvæmdir á Musterishæð. Það er ávallt afþakkað. Þess vegna hlýtur þessi eyðilegging að fara fram að yfirlögðu ráði. Er það barátta við ofbeldi Ísraela?  Eða er þessi skemmdaverk örþrifaráð vegna ofbeldis Ísraelsmanna? Ja, hvað heldur þú? Kannski hefurðu litað of mikið í litabók hugaróranna.

[Loftur Altice Þorsteinsson, 28.8.2007 kl. 18:05]

Vilhjálmur, þú segir réttilega:

Svona skemmdaverk eru aðeins unnin í þjóðfélagi, þar sem eitthvað mikið er að.

Málið er samt það, að ekki er bara um að ræða "þjóðfélag" (Palestínu-manna) heldur heilan "menningarheim", þar sem mönnum er tamt að vinna skemmdarverk. Þetta er heimur múslima. Þessu fólki er "mörgu hverju" byrgt allt andlegt útsýni. Við fáum stöðugt að heyra hvað allt sem viðkemur þessum aumkunarverðu trúarbrögðum er heilagt. Allt utan þessa heims er af múslimum talið vanheilagt og réttdræpt.

Þetta á svo sannarlega við um menningar-minjar. Múslimar leggja gjarnan á sig erfiði til að eyðileggja það sem öllu mannkyni er heilagt. Búdda stytturnar í Bamiyan héraði í Afganistan er gott dæmi. Engum nema múslimum hefði getað dottið í hug að eyðileggja þessar styttur, hvað þá heldur að framkvæma þá hugdettu. Hér er frétt af þessu "afreki" Talibana: Footage shows Buddhas blast

Svo lesum við að einhver Arnar á Íslandi er voða reiður, við að lesa setninguna hans Vilhjálms. Hann segir:

Vá hvað ég varð reiður að lesa þessa einu settningu. Miklu reiðari en yfir skemmdunum sem þú fjallar um, sem ég er alveg sammála um að eru á engan hátt afsakanlegar.

Mér er sem ég heyri hann einnig muldra:

Allahu Akbar (Al-ilah er mikill) og Ma Sha'Allah (verði Al-ilahs vilji ).

Eru engin takmörk fyrir mannlegri lágkúru ?

[Sigurður M Grétarsson, 28.8.2007 kl. 21:16]

Hva. Hvenær fór Gunnar Birgisson til Palestínu?

[Predikarinn - Cacoethes scribendi , 29.8.2007 kl. 03:11]

Þökk fyrir góðan pistil dr. Vilhjálmur Örn. Þörf ábending.

Musterishæðin er í raun Heilagur staður okkar allra, þ.e. hafi musteri Salómons í raun og veru staðið þarna. Eitthvert merkasta musteri Guðs okkar sem erum af  þessari góðu Hebreatrú.

[Gestur Halldórsson, 2.9.2007 kl. 23:42]

Hryllilegt að sjá. Þessi gröftur er ekki eins og siðmentuð þjóð stæði að þessu, og er það furða að þessar framkvæmdir skulu ekki hafa verið stöðvaðar strax á svona viðkvæmu svæði sem tilheyrir okkur öllum. Við þessar aðstæður færi betur að nota spaða og teskeið en vélskóflur og slík tæki.

En því dýpra sem ég stúdera íslamstrú, er ég þess samfærðari um að ráðgjafi Múhameðs hafi verið fallin engill.