Hin upprétta hönd

Trú og stjórnmál eru mannlegir veikleikar. Ekki er alltaf jafnauðvelt að deila við trúaða og hættulegt getur verið að deila um stjórnmál. Sérstaklega þegar hin upprétta hönd er hátt á lofti. 

Myndaserían hér á eftir er ekki tengd Páfanum í Róm á neinn hátt, eða þeim kaþólikkum, lærðum sem leikum, sem börðust gegn nasismanum og voru myrtir á hrottalegan hátt fyrir baráttu sína. Heiðursfólk er sem betur fer alltaf til. Myndirnar hér á eftir eru hugsanlega líka teknar í óþökk einhverra prelátanna, en sumum virðist líka nærvera Hitlers allvel.

 

 

En hin upprétta hönd hefur víðar verið vinsæl

Þessir karakterar sækja líka styrk sinn hjá Guði

Arnold líka

Íslenska fánanum var reyndar í mörg ár heilsað í svona stellingum í kristilegum sumarbúðum á Íslandi . Menn sem gerðu það eru líklega fyrir löngu orðnir smápáfar. Gaman væri að vita hvort enn sé verið að.

Viðbót: Hitler sem dýrlingur eða þjóðhöfðingi í kirkju í Berlín? Eða var verið að þakka honum fyrir Nürnberglögin frá 1935?

Athugasemdir

[Jón Valur Jensson, 8.7.2007 kl. 23:35]

Athugaðu, að Hitler var það, sem kallast þjóðhöfðingi. Ennfremur skiptir allnokkru máli, hvenær myndirnar voru teknar. Hitler var ekki orðinn sá "Hitler", sem það nafn stendur nú fyrir (í fyllstu merkingu þess), fyrr en að minnsta kosti fimm árum eftir valdatöku hans.

[Vilhjálmur Örn Vilhjálmsson, 9.7.2007 kl. 02:56]

Nei, Skúli, Jesús kenndi ekki mönnum að heilsa svona, og vart hafa Rómverjar sem urðu á leið hans heilsað svona á hann.

Jón Valur, Hitler var kosinn kanslari árið 1933, m.a. með góðri hjálp kaþólsks stjórnmálalokks. Hitler notaði auðvitað kirkjuna til að ná til fólksins, en kirkjan gerði heldur ekki neitt afgerandi til að koma í veg fyrir það. Hitler var orðinn sá Hitler sem hann var þegar myndirnar að ofan voru teknar/gerðar. Fjölmargir gyðingar fundu strax fyrir kynþáttalögum hans frá 1935. Kirkjan gerði heldur ekki neitt til að reyna stöðva þau. Hér á ég líka við mótmælendur. Hitler var ekki þjóð"höfðingi". Hitler var eitt stærsta slys Evrópu, og kirkjurnar lentu illilega í því, en gátu sjálfum sér um kennt.  Saklaus er kirkjan ekki, aðeins Jesús, og hann var líka myrtur í Auschwitz, enda gyðingur.

[Jón Valur Jensson, 10.7.2007 kl. 01:17]

Ljótt af þér að segja þetta um kaþólska miðjuflokkinn, Vilhjálmur. Lestu spennandi frásögn Einars Laxness sagnfræðings af þeim örlagaríku dögum 1933 í ritgerð hans sem endurbirt hefur verið bæði í afmælisriti hans og Ólafs Hanssonar. Þá endurskoðar þú dóm þinn. (Nánar síðar, ef ég nenni.)

Nazisminn var viðbjóður sem misnotaði allt og alla, beitt lymskulegri slægð til að kúga jafnt kirkjur sem verkalýðsfélög til hlýðni. Þér eiga þó að vera kunn dæmin mörg um andóf gegn þeirri kúgun.

Veit ég vel, að Hitler var alslæmur strax í Mein Kampf, en verk hans voru þó ekki orðin hrikaleg á hans eigin (þ.e. síðari) mælikvarða fyrr en verulega var liðið á 4. áratuginn.

Og víst var hann 'þjóðhöfðingi' í objektífri merkingu, þ.e. ríkiskanzlari, æðsti maður ríkisins, þótt hann kæmist að völdum með brögðum, blekkingum, broti gegn þingræðinu og kosningasvikum og beitti þeim sínan með glæpsamlegum hætti. Höfðingi í jákvæðri merkingu var hann aldrei, þótt hæfileika hafi hann haft mörgum fremur sem heimsins maður -- en ekki Guðs.

En vel mælirðu um Jesúm.

[Jón Valur Jensson, 10.7.2007 kl. 01:27]

Brüning, Otto Wels og sósíaldemókratarnir eru mínar hetjur frá þessum andlátsdögum Weimarlýðveldisins, en örlagahjólið snerist svo hart á móti þeim, að það setur að manni grun um, að einhver meining hafi jafnvel verið með þessu öllu saman þrátt fyrir hörmungar næstu 12 ára ... Og bless nú í bili.

[DoctorE (IP-tala skráð) 10.7.2007 kl. 09:38]

Ég sé enga tengingu á milli kaþólsku kirkjunnar og eða annarra skipulagðra kristilegra trúarbragða við  Jesú.

Sorglegt en satt engu að síður

Jesú myndi sparka í rassinn á öllu þessu liði.

[Vilhjálmur Örn Vilhjálmsson, 10.7.2007 kl. 11:31]

Maður í sandölum sparkar ekki í rassinn á fólki.

[Linda, 10.7.2007 kl. 15:30]

Ég vildi bara nota tímann og þakka þér fyrir þörf skrif.  Fólk er í afneitun í ríkara mæli varðandi Gyðinga og sögu þeirra.  Kaþólikkar voru ekki einu kristnir sem komu að ódæði Hitlers og hans vibba flokks.  Enn sem betur fer er fleiri sögur þess efnist að Kristnir þá á ég við Kaþólikka líka ekki bara mótmælenda trúar gerðu margt til þess að koma Gyðingum undan þessum morðóðu hundum, og fyrir það varð þeim refsað með Gyðingum.

á mínu bloggi www.vonin.blog.iser hægt að finna umræðu um ofbeldi gegn kristnum í heiminum í dag.  Því ekki er hægt að komast hjá því að Íslamistar vilja eyða okkur (kristnum)jafn mikið og þeir vilja Gyðingum.  Ég man ekki hver það var sem sagði þetta "fyrst the Jews and then the Christians"!.

Guð blessi þig.

Linda.