Vísifingurinn hátt á lofti

Wolfowitz er óæskilegur  á Íslandi vegna brota á siðareglum? Það tilkynnti Valgerður Sverrisdóttir honum að minnsta kosti fyrir hönd ráðherra Eystrasaltsráðsríkjanna, sem halda áttu fund með Wolfowitz á föstudaginn var. 

Hvað með alla glæpamennina sem sækja "Eystrasaltsríkin" heim?

Hvað með Hamas samtökin sem Valgerður Sverrisdóttir vill komast í stjórnmálsamband við??

Kannski var það Wolfowitz, sem var glaðastur yfir því að þurfa ekki að vera með þessu liði á Íslandi?

P.s. 8.5.2006. Sama hvað ég reyndi, þá tókst mér ekki að blogga þessa færslu við frétt Morgunblaðsins um efnið í gær. Það hefur aldrei gerst áður. Ég hafði sambandi við utanríkisráðuneytið á Íslandi og í Danmörku í gær til að reyna að fá að afrit af bréfi ráðherranna til Alþjóðabankans, þar sem fundurin með Wolfowitz var afþakkaður, en mér var tjáð að það yrði ekki birt! Þess vegna skrifaði ég bréf til Per Stig Møllers, danska utanríkisráðherrans (og afrit til Valgerðar) og bað um eintak. Ég birti bréfið þegar ég fæ það, en hér getið þið lesið það sem ég skrifaði Per Stig Møller.

P.p.s 8.5.2006. Embættismaður í danska utanríkisráðuneytinu, T. Thygesen, sendi mér tölvupóst þess efnis, að danska utanríkisráðuneytið hafi ekki afrit af bréfi Valgerðar Sverrisdóttur til Alþjóðabankans. Nú hef ég beðið Valgerði um afrit.

Athugasemdir

[Ólafur Þórðarson, 7.5.2007 kl. 17:26]

Gæti verið. Hver nennir að fara í blessuðu rigninguna, eins holl og hún er.

Annars eru semítar breiður hópur og alls ekki bundnir við Gyðinga. Skoðaðu þetta og sjáðu að Arabar ofl flokkast líka undir semíta. Anti-semítismi ætti í raun réttri að skilgreinast sem hatur gegn þeim hvers kúltúr flokkast undir þessa skilgreiningu, Gyðingar þ.m.t. Persónulega er mér slétt sama hvort Wolfowitz flokkast undir þetta eða hitt. Hann er bara hluti af stríðsbraski sem átti engann rétt á sér fyrir það er nauðsynlegt að minna hann á hans hlutverk og afleiðingar. Brot á siðareglum á ekki að líða, eftir því í hvaða "flokki" þú ert.

Gangi þér vel.

[Vilhjálmur Örn Vilhjálmsson, 7.5.2007 kl. 17:55]

Hann Róbert Björnsson flugmaður, sem áðan var að tjá sig um semíta á blogginu þínu er oft úti að fljúga. En þú ert greinilega á geimgöngu, eins og myndin af þér er til vitnis um. Hvar hef ég skrifað um "Semíta"? Nota ekki það orð, nema helst með anti- á undan. Þakka samt fyrir upplýsingarnar. En þú veist líka að "semítar" geta líka verið antí-semítar, eins og t.d. Palestínumenn, en það er þó algengara að sjúkdómurinn sé svæsinn í Evrópu, þmt á Ísland (sjá)

Áminning sú sem verið er að matreiða ofan í Wolfowitz, trúi ég að verði nokkuð sér á báti. Ég leyfi mér líka að minna ábendingargjarna menn með stóra rauða vísifingur á það, að minna Valgerði Sverris og kollega hennar á að vera ekki að bjóða til sín morðingjum og óbótamönnum á næstunni, körlum sem hafa gert margt verra en að gefa kærustunni sinni launahækkun og bitlinga.

Hvernig er þarna á eyjunni þinni, getur þú þverfótað fyrir semítum og Wolfowitz týpum?

En það var sem sagt ekki ég sem var að gefa kommenta á semíta. They must be on your mind in the Big Apple.

[Ólafur Þórðarson, 7.5.2007 kl. 18:10]

Ég sá nú bara á vefsíðu þinni að þú ert með allsk áhugaverðar upplýsingar vinstra megin um Anti Semitism in Iceland. Danska kónginn og Holocaust etc. Allt ábyggilega áhugavert og ég kíki á það við tækifæri. "Must be in you mind" next to the lille havfrue með de smukke æbler ;-)

Jú hér í New York er ábyggilega stærsti gyðingahópur í heiminum utan Ísraels. Er það ekki bara eðlilegasti hlutur? Ein þeirra var kærasta mín á tímabili, úps, reyndar tvær. Bráðskemmtilegar konur. Annars eru gyðingar voða ólíkir, hef t.a.m. hitt gyðinga sem er meinilla við aðra gyðingahópa. Einn sem ég vann með stuttlega talaði um ákveðinn gyðingahóp sem úrkynjaða-eitthvað og að hann hataði þá heilshugar. Taldi upp langann lista af athugasemdum. Svo vann ég annars staðar með öðrum gyðing sem hataði sama hóp líka. Sjálfur held ég mig nú á hlutlausu mottunni, en manni er stundum spurn hvar "Semítahatur" byrjar og endar. Eða hvort stundum sé verið að notast við stikkorð sem er létt að nota gegn fólki, peripheral meining þess sem er mjög algeng.