Eru læknar hafnir yfir lög og reglur á Íslandi?

Tómas Guðbjartsson heitir íslenskur skurðlæknir sem mikið var í fréttunum þegar íslenskir læknar hótuðu sér til hæstu launa í sögu Íslands. Þessi sami Tómas hefur nú verið hreinsaður af sjúkrahúsi í Svíþjóð fyrir þátttöku sína í misheppnaðri skurðaðgerð, þar sem plastbarki var græddu í Erítreumanninn Andemaria Beyene sem stundaði doktorsnám í jarðfræði á Íslandi.

Tómas lýsti því yfir að "þungu fargi væri af honum létt, þegar sjálfsótthreinsandi skýrsla Karolinska spítalans í Stokkhólmi birtist fyrir nokkrum dögum. Þar var ásökunum Bengt Gerdins fyrrv. prófessor í Uppsölum um að ítalski læknirinn Paolo Macchiarini hafi framið brot afneitað með afar vafasömum rökum. Mat sjúkrahússins á sjálfu sér og starfsmönnum sínum er auðvitað ekki hlutlaus dómur.

Nils Eric Sahlin formaður siðanefndar hjá sænsku vísindaráðinu segir nú, að skýrsla Karólínska sjúkrahússins um barkaaðgerðir ítalska læknisins Macchiarini sem kynnt var í síðustu viku - sé skandall.

Íslensk siðanefnd verður að taka á aðgerð Tómasar og Óskars Einarssonar, sem unnu með Paolo Machiarini. Til hvers höfum við annars siðanefndir? Eru íslenskar siðanefndir bara til þess að sýkna lækna sem gera mistök og til að bjarga kollegunum fyrir horn?

Paolo Macchiarini er einn af þessum ítölsku læknum sem tekst að sannfæra allt og alla um yfirnáttúrulega getu sína. Við höfum séð þá nokkra, t.d. náungann Sergio Canavero, sem nú stefnir að því að græða höfuð á fólk - eða læknirinn Tullio Simoncini sem hélt því fram að hægt væri að lækna krabbamein með bökunarsóda. Þessir lassarónar eru fyrst fremst að hugsa um bankareikninginn sinn og frægðina. Paolo Macchiarini er nú orðinn frægur af endemum og samstarfsmenn hans einnig.

Ef siðanefnd í læknisfræði undir Vísindaráði Svíþjóðar telur ástæðu til að tala um skandal, ættu ábyrg, íslensk yfirvöld vitaskuld að hefja rannsókn á aðkomu tveggja íslenskra lækna sem unnu í samvinnu við Macchiarini. Ábyrgð meðverkamanna Macchiarinis er mikil og laun þerra eftir því. Hæstu launum fylgir ósjaldan mesta ábyrgðin! Kannski eru launin hjá þeim sem sitja í siðanefndum á Íslandi of lág til að nokkuð sér gert. Kannski dæma læknar sig sjálfir?

Athugasemdir

[Sigurður Þór Guðjónsson, 2.9.2015 kl. 17:22]

Maður er auðvitað ekki dómbær á hvorki aðgerðina né skýrslu sjúkrahússins. En láttu þér ekki detta í hug að íslenskaar læknasiðanefndir eigi eftir að skipta sér að málinu. Nú verður bara látið eins og þessi Nils Eric Sahlin sé ekki til og svo heldur lífið bara sinn vanagang.

[Jóhann Kristinsson, 2.9.2015 kl. 20:21]

Svarið við spurningunni er Já og hefur alltaf verið.

Kveðja frá Houston

[Halldór Egill Guðnason, 2.9.2015 kl. 21:33]

Í seinni heimsstyrjöldinni höfðu ítalskir skriðdrekar fjóra gíra áfram, en ellefu afturábak. Síðan þá hefur lítið breyst á Írtlaiu. Īslendingar áttu þá enga skriðdreka og fóru því hvergi, nema eftir hentisemi. Læknar eru líka fólk, en ekki óskeikult frekar en Mussolini sjálfur. Verst að sjá hve auðveldlega sakir gleymast hér á landi.

Góðar stundir, með kveðju að sunnan.