Ritað á liminn

 

Þeir sem skrifa opinberlega á blogg og eru ekki sammála öllu því sem er til vinstri við hægra eystað á Jóni Baldvini Hannibalssyni, hljóta að þekkja Sindra Freysson heimsspeking blaðamann og rithöfund, sem gerir oft athugasemdir hjá þeim, sem hann telur hafa rangar skoðanir á hlutunum í heiminum.

Eins og allir rétthugsandi fór Sindri á fyrirlestur guðsspjallamannsins Chomskys í Háskólabíói í gær. Sindri Freysson greinir frá því á fésbók einhvers staðar, að lýðurinn hafi eftir fyrirlesturinn flykkst að spámanninum. Þarna kepptust lærðir og leikir, ærðir sem veikir við að fá handaálagningu eða áritun Chomskys.

Skyndilega stendur heilagur Chomsky með gervilim í fanginu og tússpenna í hendinni. Straumurinn fór af neongeislabaugnum eitt andartak, og mátti heyra saumnál detta á plastgólfið í bíóinu. Noam mundar svo tússið og krassar CHOMSKY á liminn og tautar,"Well, that´s a first". Varð Sindri Freysson vitni að þessari jarteikn, og hún er smámsaman að komast í heimsfréttirnar.

Það sem Sindri Freysson veit ekki er, að eigandi limsins ætlar aldrei að þvo hann aftur. Það sagði hann þegar hann haltraði út um SV-útganginn. 

Maðurinn, sem sést hér að ofan með Chomsky, sem í sumar hélt því fram opinberlega, að ég væri njósnari Mossad, (og telur mig þar með væntanlega líklegan til að hafa staðið á bak við árásina á Tvíburaturnana), fékk handaálagningu hjá Chomsky. Það hljóta að vera smá sárabætur fyrir að stofnun Palestínska stórríkisins hefur verið frestað vegna veðurs, meðan menn bíða eftir stórsóknum Ottómanska Kalífatsins og þræla Faraósins á eina frjálsa ríkið í Miðausturlöndum?

Áður en Chomsky blessaði lýðinn, blessaði múmínsnáðinn við Tjörnina hann í morgunsólinni.

Athugasemdir

[Sigurður Þór Guðjónsson, 10.9.2011 kl. 18:31]

Farðu nú að róa þig niður áður en þú færð limafallssýki.

[Axel Jóhann Hallgrímsson, 10.9.2011 kl. 21:44]

http://thorsteinnscheving.blog.is/blog/thorseinnscheving/entry/1190336/

[Vilhjálmur Örn Vilhjálmsson, 11.9.2011 kl. 05:51]

Já, Axel Jóhann, hann Steini von Schewing fjarfrændi hans Schevings í Latabæ hefur ekki fengið góðu genin. Hann trúir öllu sem hann hoppar um og heilinn í honum gerir undarlegar kraftspyrnur til að fullvissa menn um rugl. Von Skewing var bannaður á mínu bloggi um árið eftir langvinnar árásir með gyðingahatri og helfararafneitun.

Sigurður Þór, elsku kallinn minn, ég geng á stubbum og skrifa áfram með blóðugum kjúkunum. Þegar heil kynslóð fólks virðist telja orðagjálfur 82 ár bakvasaheimsspekings merkilegt, þá eru landsmenn mínir vitlausari en ég hélt. Fékkstu nokkuð handaálagningu hjá Chomsky? Þú ert ekki einfætti maðurinn?

[Sigurður Þór Guðjónsson, 11.9.2011 kl. 13:32]

Ég veit sáralítið um Chomsky og er hvorki aðdáandi hans né hatursmaður. Hins vegar ber ég hag þinn mjög fyrir brjósti. Ég hef það fyrir satt að menn geti misst alveg andlitið af bráðri og ekki síður langvinnri limafallssýki. Og ég vil alls ekki að þú missir andlitið!

[Vilhjálmur Örn Vilhjálmsson, 11.9.2011 kl. 15:00]

Mér þykir þú í meira lagi vel informeraður um mína limi, Sigurður Þór. Gamlir menn eiga ekki að vera að hugsa um slíka hluti, það er ekki hollt.