Hollensk kona hengd í Íran

 

Ef til vill eru það hengingar sem "róttækir" Íslendingar sækja í, þegar þeir halda á vit menningarinnar í Íran. Jóhanna Kristjónsdóttir er ein af þeim sem miðlar menningu núverandi Íransríkis til Íslendinga og rekur ferðamiðlun fyrir fólk sem af einhverjum ástæðum, frekar sjúklegum, vill til Írans og annarra ríkja þar sem mannréttindi eru fótum troðin. Maður spyr sig, hvort kvenfyrirlitningin í Íran sé ekki nægileg til að það eineygða fólkið í fjölmenningardisneyworldinu, sem ferðast með Austurlanda-Jóhönnu haldi sig frekar heima við en akkúrat að vera að álpast þangað sem fólk er hengt eða grýtt fyrir hið minnsta andóf. En kvalarlosti gamalla komma þekkir víst engin landamæri.

Hollensk kona, hin 46 ára Zahra Bahrami, sem var fædd í Íran, var í gær hengd í Íran. Hún tók þátt í mótmælum í Íran fyrir rúmu ári og var fangelsuð. Svo var hún, eins og margir óvinir Íranskra stjórnvalda, ásökuð um að hafa verið bendluð við smygl á eiturlyfjum og er sögð hafa verið með kókaín í fórum sínum. Eins og þið vitið líklegast öll, er Íranstjórn sjálf stærsti útflytjandi á eiturlyfjum í heiminum.

Legg ég til að hóparnir hennar Jóhönnu Kristjónsdóttur heimsæki í staðinn eina landið í Miðausturlöndum sem ekki vanvirðir grundvallarmannréttindi. Já, Ísrael, elskurnar mínar, landið sem þið hatið.

Svipmynd frá Tehran:

 

Sjáumst í Tehran elskurnar mínar!

Þessi öldnu hjón frá einhverju elliheimilinu á Fróni mæla með Íranferðum. Þau virðast vera alveg ólm eftir því að komast í tæri við menningu Amadinejads, Ghadaffís og Assads.

Athugasemdir

[Jón Gunnar Bjarkan, 30.1.2011 kl. 07:34]

Og hvar fékkstu þá flugu í hausinn að Ísrael virði grundvallamannréttindi?

[Vilhjálmur Örn Vilhjálmsson, 30.1.2011 kl. 08:04]

Það veit ég Jón Gunnar, og sé það vegna þess að ríki og öfgaríki innan ríkjanna í nágrenni Ísraels vilja Ísraelsríki feigt - vegna þess að nágrannar Ísraelsríkis lifa ekki við grundvallarmannréttindi og hafa aldrei gert og geta ekki unað því að til sé ríki í Miðausturlöndum sem virðir rétt borgara sinna.  Ég er þó ekki að tala um þá borgara og erlend öfl, sem vilja Ísraelríki feigt, dauða yfir gyðinga og sem sprengja sig á götum Ísraelsríkis til að myrða sem flesta Ísraelsmenn. Það eru öfgamenn og hryðjuverkafólk sem ekki vill lýðræði.

Ert þú kannsku líka stuðningsmaður útrýmingar Ísraels, eins og Íransríki, sem Jóhanna Kristjónsdóttir rómar? Mér sýnist það:

http://thorsteinnscheving.blog.is/blog/thorseinnscheving/entry/896491/

[Jón Baldur Lorange, 30.1.2011 kl. 09:59]

Mér finnst það ótrúlegt að kona sé hengd í Íran vegna þátttöku í mótmælum og enginn íslenskur fjölmiðill fjallar um málið. Eða var fjallað um þetta einhversstaðar?

[Vilhjálmur Örn Vilhjálmsson, 30.1.2011 kl. 10:32]

Sæll Jón Baldur: Það eru fréttir um þetta á BBC og í hollenskum og dönskum fjölmiðlum og hjá Amnesty International osfr. 

http://www.rnw.nl/english/article/iranian-dutch-woman-zahra-bahrami-hanged-iran

http://www.bbc.co.uk/news/world-middle-east-12314886

og þú spyrð af hverju er þetta ekki í íslenskum fjölmiðlum? Jú, vegna þess að blaða- og fréttamenn á Íslandi er einstaklega eineygðir og heila augað er venjulega með alvarlega sjónskekkju. Verst er þetta á RÚV. Þar búa menn til fréttir.

[Eygló, 1.2.2011 kl. 13:50]

Ferðamenn sem þyrpast hingað til lands ... eru skv. því væntanlega hingað komnir til að fylgjast með íslenskum stjórn- og dómsmálum.

 Ekki veit ég hvort beðið hefur verið um leyfi fyrir þessari myndbirtingu (e.t.v. er þetta "opinber" mynd) Full ástæða væri þá e.t.v. að hafa réttan og viðeigandi myndatexta. En auðvitað er það skilgreiningaratriði að vera "aldinn" og hvað teljist til "elliheimila" :)

[Vilhjálmur Örn Vilhjálmsson, 1.2.2011 kl. 17:03]

Sæl Eygló. Á Íslandi eru menn ekki hengdir inn um ferðamennina, nema kannski fyrir að segja sannleikann. Þeir eru ekki leiddir á "réttri" leið af einum af mörgum starfsmönnum fjölmargra deilda leynilögreglu ríkisstjórnarinnar. En þannig er það hins vegar í Íran. Ef maður segist vera guð á Íslandi, er í hæsta lagið hlegið af manni, en í Íran er maður hengdur fyrir þær "sakir". Allir vita auðvitað að Amadinejad er guð. 

Ég hengi allar myndir, sem eru siðsamlegar, jafnvel af spámönnum, á mitt blogg. Myndin af heiðurshjónunum hér að ofan, (sem samkvæmt áreiðanlegum heimildum tilheyra forgangsstétt af frekum forgangsárgangi sem réði á tímabili öllu á Íslandi þótt árgangurinn væri mestmegnis með vafasamar gráður frá sænskum háskólum), var sett á netið án ábendinga eða fyrirskipanna um að upphafsrétt. Derfor, min ærværdige frue.