Siðleysi Ögmundar á sér forsögu

 

Auðvitað axlar Ögmundur Jónasson enga ábyrgð. Það hefur hann aldrei gert. Hann hefur ævilangt verið heillaður að mannfjandsamri stefnu, sem í sumum ríkjum heimsins olli dauða milljóna manna. Því skyldi einhver fauskur á Íslandi, sem aðhylltist tálsýnir kommúnismans, iðrast eða bera ábyrgð á nokkrum sköpuðum hlut?

Það er lítilmótlegt að sjá Ögmund Jónasson taka sér þann rétt að gagnrýna Hæstarétt úr pontu á Alþingi. Þegar lýðskrumarar eins og Ögmundur byrja að gera lítið úr æðsta stigi dómsvalds á Íslandi, er illa komið fyrir lýðræðinu, og reyndar líka almenningi sem löglega kaus þá fulltrúa, sem samþykktu þau lög sem dómstóllinn dæmir löglega eftir. Ögmundur gerir einfaldlega sekan um að vera kominn á 1. hættustigið í tilurð einræðisríkisins. Það gerist nefnilega þegar öfl í þjóðfélaginu lýsa frati á löglegar stofnanir þjóðríkis og gefa í skyn að þeim sé ekki treystandi, þó svo þær fari að lögum. Að dómsmálaráðherra og mannréttindaráðherra leyfi sér svo afbrigðilega hegðun er enn alvarlegra, ekkert minna en óforkastanleg hegðun.

Ögmundur ber ekki virðingu fyrir lýðræðinu þegar hann segir að það sé réttur sinn að gagnrýna Hæstarétt í máli, þar sem dómstóllinn hefur komið að einhljóða niðurstöðu um að undirbúningur og framkvæmd kosninga til Stjórnlagaþings hafi verið ólöglegur. Ábyrgðin á þeirri handvömm og lélegum undirbúningi kosninganna liggur hjá Ögmundi og ríkisstjórninni. Stjórn sem sýnir tilburði til sovétískra stjórnahátta, þar sem dómstólar, stofnanir fólk og hópar eru settir út af sakramentinu ef þeir er með eitthvað múður.

Hvernig er hægt að komast í veg fyrir slíka stjórn? Það er einfalt. Krefja ber þess, að hún segi af sér og að fram fari kosningar. Virðir þessi stjórn slíkar kröfur?  Varla, og því erum við komin á 2. hættustig fyrir einræði. Við erum komin með ráðsstjórn, enda er ekki lengi síðan að meðlimir ríkisstjórnarinnar voru aðdáendur stórvelda sem frömdu þjóðarmorð. Reyndar eru við komin á 3. hættustig, þegar ráðherrar neita að axla tvímælalausa ábyrgð, líkt og Ögmundur Jónasson gerir. Sekur og siðlaus er hann, líkt og ismar þeir sem einkennt hafa líf hans.

Ísland úr ESB og Ögmund burt!

Athugasemdir

[Sigurður Þór Guðjónsson, 28.1.2011 kl. 13:29]

Ögmundur er lýðskrumari og kjafaskur og mun aldrei axla neina ábyrgð og aldrei biðjast afsökunar á einu né neinu. Hann kjaftar sig út úr öllu. Flest sem þú segir hér alveg hárrétt. 

[Vilhjálmur Örn Vilhjálmsson, 28.1.2011 kl. 13:36]

Er hann ekki bara gamall fréttamaður, sem nú orðið segir aðeins slæmar fréttir?

[Kristján Sveinsson (IP-tala skráð) 28.1.2011 kl. 14:12]

Ég held aftur á móti að Ögmundur sé fullur lýðræðisástar og beri í sínu breiða brjósti óhvikulan vilja til að efla lýðræðið og virða það alla sína ævidaga. Þess vegna er ég ekki í neinum vafa um það að þegar ljóst er orðið að mikilvægasta mælitæki lýðviljans — kosningar — gekk úr skorðum í höndum hans, já þá er ég ekki í vafa um að Ögmundur treystir sjálfum sér ekki lengur til starfa í innanríkisráðuneyti. Hann myndi ekki treysta neinum öðrum sem hefði staðið fyrir slíkum afglöpum. Auðvitað ekki. Hann er því ábyggilega að láta niður í kassana núna svo það verði búið þegar hann segir okkur að hann sé farinn.

Ísland í ESB. Ögmund líka!

[Valdimar Samúelsson, 28.1.2011 kl. 14:34]

Ég ætla að byrja á Ísland úr ESB 100% strax. Ögmundi er ekki hægt að treysta en hann spilar eftir hvað honum er fyrir bestu. Hann er atvinnu pólitíkus. Það er hægt að setja viðauka í stjórnarskránna að alþingismenn verði ekki lengur en tvö tímabil og þriðja ef þeir verða kosnir sem ráðherra en aðeins ef um persónukjör er um að ræða. 

[Vilhjálmur Örn Vilhjálmsson, 28.1.2011 kl. 14:57]

Kristján, vinur minn góður, hefur þú ábyggilegar fréttir fyrir því að sendibílarnir séu á leiðinni inn Lindargötuna og að Ögmundur, karlgarmurinn, sé að fylla síðasta kassann, grátandi, í Skuggasundinu?  Ástráður Haraldsson er kannski að bera fyrir hann búslóðina. Nei, ætli það? Menn fara nú ekki svo fljótt meðan þeir greiða 80% minna fyrir búsið  úr Ríkinu en grár almúginn. 

Valdimar, atvinnupólitíkus, annað er bara ekki til. Spurningin er bara hvort þeir vinni vinnuna sína vel eða ekki?

[Valdimar Samúelsson, 28.1.2011 kl. 15:03]

Heyrðu ertu að meina að þeir fái ennþá nærri frítt brennivín. kíktu á síðasta bloggið mitt en það er engin lýgi en var að fá svar bréf í dag.

[Ragnhildur Kolka, 28.1.2011 kl. 15:08]

Ögmundur, eins og Jóhanna hafa alla tíð verið óspör á að úthrópa aðra  í rangstöðu, lög- og mannréttindabrjóta. En öðru máli gegnir um þau sjálf, hjá þeim er enga sök að finna. Lítilmenni sem þau eru kenna þau alltaf öðrum um. Hvorki Íhaldið né undirsátar bera hér sök því þetta er pólitísk klúður orsakað af fullkonu vanhæfi til allra verka.

[Hrafn Arnarson (IP-tala skráð) 28.1.2011 kl. 15:13]

Það er erfitt að taka þennan pistil alvarlega en kannski á þetta allt að vera fyndið, hver veit. Fúkyrðum og gífuryrðum er raðað saman þannig að þau verða merkingarlaus.(verið heillaður að mannfjandsamri stefnu,,,olli dauða milljóna manna,,,,lítilmótlegt,,, lýðskrumarar,,,1. hættustigið í tilurð einræðisríkisins.,,,,afbrigðilega hegðun,,,óforkastanleg hegðun(sic),,,aðdáendur stórvelda sem frömdu þjóðarmorð,,,Sekur og siðlaus,,) Svo mörg voru þau orð. Ég hef lesið dóm Hæstaréttar og greinargerð Innanríkisráðuneytis. Ef Vilhjálmur vill ræða málið efnislega er það velkomið.

[Fannar frá Rifi, 28.1.2011 kl. 16:09]

Hrafn, lýðræði er aldrei afnumið í einum vetvangi.

það er alltaf afnumið í nokkrum litlum skrefum. hvert og eitt gengur á rétt borgara landsins en ekkert þeirra nægjanlega mikið eitt og sér til að valda miklum áhyggjum. en þegar horft er á alla vegferðina þá og menn draga sig upp úr pólitískum rétttrúnaði og persónudýrkun þá sjá þeir hvaða vegferð er verið að fara.

Hvað hefði Ögmundur og Jóhanna sagt ef einhver annarr hefði verið við stjórnartaumana þegar kosningar væru dæmdar ógildar? Þegar það er rifjað upp þær kröfur sem þau hafa verið með um að aðrir ættu að segja af sér við minna tilefni þá sést hversu hlægilegur málfluttningur stjórnasinnar er. 

[Hrafn Arnarson (IP-tala skráð) 28.1.2011 kl. 17:07]

Fannar frá Rifi, sagan sýnir að þú hefur rangt fyrir þér. Herinn hefur gert fjölmörg valdarán í sögunnar rás. Þá er lýðræðið afnumið með vel skipulagðri árás. Ef þú kynnir þér sögu Suður Ameríku finnur þú fjölmörg dæmi. Hitt er auðvitað til að gengið sé smátt og smátt á réttindi borgaranna og mannréttindi brotin niður. Viðbrögð stjórnarinnar í BNA eftir árásina 11. september hafði ýmis slík einkenni. Eftirlit var stóraukið og heimildir lögreglu og leyniþjónustu rýmkaðar. Pólitískur rétttrúnaður og persónudýrkun hefur á síðastliðnum 2 áratugum helst einkennt Sjálfstæðisflokkinn. Sjaldan hafa venjulegir flokksmenn lotið jafn djúpt og gert var á valdatímum Davíðs. Megi það vera okkur víti til varnaðar. það er erfitt að hugsa söguna í þáskildagatíð. Hvað hefði Jóhanna sagt ef,, og ef,,,,. Með því móti er ekki hægt að rökræða um stórnmál.

[Vilhjálmur Eyþórsson, 28.1.2011 kl. 20:09]

Það er ömurlegt að sjá mann eins og Hrafn tala um pólitískan rétttrúnað. En við hverju er að búast í landi þar sem sjálfur „mannréttindaráðherrann“ er alkunnur og yfirlýstur Kúbuvinur og enginn virðist sjá neitt athugavert við það. Ögmundur hefur vandlætast út af skorti á „lýðræði“ og „mannréttindum“ hér á Vesturlöndum í áratugi, alveg samtímis og samhliða starfi í „vináttufélögum“ við ýmsar af allra blóði drifnustu harð- og ógnarstjórnir sögunnar. Þar á meðal var hann yfirlýstur aðdáandi blóðundsins Maós í Kína á sínum tíma og í því ljósi alveg sérstalega viðbjóðslegt að sjá þegar hann var að nudda sér utan í og sleikja sig upp við Dalai Lama fyrir nokkru.

[Pétur Guðmundur Ingimarsson (IP-tala skráð) 28.1.2011 kl. 20:34]

Skemmtilegt dæmi um ofbeldisfullt valdarán var valdarán vinstri grænna í Rússlandi 1917.

Því lauk þó ekki alveg strax, enda tók nokkur ár einmitt að ráða niðurlögum hersins, sem gerði tilraun til að verja lýðræðislega stjórn landsins.

[Hrafn Arnarson (IP-tala skráð) 28.1.2011 kl. 21:13]

Sælir Vilhjálmur og Pétur ! Eins og ég sagði áður er ég reiðubúinn að ræða efnislega um dóm Hæstaréttar og viðbrögðin við honum. Mér finnst rétt að taka fram að ég er ekki blaðafulltrúi Ögmundar og ræði þess vegna hvernig pólitískar skoðanir hans hafa verið eða eru nú. Pétur! það eru alveg nú sannindi að VG hafi gert valdarán í Rússlandi 1917!! Einnig er það nýtt að valdaránið hafi dregist á langinn vegna mótspyrnu rússneska hersins.!!!

[Hrafn Arnarson (IP-tala skráð) 28.1.2011 kl. 21:42]

Hér er mál sem allir ættu að skipta sér af.

Málaferli íslenska ríkisins gegn hinum svokölluðu níumenningum sem ákærðir eru fyrir árás á Alþingi vekja sífellt meiri athygli utan landsteinana. Síðastliðinn þriðjudag birtist grein í Guardian þar sem fram kom að níumenningarnir værri sóttir til saka á Íslandi fyrir glæp sem þau frömdu ekki. Þá kom þar fram að í apríl árið 2005 hafi Mannréttindaskrifstofa Sameinuðu þjóðanna varað við því að 100. grein hegningarlaganna væri of víðtæk – svo víðtæk að hætta væri á að hún gæti ógnað löglegum aðgerðum fólks í lýðræðisþjóðfélagi, þá sérstaklega þáttöku fólks í mótmælum.

Þann 18. janúar var haldinn upplýsingafundur um málefni níumenningana og ákæru íslenska ríkisins gegn þeim í Berlín en þangað mættu meðal annars fulltrúar Attac samtakanna og die Linke þingflokksins, ásamt aðstoðarmönnum. Hunko Andrej þingmaður die Linke hefur lýst yfir áhyggjum af málinu. Hann hefur sett málið í samhengi við mál breska njósnarans Mark Kennedy sem kom hingað til lands til þess að njósna um og hafa áhrif á aðgerðir umhverfisverndarsinna. Segir hann bæði málin vera skýr dæmi um það hvernig þrengt sé að réttindum borgara til þess að mótmæla í lýðræðisríki.

Þá birti danska fréttasíðan Modkraft frétt á miðvikudaginn síðasta, en þar var aðal áherslupunkturinn sá að sönnunargögnum í máli níumenninganna hefði verið eytt. Eins og fram hefur komið lýsti yfirmaður þingvarða Alþingis því yfir í réttarsal að ekki væri til myndbandsupptaka af átökunum í þinghúsinu þar sem öllum upptökum, nema fjórum mínútum, hefði verið eytt.

[Vilhjálmur Eyþórsson, 28.1.2011 kl. 21:59]

Þetta skítapakk rauf einhverja heilögustu reglu, a.m.k. meðal norrænna þjóða síðan í forneskju. Það réðist á þingið með ofbeldi og rauf þinghelgina, sem var og ætti að vera dauðasök. En ekki nóg með það: Undanfarið hefur þetta hyski verið að bíta höfuðið af skömminni með því að ráðast að dómstólunum. 

Svona lið á að setja í gapastokk á Lækjartorgi, þar sem gestir og gangandi geta sparkað í það og kastað í það eggjum. Síðan á að hýða pakkið vel og rækilega, búra það svo inni og henda lyklinum.

[Vilhjálmur Örn Vilhjálmsson, 28.1.2011 kl. 22:05]

Hrafn getur þú ekki upplýst um Modkraft, Guardian og Attac á þínu eigin bloggi. Mér er nákvæmlega sama hvað vitstola menn á Íslandi eru að ljúga í æsingafólk erlendis. Mannréttindastofa SÞ er ekki dómstóll á Íslandi, heldur ekki Attac eða Modkraft. Bak við síðastnefndan fréttamiðil er lítilsiglt ungt fólk sem færi gjarna lýðræðið í Danmörku að feigðarósi, vegna þess að þar er svo vitlaust. Modkraft styður Hizb ut Tahrir, öfgasamtök sem Danir sjá eftir að hafa ekki bannað eins og önnur ríki, öfgasamtök sem vilja myrða gyðinga og útrýma frelsi og gera Evrópu að héraði í Kalífatinu. Það eru öfgasamtök sem Enhedslisten, systurflokkur VG, er hrifinn af. Það er nú ljóta pakkið sem þú hefur tiltrú á og krunkar með Krummi minn.

[Óskar Sigurðsson, 29.1.2011 kl. 11:42]

Þér sammála Villi Ö. Loksins heyrðist eitthvað frá þér.