Leita í fréttum mbl.is

Er Amína Valsdóttir góð heimild?

Arabiskar_baekur
 

Meðan erlendir fjölmiðlar leita skýringa á því sem nú er að gerast í Egyptalandi hjá sérfræðingum eða stjórnmálamönnum, þá er Sigrún nokkur Valdsóttir (f. 1976), sem gengur undir nafninu Amína (til vinstri á myndinni hér að ofan), orðin ein aðalheimild Ríkisútvarpsins um ástandið í Egyptalandi.

Menn, sem hafa gagnóða þekkingu á Egyptalandi, vita vel, að ekki er Hosni Mubarak neinn lýðræðissinni enda hefur hann setið lengur en Davíð Oddsson, Ólafur Ragnar Grímsson og Jóhanna Sigurðardóttir til samans. En hann nýtur enn mjög mikilla vinsælda í sveitum landsins. Hann er hins vegar hataður meðal íslamista sem seilast eftir völdum í Egyptalandi. Þegar sumir vinstrisinnaðir stjórnmálamenn á Vesturlöndum eru farnir að hlakka yfir endalokum Mubaraks, eins og hann sé einhver Saddam Hussein, er heldur langt gengið. Menn munu sakna Mubaraks ef íslamska Bræðralagið kemur í hans stað og byrjar að útdeila fötwum sínum gegn frelsi og lýðræði um heim allan.

Amína Valsdóttir, aðalheimild RÚV um Egyptaland, kemur nú orðið fram í trúarlegum einkennisbúningi, sem þó hvergi er lýst í trúarritum þeim sem hún fylgir. Hún var eitt sinn bara venjuleg íslensk Ella í rúllukragapeysu, en nú er hún á vegum Allah, hins almáttuga og miskunnsama, sem men drepa fyrir þegar spámaður hans, "M", verður fyrir minnstu gagnrýni.

G9A36EGJ

Amína hefur opinberlega sagt sögu umbreytingar sinnar, frá því að vera kristinn íslendingur sem aldrei hefur séð stríð og óeirðir til að vera í forsvari fyrir trú sem notuð er til að lýsa yfir dauðadómum yfir fólki sem segir réttmæta skoðun sína. Trú, sem því miður er notuð til illra verka um víða veröld.

Stutt heimsókn á heimasíðu Amínu sýnir mér að hún aðhyllist öfgastefnur. Hún tengir sig t.d. við http://www.fatwa-online.com/ og þar má lesa ýmislegt ljótt

Það sem Amína (Sigrún) Valsdóttir aðhyllist er eitt að aðalvandamálum Egyptalands. Amínu Valsdóttur má vera það ljóst að bókaverslun sú sem hún rekur með vinkonu sinni, Mandy Bush í ríku hverfi í Kaíró á sér ekki langa lífdaga, ef landið verður lamið aftur á steinöld Múhameðs og hersveita hans. Bækurnar í bókabúðinni hennar Amínu eru öruggleg margar hverjar hættulegar Íslam og verða rifnar í tætlur líkt og múmíurnar á Þjóðminjasafni Egypta um daginn.

Mér er nokkuð sama um hvað Amína segir um stjórnvöld í Egyptalandi á RÚV, og hún er í mínum augum ekkert miklu betri en sumir sjálfskipaðir útsendarar Hezbollaah og Hamas sem vinna á fréttastofu RÚV. Allir sem þekkja sögu Egyptalands vita, að fátæktin þar er ekki einvörðungu til orðin vegna þess að fáeinar fjölskyldur stjórna landinu og raka til sín öllum gróða. Vandamál Egyptalands er að þjóðinni sem þar býr nú, hefur ekki tekist að komast fyllilega inn í nútímann og eignast hinn "ameríska draum" sem 90% Egypta dreymir um. Fátæktin, eymdin og hatrið er fyrst og fremst vegna öfga trúarinnar sem gegnumsýrir allt þjóðlífið. Offjölgunarvandmálið og fátækt Egyptalands er alls ekki komið til vegna 30 ára stjórnar Mubaraks. Hana má rekja til þess þjóðernislega "sósíalisma" sem Gamal Abdel Nasser framfylgdi, þar sem þjóðvæðingin gekk að einkaframtakinu dauðu. Nasser atti landinu út í vonlaus hatursstríð gegn Ísrael, og tapaði. Síðan sátu Egyptar uppi með vonlausa bandamenn, Sovétríkin, svo ekki var að spyrja að áframhaldandi óförum, þangað til að friður komst á við Ísrael og Bandaríkin árið 1979. Mubarak hefur þrátt fyrir allt tekist að snúa ástandinu í Egyptalandi til betri vegar.

Amína Valsdóttir er ekki trúverðug heimild um það sem gerist og mun gerast í Egyptalandi. Kona sem rekur bókabúð, en sem líka er hlynnt fötwum, er ótrúverðug. En hverju mátti annars búast við af fréttaflutningi á RÚV?

Egyptar eru dálítið seinir að fatta. Það tók forðum 10 plágur áður en þeir gáfu gyðingum fararfrelsi. Nú eru þeir augsjáanlega tilbúnir að fara í gegnum fleiri plágur til að uppgötva að þeir hafa þegar meira frelsi en flestar þjóðir undir oki trúaröfga í Miðausturlöndum. Egyptar hafa ekki ráð á því að skjóta sjálfa sig í fótinn.

Jóhanna 
Sjáumst í Kaíró elskurnar mínar!

« Síðasta færsla | Næsta færsla »

Athugasemdir

1 Smámynd: Davíð Bergmann Davíðsson

Þessi bylting varð ekki til af pólitískum né trúarlegum ástæðum Vilhjálmur. Nei fólkið reis upp vegna fátæktar, atvinnuleysis og hvernig landinu hefur verið stjórnað sem lögregluríki í tíð Mubarak.

Davíð Bergmann Davíðsson, 30.1.2011 kl. 14:11

2 Smámynd: Vilhjálmur Örn Vilhjálmsson

Fátæktin og atvinnuleysið er ekki sök Mubaraks og þeirrar stjórnar sem féll fyrir helgi. "Lögregluríkið" Egyptaland var veisla miðað við Sýrland, Túnis, Líbíu og Írak. Lögregla er nauðsynleg, þegar byltingin er að miklum hluta til búðarhnupl.

Vilhjálmur Örn Vilhjálmsson, 30.1.2011 kl. 14:26

3 Smámynd: Davíð Bergmann Davíðsson

Er þá ekki tímabært að fólkið fái frelsi fyrir stjórnvöldum sem nota hörku til að stjórna. Egyptar fái að kynnast lýðræði án afskipta annarra ríkja.

Davíð Bergmann Davíðsson, 30.1.2011 kl. 15:06

4 Smámynd: Vilhjálmur Örn Vilhjálmsson

Lifir þú í einhverri draumaveröld Davíð? Vont getur versnað, ef ekki er farið rétt í hlutina. Íslamistar nota líka lögreglu til að berja á fólki og drepa og þeir taka líka þátt í mótmælunum eins og þessi mynd AFP sýnir:

Vilhjálmur Örn Vilhjálmsson, 30.1.2011 kl. 15:36

5 Smámynd: Vilhjálmur Örn Vilhjálmsson

2749697829

Vilhjálmur Örn Vilhjálmsson, 30.1.2011 kl. 15:36

6 Smámynd: Davíð Bergmann Davíðsson

ertu sem sagt á móti því að fólkið í Egyptalandi fái lýðræði ertu að segja það.

Davíð Bergmann Davíðsson, 30.1.2011 kl. 15:45

7 Smámynd: Davíð Bergmann Davíðsson

Er það kannski vegna þess að þeim er ekki treystandi til að kjósa RÉTT !

Davíð Bergmann Davíðsson, 30.1.2011 kl. 15:47

8 Smámynd: Loftur Altice Þorsteinsson

  

Margir á Vesturlöndum hafa barnaleg viðhorf til Múslima og hugarheims þeirra. Ekki hef ég heyrt Íslendska fréttamiðla fjalla um forsögu málsins. Þeir gætu lært af lestri þessa pistils hjá þér Vilhjálmur.

 

Ef um upplýsta byltingu er að ræða í Egyptalandi, þá ber að fagna því. Hins vegar gætu menn orðið fyrir vonbrigðum með þá atburðarás sem hafin er. Halda menn að Bræðralag Múslima muni horfa auðum höndum á vestrænt lýðræði festa sig í sessi í Egyptalandi ?

 

Ég veitti því athygli að heróp Mújahida »Allahu Akbar« (Allah er mestur) er í uppáhaldi hjá mótmælendum. Verið getur að þeir séu bara svo rækilega heilaþvegnir að þetta sé það eina sem kemur þeim í hug og hafi enga sérstaka merkingu.

 

Mig grunar að raunverulega standi Bræralag Múslima á bak við byltinguna. Þeir hafi hins vegar vit á að standa í skjóli, þar til rétta augnablikið er runnið upp. Á meðan umheimurinn heldur að uppreisnin sé Vestræn lýðræðis-bylgja, hafa byltingarmenn stuðning Vestrænna ríkja.

 

Við sjáum hvernig Bandaríkjamenn snúast gegn vini sínum Múbarak. Það væri þá ekki í fyrsta skipti sem USA gerir mistök í utanríkismálum. Þeir eru einmitt þekktir fyrir barnaskap í samskiptum við fólk með framandi menningu.

 

Vonum samt hið bezta, sérstaklega fyrir hönd þeirra Xristnu-manna sem ennþá tóra í Egyptalandi. Þetta fjölmenna land sem forðum var al-Xristið, hefur mátt þola útrýmingarherferð Mújahida um aldir. Menning Koptanna hefur verið hraksmáð, á þann hátt sem Múslimum er einum lagið.

 

 

Loftur Altice Þorsteinsson, 30.1.2011 kl. 15:52

9 Smámynd: Vilhjálmur Örn Vilhjálmsson

Ég sagði ekkert um það, en efast um að meirihluti mann í Egyptalandi viti hvað lýðræði er. Reynst getur erfitt að koma slíkum munaði á eins og dæmið Írak sýnir okkur. Nóg er til af fautum sem vilja koma í veg fyrir það. Instant-USA lýðræði er heldur ekki það sem land eins Egyptaland þarfnast.

Vilhjálmur Örn Vilhjálmsson, 30.1.2011 kl. 15:56

10 Smámynd: Vilhjálmur Örn Vilhjálmsson

Sæll Loftur, þakka þér fyrir innlitið. Góðar viðbætur hjá þér. 

Vilhjálmur Örn Vilhjálmsson, 30.1.2011 kl. 16:05

11 Smámynd: Davíð Bergmann Davíðsson

Hvernig má það vera að hræðslan við það lönd í miðaustur löndum og norður afríku geti ekki búið til friðsælt ýðræðislegt ríki, án þess að við vesturlandabúar séum að hafa áhyggjur trúarbrögðum þess.

Davíð Bergmann Davíðsson, 30.1.2011 kl. 16:19

12 identicon

Þú lýkur greininni með mynd af allt annarri konu.  Þú veist að þetta er Jóhanna Kristjónsdóttir en ekki Sigrún Valsdóttir.

H.T. Bjarnason (IP-tala skráð) 30.1.2011 kl. 16:29

13 Smámynd: Vilhjálmur Örn Vilhjálmsson

H.T. Bjarnason. Vissi ég vel Sveinki. Bara smá auglýsing fyrir Jóhönnu og ferðir hennar til þessa dásamaða heimshluta. Hún ætti að drífa fólk með sér til að rupla í Kaíró. Skoðaðu færsluna á undan, sem fjallar um konu sem var hengd í Tehran. Jóhanna er líka með rómaðar ferðir þangað.

Vilhjálmur Örn Vilhjálmsson, 30.1.2011 kl. 16:33

14 identicon

Ágæti Villi,

Um hver af þremur helstu trúarbrögðum heims sem rætur eiga til miðausturlanda má ekki segja:"fyrir trú sem notuð er til að lýsa yfir dauðadómum yfir fólki sem segir réttmæta skoðun sína. Trú, sem því miður er notuð til illra verka um víða veröld".

Hvað um trú gyðinga frá örófu alda tildæmis á tíma Davíðs konungs. Hvað um Kristna allar miðaldir og fram á okkar daga og víða enn. Held að íslam sé ekki sérstakt í þessum málum því miður.

Emil (IP-tala skráð) 30.1.2011 kl. 16:47

15 Smámynd: Vilhjálmur Örn Vilhjálmsson

H.T. Bjarnason, ég held meira að segja, að Jóhanna Kristjóns hafi skrifað bók sem m.a. fjallaði um Amínu í Kaíró.

Vilhjálmur Örn Vilhjálmsson, 30.1.2011 kl. 16:48

16 Smámynd: Vilhjálmur Örn Vilhjálmsson

Emil, Gyðingdómur hefur aldrei krafist heimsyfirráða, kalífats og lofar engum alsælu og forystu á jörð í nafni spámanns og Drottins almáttugs. Gyðingar hafa verið brytjaðir niður og myrti af fylgjendum hinna eingyðistrúarbragðanna. Miklar fórnir hafa verið færðar, svo maður gat vonast til að fylgjendur Íslam lærðu af mistökunum sínum og Kristninnar þegar við vorum komin fram á 21 öld. Nei, þeir bættu i eldinn. Þeir vilja nefnilega nokkuð margir útrýma gyðingum og kristnum og fara ekkert leynt með það.

Vilhjálmur Örn Vilhjálmsson, 30.1.2011 kl. 17:03

17 Smámynd: Davíð Bergmann Davíðsson

Vonandi verður þessi bylting sem byrjaði í Túnis til þess að heimbyggðin losni við heimsvaldastefnu Bandaríkjanna og herkví Ísraelmanna fyrir eilífð. LIFI BYLTINGIN

Davíð Bergmann Davíðsson, 30.1.2011 kl. 17:08

18 identicon

Það er nú stutt í yfirburðina og yfirráðin þegar við erum guðs útvalin þjóð.

Emil (IP-tala skráð) 30.1.2011 kl. 17:16

19 Smámynd: Vilhjálmur Örn Vilhjálmsson

Guðs útvalda þjóð er mistúlkun á hebresku "Am Nivchar", sem þýðir allt annað en Guðs útvalda þjóð. Ég sem hélt að Íslendingar væru útvalda þjóðin. Ekki lengi síðan margir stóðu á þeirri meiningu. 

Vilhjálmur Örn Vilhjálmsson, 30.1.2011 kl. 17:49

20 Smámynd: Vilhjálmur Örn Vilhjálmsson

Bylting lifir aldrei, hún deyðir, Davíð Bergmann Davíðsson. Byltingar af þeirri gerð sem þú vilt fá eiga það mestmegnis til að skilja eftir sig lík í hrönnum og blóð í lækjum.

Vilhjálmur Örn Vilhjálmsson, 30.1.2011 kl. 18:25

21 Smámynd: Vilhjálmur Eyþórsson

Allir virðast vera búnir að gleyma kosningunum í Alsír. Þar var boðað til lýðræðslegra kosninga, en þegar talið var, kom í ljós að ofstækisfyllstu íslamistar höfðu unnið stórsigur. Til allrar hamingju ógilti herforingjastjórnin kosningarnar. Og hvað með Írönsku byltinguna, sem naut án nokkurs vafa stuðnings yfirgnæfandi meirihluta íbúanna. Í þeim skilningi er íranska stjórnin alveg örugglega lýðræðisleg, einhver sú lýðræðislegasta í heimshlutanum.

Hvað sagði ekki Aristóteles: „Fái þjóðirnar að kjósa milli kúgunar og stjórnleysis, velja þær alltaf kúgarann“.

Vilhjálmur Eyþórsson, 30.1.2011 kl. 20:04

22 Smámynd: Vilhjálmur Eyþórsson

Ég vil í framhaldi af síðustu athugasemd benda Davíð alveg sérstaklega á nýjust bloggfærslu mína, „Lýðræðið má ekki sigra“ Hann og skoðanabræður hans verða örugglega meðal þeirra fyrstu, sem islamistar mundu taka af lífi, næðu þeir völdum.

Vilhjálmur Eyþórsson, 30.1.2011 kl. 22:27

23 Smámynd: Loftur Altice Þorsteinsson

Auðvelt er að misstíga sig í umræðu um alþjóðleg stjórnmál. Það sem einn nefnir lýðræði, er hugsanlegt að annar nefni valdstjórn. Menn verða að þekkja vel til mála, til að greina hvað er raunverulega á seiði og hver verður líklega þróun mála.

Eitt þeirra atriða sem margir flaska á, er að sjá í gegn um blekkingar. Þannig er ekki óalgengt að kommúnistar/socialistar beiti fyrir sig þeirri blekkingu að þeir séu lýðræðissinnar. Þessi lygi hefur oftar en ekki orðið til þess að eðlislægir lýðræðissinnar hafa hallað sér að valdstjórnum, þeir hafa látið kommúnistum eftir að leiða og forma umræðuna.

Mér virðist að Mújahidar hafi lært af blekkingarleik kommúnista og beiti fyrir sig lýðræðishjali, sem flestir vita að er fjarri þeirra hugmyndafræði. Raunar eru tengsl kommúnista og Mújahida vel þekkt og alræmd. Baath flokkur Saddam Hussein var til dæmis kommúnista/sosialista flokkur.

Blekkingaleikinn sjá menn greinilega á Íslandi þar sem tíð nafnaskipti vinstri manna afhjúpa innra eðli þeirra. Einræðistilburðina sjá menn greinilega birtast í ólýðræðislegri afstöðu Hr. Jóhönnu Sigurðardóttur.

Hr. Jóhanna hrópar hátt eftir lýðræði, en hún var á móti þjóðaratkvæði um Icesave, hún hafði forustu um ólýðræðislega inngöngu á Evrópska efnahagssvæðisins, hún hafði forgöngu um ólýðræðislega ákvörðun um viðræður um innlimun landsins í ESB og hún ræðst gegn rökréttum úrskurði Hæstaréttar, eins og Hæstiréttur sé ekki einn af hornsteinum lýðræðisins.

Atburðir í Egyptalandi eru því hugsanlega birtingarmynd Islamskrar blekkingar, sem stefnir í allt aðra átt en látið er í veðri vaka.

Loftur Altice Þorsteinsson, 31.1.2011 kl. 10:10

24 Smámynd: Gunnar Rögnvaldsson

Takk fyrir DDRÚV innleggið Vilhjálmur, og svo margt annað.

Kveðjur

Gunnar Rögnvaldsson, 31.1.2011 kl. 18:25

25 Smámynd: Sigurður Þór Guðjónsson

Hvað er það sem Egyptaland þarfnast Vilhjálmur? Og er ekki möguleiki að vont geti batnað?

Sigurður Þór Guðjónsson, 1.2.2011 kl. 02:07

26 identicon

Vona að við séum báðir að ræða 6. vers, 6. kafala annarar bókar Móses. Þú átt mikið verk fyrir höndum því mér sýnist ekki eingöngu um þýðingarvillu ef um það er að ræða í íslensku þýðingunni. Versið er nánast samhljóða í allra nýjust þýðingunni á bandarískri ensku. Ætla þeim fræðimönnum og listinn er langur ekki að reyna að gera hlut ísræls verri en efni standa til.

Emil (IP-tala skráð) 1.2.2011 kl. 15:11

27 Smámynd: Vilhjálmur Örn Vilhjálmsson

Emil, margir geta gert sömu villuna. Þar sem þetta virðist standa dálítið í þér, langar mig að biðja þig um að lesa þetta: http://www.torah.org/features/secondlook/chosen.html 

Mundu svo, að þinn Guð er ekki sá sami og gyðinga. Þinn Guð gerir greinilega engan mannamun.

Vilhjálmur Örn Vilhjálmsson, 1.2.2011 kl. 15:29

28 identicon

Villi,

Hef lesið svipaða röksemdafærslu um gæsku kristni og íslams. Einn rabbí hefur sína skoðun. Rík er hefndin í gamlatestamentinu. Og enn stundar ríki Ísræela hefndir. Sjálfsagt er það sjálfsgæska og margir þeirra trúa á úrval sitt.

Emil (IP-tala skráð) 4.2.2011 kl. 16:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband