Samningur DV og Metoo JBH

Afkomendur Gróu á Leiti komumst í feitt nú eftir hátíðirnar. Síðasta flísin af hamborgarahryggnum hafði vart verið skorin af beini, er nýr og feitari göltur hlammaðist upp á fatið. Ef þið eruð í vafa um ættartengslin við heiðurskonuna Gróu, leitiði hana uppi á Íslendingabók. Hafið þið hins vegar á síðustu dögum heilögum kíkt með og blaðrað um ósamlynda fjölskyldu Jóns Baldvins og Bryndísar Schram, þurfið þið ekki að ómaka ykkur við leit; Þið eruð örugglega komin af maddömu Gróu á Leiti og síra Ólafi Besserwisser eiginmanni hennar.

Sá afkomandi afkomandi Gróu sem þetta ritar, er ekkert öðruvísi en svo margir afkomendur kellingarinnar. Ég er ólmur í svæsnar og söftugar kjaftasögur þegar mér leiðist. Þær staðfesta hve leiðinlegu lífi maður lifir.

Systir Bryndísar spurði mig um daginn á athugasemdasvæði við grein um Jón Baldvin og Fam. hvort ég væri að "perrast með Jóni". Nú er ég svo gamall að ég veit ekki hvað sögnin að perrast þýðir. Orðabækur mínar eru líklega forngripir, því ég finn heldur ekki orðið þar. En við frekari leit á nýrri uppfinningu sem mér var sagt frá nýlega, sá ég að þetta orðskrípi á ekki við um mig. Ég er að bara að lesa "fjölmiðla" gamla heimalandsins míns, og að reyna að raðgreina hvað sé eiginlega að, þegar kolruglað fólk getur stjórnað bönkum, setið á Alþingi orðið ráðherrar og stýrt allri umræðu í landinu. En í landi þar sem ekki fellur á silfur sem hefur verið 1000 ár í jörðu, geta víst ýmis undur gerst. 

Þó ég viðurkenni tengslin við Gróu gömlu, er ég er líka komin af fólki sem þótti svo gagnrýnið að því hefur ekki verið neins staðar vært. Þegar ég les kjaftasögurnar á prenti byrja ég sjálfkrafa að detta um alls kyns ósamfellur, þó ég geri mér grein fyrir því að söguhetjan JBH sé vitaskuld helsta ósamfellan í jöfnunni. Á Íslandi er víst aðeins til einn "graðan satírikon" eins og hans sagðist vera í bréfi frá íslenska sendiráðinu í Washington hér um árið, sem er þó ekki skráð í bréfasafn Utanríkisráðuneytisins, þó svo ætti með réttu að vera.

Um daginn gerðist það hins vegar á athugasemdasvæði á DV við grein að einn af meginleikurunum í hinu laaannga tragíkómíska ættardrama Jóns Baldvins Hannibalssonar, að stúlka sú sem hann sannarlega ritaði nokkuð furðuleg bréf þegar hún var komin vel yfir fermingu, birtist í athugasemdunum og sagðist vera með samning við DV. Nokkrum mínútum síðar var greinin horfin af DV og þar með safarík saga um/eftir nafnlausa konu sem átti í ástarsambandi við Jón rektor fyrir Vestan. Nafnlausa konan fékk samkvæmt sögunni eintak af skáldsögunni Lólítu, áritaða af Jóni, sem vitanlega er ekki höfundurinn. Það var hann Nabukov. Sagan á DV greindi frá því að Jón hefði verið barinn af skólapilti fyrir Vestan, sem einnig bar hlýjan hug til nafnlausu konunnar.

Kannski var ég að perrast þegar ég algjörlega óvart sló á þrjá hnappa á tölvunni minni, þá sem á stendur ctrl, alt og prt sc. Ég geri það stundum ósjálfrátt, þegar ég er kominn með ritkrampa og fæ spasma. Ég hef síðan uppgötvað að í hvert sinn sem ég rekst svona á lyklaborðið með fingurna, þá hleð ég niður mynd af skjánum. Þannig er það nú að ég á mynd af þessum athugasemdum við greinina, og athugasemdina, sem hvarf.

Ég spyr mig nú, hvort íslenskri "fjölmiðlar" geri samninga við fólk á Íslandi um safaríkt efni?  Ef svo er, vil ég ekkert með þetta hafa, og skila þessari skjámynd af mér til DV, sem kannski hefur týnt þessu og greininni sem hvarf. Mér finnst þetta allt frekar dularfullt og óþægilegt og vill ekkert frekar blandast inn í þessi mál hinnar ósamlyndu fjölskyldu.

Ég óska fjölskyldunni alls hins besta og vona að þau geti komið sér saman um að fara í allsherjar hóptherapíu til að leysa sín einkamál og ættarhöfðingjans. Kannski væri málið að fá skólapiltinn að Vestan til að berja sönsum í þetta slekti. Á meðan getur þjóðin snúið sér að mikilvægari og vitsmunalegri málum fyrir ofan mitti.

Mótmæli til Lettlands

Til að mótmæla dýrkun á nasistum og gyðingahöturum sem færst hefur mjög í vöxt í Eystrasaltsríkjum, hef ég ritað utanríkisráðherra Lettlands bréf, sem ég hef sent sendiráði Lettlands á Íslandi (sem hefur aðsetur í Osló) og beðið um að erindi mínu verði komið til Riga.

Hér efst sjáið þið Utanríkisráðherra Lettlands með utanríkisráðherra Íslands er sá síðastnefndi leiddi þing Eystrasaltsráðsins á júní 2017 í Hörpunni:  Þar sem Ísland er með í Eystrasalsráðinu, ásamt löndum sem leyfa árlegar göngur nasista, tel ég mig til neyddan til að mótmæla og vona að lesendur mínir geri það einnig. Hægt er að senda mótmæli sín til lettneska sendiráðsins í Osló: [e-mail]. Þið megið nota mín mótmæli óbreytt, en setið ykkar nafn undir. Til að lesa ykkur til um hvernig Eystrasaltsríki leyfa göngur nasista og fólks sem afneitar helförinni getið þið lesið ykkur til á þessari síðu.

 

Dear Ambassador of Latvia to Iceland, H. E. Judite Dobele

Is it “the new normal” for Latvia´s foreign minister Edgars Rinkevics - a foreign minister in a EU and NATO member  state - to publicly recommend for high honours a book that spews anti-Semitism and expresses “understanding” for various aspects of the genocide that all but wiped out Latvia´s Jewish  community?

Mr. Edgars Rinkevics has recommend a new book on a pre war Latvian diplomat, Ludwig Seya.  Please read here information for the reason for my question : http://defendinghistory.com/did-latvias-foreign-minister-just-honor-a-nazi-cheerleader-and-proven-antisemite/93928.

I certainly do not hope the recommendation of your countries foreign minister of a book that honours the ugliest form of anti-Semitism is the normal in Latvia. Annual Nazi marches in Latvia´s major cities in later years, where Latvian Nazi collaborators are praised as heroes is enough an insult to citizens of countries that supported Latvian independence in 1991. 

As an Icelandic citizen, a citizen of a nations who supported Latvia´s freedom in 1991, I see Latvia´s foreign ministers praise of a book on a an Latvian anti-Semite as an strange attack on democracy and minorities.  It is an act, which I hope the EU will soon realise is much too common in you good country. An anomaly which I think the Latvians could very well live without. When I supported your independence in 1992. I didn´t expect  free Latvia´s politicians to praise anti-Semites who since 1998 gather in huge annual marches in major cities, and where former Latvian Waffen-SS members,  neo-Nazis and other extremist, who praise murders of Jews and racism, gather on the main streets of Riga. I didn´t support such a state in 1991!

Dear  Ms. Ambassador, please forward these views and my question to your foreign minister in Riga. I hope he will respond to my question. My views will also be published on different websites, where I will publish the response of Mr. Edgars Rinkevics if I receive one.

Yours Sincerely,

Dr. Vilhjálmur Örn Vilhjálmsson
An Icelandic citizen living in the EU

Erdogan spældur á heimavelli

Það er greinilega ygglibrún á Erdogan eftir glæstan sigur íslenska landsliðsins á því tyrkneska. Hver getur ekki skilið það?

Erdogan er, fyrir utan að vera forseti Tyrklands og Kúrda fram í rauðan dauðann, einnig verndari allrar stór-tyrkneskrar knattspyrnu. Þeirri vernd er nú lokið og eru tyrkneskir landsliðsmenn í fótbolta hvergi óhultir fyrir fýlunni í Erdogan. Á heimasíðu einni í Tyrklandi hafa nú þegar verið færðar sönnur fyrir því að 7 fyrrv. landsliðmenn Tyrklands séu í raun Kúrdar og einn laungyðingur.

Helst hefði Erdogan viljað lýsa stríði á hendur Íslandi, en þá rann upp fyrir honum sú bitra staðreynd að landið, þar sem 11 menn eru betur þroskaðir til fótanna en höfuðsins, eru meðfélagar hans í NATO.

Erdogan lét þau orð falla eftir kvöldbænir sínar í gær, að engum væri lengur treystandi, og að greinilegt væri að hann yrði að leika alla landleiki Tyrklands einn og hjálparlaust.

Eins og hann sagði: Gürgel ürgun boklava Tÿrkiet lokum bömmer Islandiet futüllumkum Solo Tayiip Sosiijs!!

Slagorð nýs landsliðs Tyrklands hefur verið hannað af yfirgrátkonu Erdógan-veldisins og verður HÜ,HÜ,ÜH. ühühüh......

Landsliðið stelur erlendum fyrirsögnum

Dómgreindarleysi, vanþekking eða hatur Íslendinga?

" No Israeli Leader Was More Respected Around the World"

Þannig skrifar fjöldi fjölmiðla í dag þegar Shimon Peres er allur 92 ára að aldri. Hann hlaut friðarverðlaun Nóbels ásamt Arafat árið 1994.

Árið áður, í ágúst 1993, var Peres svínaður til þegar hann heimsótti Ísland. Hópur íslenskra stjórnmálamanna, þar á meðal Ólafur Ragnar Grímsson, Steingrímur Hermannsson, Eyjólfur Konráð Jónsson og Kristín Ásgeirsdóttur fundu ýmislegt því til foráttu að hitta Shimon Peres. Sumt að þessu fólki flaðraði síðar upp um Arafat eins og lóðatíkur á júlíkvöldi og gleymum ekki að sumir lærðu aldrei af mistökum sínum. Steingrímur Hermannsson, formaður Framsóknarflokksins, sem var sonur mannsins sem leysti "gyðingavanda Íslands" með brottvikningu gyðinga frá landinu, gerðist á tímabili talsmaður lygaherferðar Arafats (sjá hér). Fyrr í ár kenndi Sigmundur Davíð Gunnlaugsson, formaður sama flokks, gyðingnum George Soros um pólitískt fall sitt. Við getum talað um hefð í Framsóknarflokknum.

Davíð Oddsson og Vigdís Finnbogadóttir sýndu þó að í þeim bjó heiðarlegt fólk og tóku þau á móti Peres ásamt nokkrum öðrum heiðursmönnum. 500 manns púuðu hins vegar á Peres þegar hann kom út úr Stjórnarráðinu eftir að hafa hitt forsætisráðherra.

Ingibjörg Sólrún varði stríðglæpamanninn Mikson en sótti síðar stuðning fyrir setu stóra-Íslands í Öryggisráðu SÞ hjá morðhundinum Assad (les hér). Enginn samreiðarmanna hennar á Íslandi sá neitt athugavert við það. Enginn mótmælti. Hún taldi þó allt í sómanum að hitta Peres sem forseta Ísraels árið 2007.

Mogginn hafði árið 1993 mestar áhyggjur á að Peres tæki ekki upp mál Eðvalds Hinrikssonar, þar sem hann hefði ekki næg sönnunargögn. (sjá Moggann 21.ágúst 1993).Þau komu öll fram í dagsljósið og Eðvald Hinriksson (Evald Mikson) var eins og allir vita stríðglæpamaður sem myrti gyðinga og börn og fékk hæli á Íslandi í stríðslok meðan að gyðingar fengu það ekki í lok 4. áratugarins. Þannig mismunuðu Íslendingar. Þannig er dómgreindin í landinu. Gyðingar eru vondir samkvæmt flestum Ísendingum og eyðileggja fyrir frábærum snillingi eins og Sigmundi Davíð Gunnlaugssyni, og Íslendingar dæma ávallt rétt, bæði stríðglæpamennina sína og hryðjuverkamenn og íslenskir morðingjar eru vitaskuld allir saklausir og óréttlætislega dæmdir.

Shimon Peres á Íslandi 1993

Alþýðublaðið var helsti gagnrýnandi félaga Verkamannaflokksins ísraelska.

... þótt fyrr hefði verið

Þjóðverjar skulda ekki bara Grikkjum. Vestur-Þjóðverjar gerðu afar lítið til að leita að og lögsækja stríðglæpamenn eftir síðari heimsstyrjöld. Dómar böðla voru styttir og menn sem myrt höfðu tugi þúsunda gyðinga og annarra lifðu til æviloka í lystisemdum. Það er fyrst nú, á síðustu mánuðum lífs sumra böðlanna, að farið er að skoða mál morðingjanna. Hingað til hafa þeir verið hylltir á sama hátt og Hitler af Þjóðverjum, annað hvort með þögninni, en oftast ljóst og opinberlega.

Í bókinni Das Amt, sem út kom fyrir nokkrum árum má lesa hvernig skítseyði úr nasistakerfinu byggðu upp Utanríkisþjónustu Vestur-Þýskalands sem gerði allt til að komast hjá því að finna og lögsækja menn eins og t.d. Adolf Eichmann.

Það sem menn vita kannski ekki er að fasistar og kommúnistahatarar í BNA gerðu þetta kleyft. Stjórnvöld í BNA ákváðu að Þjóðverjar með rófuna á milla fótanna yrðu besti og tryggasti samstarfsaðilinn í Evrópu. Þýskaland varð kjölturakki BNA. Þar skýrir saga NATÓ í hnotskurn. Furstar ESB upplifðu efnahagsundur og framgang vegna þess að þeir tóku aldrei afleiðingum gerða sinna! Vinna og elja Þjóðverja er mýta. Íbúar morðveldisins voru bornir á gullstólum til ríkidóms sem þeir stálu af öðrum.

Íslendingum ber siðferðileg skylda til að styðja kröfur Grikkja um bætur frá Þýskalandi. Þýskalandsslepja margra Íslendinga er óholl og nærri því sjúkleg. Grikkland er ein af vöggum menningar okkar, það er Þýskaland ekki. Þýskaland var hins vegar svínstrog öfga sem nær eyðilögðu menninguna - og nærri því heilu þjóðirnar með.

Lágmenning Evrópu fyrir 70 árum síðan á rústum menningar sem færði okkur ljós. Í dag er fólk, t.d. á Íslandi, farið að eltast við dauðamenningu Íslams á sama hátt og feður þeirra gældu við nasismann. Það kennir meira að segja sama fólkinu um "ófarir" sínar og heimsins. Sjálfeyðingarhvöt sumra Evruþjóða er skiljanleg í ljósi þess hlutverks sem þær léku á 20. öld við að eyðileggja Evrópu og í morðum á 6. milljónum gyðinga - sem og við nauðgunina á löndum eins og Grikklandi.

Vilja stríðsskaðabætur frá Þjóðverjum

Sigmundur er aðeins einn af X þúsundum svikahrappa á Íslandi

Mossack Fonseca, glæpafyrirtækið sem aðstoðað hefur um 600 Íslendinga við að vanvirða reglur lýðræðisríka, er ekki stærsta "fyrirtæki" á sínu sviði í okkar rotna heimi.

Dellufólk á Íslandi, sem fór að leika sér í bankaleik með glæpafasistum í Úkraínu, Pútín hinum siðlausa, vopnasölum og dauðakaupmönnum og ólíusheikum og hryðjuverkakaupmönnum í Arabíu, gæti alveg eins átt falið fé sem önnur fyrirtæki en Mossack Fonseca hafa falið fyrir þessa gráðugu kynslóð. Mossack Fonseca er 5. stærsta "fyrirtækið" á sínu sviði.

Íslenskir viðskiptavinir svikamyllunnar í Panama eru hugsanlega aðeins brot af þeim "Íslendingum" sem falið hafa fé sitt í sandinum á pálmaeyjum og í öðrum skattaskjólum. Jafnvel fjármuni sem íslenskir bankaræningjar rændu frá saklausu fólki.

Slíkt fólk borgar ekki fyrir landsins gögn og gæði. Það á því t.d., sem skattsvikarar engan rétt á því að fá ókeypis læknisþjónustu. Sennilegast er einnig að það leiti hennar annar staðar áður en það fer með stolnum gullvagninum beint til helvítis.

Eitt af verkum nýrrar ríkisstjórnar á Íslandi verður að láta hefja skipulega leit af þeim sem ekki vilja taka þátt í uppbyggingu landsins. Þeir hafa stolið frá fólkinu sem ekki á fyrir kvöldmatnum og getur ekki sent börnin sín í frístundarstarf. Þessir ræflar, sem fela jafnvel stolið fé, eiga sök á því að gamalmennin, sem alltaf greiddu sína skatta, deyja úr lungnabólgu á göngum spítalanna. Þessir verstu þjófar Íslandssögunnar hugsa aðeins um sjálfa sig. Hegðunarmynstur eins þeirra, sem á einhvern furðulegan hátt gat orðið forsætisráðherra eftir Hrunið, þótt hann hefði m.a. logið um nám sitt erlendis, sýnir okkur sjálfsánægju þessa fólks og ofmetnað. Nú upplifir það vonandi allt nemesis sitt eftir linnulaust hybris.

Virðing Alþingis er í molum, ásjóna Íslands í heiminum er illa farin og afskræmd vegna þessa fólks. Nú verður að lækna sárin og höfða til fólks sem veit upp á sig sakir um að láta sig hverfa frá löggjafasamkomu landsins. Þar á siðlaust fólk ekki að starfa.

Með dramatískustu dögum í pólitík

Wer ist der Brinkmann?

20. mars sl. skrifaði ég um leit mína að upplýsingum um sendiherra ESB á Íslandi, Matthias Brinkmann. Forsætisráðherra Íslands hafði í fjölmiðlum gefið í skyn að sendiherrann hefði greint rangt frá fundi þeirra í milli, og þá fékk ég náttúrulega áhuga á að vita meira um diplómatinn sem að sögn forsætisráðherra var ótrúverðugur. Það er ekki á hverjum degi að maður heyrir af ótrúverðugum diplómata.

Eins og þið getið lesið í fyrri færslu minni kom ýmislegt í ljós, sem sýndi að mikið ósamræmi var á milli þess sem stendur í ferilskrá sendiherrans og því sem ég gróf upp. Ég hnaut fyrst og fremst um þá upplýsingu sendiherrans að hann hefði starfað í ráðuneyti í Danmörku árið 1987-90, ráðuneyti sem var reyndar enn ekki til þegar hann sagðist hafa unnið þar.

Nú er ég einnig búinn að fá þær upplýsingar frá dómsmálayfirvöldum í Hamborg, að Brinkmann hafi verið dómari þar í borg árið 1994. Það þykir mér skondið, en samkvæmt ferilskrá Brinkmanns á vef ESB var hann þá háttsettur yfirmaður ESB-skrifstofunnar í Stokkhólmi og hafði unnið þar síðan 1992. Kannski ók Dr. Brinkmann á milli ESB skrifstofunnar í Stokkhólmi og réttarsalsins í Hamborg á hraðskreiðum Audi til að dæma mann og annan? Það verður auðvitað ekki skafið af Þjóðverjum, þeir eru afkastamiklir á mörgum sviðum. Á leið sinni im Gericht hefur hann kannski komið við í gamla ráðuneytinu sínu í Kaupmannahöfn, sem var nýorðið til árið 1993.

Wo ist der Brinkmann?

Nú kunna vitaskuld að vera náttúrulegar skýringar á öllum því ósamræmi sem ég hef fundið milli ferilskrár Brinkmanns og þeirra upplýsinga sem ég hef aflað.

Þess vegna hafði ég samband við skrifstofu sendiráðs ESB í Reykjavík til að fá betri upplýsingar straight from the horse's mouth. Fyrst talaði ég við rúmenska konu, sem lofaði að rannsaka málið, en heyrði svo ekkert frá henni. 24 mars sl. ritaði ég Klemens Þrastarsyni, (fyrrv. blaðamanni), sem vinnur hjá ESB-sendiráðinu.

Klemens svaraði mér loks þann 7. apríl, en hann hafði verið erlendis og ekki haft aðgang að tölvu. Hann bað mig að senda erindi mitt á ensku eða þýsku til að flýta fyrir svörum. Það gerði ég strax þann 8. apríl - á báðum tungumálunum, kannski ekki á fullkominni Oxfordensku eða Heidelbergþýsku, en það sem ég skrifaði ætti að skiljast. Kom svo ESB-starfsmaðurinn Klemens Þrastarson erindi mínu til sendiherrans, sem hlýtur að vera mjög önnum kafinn, því enn hef ég ekki fengið svör. Er þetta alltaf svona seinvirkt í ESB?

Það hlýtur að vera hægt að fá þær upplýsingar sem ég hef beðið um. Sjáið til dæmis á síðu þýska sendiráðsins í Reykjavík. Þar liggja allar nauðsynlegar upplýsingar um sendiherrann Thomas Herrmann Meister frammi, efst til hægri á síðunni í pdf skjali. Brinkmann gæti bara sent mér slíkt skjal með upplýsingum um sig. Menn verða að eiga slíkt þegar þeir sækja nýjar vinnur. 

Það verður að minnsta kosti að skýra ósamræmið á milli veruleikans og þess sem stendur í ferilskrá sendiherra ESB á Íslandi. Hvernig í andsk.. starfa menn í dönsku ráðuneyti sem ekki var til á þeim tíma sem þeir segjast hafa unnið þar, og hvernig er hægt að vera yfirmaður á upplýsingastofnun um ESB í Svíþjóð um leið og maður starfar sem dómari í Hamborg? Ég spurði sendiherrann einnig um annað.

Sjá fyrri færslu um Brinkmann.

Egill Helgason falsar silfrið fyrir ESB

Það hefur ekki farið fram hjá mönnum, að svæsnustu aðdáendur ESB-veldisins meðal Íslendinga eru duglegir þessa dagana að líkja Íslandi við Úkraínu. Maður sér Sigmundi Davíð í sífellu líkt við Pútín, en hvergi sér maður ESB-áhangendur líkja Árna Páli Árnasyni við nasistann,  fasistann og ESB-aðdáandann Oleh Tyahnybok í Svobodaflokknum, sem fékk álíka mikið fylgi og Samfylkingin í síðustu kosningum og situr nú í ríkisstjórn Úkraínu sem stefnir inn í ESB með aðstoð Catherine Ashton, útvíkkarans og fyrrv. kommúnistans Stefáns Füle og illa upplýstra Bandaríkjamanna til hægri og vinstri.

Egill Helgason birti í gær mynd frá Krím á bloggi sínu við predíkun sem hann kallar "ógnvekjandi ljósmynd". Hann segir hana sýna mann í búningi sovésku KDVK-sveitanna, og hinn í búningi hvítkósakka í þjónustu Zarsins. Egill upplýsir ekki, hvaðan hann hefur myndina, hvenær hún var tekin eða hvað var að gerast þegar hún var tekin. Það er ekker nýtt. Tilgangur Egils er sögufölsun og það kemur í ljós í því hvernig hann leggur út frá myndinni og hvernig fólk skrifar athugasemdir sínar hjá hinum útbelgda Búdda ESB-sinna á Íslandi.

Egill Helgason upplýsir, að Kósakkar hvítliða hafi sérstaklega sérhæft sig í að drepa gyðinga á Krím. Þetta alrangt hjá Agli. Allar ríkjandi og herjandi þjóðir og öfl á þessu svæði hafa sérhæft sig í drepa gyðinga og kenna þeim um allt. Reyndar drápu kósakkar ekki gyðinga í svo miklum mæli á Krím eins og t.d. Lenín, Stalín og Hitler og meðhjálparar þeirra. Stalín sendi ashkenas-gyðinga, sem hann ekki drap á Krím, til Síberíu, með Tatörum og öðrum minnihlutahópum, þar með talið Karaítum og tyrkneskumælandi gyðingum Krymsjökkum. Mér sýnist á öllu, að Egill Helgason viti yfirleitt ekkert um það sem hann er að skrifa, og það gerist nokkuð oft þegar hann predikar sem heitast fyrir ESB-söfnuðinum.

Í athugasemdum við færslu Egils má sjá að fólk elur á sömu fordómunum og grýlunum og hann. 

Egill gleymdi hins vegar að segja blindum og heilaþvegnum lesendum sínum meira um hina raunverulegu gyðingamorðingja. Margar ógnvekjandi myndir eru til af þeim í morðæði. Eftirfarandi myndir eru ekki af tveimur "drag-hermönnum" og ''Pútín-áhangendum" á Krím, heldur af morðingjum sem hylltir eru af fólki/þjóðum sem vilja ganga í ESB með Agli og Árna Páli.

Kósakkar börðust ekki bara í herjum keisarans eða kommúnista. Stríð og gyðingadráp var lífsstíll þeirra. Hér má sjá kósakka í þjónustu herrarþjóðarinnar í ESB, sem skipuleggja dráp á gyðingum í gettóinu i Varsjá árið 1939. Þegar Egill og aðrir gyðingahatarar á Íslandi líkja Gaza við gettóin, þá gleyma þeir að Ísraelsmenn njóta ekki aðstoðar allra þeirra þjóða sem Þjóðverjar nutu, ÞAR MEÐ TALIÐ ÍSLENDINGA!!!!!!

 

Hér má sjá Krímtatara í þjónustu Wehrmachts. Tatarar eru flestir múslímar. Tatarar voru líka gyðingamorðingjar.

Hér má sjá Úkraínumenn í þjónustu SS. Neðri myndin sýni úkraínska Waffen-SS liða í útrýmingarbúðunum í Belzec. Afkomendurnir þessara manna eru ugglaust ólmir ESB-áhangendur.

Hér má sjá stjórnarliða í nýrri ríkisstjórn Úkraínu. Þetta verða líklega samherjar prestsonarins úr Kópavoginum sem vitaskuld er ekki neinn nasisti eða gyðingahatari - þ.e.a.s. ef Ísland gengur í ESB, en það vill meirihluti Íslendinga ekki. ESB-sinnar skíta á meirihluta, líkt og fasistarnir í Kíev skíta á meirihlutaskoðun íbúa Úkraínu - sem vilja ekki í ESB.

Hér má sjá Úkraínumann, og ESB-SINNA, í búningi SS við minningarathöfn í Úkraínu í fyrra (sjá hér)

Meðan að ESB, útópía Egils Helgasonar og annarra lýðskrumara á Íslandi, leyfir meðlimum ESB að hylla SS og aðra gyðingamorðingja, t.d. síðastliðinn sunnudag í Ríga og í tvígang í Litháen i febrúar og mars, er það heldur þunnt að sjá sama fólkið líkja saklausum þjóðernisrómantíker eins Sigmundi Davíð við Pútín keisara. Meirihluti vinstrimanna á Íslandi iðkar reyndar líka gyðingahatur í dag og styður öfl sem ætla sér að útrýma ríki gyðinga. Slíkt fólk hefur engan rétt á því að taka gyðinga sem gísla í myndafölsunarleik á einni helstu áróðurssíðum ESB á Íslandi, Silfir Egils á Eyjan.eu. 

Þeir sem láta ginnast af billegum hópæsingatilburðum Egils Helgasonar, sem vill greinilega gera ESB-sinna að ofsóttum gyðingum, þá má reyndar upplýsa, að NKVD-liðar sem Egill líkir við SS voru meðal þeirra sem frelsuðu gyðinga í útrýmingarbúðunun Auschwitz. ESB leyfir hins vegar fasistum í Austur-Evrópu að þramma og minnast "dásemda" SS. Er nema von að sumir tali um 4. ríkið þegar ESB á í hlut?

Egill Helgason skal allra mann síst afskræma sögu gyðinga.

Lettar hylla SS

 

Vinaland Íslands, sem Íslendingar eru með í Eystrasaltsráðinu, landið sem það sem fyrrverandi íslenskur utanríkisráðherra, Jón Baldvin Hannibalsson, hefur m.a. verið sérlegur ráðgjafi ungra, frjálslyndra meyja, heldur í dag enn einu sinni minningarhátíð um SS. Þetta óeðli er árlegur viðburður.

ESB gerir ekki neitt. Norðurlöndin gera ekki neitt. Ísland gerir ekki neitt. Studdu Íslendingar sjálfstæði þjóðar, sem getur ekki farið öðruvísi með það en að hylla morðsveitir? 

Geta Íslendingar verið í sambandi við ESB-þjóð sem telur SS-liða meðal þjóðhetja sinna? Hvað ætla íslenskir stjórnmálamenn að gera? Við þekkjum svarið. Marga þeirra langar í ESB og þeir hljóta því að taka undir með yfirvöldum í Lettlandi sem leyfa nasistadýrkun.

Árni Páll Árnason, nú átt þú leikinn, og einnig þú Bjarni Ben! Kannski getur Jón Baldvin komið fram ber fyrir góðan málstað? Þeir sletta skyrinu sem geta það.

Nasistar þramma enn og aftur í Litháen

 

19 febrúar sl. greindi ég frá hinni árvissu göngu nasista og öfgamanna í Kaunas í Litháen sem fer fram með fullu leyfi yfirvalda í Litháen og undir vernd þeirra. Ég kvartaði persónulega við sendiherra Litháens á Íslandi, sem sagði mér í svari sínu að gangan hafi fyrst og fremst verið mótmæli gegn ESB. ESB andstæðingar í Litháen, sem hata Rússa, Pólverja, gyðinga og samkynhneigða, báru hins vegar borða sem hylla ráðherra litháískrar leppstjórnar nasista, sem árið 1941 undirritaði lög sem gerðu útrýmingu gyðinga mögulegar í Litháen. Samkvæmt sendiherra Litháa á Íslandi eru þeir sem mæra þann glæpamann að mótmæla gegn ESB. Ekki kaupi ég þau vafasömu rök og mótmæli þessari opinberu skýringu umboðsmanns Litháa á Íslandi.

Sl. þriðjudag, 11. mars, fóru nasistarnir enn í gönguskóna og þrömmuðu nú um götur Vilnius til að minnast fullveldisdags landsins. Nasistarnir fengu að halda ræður sínar á besta stað í borginni. Borðinn sem hyllir morðingjann Juozas Ambrazevicius-Brazaitis var aftur með í för. Lesið frásögn Prófessors Dovid Katz af uppistandinu, sem hann birti á Defending History. Ég ætti víst frekar að skrifa fyrrverandi prófessor. Litháísk yfirvöld boluðu Dovid Katz úr embætti prófessors á Jiddishdeild háskólans í Vilnius fyrir fáeinum árum. Litháar þola ekki gangrýni Katz og annarra á þeirri sögufölsun sem fer vísvitandi fram í landinu á ógeðfelldan og subbulegan hátt.

Einn þeirra stjórnmálamanna sem tók þátt í göngu nasista var Gintaras Songailas. Þann rudda hef ég hitt persónulega. Samtök sem vilja efla minningu Aage Meyer Benedictsens kríuðu peninga út úr  einhverjum ESB-sjóði sem þessi Songailas, sem er mest þekktur fyrir hatur sitt í garð samkynhneigðra, sat í. Peningarnir voru notaðir til að halda ráðstefnu til minningar Aage Meyer Benedictsen sem hvatti til sjálfstæðis Litháen um aldamótin 1900. Meyer Benedictsen var af íslensk-dönskum-gyðingaættum. Eitthvað minnkaði víst áhugi þessa litla karls, Songailas, á norrænu samstarfi  þegar hann uppgötvaði að Aage Meyer var af gyðingaættum. Á ferð til þorps, sem Benedictsen dvaldi löngum í þegar hann var í Litháen, fór þessi Songailas og annar meðlimur í litháiskum þjóðernissinnaflokki að útlista skoðunum sínum á "the little dirty country in the middle east" við erlenda gesti ráðstefnunanr. Aðrir þátttakendur lentu í orðaskaki við manngarminn og flokksfylgju hans út af þessum öfgum hans í garð Ísraels, því meirihluti þorpsbúa höfðu fyrir helförina verið gyðingar. Flestir þeirr féllu fyrir hendi Litháa.

Við síðari ráðstefnur vina Aage Meyer Benedictsens hefur Songailas sem betur fer ekki sést, en félagsskapurinn sem vill heiðra minningu hans í Litháen hefur barist í bökkum. Yfirvöld og stjórnmálamenn í Litháen styðja frekar öfgar eins og þær sem við sjáum í þessum árlegu nasistagöngum, þar sem SS-liðar, meðreiðarsveinar og böðlar meðal Litháa í síðara stríði er minnst. Fyrir utan norskan sendiherra hafa Norðurlandaþjóðirnar ekki  hreyft mótmælum. Ekki einu sinni samkynhneigður prófessor frá Íslandi, sem kenndi í Vilnius í fyrra, lét í sér heyra. Um daginn var samkynhneigð kona stungin með hnífi í kviðinn í Vilnius, þar sem hún mótmælti.

SS-manna minnst í "menningarhöfuðborg" ESB

Næstkomandi sunnudag 16. mars þramma nasistar einnig  í Lettlandi með stuðningi ríkisstjórnar Lettlands til að minnast SS-manna Letta sem Lettnesk yfirvöld líta á sem þjóðhetjur. Sú ganga er einni árlegur viðburður. Riga er Menningarborg ESB árið 2014. Riguborg heldur m.a. upp á það með göngum sem heiðra SS og morðingja gyðinga og þúsunda annarra.  ESB, sem margir örvingla Íslendingar vilja tilheyra, segir ekkert. 

Grænklæddi maðurinn sem talar í míkrófóninn á myndinni er helfarar-afneitarinn Ricardas Cekutis sem til nokkurra ára var upplýsingafulltrúi á Þjóðarmorðastofnum (Genocide center) Litháens.  Það segir eitthvað um fullveldishátíð þegar einn af aðalræðumönnunum þar er gyðingahatari og helfararafneitari. En samkvæmt Litháískum yfirvöldum á Íslandi er hann að mótmæla ESB. Gintaras Songailas er í svörtum frakka.

Hér ræðir Dr. Efraim Zuroff við Vitas Tomkus ritstjóra dagblaðsins Respublika sem ítrekað birtir svæsið gyðingahatur. Zuroff, góðvinur minn í 20 ár,  er Íslendingum vel kunnur sem sumir vinstri menn á Íslandi útúðuðu, þegar hann vildi fá Íslensk yfirvöld til að rannsaka mál Eðvalds Hinriksson. Hér er góð grein eftir Zuroff.

Lesið um öfgar ESB á

www.defendinghistory.com