McDonalds í ólátaseggina - Róar það þá?

Hans og Gréta, forðum aktívistar á Norðurbrú, nú nýtir samfélagsþegnar

Danska lögreglan gefur ólátaseggjunum frá Norðurbrú, sem eru í fangageymslum þeirra, McDonalds hamborgara í matinn. Því hafa tvær dömur frá Svíþjóð mótmælt harðlega og fara líklega með málið fyrir mannréttindadómsstólinn í Strassbúrg. Í Svíþjóð er nefnilega alltaf hægt að velja um 7 rétti í gæsluvarðhaldi. Sænsku flikkurnar eru nefnilega grænmetisætur, sem ekki borða mjólkurafurðir – eins konar kanínur.

Danskur óróaseggur á Norðurbrú, Thomas Greve, borðaði þó matinn frá McDonalds með bestu lyst og lét þetta eftir sér hafa um McDonalds keðjuna: “Ég borða á henni stundum, þegar ég er í bænum. Það er ekki svo að ég hati hana eins og sumir öfgafullir aktívistar. En það er enginn vafi á því, að það er eitthvað pólitískt á bak við þetta hjá löggunni.”

Lögreglan neitar þessum ásökunum unga mannsins, sem kláraði borgarann sinn. Þetta er bara óskaplega venjulegur matur í dönskum fangelsum segir löggan.  Kannski ekki nema von, að það séu svo margir glæpir hér í landi. Fólk langar bara í ókeypis ruslamat á rólegum stað.

Talsmaður lögreglunnar, Michael Bæk, skýrir skoðun sína á matvendni sænsku stúlknanna. “Þær gætu bara hafa fjarlægt kjötið og borðað restina”.  Lesið meira um málið á fréttastoð Politikens.

 

Maó í upplausn

 

Nýjustu fréttir frá Xinhua, fréttaritskoðun kínverskra yfirvalda, herma, að vart sé lengur líft í grafhvelfingu Maós í Beijíng. Í dag var því grafhveflingunni lokað og verður hún ekki opnuð fyrr en í lok september.  Hér að ofan er mynd af  tveimur af síðustu japönsku ferðamönnunum sem hleypt var inn til Maós. Af andlitsgrettum stúlknanna er aðeins hægt að sjá eina yfirlýsingu: “One smerry geezer” .

Leitað að íslenskum listamanni

Ég er enn að leita að listamanninum úr síðustu færslu minni. Sýningin, sem hann tók þátt í, hafði þetta að segja gestunum:

“Gyðingar hafa löngum verið duglegir og samviskusamir í að safna auði. Í heimi viðskipta hafa þeir verið áberandi og sagt er að gyðingar stjórni efnahagskerfi Bandaríkjanna og líklega þá heiminum öllum.  Ísraelsríki var stofnað nokkrum árum eftir helför nasista eins og við öll þekkjum. Gyðingar áttu samúð heimsins og eiga enn vegna helfararinnar. Nú beita þeir nágranna sína sama óréttinum og þeir hafa sjálfir þurft að þola gegnum aldirnar. Eru gyðingar orðnir gerendur í helför gegn aröbum með efnahagskerfi Bandaríkjanna sem bakhjarl?”

Ætli þessi orð hafi hvatt listamannin, sem ég er að leita að, til að hengja gyðing á Kling & Bang?

Er listamanninn að finna meðal eftirfarandi listafólks sem tók þátt í sýningunni:

Birgir Andrésson • Björk Viggósdóttir • Bryndís Ragnarsdóttir • Egill Sæbjörnsson • Einar Sebastian • Erling Klingenberg • Gjörningarklúbburinn • Guðjón Bjarnason, Gus Gus • Hafsteinn Mikael • Helga Óskarsdóttir • Hlynur Hallsson • Hulda Hákon • Ingibjörg Magnadóttir •Jón Óskar • Jón Sæmundur Auðarson • Kristín Eiríksdóttir •Kristján Björn • Lárus H. List • Ósk Vilhjálmsdóttir • Pétur Már Gunnarsson • Rúrí • Sara Björnsdóttir • Sigtryggur Berg Sigmarsson • Snorri Ásmundsson • Spessi • Tómas Lemarquis • Unnar Örn J. Auðarson • Þorbjörg Pálsdóttir.

Kannski veit Steven Spielberg það, en hann varð þess heiðurs aðnjótandi að fá mynd af sér og ET á sýninguna á Kling & Bang

 

Gyðingur hengdur á Kling & Bang

Þessi mynd var teiknuð á ”myndlistasýningu” í Reykjavík sl. sumar. Sýningin bar heitið ”Guðs útvalda þjóð” og var haldin á Gallerí Kling & Bang. Gestir sýningarinnar voru beðnir um að tjá skoðun sína á ”Guðs útvöldu þjóð” á vegg sem hafði verið þakinn töflusvertu. Þetta var ein af útkomunum. Ég leita enn listamannsins. Hann er beðinn að gefa sig fram. Þarf ekki að setja svona snilling á listamannalaun? Hann gæti orðið borgarlistamaður í Reykjavík, en borgin er styrktaraðili Kling & Bang.

Myndina fékk ég senda frá konu í Bandaríkjunum, sem eftir ánægjulega ferð um Ísland varð fyrir miklum vonbrigðum á Kling & Bang. Hér að neðan er mynd frá Vín árið 1938. Skoðið vel krotið á verslun gyðingsins. Sjáið þið eitthvað sem er líkt og á Kling og Bang?

 

Súpulækningar á sunnudegi

 

Nú langar mig að slá á léttari nótur. Ég hef dáðst mikið af þessu bloggi og varla haldið munnvatni. Eigandinn er medicus og heitir Ragnar Freyr Ingvarsson. Hann er, fyrir utan að vera læknir, fagurkeri og sælkeri. Það hélt ég að væri ekki hægt. Hélt að mönnum yrði bumbult eftir að hafa gramsað í og á mannslíkamanum allan daginn í vinnunni. Þetta frístundaátak Ragnars er nokkuð í stíl lækna og lærðra á Grikkland, Ítalíu og víðar til forna. Cato gamli og Scipio lögðu t.d. mikla áherslu á lækningamátt káls. Læknar araba og gyðinga á miðöldum töldu að með réttu matarræði kæmust menn í veg fyrir sjúkdóma. Kínverskir læknar voru á sömu línu gegnum árþúsundin. Sjáið svo hve margir Kínverjar eru orðnir. Ragnar verður að koma þessum mætti matarræðisins til skila við sjúklinga sína.

Fyrir allmörgum árum kynntist ég heiðursmanni að nafni Nicholaos Stavroulakis á eyjunni Krít og hef skrifað lítillega um hann í danska tímaritið Udsyn. Stavroulakis er gyðingur, list- og fornleifafræðingur o.s.fr. Hann stofnsetti safn gyðinga í Grikklandi og endurbyggði eitt af samkunduhúsum gyðinga, Etz Hayyim, í Chania á norðvesturströnd Krítar. Hér getið þið fræðst um það merkilega starf sem hann hefur unnið þar. Stavroulakis hefur, fyrir utan svo margt annað, gefið út nokkrar matreiðslubækur, t.d. frábæra bók sem heitir: Cookbook of the Jews of Greece. Cadmus Press, PA 1986, sem ég náði í fyrir mörgum árum og hef notað mikið.

Brúðkaup í samkunduhúsinu í Chania. Þúsundþjalasmiðurinn Stavroulakis ber bænasjal og græna kollhúfu.

Hér er ein sefardísk uppskrift (upprunnin úr eldhúsum gyðinga sem flýðu frá Spáni um og efter 1492) frá Saloniku, sem mig langar að deila með ykkur: 

Soupa de huevos y limon (Avgolemon) 

1 stór kjúklingur

safinn úr 2-3 sítrónum

1 bolli af hrísgrjónum

2 laukar

3 egg

1 tsk. hveiti

salt og pipar

hökkuð steinselja

Hreinsið kjúklinginn vandlega og setjið í stóra grýtu og setjið í vatn svo það fljóti yfir kjúklinginn. Hakkið laukana fínt og setjið líka í grýtuna. Fáið suðuna upp og látið svo sjóða í um 10 mínútur. Fjarlægið þvínæst froðu og fitu af yfirborði soðsins. Látið svo kjúklinginn sjóða (malla við vægan hita í klukkustund, eða þangað til hann er vel soðinn. Þá er hann fjárlægður úr soðinu og settur á disk og kreist yfir hann örlitlum sítrónusafa. Seinna er hann skorinn í bita og borinn fram sem annar réttur á eftir súpunni, en einnig er hægt að setja bita af honum í súpuna þegar hún er tilbúin.

Í soðið eru nú sett hrísgrjón. Á meðan þau sjóða, eru eggjarauðurnar hrærðar í skál saman við hveitið og í það er settur sítrónusafinn, saltið og piparinn. Þessi blanda er hrærð í skálinni í vatnsbaði við vægan hita. Það þarf stöðugt að hræra blönduna, meðan bætt er við örlitlu af soði kjúklingsins. Úr þessu á  verður eins konar sósa. Eggjahvíturnar er þeyttar stífar og hrærðar varlega í sósuna og þetta látið kólna, áður en þessu er hellt niður í soðið. Þegar það hefur verið gert, má aðeins halda súpunni heitri og EKKI  láta suðuna koma upp. Hellið hakkaðri steinselju yfir og berið fram með sítrónusneið fyrir þá sem vilja þetta súrara.

Þetta er svo borið á borð með góðu brauði.  Súpa þessi er einstaklega góð við kvefi. Kjúklinginn er, eins og áður segir, hægt að borða á eftir, eins og hann er, með góðu salati, löðrandi í góðri grískri olíu, ólívum etc. Og ef það er helgi geta menn búið til eftirrétt úr möndlum með 12 stjörnu Metaxa. Færri stjörnur mega það ekki vera.

Kalimera!

Er Condi Rice orðin rugluð?

Hin eldklára Condoleezza Rice er ekki alltaf eins skarpsýn og haldið er fram. Kannski hefur hún einhvern veikleika eins og allir aðrir. Ég hef grun um, hvar skórinn kreppir á madömmunni.

Í viðtali við ísraelska dagblaðið Ha’aretz sagði hún í gær, að “Þetta er ekki árið 1938 og Íran er ekki Þýskaland nasismans”.  Þetta er annað hvort veruleikaflótti eða fáviska, og ég tel ekki lengur að Condi sé hlutlaus þegar kemur að lausn vandamála í Miðausturlöndum. Hún mun skapa fleiri vandamál en hún leysir áður en yfir líkur. Í Íran í dag er meiri terror en í Þýskalandi nasismans árið 1938. Fleiri hafa flúið landið vegna skoðanna sinna og fleiri eru fangelsaðir og pyntaðir en hjá nasistum árið 1938. Fleiri eru teknir af lífi með hegningarlögum sem eru þau ströngustu í heiminum. Í ofanálag verður ríki morðprestanna komið með gjöreyðingarvopn áður en langt um líður.

Líklegast er betra að spyrja flóttamann frá Íran um ástandið í landinu en Condoleezzu Rice. Lesendur góðir skoðið t.d.. www.iranfocus.com , ellegar þið sem talið frönsku: http://www.iran-resist.org/ . Hengingar á götum úti eru reglulegur viðburður í Íran. Fangelsi eru yfirfull. Íbúar, sem ekki eru handgegnir ofsaklerkunum eða eiga hagsmuna að gæta í kerfinu, lifa í endalausum ótta. Í ofanálag er fólki kennt að hata gyðinga. Þeir eru sagði standa á bak við allt illt í heiminum. Þeir eru meginfjendur Írans. Þannig var það nú líka árið 1938 í Þýskalandi nasismans, frú Condi. Lítið hefur breyst á 70 árum.

 

Vitið þið af hverju íranskir karlmenn ganga ekki með bindi?  Jú, bindi eru vestræn, zíonistísk uppfynning og þess vegna eru þau bönnuð. En ég hef aðra kenningu um af hverju klerkaóstjórnin bannar bindi. Þau minna örlítið á snörurnar sem þeir setja svo oft um háls þjóðar sinnar fyrir hinar minnstu sakir.  Vitið þið að Íran leyfir enn grýtingar á konum? Lesið fréttirnar hér.  og t.d. hér 

Hér eru nokkrar myndir frá Íran, til að minna á hve gott er að búa á Íslandi og hafa Sjálfstæðismenn og Framsókn sem helstu átrampendur landslýðs, þ.e.a.s. þegar jafnaðarfólkið eru ekki við völd. Við erum heppin. Fræðist með eigin augum . Hvað fynnst ykkur um þá refsingaraðferð, að fjarlæga augu. Það gera Íranir líka.

Verði ykkur að góðu vinir Írans.

Er hann í helvíti nú?

 

 

Látinn er í hárri elli franskur tækifærisinni og fjöldamorðingi, Maurice Papon, á 97. aldursári.  Í Annarri Heimsstyrjöld skrifaði hann undir skjöl sem embættismaður í Vichy-stjórn franskra fasista. Honum tókst að koma 1500 gyðingum fyrir kattarnef. Vel af sér vikið fyrir sannkristinn heiðursmann.

Fyrir klókindi tókst honum að sleppa við afleiðingu misjörða sinna þangað til 1998, er hann var dæmdur í 10 ára fangelsi  (sem þætti vel sloppið í sumum löndum, ef maður á líf 1500 manns á samviskunni).  Papon reis til mets og mannvirðinga og var til dæmis ráðherra í ríkisstjórn Valery Giscard-D'Estaings. Giscard-D'Estaing sá greinilega ekkert athugvert við að hafa morðinga í sínum röðum. - Og svo eru Frakkar að tala um Bandaríkjamenn!

Nú varpa ég spurningu til þeirra sem vita allt um verri staðinn. Er Papon þar nú?

 

Nærföt hryðjuverkamannsins

 

 

Þegar verið er að ræða um tísku. Hvað finnst ykkur um þetta lúkk, nærföt hryðjuverkamannsins? Þetta var afar vinsælt á Norðurbrún (Nørrebro) síðastliðið sumar

Barinn fyrir að vera með fána í poka

Eftir rannsóknarferð mína um miðbæ Kaupmannahafnar þann 21. júlí sl., gekk ég í gegnum bæinn með vini mínum, pólskum gyðingi sem kallar sig Jerry en heitir upphaflega Jerzy. Er við komum til Nyrðri Borgarhliðs(Nørreport), varð ég var við einhver ólæti við eitt af strætisvagnabiðskýlunum þar. Ég sá lögregluna, sem hafði tekið höndum ungan arabískan mann. Við komumst fljótlega úr skugga um ástæðuna fyrir handtöku mannsins.  Hann hafði séð miðaldra mann ganga með danskan og ísraelskan fána ofan í innkaupapoka. Arabinn hafði veitt manninum með pokann eftirför upp í stræðisvagn og byrjað að slá hann og sparka í hann. Vagnstjórinn var fjótur til og lokaði ofbeldismanninn inn í vagninum og kom öðrum farðþegum í snatri út úr vagninum. Lögreglan kom að vörmu spori. Maðurinn, sem leyfði sér að hafa tvo fána í poka sínum var illa marinn í andliti og hafði fengið högg á eyrað.

  

  

Vinur minn pólski, sem er ljósmyndari að atvinnu, tók myndir af öllu saman. Er hann var að taka mynd af ofbeldismanninum, réðst á hann arabískur maður, sem við höfðum séð við samkomu Hizb ut Tahrir og hótaði okkur öllu illu. Hér er mynd af honum og ofbeldismanninum í gulum bol.

  

Danski maðurinn sem varð fyrir barðinu á ofbeldismanninum, hafði verið viðstaddur útifund örfárra stuðningsmanna Ísraelsríkis, sem fór fram við Kristjánsborgarhöll í Kaupmannahöfn.  Ætli ofbeldismaðurinn, sem einnig hafði verið á Ráðhústorginu að mótmæla tilvist Ísraelsríki, leiti nú á náðir hryðjuverka, uppgefinn og miður sín út af skilningsleysi dansks þjóðfélags á sérkröfum sínum og yfirgefinn og misskilinn af öllum? Það er aldrei að vita. Ef til vil fer hann til Íraks og sprengir sig í tætlur fyrir dauðgóðan málstað.   

Hryðjuverkaríkið Danmörk

Þessa dagana er talað mikið um hryðjuverkamenn í Danmörku. Nýlega féll dómur í máli 4 meintra terrorista. Þrír voru sýknaðir, en einn á 18. aldursári var fundinn sekur og dæmdur í 7 ára fangelsi. Ekki ætla ég að deila við dómarana um sakleysi þrímenninganna sem sleppt var og sá sem sekur var fundinn hefur áfrýjað dóminum, eins og vera ber í réttafarsríki. Annað mál geng öðrum ungmennum í hryðjuverkahugleiðingum kemur brátt fyrir dómara í Óðinsvéum. Nýlega var Dani af tyrknesku bergi brotinn, dæmdur í fangelsi í Bosníu fyrir að leggja á ráðin um hryðjuverk gegn saklausu fólki í Evrópu.

Af hverju velja þessi ungmenni að fremja hryðjuverk “einhvers staðar í Evrópu”?  Almenningi, sem ekki er í slíkum hugleiðingum, er jafnan sagt að þessir piltar hafi átt erfiða æsku, séu flóttamenn, ef til vill Palestínumenn, eigi bágt og að dönsk yfirvöld hafi brugðist þeim. Ekki ætla ég að draga í efa, að það geti verið hluti af skýringunni fyrir framferði þeirra. En það er alls ekki búið illa að þessum drengjum. Þeir eiga kost á skólagöngu, húsnæði og sömu mannréttindum og Danir njóta. En það virðist ekki vera nóg fyrir þá. Þeir hafa því fundið annað, mikilvægara, sem þeir láta stjórna lífi sínu og sem þeir virða meir en það samfélag sem þeir lifa í. Það er ofsafengin trú, bólginn botnlangi Íslams, þar sem allt það versta í manninum er sett á oddinn til að leysa vanda samfélagsins. Lausnin er ein alsherjarsprenging, blóðsúthelling og ofbeldi sem fær réttlætingu í trúnni, vegna þess að Allah er stór. Retóríkin er einföld en blóðug. 

21. júlí í fyrra varð ég vitni að fjöldamótmælum í Kaupmannahöfn. Á einum stað, Axeltorv, höfðu safnast saman stuðningsmenn Hizbollah, þó í óþökk vinstrimannanna sem héldu mótmælastöðuna. Þótt Hezbollah séu hryðjuverkasamtök sem EB hefur bannað, aðhafðist danska lögreglan ekkert. Ætli löggurnar hafa haft minnstu hugmynd um hvað gulu fánarnir með hríðskotarifflinum tákna?

  

Nasrallah Hezbollah-klerkur fyrir utan Tívolí - nei en gaman!

 

"Ja, er det stationen? Nogle af dem har gule flag, er det farligt?"

Á Ráðhústorginu í Kaupmannhöfn fjölmenntu liðsmenn Hizb ut Tahrir, sem vilja stofna alheimsríki múslima, Kalífatið, og ætla sér að taka Jerúsalem og nota hana sem höfuðborg. Þeir vilja safna múslimum í eina þjóð, Ummah (%u0623%u0645%u0629‎), einhvers konar herraþjóð. Liðsmenn þessarra samtaka í Danmörku, sem eru bönnuð í öðrum löndum umhverfis Danmörku, m.a. Svíþjóð, hafa verið dæmdir fyrir að hvetja til dráps á gyðingum, hvar sem þá er að finna. Þeir tala um gyðinga, eins og nazistar gerðu, og líkja þeim við óæðri dýr. Liðsmennirnir ganga snyrtilega til fara. Í svörtum jakkafötum og hvítum skyrtum og hermennskubragur er yfir öllu hjá þessum ungmennum. Konur halda sig í bakgrunninum. Slagorðin á Ráðhústorginu voru “dauði Ísraels” og aðalvandamálið voru gyðingar. Þetta gæti alveg eins hafa verið í Nürnberg árið 1938.