Þvílík og önnur eins starfsorka

Nýlega skrifaði ég færslu um „litlu býfluguna" hana Joly .  Nú er ég í vafa um greininguna á þessu norska fyrirbæri. Er þetta ef til vill dægurfluga eða bara fiskifluga?

Það er augljóst að kerlingin má ekkert vera að því að kafa í skít á Íslandi, enda kemur hún hingað aðeins nokkra daga í mánuði, mest til að halda fjölmiðlum og ríkisstjórninni við efnið. Fyrir það fær hún 1,3 milljón á mánuði og það er greinilega ekkert mál að yfirfæra það á reikning maddömunnar í París þrátt fyrir 500.000 kr. yfirfærsluloft á gjaldeyri á mánuði, sem venjulegar býflugur sem fóðra þetta norska fyrirbæri þurfa að sætta sig við.

Nú er hún líka komin með stöðu við háskólann í Þrumu og Fiskerihøgskolen. Já, svo fiskifluga er líklega rétt greining. Til hamingju Madame. Ekki með það að vera fiskifluga, heldur stöðuna þarna í landi Samanna, sem Norðmenn hafa níðst á í aldaraðir. Þeir geta kannski ráðið þig líka?

Stjórnmálin í ESB taka líka mikinn tíma hjá frúnni. Fyrst konan er svona hlaðin starfsorku, ætti hún líka að geta fengið starf í auglýsingum, til dæmis fyrir Duracell rafhlöður. Hvað með norskukennslu í RÚV?

En hvað getur ein manneskja annars verið á launalista á mörgum stöðum í einu án þess að menn fari að gruna hana um græðgi? Kann hún sér yfirleitt hóf? Er kannski dálítill Íslendingur í henni?  Eða er hún kannski alveg eins og vondu Kanarnir sem hún réðst á í ræðu sinni í Tromsø, þegar hún sagði: „Fáir einstaklingar hafa rænt til sín miklum fjármunum með því að halda því fram að þjónusta þeirra sé algerlega nauðsynleg," og bætti við: „Þegar Bandaríkin hnerra fær restin af heiminum kvef," og benti á að Bandaríkin hefðu 25% af brúttó þjóðarframleiðslu heimsins og að 72% af þjóðarframleiðslu Bandaríkjanna væri byggð á neyslu, neyslu sem minnkaði í takt við þau 1,1 milljón störf sem nú hyrfu í því landi í hverjum mánuði.

Á heimasíðu háskólans í Tromsø er haft eftir rektor:  - Vi sørger for en stilling til henne, det er bare formalia. Já, rektor hefur augsjáanlega komist í feitt. Nú fær skólinn almennilegan Ameríkanahatara til að halda uppbyggilegar ræður um sýkingar frá BNA.

Ef þessi gífurlega orka eru bara norsk Messíasar-heilkenni, en ekki amerísk græðgi og neysla sem hrjáir Joly, vonar maður bara að þeir peningar sem hún fær fyrir „formalia" og önnur störf renni í sjóði eða eitthvað skynsamt. Vonandi er starf hennar á Íslandi ekki bara "formalia" sem endar áður en botninum er náð.

Kannski ætti maður að hafa samband við Philippe Cohen, rannsóknarblaðamanninn sem sérhæft hefur sig í flugum eins og Joly?

Eva Joly: Botninum ekki náð

Kann ekki einu sinni samningaensku

 

Allt Icesave málið verðu sífellt augljósara, sérstaklega slæleg frammistaða íslensku samninganefndarinnar undir forystu Svavars Gestssonar sendiherra (á framlengingu) í Kaupmannahöfn. Megabloggarinn Jón Valur Jensson birtir úrdrátt úr viðtali á Útvarpi Sögu við Magnús Thoroddsen hrl og fyrrverandi forseta Hæstaréttar, sem sagði:

„Það er kannski skrýtnast í sambandi við þetta, að þessi maður [Svavar Gestsson] hafði verið valinn sem formaður í nefndinni. Hann er hvorki lögfræðingur né, að því er égveit, haft nokkra reynslu í sambandi við samninga af þessu tagi. Og ég vil bara leggja áherzlu á það, að enskt lagamál, það er allt öðruvísi heldur en venjuleg enska. Og menn, sem kunna að vera góðir í enskri tungu, þeir skilja ekki samninga á ensku, alls ekki til fullnustu, að minnsta kosti, ég fullyrði það." (zeturnar er í boði Jóns Vals)

Þetta er líklega rétt hjá Magnúsi. Ekki lærði Svavar samningaensku við HÍ þau ár sem hann kallaði sig stud. jur. Á PHS, Parteihochschule Karl Marx(Rotes Kloster) am Köllnischen Park, i Berlín lögðu menn áherslu á nómenklatúru og Volkswirtschaftslehre, en ekki samningaensku. Þeir sem voru á Institut für Ausländerstudium (Ernst Thälmann Institut hjá Johnny Norden) gætu hugsanlega hafa sótt kúrsa á Lehrstuhl Politische Ökonomie des Kapitalismus, en ekki til annars en að nema þar ókosti og dekadansa Kapítalismans. Sem sagt, engin samningaenska, aðeins kommúnistískt orðagjálfur.

Á þessum síðustu og verstu tímum,  þegar fólk með potta, pönnur og nómenklatúr ringulreiðarinnar hefur sett „ómenntaðan" seðlabankastjóra af, legg ég til að búsáhaldadeildin ærist dulítið yfir manni sem kann meira í kommúnistískum nómenklatúr en samningaensku, en sem á að hafa fyrir okkur vitið í mikilvægustu ákvörðun sem þjóðin hefur þurft að taka.

Er Ögmundur kominn á breytingaraldurinn?

Nú lýsir hann yfir stuðningi við ESB-aðildarviðræður, já meira að segja aðildarumsókn í allri sinni dýrð.  Miklar breytingar eru greinilega yfirvofandi. Ögmundur lýsir, eins og kunnugt er, gjarnan yfir stuðningi við Hamas og Hizballah, sem ESB skilgreinir sem hryðjuverkasamtök. Mikið verður Mundi að breyta sér til að komast inn í ESB. Það þýðir ekkert að vera stuðningsmaður Hamas, þegar maður vill aðild að ESB. Ég sé fyrirsögnina fyrir mér í stórblöðum Evrópu: Icelandic EU application spokesperson supports Hamas  -  Nei, það gengur auðvitað alls ekki.

Icelandic Trash

 

Tvær ESB-þjóðir eru að gera Íslendinga að ruslaralýð, sem á endanum fer á vergang og verður flóttamannalýður í ESB löndunum.

Fitch, Moody's og Standard og Poor's eru að sögn bölmóðra stuðningsmanna ríkisstjórnarómyndarinnar okkar, að setja Íslendinga í ruslaflokk. Við erum að verða að skrásettum ruslaralýð. Nokkrir Mammonsrunkarar hjá þessum matsfyrirtækjum hafa lýðveldið okkar í höndum sér. Okkur verður rusluð út um allar jarðir, þegar þeir eru búnir að ljúka sér af. 

Við kusum nefnilega yfir okkar ruslastjórn, sem lét 3. flokks ruslakommúnista með flokksþjálfun frá DDR ganga frá ruslasamninga við Breta og Hollendinga, þar sem við verðum urðuð á ruslahaugi sögunnar, því Landsbankaeignir eru svo mikið rusl, að þær ná aðeins upp í 83% skulda sem ríkisstjórnin ætlar að neyða Íslendinga til að greiða Bretum og Hollendingum. Var nema von að Bretar og Hollendingar vildu ekki láta ruslþjóðina sjá neyðarlega samninginn? Það var stór hætta á því að einhverjir meðal ruslalýðsins áttuðu sig á því hvað um væri að vera.

Eignir Landsbankans rýrna enn meira ef við verðum sett í öskuna af skrásettum ruslaralýð í boði Fitch, Moody's og Standard og Poor's.

Íslenskur ruslalýður verður að sætta sig við að Herraþjóðirnar í Evrópu, sem tókst að sameinaða það sem Hitler mistókst, valta yfir 300.000 manna þjóð, sem var svo einföld að hún lét nokkra gráðuga gauka velta hagkerfi sínu. Herraþjóðirnar í ESB, sem af og til hella peningum í hryðjuverkalið í Palestínu til að ganga frá lýðveldinu Ísrael (og ljúka verki Hitlers), vill nú mergsjúga Íslendinga út af sparireikningum gráðugra Hollendinga og Breta, sem trúðu því að í ruslaríkinu Íslandi væru til menn sem breytt gætu lofti í peninga. Það er þá ekki bara annars flokks þjóð og ruslararlýður sem trúir á slík ævintýri?

Íslendingar, sem gefast upp, geta svo hæglega sótt um hæli sem flóttamenn í ESB og skýrt umsókn sína með að að Hollendingar og Englendingar hafi þvingað þá frá heimilum sínum og ættjörð vegna meintra hryðjuverka nokkurra aðila sem stóðu á bakvið ICESAVE-svindlið.

Flytjum öll til ESB og krefjumst hælis vegna valdbeitingar og fjármálaþvingana ESB ríkja. Við munum örugglega fljótlega fá aðstoð frá ESB löndum. Gervilimina eigum við á lager.

Burt með ríkisstjórnina

Burt með Icesave þrælasamninginn

Burt með hugaróra um ESB-aðild (ESB safnar ekki rusli)

Þjófar á gröfum

 

Er það ekki einmitt vandi Íslands. Gráðugir gröfumenn í bönkum, hér þar og alls staðar? Stórir strákar, sexí stjórar, miklir skaffarar, sem hafa verið góðir í sandkassaleik síðan þeir voru litlir. Þegar rigningin kemur hrynur allt hjá þeim. Í græðgi sinni keyra þeir yfir annað fólk og brjóta svo niður þegar þeir eru komnir á kúpuna. Miklir menn og litlir karlar. Mömmustrákar.

Húsbrjóturinn af Álftanesinu var hylltur sem hetja af Borgarahreyfingunni. Kannski ætti liðið í þeim flokki, sem einnig hyllir hryðjuverk út í heimi, að nota gráu sellurnar oftar - að minnsta kosti áður en þeir nota afleitar fyrirmyndir og örþrifaráð þjófs til að tala máli sínu.

Frá flokksskóla í Berlín í framlengingu í Kaupmannahöfn

Óstaðfestar sögur fara af því að Svavar Gestsson, aðalhetjan okkar úr Icesave samningunum, óski eftir að fá framlengingu í embætti sínu hér í Kaupmannahöfn. Svavar er svakalega upp með sér yfir glæstum ferli og vel unnum afleik fyrir Íslendinga. Afleik sem jaðrar við landráð.  

Ætli Össur hafi sett stubb á Svavar til að halda VG góðum meðan ESB er troðið upp á Íslendinga?

Svavar Gestsson hefur verið gallharður í því að verja land og þjóð, en sérstaklega hagsmuni útrásarvíkinga hér í Danmörku, allt þangað til yfir leið. Þegar ég bað saksóknara í Danmörku um að rannsaka ásökun Ekstra Bladets um að allir Íslendingar hefðu áætlun um að yfirtaka heiminn, var Svavar upptekinn í því að lýsa yfir ágæti þeirra fáu Íslendinga sem síðar settu okkur á hausinn. Ég vildi ekki liggja undir þeim grun, að ég væri kominn með mikilmennskubrjálæði vegna þess að einhverjir pabbadrengir og loddarar höfðu keypt lausagóss í Danmörku.

 

"Mr. Brown, this fellow is most likely a terrorist"

Ef Svavar fær framlengingu, ætti hann kannski að skrifa endurminningar sínar í glerskála sendiherrabústaðarins á kvöldin. Til dæmis sæluminningar frá flokksskólanum á Berlínarárunum, þar sem hinn saklausi sveitamaður frá Íslandi sat á skólabekk með forhertum hryðjuverkamönnum. Þrátt fyrir að Steingrímur Hermannsson og Jón Baldvin hafi reynt að klína STASI stimpli á björgunarmann okkar í ICESAVE-deilunni, hefur enn ekkert fundist. En gleymum ekki einu: Afrit voru tekin af afritum, margt var sent til Moskvu og víðar og jafnvel klósettpappírinn í DDR var í þríriti.

Réttast væri að flengja Svavar opinbera fyrir þau landráð sem ICESAVE afleikurinn er, í stað þess að klína á hann framlengingu. 

Kaghýðing ríkisstjórnarinnar, sem lætur þjóðina ærast vegna lélegs upplýsingastreymis og ónógs gegnsæis, er líka tímabær. Og hvernig hýðir maður svo ríkisstjórn sem gerir mistök á mistök ofan:  Maður segir henni upp! Það er lýðræði.

Ijsschavers

Henk van der Dijk lögfræðilegur ráðunautur hollensku stjórnarinnar, lýsti því yfir í kvöld, að ef Íslendingar gætu ekki greitt Icesave skuldina, væru Hollendingar tilbúnir með lista yfir það sem þeir vildu eignast á Íslandi. Van der Dijk lýsti því yfir, að hann teldi öruggt að Hekla, Gullfoss og Geysir væru þar ofarlega á lista.

Pick Zakkewasser, listfræðingur og aðstoðarmaður Henk van der Dijk, taldi af og frá, að taka við Kjarvalsmálverkum upp í skuldir Íslendinga. "Kjarval hefði einfaldlega ekki málað nógu mörg málverk".

Aðstoðarmaður Picks, Engerd de Hoerejong, lýsti því yfir að Hollendingar væru auðvitað himinlifandi yfir því að hafa lent á mesta fífli sögunnar, sem stýrði samningunum fyrir hönd Íslendinga. Af þeim sökum kæmi ekki til mála að flytja Íslendinga á fæti til Hollands til að vinna við annað en drátt pramma. Ljóshærðar og vel vaxnar konur gætu þó alltaf fengið vinnu við drátt líka, enn allt fé sem þær ynnu sér inn færi vitanlega beint upp í skuldir.

Nei, lesendur mínir, allt gaman til hliðar. Hollensk yfirvöld hjálpuðu nasistum til að myrða bróðurpart gyðinga Hollands, og hafa aldrei greitt skaðabætur né beðist afsökunar.  Svo eiga Íslendingar að fara að skuldbinda sig eins og þrælar.

Hollendingar vilja eignast Ísland, því að Holland er að sökkva í hafið  .. og öfgalýð.

Godverdomme Nederlanders - Stop het Ijschave in je nauwe gaatje !

DJ Ásta

Þingforseti, frú Ásta Ragnheiður Jóhannesdóttir, er einnig þekkt sem allrahanda, þar sem hún hefur verið á þingi fyrir Framsóknarflokk, Þjóðvaka, Þingflokk Jafnaðarmanna og Samfylkinguna. Hún hefur einnig boðið sig fram fyrir Framboðsflokkinn, O flokkinn (1971), sem hélt því fram að pólitík væri bíll. Nú er pólitík bjalla við hásæti þingforsetans.

Hin einstæða slagverkskunnátta hennar kemur sér örugglega vel í undanfaranum að eymd Icesave áranna og í volæði ESB, þar sem einhver Gísli, Eiríkur og Helga munu sitja og semja af okkur æruna og það sem eftir er.  

Þeir sem hafa eitthvað annað að segja fá bjöllusóló hjá frú Ástu.

 

En ekki má gleyma því að Ásta Ragnheiður var plötusnúður í Glaumbæ 1969-1971, auk þess í Tónabæ og Klúbbnum og enn fremur á Ríkisútvarpinu þar sem Lög Unga Fólksins voru hennar sérgrein. Discobjallan er henni því ekki framandi hljóðfæri.

Það er þó langt frá því að þingforseti okkar sé búin broti af þokka Anitu Ward, sem líka hrindi bjöllu sinni hér um árið og ærði unga menn með seiðandi tilboði um að dingla á bjöllunni.

Birthday á barnum

 

O, thou old green guy of the Icelandic rain,

you cannot imagine the state of your country, the pain.

The good old Althing's gone down the drain,

Happy birthday Johnny, your work was in vain.

 

You are standing there oh so swell,

not far from the Banks of the sewer, the smell.

The nation insane, not sound nor well,

awaiting The European Union train to Hell.

Sýnum stuðning þeim sem frelsa vilja Íran

 

Hvar er íslenska ríkisstjórnin nú? Þegar Palestínumenn öskra og krefjast útrýmingar Ísraelsríkis, eru margir Íslendingar tilbúnir með alls kyns aðstoð. Peninga, gervilimi, sjálfsblekkingu og jafnvel hreinræktað gyðingahatur.

En þegar ein elsta menningarþjóð í Asíu, Íranar, þurfa á hjálp heimsins að halda, er forsætisráðherrann okkar víðs fjarri að skála við kollega sína á Norðurlöndum í Arnarhreiðri nasistaskálds austur á Héraði. Þeir munu víst styðja okkur inn í Fata Morgana morgunlandsins (ESB). En styður Jóhanna baráttu frelsisafla í Íran? Eða í það minnsta réttindi samkynhneigða þar í landi?

Þegar stríðið geisaði á Gaza um áramótin voru bloggarar og fréttamiðlar á Íslandi oft meira uppteknir af því en naflaskoðuninni í sambandi við hrun íslenska efnahagsundursins .

Nú, þegar íbúar eins kúgaðasta land heimsins eru hugsanlega að kasta af sér okinu, heyrist vart í Íslendingum. Þeir eru skriðnir inn í naflann á sér til að leita að kuski.  Ekki einu sinni heilög Birgitta, þingmaðurinn sem grætur Þjórsá fyrir Tíbet og er tilbúinn að deyja fyrir Palestínumenn.  Nei, hún er að reyna skilja Icesave og bjóða landsmönnum í ókeypis Tíbetbíó.

Egill Helgason, maðurinn á bak við Joly Co la la, og margt, margt fleira, sem er svo stór að alltaf sést í hann á bak við allt það sem hann stendur á bak við (og það er ekki lítið), hefur ekki úthellt galli um Amadinejad eins og hann hellir jafnan sýru og eitri í skál Ísraelsmanna.

Styðjum þau öfl í Íran, sem vilja losna undan vitleysingnum, sem Íslensk yfirvöld, eitt fárra ríkja í Evrópu ákvæðu að heiðra á ráðstefnu SÞ um mannréttindi í Genf í apríl sl.

Frjálsara Íran þýðir aukinn heimsfrið og öryggi.

Ekki tel ég  víst, að Mirhossein Mousavi sé það sem menn leggja líf sitt að veði fyrir í Íran þessa dagana. Mig grunar að ungt fólk í Íran sé að andmæla því afbrigðilega Íslam sem eyðilagt hefur hið merkilega og gamla ríki, Íran.