KGB´s loverboy nr. 1 er naívisti

Nú þegar fram er komið, að sænski ”hjartaknúsarinn” og vinstrihetjan Jan Guillou var KGB-njósnari, lýsir hann roggin yfir:  ”Jag var ung og kolossalt naiv”. Vandamálið er bara að Jan Guillou er enn kolossalt naiv og styður hryðjuverkasamtök líkt og fjöldi annarra einfeldninga á Vesturlöndum.

Spurningin er, hvort Guillou hafi ekki alltaf verið kolossalt naiv? Fólk sem aðhylltist mannfyrirlitningu kommúnismans eru einfeldningar margt sekt um stuðning við glæpi. Þegar það fer að lofsyngja terrorista er maður alvarlega í vafa um geðheilsu þeirra. Ég bið að heilsa íslenskum góðvinum Jan Guillou. Þetta er mikill dándipiltur.

Á þessum síðustu og verstu ...

Dr. Johan Barnard sérlegur skottulæknir hollensku náhirðarinnar sér í Haag, lýsti því yfir í gær, að þótt að íslenski sjúklingurinn væri dauður eftir að hann skar nokkur pund úr síðu hans, þá séu þrátt fyrir það góðar líkur á því að Íslendingurinn borgi samt.

Dr. Barnard krefst þess af Alþingi, að það samþykki sáttmála þann sem hann undirritaði með  hjúunum á Allsleysu, Steingrími harðabónda og Jóhönnu þöglu, með blóði íslenskra barna, ellegar fái Íslendingar ekki ESB-gangráð eða AGS-bóluefni.

Ísland er gjaldþrota

 

Ef Ísland greiðir fyrir syndir Icesave-glæpagengisins og auðtrúa fórnarlamba þeirra, verður töluð bjöguð hollenska á Íslandi árið 2050. Farið að æfa kokhljóðin ef þið ætlið ykkur að vera þjónar nýju herranna. Ef Ísland neitar að borga, er myndin hér að ofan af Hollandi árið 2050. Við gætum veitt Hollandi  mikla aðstoð ef við höldum rétt á spöðunum.

Greining Gunnars Tómassonar hagfræðings, sem send var liðinu á Alþingi í gær, sýnir klárlega að íslenska ríkið er gjaldþrota og meira en svo. Í stað þess að taka á sig Icesave skuldir íslenskra glæpamannanna, ber yfirvöldum að viðurkenna að Ísland er gjaldþrota og lýsa því yfir sem fyrst. Alþingi er ekki stætt á öðru en að hafna þeirri ómynd, sem „nýi" Icesave-samningurinn er.

Ísland þarf ekki nein lán frá AGS með neðanmálsgreinum sem samdar hafa verið af sjúklingnum Gordon Brown og KFUM-stráklingnum Wouter Bos. Ef ESB gerir sér grein fyrir því að hlutfall erlendra skulda miðað við VÞF eru hvergi meiri í heiminum og í heimssögunni en á Íslandi, er út í hött að tala um aðild Íslands að ESB. En kratagengið á Íslandi er í afneitum. Það neitar að horfast í augu við staðreyndir. Það hentar kratagenginu í ESB vel. Þeir sjá að bræður þeirra á Íslandi eru líka frá Bakka.

Lars Christensen hjá Danske Bank var þegar kominn með þá greiningu á Ísland væri gjaldþrota  og mælti með því að íslenska ríkið lýsti sig gjaldþrota. En þess í stað setur ríkisstjórnin á svið leikrit fáránleikans, þar sem afneitun og ímyndun er aðalsöguþráðurinn. Við höfum ríkisstjórn sem ætlar sér að færa einu auðlindir Íslands á silfurfati til Hollendinga og Breta. Það er þó engin ástæða til þess. Við getum selt Hollendingum land og kennt þeim mannasiði, þegar heimshöfin flæða yfir fenin og þeir drukkna í eigin skít. Bretar hanga sjálfir á bláþræði og gaman væri að sjá hvort þeir geta líka bjargað sér sjálfir. Það geta Íslendingar, án landsölu og vændis. 

Ráðherra í loftbelg á hraðri leið til ESB

Það slys átti sér í stað seint í gærkvöld, að Jóhanna Sigurðardóttir skreið inn í loftbelg þann sem ríkisstjórnin hefur verið að blása upp með aðhlátursgasi á síðustu mánuðum.

Seint í gærkveldi var hringt í neyðarlínuna og sagt að belgurinn hefði hafið sig á loft, og að Jóhanna væri inni í honum. Hún hafði skriðið inn í belginn til að bæta stór göt, þar sem sást í gegnum hann. Belgurinn svífur nú framhjá Færeyjum, og virðist stefna hraðbyri til meginlands Evrópu. Balllestin eru tóm loforð.

Ef belgurinn lendir í Evrópu, vona menn að Jóhanna verði ekki talin til geimvera. Belgurinn líkist nefnilega fljúgandi furðuhlut og áhöfnin er hvíthærð og talar óskiljalegt tungumál.

Ómar Ragnarsson fylgist með málum úr Frúnni, og segir að þetta sé skemmtileg viðbót við loftbelgjasögu Íslands.

Lesið Loft og látið hann ekki sem vind um eyrun þjóta!

Maður er nefndur Loftur Altice Þorsteinsson. Hann skrifar ekki neitt skemmtiblogg til þess að lokka að milljón heimsóknir eins og þeir sem hrista á sér brjóstin eða rasskinnarnar framan í lesendur. Hann kemst víst aldrei á Eyjubloggið.

Það er því meiri sannleikur í því sem hann skrifar, en sannleikurinn er stundum erfið lesning fyrir suma. Stundum óskar maður þess að fleiri menn eins og Loftur sætu í ríkisstjórn landsins.  Ýmsir í Sjálfstæðisflokknum mættu láta af hendi sæti sín á þingi handa Lofti.

Ég hvet alla til að lesa nýjustu færslu Lofts ESB-tilskipun útilokar ESB-aðild Íslands !

Íslamistar leggjast á Danmörku eins og hræ

 

Dansk-Palestínskur kvikmyndagerðarmaður þakkar Dönum ofeldið með því að búa til "heimildamynd" sem sýnir Dani sem eintóma kynþáttahatara.

Hinn palestínski Awad Jouma'a segist vera að hjálpa Dönum með kvikmynd sinni, sem verður frumsýnd á al-Jazeera i kvöld. Joumaa þessi segir, að arabar hafi allt of jákvæða skoðun á Danmörku. Hann vill breyta henni með kvikmynd sinni.

Prófessor Jakob Skovgaard-Petersen við Hafnarháskóla, óttast, eftir að hafa séð brot úr myndinni, að hún muni geta haft ófyrirsjáanleg áhrif til hins verra í samskiptum Dana við ríki Múslíma. Hann telur myndina öfgafulla og að hún sýni ekki rétta mynd af Dönum. Jakob Skovgaard-Petersen er sérfræðingur í málefnum Miðausturlanda.

Það fer að líða að því að menn sjái, að það eru ekki Danir sem eru vandamálið.  Danir þurfa daglega að horfa upp á einkennilegt framferði innflytjanda í Danmörku, sem ræna, rupla, skjóta, nauðga og fyrirlíta, svo sumt sé upp talið. Ekki er þar með sagt að Danir fremji ekki þessar syndir sjálfir, en miðað við hlutfall innflytjenda frá múslímskum löndum og tíðni þeirra í glæpastarfsemi, er engum vafa undirorpið hvaða vandamál er á ferðinni. Danskir krimmar geta ekki hrópað: "KYNÞÁTTAHATUR" (racisme). Það gera skítseyðing á meðal innflytjendanna og blanda þar að auki Allah inn í umræðuna. Þeir koma sumir úr fangelsunum og eru þar orðnir frómir Jiihadistar, tilbúnir til að stofna Ummah, alheimsríki Íslams. Þegar svo er komið er gott að hafa Dani til að hoppa á þegar maður getur ekki drepið Gyðinga eða Kana með hjálp vinanna einföldu á Vesturlöndum, The Lefty liberal multicultural appeasement monkeys, svo ég noti orð Pat Condells, sem stundum hittir naglann beint á hausinn; Og ekki er hann Dani.

AGS og ESB

Ég vissi þetta. AGS eru samtök geitaræktara, og ESB er brjáluð belja.

Nýr Eyjubloggari: Davíð Oddsson

Nú bregður svo við að hálfir Bloggheimar eru á flótta undan Davíð Oddssyni yfir á Eyjuna. Menn bera sig illa og geta ekki skrifað fyrir leiða og vindverkjum. Menn sigla loks eintrjáningum og tuðrubátum hégóma síns að ströndum Eyjunnar fögru. Sumir vaða í land nærri dauða en lífi og eru varla skrifandi eftir róðurinn mikla.

Samtímis virðist Davíð vera orðinn albloggarinn þar, og er búinn að bumba Agli Helgasyni úr hásæti bloggaranna. Það er vart um aðra menn rætt þessa dagana á Eyjunni en hann Davíð, nema vera kynni um dugleysi Tyrkjabuddu og hinna vitleysingana í Ríkisóstjórninni. Öflugur Bloggari, Davíð. Kominn á Eyjubloggið, án þess að vera þar.

Jólasveinar ganga um gólf með betlistaf í hendi

Evrusleikir fékk billjón zloty og milljón Prins Póló í Konstantínópel í gær. En AGS-Kahn stal því strax og öllu steininum léttara handa nýrri hjákonu sinni. Hafa Pólverjar nokkuð greitt það til baka sem þeir stálu frá gyðingum? 

Grýla verður ekki glöð og heldur ekki Joly, en þjóðin fær þá bara því hærri skatta. 

Rúblusníki tókst heldur ekki að kría dollar úr Rússum, enda lífsgæði ekki eins mikil í Rússíá og á Fróni.

Munið lífsgæði. Þau verða ekki mæld í peninga- eða stjórnmálamönnum 

Davíð, er algjör arabi á vaktinni?

Hr. Davíð Oddsson ritstjóri. Snemma í morgun var sett frétt á mbl.is. Hún hljóðaði svo í einfaldleika sínum:

Mahmoud Ahmadinejad, forseti Írans, sem ítrekað hefur lýst andúð sinni á gyðingum og Ísrael og sagt helför gyðinga vera lygi, virðist sjálfur vera af gyðingaættum. Þetta fullyrðir breska blaðið Daily Telegraph.

Svo var henni breytt meðan að ég skrifaði þetta og hún öll aukin.

Í upphaflegu fréttinni var enginn tengill við frétt Daily Telegraph. Svo var settur tengill í afar vafasama frétt Daily Telegraph þar sem Ahmadinejad var venslaður við gyðinga. Slíkar sögur hafa flakkað um Miðausturlönd í nokkur ár. Menn kalla hann líka Tyrkja og aðrir segja að hann sé af armenskum ættum. Gott ef ekki hefur verið haldið fram, að hann sé Dani. Ekki var blaðamaður Moggans að hafa fyrir því að tengja í þessa frétt.

Fréttin í Daily Telegraph er annað hvort, tilraun til að vera fyndinn, eða gyðingahatur. Hún er full af rangfærslum og mæli ég með því að menn lesi þetta: http://tracingthetribe.blogspot.com/2009/01/iran-jewish-genealogists-at-work.html

Var maðurinn á myndinni hér að ofan ekki sagður vera af negrum kominn - og það er þó ekki ljótum að líkjast - og ekki skýtur hann yfir markið. Það gerir www.mbl.is hins vegar nokkuð oft. Menn ættu að sjá sóma sinna að vera ekki að lepja furðufréttir af breskum fjölmiðlum nú á hinum síðustu og verstu tímum.

Ég tek það fram vegna fyrirsagnar þeirrar sem ég slengi hér út með þessu morgunbloggi, að arabi var skammaryrði í minni barnæsku í Reykjavík. Menn töluðu um "algjöra araba". Svo ekkert píp frá pólítískt rétthugsandi vælukjóum og grátkerlingum, takk.

Ahmadinejad af gyðingaættum?