Gangið úr flokknum !

Ungliðar Vinstri Grænna mótmæla hörku Steingríms Lagabrjóts og annarra stjórnarliða gegn flóttamönnum.

En hverju bjuggust ungliðarnir eiginlega við? Gamalmennin í VG með Steingrím í fararbroddi hafa í áraráðir stutt hryðjuverkasamtök, sem studd eru með ráðum og dáð af Íran, og telja Íran vera ríki sem hægt sé að ræða við.

Þess vegna er Írani sendur úr landi á Íslandi og íslensk lög brotin. Steingrímur sýnir ítrekaðan brotavilja þessa dagana. Hann trampar á stjórnarskránni og horfir í hina áttina þegar flóttamanni er bolað úr landi. Kannski erum við að fá íranska stjórnarhætti á Íslandi? Margt bendir til þess: Háskólamenn, sem vilja banna fagurbókmenntir og stjórnmálamenn, sem vilja taka upp stjórnmálasamband við hryðjuverkaríki.

Við getum bara vonað að Íraninn sem hrakinn var úr landi verði ekki hengdur í ljósastaur eða pyntaður í fangelsi, ef hann verður flæmdur alla leið til Íran. 

Íran er í dag eins og Þýskaland nasismans. Segið ykkur því úr flokknum ungliðar, ef þið hafið í raun séð ljósið. Þið hjálpið ekki flóttamönnum frá Íran með því að mótmæla flokknum. Mótmæli hlustar Steingrímur ekki á og þau gagna ekki manninum sem sendur var úr landi.

Gangið úr flokknum! Hvað er mikilvægara mannréttindi eða flokkurinn?

Eða er þetta bara innantómt raus í ykkur, til að vekja athygli á ykkur sjálfum?

Írana vísað úr landi

„Því má ævinlega treysta að Vilhjálmur Örn sé málefnalegur í skrifum sínum"

 

Þetta fína orðspor fékk ég um helgina með undirskrift og lakkstimpli Eiðs Guðnasonar. Það kom til vegna þess að ég skrifaði tvær kaldhæðnislegar greinar um málfasísku á Íslandi. Ég hef áður gert þá ísku að umtalsefni, vegna þess að mér leiðist hvernig sumt fólk setur sig á háan hest, þó það valdi íslensku betur en sauðgrár almúginn, sem bara horfir á amerískt sjónvarp um leið og hann forheimskast.

Börn innflytjenda fá stanslaust að vita að þau verði ekki góðir og gjaldgengir borgarar á Íslandi ef þau fá ekki 10 í íslensku á öllum prófum. Börn innflytjanda hafa samt í gegnum tíðina staðið sig betur í íslensku en meðaltalið. Eitt sinn þurfti íslenskur aðdáandi nasismans, Knútur Arngrímsson, að hrósa nemanda sínum, innflytjandanum Wolfgang Edelstein, því hann skrifaði betri stíla á íslensku en alíslenskir bekkjafélagar hans, og það eftir aðeins nokkurra ára dvöl á Íslandi.

Á Íslandi hefur sá ljóti siður lengi tíðkast, að menn voru reknir af ritvellinum vegna þess að einhver bláklæddur postuli sagði að þeir skrifuðu ekki nógu gott mál. Sumir þorðu ekki að skrifa meira vegna slíkra dóma.

Einn æðsti sjálfskipaður prestur og tortúrumeistari málvöndunarrannsóknarréttarins, Eiður S. Guðnason, heiðraði mig með athugasemd sinni í gær. Eiður hnýtti reyndar ekki í málfar mitt (þótt það sé rotið eins og hjá öðrum innflytjendabörnum sem forpesta tunguna). Hann skildi líklega frekar eftir sig athugasemd vegna þess að ég heiðraði hann með kommenti hér um daginn. Ég gaf góðlátlega í skyn að málrausið í honum væri Viagraið hans. Ég hef reyndar ritað um Eið áður, í færslu sem ég kallaði "Eyður Eiðs". Svo nú var náttúrulega kominn tími fyrir Eið að svara fyrir sig - þótt fyrr hefði mátt vera. Hann er alltaf velkominn hér.

Eiður hefur rétt fyrir sér þegar hann skrifar og hrósar mér: "Því má ævinlega treysta að Vilhjálmur Örn sé málefnalegur í skrifum sínum". Þetta er alveg satt hjá Eiði. Ég geri mér far um að vera mjög málefnalegur. Það er ekkert rangt með farið í því sem ég skrifað færslunni Kötuskór, um ritgerð Katrínar Jakobsdóttur um skó, sem hún flutti á málþingi í HÍ sl. laugardag.

 Kata flytur erindið í HÍ

Það má líka treysta því, sem ég skrifa í bók minni Medaljens Bagside, sem olli því að Anders Fogh Rasmussen (núverandi framkvæmdastjóri NATO) baðst opinberrar afsökunar á aðgerðum danskra yfirvalda gagnvart saklausu fólki, (krötum) og kommúnistum fyrr á tímum. Milljónir múslíma um heim allan hafa brennt allt og bramlað til þess að fá afsökunarbeiðni frá sama manni, en allt hefur komið fyrir ekki. Múslímar eru heldur ekki alltaf jafnmálefnalegir í málflutningi sínum, líkt og Egill Helgason, sem nokkrum mánuðum áður en bók mín kom út árið 2005 kom með óheiðarlegar aðdróttanir í garð minn og fræðistarfa minna í Danmörku á síðu sinni, sem leiddi af sér smá múgæsingu .

Sturla Böðvarsson, minn gamli vin og velgjörðarmaður, skrifaði  nýlega málefnalega grein um Egil Helgason, og fjandakornið ef Sturla hefur bara ekki rétt fyrir sér í þessari greiningu sinni: Egill Helgason er um margt hugmyndaríkur og flinkur þáttastjórnandi.  En hann kann sér ekkert hóf í bloggfærslum sínum og ýtir undir ósómann  sem fylgir með þegar hann skrifar og opnar síðan fyrir umsagnir um það sem hann setur fram. Skrif hans á blogginu eru jafnan mjög ómálefnalegar umsagnir og viðbrögð við því sem er í fréttum. Þar setur hann fram nær undantekningarlaust einhverjar fullyrðingar og oft meiðandi ummæli um nafngreinda menn sem leyfa sér að hafa aðra skoðun en Egill sem bloggar á Eyjunni  í skjóli  RÚV og fer þá lítið fyrir hlutleysi þessa starfsmanns ríkisútvarpsins. Viðbrögðin láta ekki á sér standa eins og sjá má á bloggsíðunni ríkiskynntu.

Nú höfum við það á hreinu. Sturla Bö segir Egil vera ómálefnalegan og Eiður Guðna hrósar mér fyrir málefnalega umfjöllun.

Verðir íslenskrar tungu hafa alltaf verið miklir dressmenn. Föt Jónasar, sem Reykvískar konur á öllum aldri heilluðust af, enduðu forðum á báli bak við Friðriksspítala í Kaupmannahöfn til að koma í veg fyrir frekari syfilissmit. Hin sígildu, ljósbláu strumpaföt Eiðs, sem hann sést í hér að ofan, ætti að bjarga málsins vegna. Jakkann gæti Eiður hæglega gefið Þjóðminjasafni og buxunum gætu menn komið fyrir í brynvörðum skáp á Árnastofnun með öðrum dýrgripum menningarsögu okkar.

Kötuskór

Menntamálaráðherra, Katrín Jakobsdóttir, flutti erindi á einhverju Málrembuþingi í HÍ í gær. Kallar hún erindið "Út í heim á íslenskum skóm". Ég var ég farinn að halda að hún væri að lýsa dýrum túrum sínum á sauðskinns- eða roðskóm inn í ESB.

Nú er hins vegar búið að setja inn ræðu ráðherrans við fréttina á mbl.is, og þá uppgötvar maður ýmislegt merkilegt. Glæpasaga Guðbrands Jónssonar, þar sem breskur dóni reynir að nauðga saklausri, íslenskri sveitastúlku, er skóhorn Katrínar. Enski dóninn er á fjallgöngustígvélum og blómarósin á roðskóm. Táknrænt fyrir vonda útlendinginn og saklausa Íslendinginn.

Andagiftin sem drífur ráðherra menntamála áfram á íslenskum skóm er frá Guðbrandi Jónssyni (1883-1953), komin.  Guðbrandur vitlausi, eins og sumir kölluðu hann, var prófessor og naut þess lengi að vera sonur Jóns Þorkelssonar.

Menntamálráðherra anno 2009 notar forneskjulega sögu fulla af útlendingahatri, eftir mann sem hallaðist undir nasisma, sem vildi gera eitthvert nasistagerpi að konungi á Íslandi og sem þýddi skjöl yfir á þýsku til brottvísunar á gyðingum frá Íslandi. Jú, mann sem var yfir sig hrifinn af Dachau-fangabúðunum, líkt og sumir skósveinar kommúnismans á Íslandi voru hrifnir af Gúlögum og fjöldaaftökum. Kannski skýrir þetta val Katrínar á skóm. Skór komma og nasista eru oft af sömu stærð.

Menningarlegt eða hitt þó heldur hjá Imeldu Marcos í menntamálaráðuneytinu. Sá veit gjörst hvar skórinn kreppir sem hefur hann á fætinum.

Sullabúð opnar

Mikið er ég viss um að móðurafi hans Geralds Sullenbergers sé lítið ánægður þessa dagana uppi í himnaríki. Afi hans, sem ég hef skrifað um áður, var afar lítið gefinn fyrir kaupmenn og fólk sem hafði gengið betur í lífinu en honum sjálfum, en hann var sonur sýslumanns og kominn af alþýðufólki.

En afi Sulla, og friður sé með honum, hefur ástæðu til að vera stoltur, og innst inni vonar maður að Geraldur meiki það með verslunina, svo eðlileg samkeppni komist á á Íslandi. Við vonum og biðjum í kirkjum landsins á sunnudaginn, að Jón Geraldur fái góðan byr - og verði með lágt verð.

Svo þrátt fyrir háðsglósur mínar í garð Jóns Geraldar, þá vona ég að honum gangi allt í haginn. Ég vona líka að Jóni Sérif af Nothingmore muni ganga betur næst. Því það er einu sinni svo, að afkoma og árangur einstakra manna getur haft áhrif á framgang heillar þjóðar - einnig afglöp þeirra.

En svoleiðislagað skilja kratar og kommar ekki, og búa til eintóm klámyrði um fólk sem er skapandi í viðskiptum. Sjálfir hafa þeir lengst af verið í niðurbroti, eyðileggingu og afætustarfsemi, eða að rífast um hver á að hafa völdin. Völd hefur maður ekki ef maður veldur ekki.

Til hamingju með Sulli Supermarkt (Kost). Ég vona að ég geti upplifað að versla þar, ódýrt, næst þegar ég kem í heimssókn í gamla, fátæka landinu.

Sullabúð (Kostur) er nýr kafli í verslunarsögu Íslendinga, sem er orðin nokkuð merkileg. Þetta hefst hjá Jóni Gerharði, ef landið verður ekki selt en gros til ESB af fólki sem ekki kann kaupmennsku.

Swiss Miss saknar íslenskra punga

Íslenskir refir með íslenskan ríkispung, sem tæmdur er fyrir ýmis konar þjónustu á erlendum hórukössum er örugglega ekki nein ný bóla. Ég þykist hafa heyrt sögur af slíkum ferðum áður. Það er ekkert sjálfsagðara að nú fari fram rannsókn á óeðlilega miklu líbídói íslenskra greðjukarla í erlendum höfnum. Boltabjánar í Sviss, sendiherra í masókistakjallara, stjórnendur menningastofnanna sem henda reiðhjólum í dýki Kaupmannahafnar í ölæði, transvestít á menningarferðalögum í undirheimum Parísar og Lundúna og hvað veit ég. Allt verður að fara upp á borðið. DV og Eyjan slefa örugglega við tilhugsunina. Svo geta Jóhanna og Katrín Jakobs flengt strákana opinberlega.

Þó að útrásarsvín hafi verið atvinnuveitendur fyrir hórur í Flórída, þýðir það ekki að fífl hjá KSÍ geti verið með besefann í einni hendi og greiðslukort ríkisins í hinni við rætur Alpanna.

Er annars eitthvað að íslenskum konum? Ég man ekki betur en að heima væru bestu beib heimsins. Fá íslenskir menn ekki nóg heima hjá sér fyrst þeir eru að læðupokast á svissneskum kynlífsbúllum?

Chief of European Slavery

Munið þið eftir henni Ingibjörgu, dálítið þunnhærðri konu með fortíð sem póstur í Kaupmannahöfn, sem vildi alveg óskaplega mikið komast í Öryggisráðið?  Þá voru aðrir tíma og hún full af öryggi - og Ísland með hlutverk í sirkus heimsins.

Nú langar Imbu til að verða mansalsfulltrúi ÖSE. ÖSE gerir sér vonandi grein fyrir því hvers konar snilling þeir geta fengið í þetta fulltrúastarf. Telja má víst að Imba sé tilvalin í starfið, þar sem hún hefur reynslu við það að selja fólk í ánauð. Já, heila þjóð. Þarna fer kona sem kann sitt fag - og að ota sínum tota meðan aðrir lepja dauðann úr skel. 

Dagar aflóga og duglausra pólitíkusa í bitlingaembættum ættu að vera taldir. Slíkar stöður tilheyra sama siðleysinu og tíðkaðist meðal fjárglæframanna landsins. 

Brjáluð og blind Bandaríki

Geðveikur geðlæknir, eða kolruglaður jíhadisti. Það skiptir alls ekki máli hvað bandaríski fjöldamorðinginn Nidal Malik Hasan er. Vitað var að hann var höfundur að skrifum um sjálfsmorðssprengjuárásir á veraldarvefnum. Hann var tikkandi bomba eins og Bogi Ágústsson á RÚV kallar jafnan araba, vel að merkja þegar hann er að svína Ísrael til á kostnað íslenskra skattgreiðenda. Bandarísk yfirvöld yfirsást sú hætta sem þessi einstaklingur var og létu varhugaverðan mann starfa í hjarta stærstu herstöðvar Bandaríkjanna. Það fór eins og það fór.

Samtímis hafa Bandaríkin haft gyðing, Jonathan Pollard, í haldi í nær aldarfjórðung fyrir njósnir í þágu Ísraelsríki (sem er vinveitt ríki), þó svo að sakir þær sem bornar eru á hann séu minni en sakir annarra njósnara sem fyrir löngu hafa verið leystir úr haldi í BNA. Gyðingahatur í Bandaríkjunum er sterkara en þolgæðisháttur bandaríska forsetans gagnvart mestu ógn sem BNA hefur staðið frammi fyrir. Vanda sem á rætur í trúarofstæki, þar sem eitt aðaltakmarkið er vissulega að ná heimsyfirráðum. Gyðingur, sem á engan hátt getur stofnað öryggi BNA í hættu með úreldri vitneskju sinni um öryggi BNA, er talinn hættulegur öryggi ríkisins, meðan jíhadistar eru leystir úr haldi á Guantanamó. Þetta er RUGL.

Pólitísk rétthugsun er að kæfa BNA. Þó núverandi yfirvöld í BNA og við öll vitum, að töluverður hluti hins íslamska heims aðhyllist íslamisma og telur alheimsyfirráð múslíma eðlilegt takmark, heldur sprellikarlinn með tannkremsbrosið, sem nú er forseti BNA aftur af rökhugsun. Menn mega ekki segja sannleikann og alls ekki tala um kjarna sumra vandamála BNA, og þau eru mörg. Vonandi er að BNA opni augun sem fyrst og að forseti þessa heimsveldis þroskist. Í stað þess að hanga í vanda vandræðabarna heimsins, eins og einhver motherfucker-rappari með nóbelsverðlaunin um hálsinn í heljarins keðju, ætti hann að efla samstarf við NATÓ- og aðrar vinveittar þjóðir, og senda þangað sendiherra.

Í bandaríska hernum sá enginn í gegnum eðli morðóðs geðlæknis, sem starfaði fyrir herinn. Ef til vill þorðu menn ekki að nefna það og eiga þannig á hættu að vera reknir fyrir fordóma gegn múslímum. En FBI, brynvarðar löggur, þyrlur, heimavarnaliðið og The Terminator tóku þátt í hlægilegum eltingaleik við einhverja íslenska konu. Dæmið sjálf, ef þið þorið að sjá og hugsa sjálfstætt. Vonandi eruð þið ekki blind af fordómum. Íslensk kona á ruglingi setur allt á annan endann í BNA, en enginn sá að súpermúslíminn Nidal Malik Hasan var að fara að springa. Blindni og brjálæði.

Bandaríkin eru samansull þjóðarbrota sem ímynda sér að þau lifi í sátt og samlyndi og að allir hafi Equal opportunity. Ekki hefur nú enn borið mikið á því. En rétt undir yfirborðinu bullar kynþáttahatrið: Gyðingahatur, negrahatur, arabahatur, white-trash hatur, hispanic-hatur, hommahatur, kaþólikkahatur o.s.fr. You name it, USA's got it.  BNA er lýðræði á brauðfautum, en samt lýðræði. En stundum ganga lýðræðisþjóðir einum of langt til að verja tilverurétt öfga sem er ætlað að koma á alheimsyfirráðum frumstæðra trúarbragða, þar sem mannréttindi eru fótum troðin og öll tilveran er allt annað en lýðræði og frelsi eins og við þekkjum það.

Sheep holocaust in Iceland

Allt sem er frjálst á nú að drepa. Allt sem er villt er hættulegt. Við göngum brátt í ESB, þar sem öll villimennska er bönnuð, sér í lagi afíslenskar villiskjátur með langa leggi. Sumir Bretar fá vota drauma ef þeir sjá villt og langleggjað fé.

Villiskjátur bíta skv. grein 568 d í lagabálki sambandsins um búfé. Við fáum einfaldlega ekki lán frá AGS ef við skjótum ekki þessar rollur, svo einfalt er það. Við verðum fyrir alla muni að fá sömu velmegun og við höfðum á tímum víkinganna. ÞESS VEGNA VERÐUR AÐ ÚTRÝMA VILLISAUÐUM. Kannski, og ég segi bara kannski, eru líkur á því að Norðurlandaþjóðirnar veiti okkur lán, en ekki fyrr en allar langleggjaðar rollur og toginleitir hrútar hafa lagt upp laupana. Við getum ekki verið þekkt fyrir að sauðir gangi frjálsir og lærin séu lengri en ESB leyfir. Sauðfé getur ómögulega haft betri lífsgæði en Íslendingar.

Íslendingar eru siðmenntuð þjóð í landi með ómælanleg hlutverk á meðal þjóðanna. Þar þýðir ekkert að vera útilegukind, þegar allir sauðirnir hafa verið rúnir til blóðs og forystusauðirnir bera enga ábyrgð og eru sauðheimskir.

Ef eitthvað er hættulegra en villisauður, er það vitanlega Villigeit, svona skeggjuð og háfætt þar sem hún stendur á steini og hlær af öllum hinum.

AMEEEEEEEEEEEEEEEEEEEEEEEEEEEEEEN

Þar dó málfrelsið og meira til

 

... og morðinginn eru S.Þ.

Amnesty International fer svo og fullkomnar þetta á Umhverfisráðstefnunni í Kaupmannahöfn í desember með því að drepa sannleikann. Amnesty stefnir á lygaáróðursherferð í Kaupmannahöfn um Ísrael. Eins og menn vita er Ísrael aðallglæponinn í heiminum og kýli á rassgatinu á heilaga hræsnispakkinu í Amnesty. Amnestið eru núna með herferð, þar sem þeir saka Ísrael um það sama og gyðingar voru sakaðir um á miðöldum, þ.e.a.s. að eyðileggja vatnsból hinna hreinu herra heimsins. Umhverfismálaráðstefnan mun greinilega snúast um verstu óvini umhverfisins, gyðingana. Vitlausu einfeldningarnir á Vesturlöndum hafa svo boðað bruna Kaupmannahafnar í ofanálag. FLOTT, heimur batnandi fer!

En hvað það var hentugt fyrir íslamista heimsins, Kína, Rússa og alla hina skítalabbana - og Obama ætlar víst ekki að mæta. Friður og friðarverðlaun séu með honum - eða er hann líka í djúpum skít.

Hvítir hanskar

Þegar forsetinn tróð upp fyrir útrásarvíkinga á undanförnum árum, passaði hann sig alltaf að bera hvíta hanska. Þá skilur maður ekki eftir sig fingraför.