Samfylkingin hefur minnkað

Nýlegar rannsóknir virtra sérfræðinga í samlífi samfylkingarsníkjumaursins (tapinoma  demagoica islandorum) hafa sýnt, að samfylkingarmaurar geta flutt gífurlegt magn skíts, án nokkurs sjáanlegs eða nytsamlegs tilgangs.

Úr Össuri í Eldinn

Ég hef verið að velta því fyrir mér, hvernig Össur stórborgari ætlar sér að borga Icesave-skuld og samtímis ganga í ESB.  Ég teiknaði því skissu af aðferðinni, sem lýðskrumarastjórnin ætlar sér að beita. Íslendingar verða seldir á fæti í sorpvinnslu ESB.

ERUÐ ÞIÐ EKKI BÚIN AÐ FÁ YKKUR FULLSÖDD Á RÍKISÓSTJÓRNINNI?

Samhengi hlutanna

 

Vondu Zíonistunum í Ísrael varð það á að drepa svokallaða "aðgerðasinna" á ferjum friðarins, sem sendar voru frá hinu friðelskandi ríki Ataturks til að veita íbúum og hryðjuverkasamtökunum á Gaza aðstoð í baráttunni við eina lýðræðisríkið við botn Miðjarðarhafs. Tilgangur ferðarinnar var, að sögn öfgafyllstu farþeganna, einnig að gerast píslarvættir. Hvar er betra að verða það en undan ströndum Ísraels, ríkis, sem bræður í öfgunum vilja afmá af landakortinu? Vestrænir gyðingahatarar (les vinstri menn), sem flestir eiga glæsta fortíð í taumlausri aðdáun á stjórnmálastefnu, sem á flest mannslíf á samviskunni á síðari tímum, fylgdu með til að þjónusta og bera vitni.  

Vegna blindu, og mestmegnis siðblindu, fjölmiðla og ofsa sjálfskipaðra vaktmanna friðar og frelsis, heyrðum við nær eingöngu fréttir um þessi tyrknesku skip og þá 10 "aðgerðasinna", sem Ísraelsher felldi m.a. vegna þess að hermenn Ísrael máttu fótum sínum fjör að launa.  

Í íslenskum fjölmiðlum heyrðum við eða lásum ekki neitt, eða afar takmarkað um þá 2254 einstaklinga, sem urðu fórnarlömb Öfgaíslams í maímánuði 2010. Lítið fór fyrir fréttum af þeim 1768 sem misstu lífið í apríl, þeim 2536 sem misstu lífið í mars, þeim 1556 manna sem drepnar voru í febrúar eða af þeim 2166 sem drepnar voru í janúar, í allt 10.280 manns, sem Öfgaíslam felldi í bræði sinni og ofsa á fyrri hluta árs 2010.  Geri aðrir  betur. Ekki fór mikið fyrir friði í heimi öfgaíslams, og hví ætti maður að trúa því, að mikill friður hafi verið um borð á "friðarfleyinu" Marmaris.

Útgerðarmaðurinn Erdogan á Tyrklandi, sem gerir út á friðarveiðar án kvóta er mikill maður. Nokkrum dögum áður en Ísraelsríki var bölvað og ragnað og nær útlægt gert úr heimi hér fyrir að verja strendur sínar, fangelsuðu Tyrkir (Friðarpostulinn Erdogan og Co.) 340 kúrdísk börn fyrir að taka þátt í "and-tyrkneskum" mótmælahöldum. Börnin voru dæmd í 5 ára fangelsi eftir þeim lögum sem gilda á Tyrklandi um and-tyrknesk athæfi. Í maí 2010 voru 73 drepnir í átökum milli tyrkneska hersins og kúrdískra andspyrnumanna og aðgerðarsinna. Síðan 1985 hafa 40-50.000 Kúrda verið myrtar af tyrkneskum herjum í baráttu sinni fyrir frjálst Kúrdistan. Írakar, Sýrlendingar og Tyrkir hafa framið skipulögð fjöldamorð á Kúrdum. Erdógan, sem vill yfirlýst gera Tyrkland að stórveldi í Miðausturlöndum, sendir friðarskip til Ísrael á meðan hann níðist á börnum. ESB horfir á hann í biðstofu sambandsins, jafnvel með meiri forundran en á Össur stórborgara Skarphéðinsson.

Í maí 2010 voru 432 manns myrt í Darfur. Þann 7. júní bárust fréttir af því að 600 manns hefðu verið drepin í Súdan, þótt aðeins hefði verið hægt að staðfesta 491 þessara drápa. En engin staðfesting barst til Íslands. Ekki var greint frá þessum drápum öfga-og útþensluíslams í vinaútvarpi Hamas, RÚV.

Gleymum heldur ekki öllum drápunum sem öfgaíslamskir hryðjuverkamenn stunda í Afganistan og í Írak. Íslendingar heyra um sum þeirra, en láta það eins og vind um eyrun þjóta. Sumir gerast svo djarfir að heimta heri Vesturlandaþjóða heim og afsökun frá Halldóri Ásgrímssyni og Davíð Oddsyni.

Ekki fá Íslendingar mikið að vita um baráttu aðgerðasinna og frelsisafla í Íran, sem barin eru niður með hrammi öfgaíslams og frelsishetjurnar eru hengdar á torgum úti án þess að Bogi Ágústsson gráni við tilhugsunina um það.

28 . maí 2010  voru meira en 100 meðlimir Achmedi-greinar Íslams í Pakistan drepnir. Það heyrðist varla um þessi dráp fyrir látunum gegn Ísrael. Gyðingar eru líka minnihlutahópur í hafi öfgafyllstu trúarbragða jarðarinnar um þessar mundir. Sama dag í maí slátruðu maóistar (eru þeir enn til??) meira en 100 manns í lest á Indlandi. Ég man ekki eftir því að hafa lesið um það í íslenskum fréttum eða heyrt. Er sía á internetinu á íslenskum fjölmiðlum, sem gerir það að verkum að Ísrael er eina ríkið sem menn nenna að þjösnast á, eða eru alls staða svona lítilsigldir sumarstrákar eins og á RÚV.

Þann 7. júní 2010 greindu mannréttindasamtök í Jemen frá því að 55 manns, og þar af mest óbreyttir borgarar, hefðu verið myrtir af Bandarískum herafla þar í landi.

Í maímánuði árið 2010 voru minnst 764 manns drepin í Pakistan, bæði hermenn, óbreyttir borgarar og hryðjuverkamenn. Þar ríkir líka vargöld. Veldur það vilhöllum fjölmiðlun og riddurum réttlætis og rétttrúnaðar á Vesturlöndum áhyggjum á sama hátt og "krabbameinið" eins og sumir íslenskir bloggarar kalla Ísrael? Nei, ekki aldeilis, þeir sofa bara ágætlega í sjálfumgleði sinni yfir því að vera síðustu daga heilagir.

Er þörf fyrir frekari tölfræði? Er ekki ljóst, að einhverjir hafa misst allt í senn; sjónina, heyrnina og eiginleikan til rökhugsunar, já jafnvel vitið? Eru menn í samhengi, þegar þeir fara hamförum út af 10 drápum á mönnum sem höfðu afar ógöfugar ástæður til að hjálpa bræðrum á Gaza, meðan 2254 manna voru drepnar, og það aðeins í maí vegna þeirrar öfgatrúar sem fær fljótandi friðarsinna til að eltast við píslavættisdauða?

Eru menn ekki staurblindir, þegar þeir telja það eðlilegt, að friðarfloti sé sendur frá landi þar sem börn eru dæmd í fimm ára fangelsi vegna þess að þau tilheyra minnihlutahóp sem vill sjálfstæði?

Þessi grein var unnin upp úr grein í The Mideast Forum eftir dr. Yohai Sela, og er tileinkuð fréttamönnum RÚV, sem eru einstaklega illa upplýstir, eða bara sjúklega fordómafullir.

Að lokum: Söngur salamistanna!, því öll þráum við friðinn - aðferðirnar til að hlotnast hann eru bara mismunandi...

Barnaklámiðnaður Palestínumanna blómgast

Hatur, sem kennt er í æsku, verður aldrei upprætt. Stofnanir á Vesturlöndum, t.d. Rauði Krossinn, sem hafa á stefnuskrá sinni að sporna gegn haturskennslunni í hinum arabíska heimi, hefur greinilega mistekist. Ætli hafi nokkuð verið sagt frá þessari glænýju barnagælu í íslenskum fjölmiðlum?

Mikið er dauðadýrkun ljót trúarbrögð.

Kjöt í Norður-Kóreu !

Frá sérlegum fréttaritara bloggsins í Pjong Jang:

Í Norður-Kóreu fór ekki mikið fyrir fréttum af 7-0 ósigri landsliðs Norður-Kóreu á HM í Suður-Afríku. Starfsmönnum Fréttastofu Ríkisútvarps Norður-Kóreu, (RÚNK), var skyndilega tilkynnt að sumarleyfum yrði flýtt í ár. Þetta er í fyrsta sinn að starfsmenn útvarpsins fá þriggja daga sumarfrí.

Í staðinn var sýndur nýlegur spjallþáttur með leiðtoga þjóðarinnar Kim Young Il.

Góðar fréttir berast einnig frá tveimur vinnubúðum, K-21 og M-47, í norðurhluta Norður-Kóreu. Þar eiga menn von á fleiri kjötréttum á næstunni. 700 kg. af kjöti verða bráðlega send til búðanna.

Holy Joly bjargar Gaza á launum frá Íslandi

Eva Joly, aðal-prívatvinkona Egils Helgasonar (þau nota líka sama hárlitunarefnið), ætlar ekki bara að redda okkur Íslendingum í því að dæma þá sem settu Ísland á hausinn.  Hún er líka á gríðarlaunum á Íslandi, þegar hún ferðast sem ESB-fulltrúi og fer í skemmtiheimsókn til hryðjuverkasamtakanna Hamas á Gaza. Hamas setti á svið smá show fyrir Joly og ferðafélaga hennar og hún þakkaði fyrir sig með því að skrifa í Morgenbladet. Sjá einnig hér. 

Við höfum enn ekki heyrt um eins afgerandi lausnir í þágu Íslendinga og Joly vill fá á Gaza. Joly talar mikið um að draga alla fyrir rétt og hegna öllum, en ekki að læra af mistökunum, svo þau endurtaki sig ekki. Joly vill láta aflétta hafnbanni á Gaza og draga þá sem stöðvuðu tyrkneska skipið Mavi Marmaris fyrir rétt í Noregi.  Hvað þá með að setja íslenska glæpamenn fyrir Gulaþingsdóm?

Hefur Joly nokkuð heyrt, að skipverjar um borð á þessu heimsfræga „friðarskipi" sögðu Ísraelsmönnum að „fara aftur til Auschwitz", eða hvernig þeir sungu um dráplöngun sína á gyðingum? Mig grunar að svo sé ekki, enda held ég að Joly sjái ekki allt, og heldur ekki á Íslandi.

Joly er hins vegar örugglega eftir að sjá, að ef hafnbanni verði aflétt á Gaza, munu skipsfarmar eins sá sem tekinn var af Ísraelsmönnum árið 2002, og sem sýndur er í myndbandinu hér að ofan, verða ástæða til enn meiri átaka við botn Miðjarðarhafs. Eina leiðin til að íbúar Gaza fái það sem þá vantar, er að Hamas-samtökin aflétti því heljartaki sem það hefur á íbúum Gaza.

Joly vill gyðinga fyrir dómsstóla í Noregi. Síðast sendu frændur okkar Norðmenn gyðinga til Auschwitz, á "one way"-miða. Það var búið að gera Noreg Judenrein og  hreinsa þá burtu úr Grüneløkke-hverfinu i Osló, þegar bjartasta stjarna Eyjunnar og greinilega einnig á  Gaza, hún Gro Eva Buhre Farseth, fæddist þar árið 1943.

Að lokum ein góð stuttmynd um manninn í "friðarflotanum" með sjúklegu píslavættaheilkennin. Geta Íslendingar ekki borgað fyrir lækningu þessa arma mans í Noregi? Við borgum fyrir margt asnalegra en það.

Þjóðkirkjan á afvegum

 

Á vefnum tru.is sem haldið er úti af Þjóðkirkjunni, sýna nokkrir íslenskir prestar að þeir taka afgerandi pólitíska afstöðu, og það afar neikvæða gegn Ísraelsríki, og greinilega án haldbærra raka. Steinunn Arnþrúður Björnsdóttir prestur og Samfylkingarmeðlimur skrifaði nýlega grein um litlu börnin á Gaza.  Langar mig að biðja hana og aðra lesendur mína að skoða myndbandi hér fyrir ofan með opnum hug. Það lýsir mjög vel því hvernig komið er fyrir börnum á Gaza.  Steinunn Arnþrúður spyr sig, hvort drengur sem hún birtir mynd af sér með sé enn á lífi. Arnþrúður, hvernig væri að ganga úr skugga um það, í stað þess að misnota hann í færslu sem er ætlað að sverta Ísraelsríki, og ekkert annað?

Séra Steinunn með dreng sem hún leitar ekki að

 

Þorgeir Arason, prestlingur austur á landi, hefur villst í þokunni þar eystra. Hann er að kenna hvaða skilning menn leggja í hugtakið „Guðs útvalda þjóð", án þess að hann geri sér grein fyrir því hvað það hugtak þýðir í trú og guðfræði gyðinga. Þorgeir vill ekki heyra rök og fjarlægir athugasemdir sem honum henta ekki.  Þorgeir ungprestur skrifar: „Ljóst er að farþegar í skipalestinni [til Gaza] hafi ekki brugðist friðsamlega við truflun Ísraelsmanna, en eftir stendur sá ásetningur ísraelsku árásarmannanna, að gera þeim óleik, sem vildu standa með þjáðum Palestínumönnum". 

Þetta er auðvitað ekkert annað en ógeðfelld lygi, sem Þorgeir Arason mun verða að svara fyrir, ef ekki í þessu lífi, þá örugglega frammi fyrir þeim Guði sem hann þjónar. Hann sleppur vart við það, ó nei! Elsku litli presturinn minn, lestu þér til um það sem þú skrifar áður en þú gerir það. Am Nivchar  er ekki það sem fordómar þínir telja að það sé.

Kæri Ilves forseti

Kallis President Ilves 

Kui eemaldate mälestised Eestis, mis mälestuseks Waffen SS, et ma külastan oma riigi Islandi külalisena.Kui te süüdistuse Eesti natsi sõjakurjategijad, ma hea meelega saada oma sõbra ka.

On onu Ellemann-Jensen Taanist, kes näitab meile SS-mälestusmärgid Eestis.

Handa ykkur, sem ekki skiljið Google-eistnesku, mæli ég með þessari grein: http://www.holocaustinthebaltics.com/AntonWeissWendt2008.pdf um vanda Eista, sem ég vona að þeir leysi fyrir 20 ára afmælið á næsta ári

 

Furðulegar, en ófalsaðar myndir frá Eistlandi.

"Ég er friðarsinni. Ég myndi ekki skaða flugu ..."

 

Á Íslandi telja friðelskir vinstrimenn og nasistar, að samlíkingar milli Ísraels og djöfulsins þjóni heimsfriðinum, sem þeir þrá svo heitt. Allur orðaforðinn úr gyðingahatri miðalda og nasismans er nú notaður óspart af gyðingahöturum og vinstrimönnum á Íslandi í stuðningi þeirra við Hamas á Gaza. Kannski ekki að furða, Hamas á Gaza gerir það sama.  Vinstrimenn, vopnabræður Hamas, sem ímynda sér að þeir elski friðinn betur en aðrir, hafa látið út úr sér svo mikinn sora um Ísrael og gyðinga upp á síðkastið, að Ísland verður að teljast meðal þeirra ríkja í Vestur Evrópu sem eru verst haldin af gyðingahatri. Samlíkingar á Ísrael við krabbamein hafa sést og ófáir menn hafa lýst þeirri skoðun sinni, að Hitler hafi því miður ekki lokið ætlunarverki sínu. Engin yfirvöld á Íslandi reyna að stöðva þetta hatur og þau lögbrot sem felast í mörgum af þessum skrifum. Á Eyjunni skrifaði um daginn maður sem kallar sig Arnar og líkti gyðingum/Ísrael við krabbamein: "Ég er friðarsinni .... en ég myndi ekki hika við að skera burt krabbamein. Heimurinn þarf á aðgerð að halda . Áður hafði hann skrifað: Ég er friðarsinni , myndi ekki skaða flugu . En ég myndi skera burtu krabbamein án þess að blikka auga. Það er kominn tími á aðgerð".

Svona subbuskrif á Eyjunni, sem eru þó ekki þau verstu sem sjást þar eða á Moggablogginu, eru krabbamein frjálsrar fjölmiðlunar á Íslandi.

Lítið fer fyr sannleiksást í málflutningi flest þess fólk sem telur sig styðja íbúa Gaza með því að sigla „friðarskipum" þangað og aðstoða þau öfgasamtök sem halda íbúunum nauðugum í hers höndum. Hamas hersetur Gaza og pínir Palestínumenn.

Hamas er fyrir löngu búið að sjá, að auðvelt er að telja „frelsishetjum" á Vesturlöndum trú um hvað sem er, og þeir færa sig æ meira upp á skaftið í lygum og áróðursleiksýningum. Greinilega vilja stuðningsmenn Hamas og hatursmenn Ísrael ekki heyra neinn sannleika um Gaza.

Ég set hér tengsl í við afar góða og alveg nýja greinargerð um Gaza, sem ég hvet alla heilvita menn til að lesa. Hér getið þið lesið um efnahagsástandið á Hamas skv. Palestínskum heimildum. Þær upplýsa ekki um neina vöntun og það hungur eða þá neyð sem á að vera á Gaza. Þvert á móti. En vitleysingar á vesturlöndum vilja ekki heyra neitt annað, því þeir geta ekki tekið aftur samlíkingar sínar á Gaza við örlög gyðinga í síðari Heimsstyrjöld, örlög sem Hamas samtökin segja reyndar vera lygi.  

Mynd sem fölsuð hefur verið af Reuters. Það sem Reuters skar burt sést efst.

Sama mynd, en óskorinn. Þarna sést hnífur og blóð

Takið eftir því að þessi greinargerð er full af tilvitnunum og rökum. Það sér maður ekki í æsingi og vitfirringu þeirri sem geisað hefur gegn Ísrael á síðustu dögum. Stuðningsmenn Hamas víla ekki fyrir sér að falsa heimildir og ljúga í fjölmiðla. Alþjóðlegar fréttastofur taka þátt í veislunni. Reuters fréttastofan hefur enn einu sinni gert sig seka um að klippa til myndir til að hagræða sannleikanum . Sjáið t.d. dæmið hér. Efst upprunaleg mynd. Neðst myndin eftir að öfgafólk hjá Reuters hefur klippt myndina til . 

Tveir ungir fréttamenn á RúV, hafa einnig farið hamförum og stundað afar einhliða og lítilfjörlegan fréttaflutning. Einn sagði að prik hefðu verið notuð gegn ísraelsku hermönnunum, sem tóku Mavi Marmaris. Hinn laug því að Ísraelsmenn hefðu ekki afhent þau hjálpargögn sem var um borð á skipinu. Það rétta var, að það hafi ekki verið sótt af Hamas við landamærin. Hvernig stendur á því að svona eineygðir kjánar geti fengið starf á fréttastofu RÚV? Ætli þeir geti lesið þessa skýrslu.

Maður getur látið af hatri sínu áður en það verður sjúklegt. Sumum er þó greininga ekki við bjargandi. Sjáið þessa eldgömlu fréttakonu í BNA. Rök eins og þau sem hún gefur  hafa sést í miklum mæli í umræðunni á Íslandi. Gamla konan hætti loks um daginn (vegna of mikils haturs), enda greinilega komin á aldur. En það er ógnvekjandi til þess að vita að þetta er góðvinkona Obamas sem hér sést halda upp á 2000 ára afmæli gyðingahaturs-grýlunnar í Hvíta húsinu.

Lesið svo skýrsluna og fræðist. Það er aldrei um seinan. Þótt hún sé skrifuð af gyðingi og Ísraelsmanni. Látið það ekki eyðileggja ánægjuna. Sagan sýnir, að gyðingar eiga það til að skrifa sannleikan, þannig að hann svíður.

Hatur er hluti af íslenskri friðarbaráttu

Fyrir tilviljun sá ég að Torfi nokkur Stefánsson, sem er prestur án kalls, skrifaðu nýlega um mig miður fallega og gerði mér upp skoðanir og gaf í skin að ég væri nasisti.

Torfi gerði þetta inni á tru.is, sem er vefur í tengslum við Þjóðkirkjuna. Enn verra þótti mér, að Torfi lagði við texta, sem hann sagði að ég hefði birt á Eyjunni þann 1. júní. Skrif Torfa voru á þessa leið:  (ég skrifa í þátíð, þar sem umsjónarmaðurinn á tru.is á Biskupsstofu var fljótur að fjarlægja þessa athugasemd Torfa Stefánssonar, sem þótti í alla staði ókristileg og óviðeigandi).

Torfi Stefánsson skrifar:
1. 6. 2010 kl. 14.34

Hér er innlegg frá Vilhjálmi Erni inni á eyjan.is fyrr í dag. Þar kemur hans rétta eðli í ljós og ástæðan fyrir ást hans á ofsatrúarmönnunum í Ísrael, þ.e. sameiginlegt hatur á vinstri mönnum. Munum að þetta sama hatur einkenndi nasista Þýskalands á sínum tíma, hatur sem einnig beindist að gyðingum sem þá voru margir hverjir hallir undir sósíalisma (ég skil reyndar ekki af hverju þessi maður er ekki útilokaður frá þeim spjall-listum sem taka sig alvarlega og vilja halda uppi siðlega umræðu):

"Hinir vinstrisinnuðuöfgamúslímar hamas hafa verið að murka lífið úr þjóð sinni nú í tæpan áratug og verið helvíti duglegir við að framkvæma aftökur á eigin þjóð, án þess að það hafi truflað hinn venjulega sófakomma. Að kenna síonistum um allt sem illa fer á gaza er lík þeirri einföldun að bagalegt ástand á cúbu sé allt bandaríkjamönnum að kenna. En hefur enginn skýring fengist afhverju vinstriskríllinn virðist stöðugt mynda tilfiningaástarsamband við vinstriöfgamúslíma þar sem siðblinda,girnd, og blint hatur á allt og alla sem ekki eru sammála eða voga sér að draga í efa heillindi og drengskap liðsmanna hamas. Daður og sjálfdýrkun verður að linna svo hægt sér að vinna að sjálfbærum friði fyrir botni miðjarðarhafs, Því væri ráð að vinstrimenn byrjuðu á að taka til siðferðislega í eigin ranni, því þá er meiri von um frið."

Þetta hef ég aldrei skrifað. Síðast er ég gerði athugasemd á Eyjunni varð það við mjög gott blogg Stefáns Snævarrs  http://blog.eyjan.is/stefan/2010/05/31/hvar-voru-thid/ . Þá sjaldan að ég tek þátt í umræðu á Eyjunni, er það undir fullu nafni. Ég hef ekkert að fela.

Ég hafði í því samband við Torfa Stefánsson, sem taldi Vilhjálm þann sem gerði athugasemdir við frétt Eyjunnar áðurgreindan dag vera undirritaðan (mig), og það voru fleiri sem ályktuðu svo í æsingi sínum, þó nafn mitt væri ekki skrifað þar að fullu.  Sjá þessa makalausu umræðu:  http://eyjan.is/blog/2010/05/31/allavega-tiu-latnir-eftir-aras-israelshers-a-skipalest-med-neydargogn-fyrir-ibua-a-gaza/ 

Séra Torfi hefur nú beðist afsökunar, en hann bætir við:

Fyrsta innleggið frá "Vilhjálmi" kemur fyrr eða kl. 10.38:

"En hefur enginn fundið ástæðu þessa undarlega ástarsambands milli vinstriöfgasinaðra múslima og hins venjulegs sófakomma. Hvort heldur um sé að ræða bann við umskurn kvenna, bann við notkun burku, aukna menntun barna og eiginkvenna vinstriöfga múslíma og svo framvegis, dauðadóma yfir hommum og friðsamleg sambúð við sionista. Hvað veldur þessari siðblindu og sjálfelsku

ásamt þessu blinda hatur út í allt og alla sem ekki eru sammála.........Verðugt umhugsunarefni til þeirra vinstrisófakomma sem telja talibana,hizbola,hamzas sem frelsishetjur."

Því er svarað á þessa leið: "Nei er ekki Vilhjálmur frá köben mættur með enn eina skítaklessuna? Alltaf er þessi drullusokkur fyrstur upp á dekk þegar þarf að verja fjöldamorð ísraela."

Reyndar kemur ekkert fram að það sé þú sem skrifar þetta, aðeins "Vilhjálmur". Ef svo er, þ.e. ef þú hefur ekki skrifað þetta, þá bið ég þig afsökunar á að hafa talið svo vera.

Ég er hins vegar ekki einn um að halda það - og ekki að ástæðulausu. Þú ættir kannski að athuga þinn gang í gagnrýnislausum stuðningi þínum við "gyðinga", annars er hætt við að annar eins "misskilningur" komu upp aftur ... og aftur.

Ertu ekki hræddur við að vera lögsóttur fyrir briðgsl í garð landstjórnarinnar? Er ekki refsingin fyrir það allt að átta ára fangelsi?"

Þetta er vægast sagt skrítin afsökunarbeiðni, en eins og gyðingurinn Jesús forðum tek ég við afsökunarbeiðni íslenska prestsins og fyrirgef honum yfirsjónina, sem er mikil. Náttúrulega styð ég við gyðinga og það án gæsalappa. Annað kæmi ekki til mæla. Ég á ekki annarra kosta völ.

Kæru lesendur það er ekki neitt nýtt að ég verði fyrir aðkasti frá íslenskum stuðningsmönnum öfgasamtaka og ýmsum gífuryrðaþeyturum. Maður nokkur, vel vaxinn og mikill sem elur manninn í Asker i Noregi, hefur í tvö ár kynnt sig á þennan hátt:

Óskar Þorkelsson

      The DartMaster    

Öfgafólk fer í taugarnar á mér... passið ykkur á Villa í Köben hann er öfgamaður. 

Þegar málstaðurinn er ljótur og lélegur grípa menn til slíkra yfirlýsinga. Lygar og fals eru systur haturs. Við sjáum það t.d. í málatilbúnaði "friðarsinnanna" sem ætluðu til Gaza. 

Ég hef beðið umsjónamenn Morgunblaðs bloggsins að biðja Óskar Þorkelsson Dartmaster á Áskerjum um að hafa hemil á sér og vera aðeins sjálfstæðari í lýsingu á sinni eigin persónu. Því er hér með aftur komið á framfæri.