Össur býður dauðadæmdri konu landvist á Íslandi

Össur Skarphéðinsson utanríkisráðherra hefur boðið Sakineh Ashtiani landvistarleyfi á Íslandi. Sakineh Ashtiani, sem er 43 ár, á yfir höfði sér grýtingardóm í Íran. Hún hefur setið í fangelsi síðan 2006 og beðið þess að vera grýtt fyrir að hafa átt í sambandi við tvo menn eftir að maður hennar dó fyrr það ár. Lög í Íran, heimila grýtingu kvenna, sem brjóta hjúskaparlög landsins. Í lögbókum Írans er nákvæm lýsing á stærð og gerð steinanna sem nota ber til grýtinga.

En nú hefur Sakineh Ashtiani einnig verið sökuð um morð á manninum sínum og þá ber að hengja hana samkvæmt írönskum lögum. Árið 2006 var hún hýdd með 99 slögum á bakið. Nýjar upplýsingar sem ein af leyniþjónustum Írans hefur orðið sér úti um er, að Ashtiani sé í raun gyðingur. 

Jóhanna Sigurðardóttir átti frumkvæðið að því að bjóða Sakineh Ashtiani til Íslands, en það var Ingibjörg Sólrún Gísladóttir sem hafði verið beðinn um það af IWC, International Women's Commission, að reyna að bjarga Ashtiani frá grýtingu í Íran. Ingibjörg Sólrún sem er vel kunn í Miðausturlöndum hefur beitt sér mjög mikið í máli ofsóttra í þeim löndum. Ingibjörg sagði í gær, að hún sæi eftir því að hafa ekki farið til Íran, þegar hún leitaði stuðnings við aðild Íslands á Öryggisráði SÞ. 

Búið er að finna íbúð handa Ashtiani og fjölskyldu hennar í Mosfellsbæ.

Írönsk yfirvöld lýsa því yfir að Össur Skarphéðinsson sé góðhjartaður maður, en að hann viti ekki hvað mál Ashtiani fjalli um, en forseti landsins, Ahmadinejad, verðsetur enn að fulltrúar Íslands yfirgáfu ekki sal SÞ Genf þegar Ahmadinejad hélt þar ræðu árið 2009 og margar þjóðir gegnu á dyr til að mótmæla mannréttindabrotum og gyðinghatri í Íran.

Kvenréttindasamtök á Íslandi fagna boði Össurar til Sakineh Ahstiani. "Hann er stór maður", var haft eftir Margréti Sverrisdóttur, varaborgarfulltrúa Samfylkingarinnar í Reykjavík, sem einnig er formaður Kvenréttingasamtaka Íslands.

Sigurður Líndal segir að írönsk lög um grýtingar geti vart gilt á Íslandi, en drekkingar hafi eitt sinn tíðkast hér á landi.

Jón Gnarr var í Múmíndal í dag og kemur ekki aftur í bráð, en lét þó hafa eftir sér gegnum talskonu sína, að grýtingum í dalnum hefði fækkað eftir að Finnar gengu í ESB.

Svona er Ísland í dag...

Ótrúverðug Ingibjörg

 

Ingibjörgu Sólrúnu Gísladóttur og aðstoðarkonum hennar virðist greinilega erfitt að fóta sig á vinnumarkaðinum eftir hrunið.

Nýlega (12/7) gerði ég hér á blogginu og á vef dagblaðsins Haaretz i Ísrael grein fyrir óhæfi Ingibjargar Sólrúnar Gísladóttur til að leiða nefnd sem rannsaka á ólöglega skipalest frá Tyrklandi og árás Ísraela á hana. Á bloggi mínu greindi ég frá fordæmingum hennar á Ísrael sem hún sendi út með „friðarsamtökum" International Women´s Commission, sem hún á sæti í. Ég vakti athygli á bréfinu og orðalagi þess við tilheyrandi aðila í Ísrael og Genf.

Ingibjörg hefur í íslenskum fjölmiðlum harðlega neitað því að einhliða fordæming hennar á Ísrael í því bréfi sem var sent var í nafni hennar og annarra kvenna hafi valdi því að hún fékk ekki formannsembættið í rannsóknarnefndinni.  En 29. júlí sl. greindi The Jewish Chronicle Online frá þessu:

Recently the former foreign minister of Iceland, Ingibjorg Solrun Gisladottir, was removed from the UNHRC committee of inquiry into Israel's conduct in the ill-fated flotilla raid in May, after she was found to have signed a petition supporting the flotilla.

Annað hvort telur blessunin hún Ingibjörg, að hún geti endalaust logið að þjóðinni í anda Samfylgingarinnar, eða að hún er einfaldlega vitlausari en ég hélt.

Reyndar verður að hafa í huga að þegar þann 6. júní stakk Ban ki- Moon upp á því að Sir Geoff Palmer frá Nýja Sjálandi myndi stýra rannsóknarnefndinni. En valdatafl innan SÞ breytti öllu og PR-fólk Ingibjargar er greinilega ofvirkt. Þegar menn sáu afstöðu Ingibjargar til Ísraels gegnum tíðina, var ljóst að hún var ekki rétta manneskjan. Fatah-stjórn Palestínumanna er heldur ekki mikið fyrir rannsókn á málinu, sem ugglaust mun varpa ljósi á tvískinnung Fatah-stjórnarinnar, en þeir eiga líka sama andstæðing og Ísrael á Gaza, Hamas, samtök sem Ingibjörg styður svo innilega.

Erlendis bera menn ábyrgð á orðum sínum og gjörðum. Á Íslandi er þessu öðruvísi farið, og það er enn einn aðalvandi Íslendinga. Er nokkuð búið að handsama einn einasta glæpamann sem olli Icesave skuldinni, þó heimtað sé að saklaus þjóðin borgi skuldina upp.

Evrusleikir "vinnur" í sumarleyfinu

þegar allir álfarnir í ESB eru í sumarfríi. Síðasti  íslenski jólasveinninn, Evrusleikir, sleikir hér sólina í bakgarðinum við biðstofuna í Brussell með embættismönnum sínum. Grýla og Leppalúði reyna á meðan að halda völdum á Magma-energy töflum. Þau hafa mikla trú á Evrusleiki og eru, þrátt fyrir lasleika, jafnvel til í að éta þau börn sem draga hæfileika Evrusleikis í efa.

Þessi sólarferð Evrusleikis mun eftir að verða fræg í Íslandssögunni, fyrst og fremst af endemum. Enn er ekki ljóst hvað Evrusleikir hefur haft með sér í pinklinum til að færa ættmennum sínum.  En það má víst vera, að það eru ekki smámunir, ef dæma skal út frá því hver glaðlega þeir veifuðu til frænda síns á flugvellinum, þegar hann lenti í forarpytti ESB fyrr í dag. Eitt er víst að það er ekki ókeypis fyrir álf út úr hól frá Íslandi að komast í garden party hjá ESB-álfunum. Íslenskir álfar þykja nefnilega afar púkó og eiga ekki einu sinni bláa klossa.

Afsakið, þetta eru svartálfar Samtaka Iðnaðarsveina, sem eru einu hagsmunasamtökin sem sjá skjótan gróða í ESB-aðild, enda vanir skít og sora.

Obama forseti, frelsaðu Jonathan Pollard !

 

Einn dæmdur njósnari hefur setið lengur í bandarísku fangelsi en nokkur annar njósnari í sögu BNA.  Það er Jonathan Pollard. 9000 daga hefur hann verið lokaður inni í fangelsi fyrir yfirsjón sína, sem voru njósnir fyrir vinveitt ríki, Ísrael. Hann er nú ísraelskur þegn. Allir, sem dæmdir hafa verið fyrir sams konar sakir og Pollard, voru leystir úr haldi eftir 2-5 ár. Þennan eina mann telja Bandaríkin ástæðu til að halda í 25 ár, eða í 9002 daga í dag.

Ísraeli í Bandarísku fangelsi í 25 ár, meðan hryðjuverkalið leikur lausum hala í BNA. Hvernig getur staðið á þessu?

Nú vona allir velunnarar Jonathans Pollard, að Obama muni koma til Ísraels þann 6. águst og hafa með sér þær góðu fréttir, að Jonathan Pollard verði leystur úr haldi.

Íslendingar geta skrifað sendiráði Bandaríkjanna og krafist lausnar Pollards, þó nýi sendiherrann, Luis E. Arreaga sé enn ekki kominn. Sendið bara bréfið á Sam Watson, og þið sjáið það á Wikipedia eftir smátíma. Já, hlutirnir geta gerst hratt í BNA, t.d. með rússnesku njósnarana, sem voru sendir heim í vodka-partí um daginn. En gyðinga er hægt að loka bak við lás og slá í 25 ár. Hvað ætli Wikileaks-dátinn fái? Hann er ekki gyðingur og mun því ekki sitja inni í BNA í 25 ár.

Einnig er hægt að hringja í Hvíta Húsið (Skype, annað er of dýrt þar sem Obama tekur ekki símann). Sjáið hvernig hér. http://www.jonathanpollard.org/

FANGELSISVIST JONATHANS POLLARDS ER ÓHÆFA

Fyrri færsla um Jonathan Pollard hér

Síðasti súludansinn í Viðey

Nú er einn af fremstu farfuglum hrunsins aftur farin að ýfa fiðrið. Þetta er friðardúfan Imba, þessi með hlutverk á meðal þjóðanna, sem alltaf fýkur út í veður og vind.

Ingibjörg Sólrún, sem er vangstýfð, rauðhöfða allaballadúfa, á ekkert erindi í neina nefnd sem fjallar um Ísrael. En greint er frá því í Morgunblaðinu og í Ha'aretz í Ísrael, að SÞ ætli að fela henni stjórn rannsóknar á tyrknesku friðarskipunum sem send voru með gögn til Hamas á Gaza, en sem komust ekki á leiðarenda eins og frægt er orðið. Ingibjörg Sólrún yrði aldrei hlutlaus í slíkri nefnd. Hún hefði miklu frekar átt að fara með einum af bátunum frá Tyrklandi.

Ég hef gert mér far um að greina lesendum Ha‘aretz í Ísrael frá því hvers konar háskagripur Ingibjörg Sólrún Gísladóttir er, þegar kemur að Miðausturlöndum og Ísrael.

Þegar reynt var að ná íslenskum stríðglæpamanni fyrir dóm fyrir glæpi sem hann framdi sem Evald Mikson í Eistlandi, fann þessi kona hjá sér mikla þörf til að ráðast opinberlega gegn Ísrael, sem reyndar stóð ekki á bak við kröfu um framsal á Eðvaldi Hinrikssyni. Sjá hér (leitið að nafni hennar).

Ingibjörg hefur ekki farið leynt með það, að henni er afar hlýtt til hermdarverkasamtaka í Palestínu og sjáið bréfið sem hún sendi fyrrverandi utanríkisráðherra Ísrael, Livni, eftir að Ingibjörg og aðstoðarkvinnur hennar höfðu setið að sumbli fram eftir kvöldi í utanríkisráðuneytinu á gamlárskvöld 2008. Þar talaði hún í nafni ESB.

Ingibjörg hefur fyrir löngu fyrirgert rétti sínum sem erindreki friðar eftir að hún ferðaðist á milli morðingja í Miðausturlöndum og lofaði þeim lausn á vandamálinu Ísrael, ef þeir styddu umsókn Íslands að Öryggisráði SÞ.   

Dúfan og gammurinn - Support for Security Counsil

 

Fyrir rúmlega mánuði síðan sendu Ceipaz, samtök eineygðra friðardúfna, út þetta bréf sem er m.a. sent í nafni Ingibjargar. Það kemur fram afar einleit skoðun á ástæðum fyrir ófriði fyrir botni Miðjarðarhafs.

VIÐ ERUM ENGU BÚIN AÐ GLEYMA, IMBA. Þú kostaðir Ísland of mikið. Ísraelsríki þarf ekki að líða sömu örlög vegna þín.

Óeðli í Árborg

 

Í fréttatíma sjónvarps í gær var sagt frá nýju óeðli sem upp er komið í Árborghrepp. Hreppsfíflin hafa nú bannað ketti nema í bandi. Hvað er eiginlega að fólki? Sáuð þið aumingja köttinn sem einn karlinn í hreppnum hafði í bandi í garðinum sínum. Akfeitt kykvendi, sem aldrei fær að lifa eðlilegu og kattsæmandi lífi. Karlinn sagði að kötturinn bæði um það sjálfur. Var það ekki?

Ef Ísland fer í ESB, og það segir Össur hreppstjóri að við munum gera, fæ ég þessu vistarbandi katta í Árborgarhreppi slitið. Kettir eru guðlegar verur, ættaðar suður af landinu helga. Þeir eiga ekki að vera spikfeitar hlussur í bandi, vegna þess að einhver rottufangari á Selfossi, Þröstur Már Arnarson, er farinn að fá of mikla samkeppni af köttunum. Víglundur Hrappsson lögreglustjóri er líklega farinn að hlakka til að fá að skjóta ketti sem ekki eru í hengingarólinni.

Að lokum til fólksins sem er svo annt um litlu, sætu fuglana. Þið eruð flest úr sveit, ómagarnir ykkar, þar sem mýrar hafa verið ræstar fram og þjóðarmorð hefur verið framið á vissum fuglategundum. Íslenska sveitamenn ætti frekar að setja í bönd en ketti. Yfirvöld Árborgarhrepps ættu að skammast sín. Ég stoppa aldrei í hreppnum eftir þetta.

Ég þoli ekki bleikar skyrtur

og menn með bleik bindi, en þessi Farage er bara með lélegan breskan fatasmekk. Það sem hann segir um Ísland og hér um evruna er hins vegar hrákaldur sannleikurinn, óþveginn og skorinorður.

Ekki ganga í ESB!

Góður, betri, bestur

 

15.000 krónur og 5000 á barn. Falleg hugsun á bak við þetta! En það eru víst ýmsir á "framfæri" Reykjavíkur sem fá enn meira, og þurfa akkúrat ekkert á því að halda.

Ef ekki hefðu verið sendar stórar upphæðir frá Íslandi til yfirvalda öfgasamtaka í Palestínu, hefðu kannski verið til enn meiri peningar til að hjálpa Íslendingum með slagsíðu.

Rétti þeir upp krepptan hnefann, sem vita fyrir hverja Þorleifur góði, betri borgarinn Björg Vilhelmsdóttir og Gnarr hinn besti brenna mest ? Ef peningar til Gaza yrðu notaðir á Íslandi myndu ekki einu sinni Sjálfstæðismenn sitja hjá, þegar ölmusa er gefin þeim fátæklingum sem þurfa horfa upp á allan sirkusinn, trúðinn og besta fólkið, í ofanálag á allan sinn vanda.

Samþykkt að veita 15.000 kr. sumarstyrk

Auschwitz-fangi á Íslandi

 

Það er virðingarvert þegar fórnarlömb helfararinnar geta sagt frá hörmungum sínum á gamals aldri. Það þarf oft mikið til og oftast talar fólk ekki um þessi erfiðustu ár ævi sinnar.

Hér í Danmörku hef ég þekkt og talað við nokkra pólska gyðinga sem lifðu af vistina í Auschwitz. Einn góður vinur minn var í fjórum fangabúðum í stríðinu. Ég er að skrifa grein um hann. Ég hef skrifað bók um þá gyðinga sem Danir sendur í dauðann. Nokkrir þeirrar voru myrtir í Auschwitz. Á Íslandi hefur reyndar meira borið á mönnum sem stunduðu gyðingamorð en á gyðingum, sem flestir hafa gengið með veggjum.  Einn böðlanna kom frá Eistlandi og annar maður frá Lettlandi, sem lengi bjó á Íslandi, hafði verið vörður í fanga- og útrýmingarbúðum í síðara heimsstríði.

George Berman, fæddur 1923 í Póllandi, komst lífs af í Auschwitz. Hann á son, Robert, og afkomendur á Íslandi og var í heimsókn á Íslandi á dögunum. Hann hélt um daginn fyrirlestur í HÍ um reynslu sína sem gyðingur í síðari heimsstyrjöld, og hefur RÚV gert þessu erindi hans skil (hlustið hér) og einnig Vísir.is. /Stöð2 og þetta blogg. Hlustið á Georg Berman á Stöð2 og RÚV

Það er ekki á hverjum degi að Íslendingar geta hlustað á vitni segja frá atburði, sem æ fleiri afneita eða misnota á ógeðfelldan hátt í stuðningi sínum við hryðjuverkastarfsemi gagnvart frjálsum heimi.

Myndin efst er tekin af Þjóðverja í Lodz gettóinu. Þar voru seldar bækur, en ekki vopn eins og í dag á þeim svæðum heimsins sem bandamenn hryðjuverka kalla gettó. Myndin hér fyrir neðan er af George Berman.

Drengur í Lodz gettóinu

Euroman can not be Sjálfstæðismann !

 

Hver er þessi jafnbrúni sjálfstæðismann, sem vill verða Euroman. Er þetta ekki hann Steini, sem einu sinni var senditík lýðveldisins í Kaupmannahöfn og stundaði listaverkauppboðin eins og grár köttur? Ég hélt að hann hefði fyrir löngu greitt yfir á vinstri, yfir í Samfylkinguna.

Fyrir þá sem eru búnir að gleyma Steina, þá var hann víst líka meðaumkunarráðherra hjá Davíð og jafnvel formaður flokksins á discotímabilinu.

Mér sýndist ekki betur á fréttum Sjónvarpsins í gær, en að DDRamaqueen nokkur úr Keflavík, sem sagði sig úr Sjálfstæðisflokknum um daginn með miklum látum á blogginu sínu á Eyjunni, hefði verið á fundi spældra júgursleikjara úr Sjálfstæðisflokknum. DDRamadrottningin heldur því nú fram, að RÚV hafi sagt rangt frá fundi andhverfra Sjálfstæðismanna í gær. DRRamadrottningin, sem er með dálítinn pólitíkus í maganum, segir að það hafi verið hasar á fundinum i gær. Sama hvor það voru hasar eður ei, þá var þarna í pontu sjálf Þorgerður Katrín með kúlurnar sínar mannsins síns. Einar Ben fyrrv. senditík þekktist þarna líka. Nei, það var ekki margt sem kom á óvart.

Mönnum hlýtur að verða það ljóst, að sjálfstæði landsins hverfur við inngöngu í ESB. Sjálfstæðismenn með vota evrudrauma ættu að ganga í Samfylkinguna með ólán sín og kúlulán - jú, þ.e.a.s. ef Samfylkingin vill fá þetta lið inn á sig.