Gagnrýnum stuðningsmenn Ingibjargar Sólrúnar

Ingibjörg Sólrún hefur enn einu sinni verið í sólarlandaferð í botnlanga Miðjarðarhafs. Nú er nefnilega sumar á Sýrlandi. Þar hefur hún eins og nýflegin ýsa rætt við ribbalda um stuðning þeirra við Ísland til setu í Öryggisráði Sameinuðu Þjóðanna.

Human Rights Watch hefur þetta að segja um ástand öryggis á Sýrlandi:

"Any engagement with Syria must include an open discussion of human rights concerns, including the fate of political prisoners and other Syrians who suffer abuse," said Sarah Leah Whitson, Human Rights Watch's Middle East and North Africa director. "The authorities in Damascus are still harassing anyone who dares criticize them."   Hér er frekari lesning.

Þegar Ingibjörg Sólrún var í Ísrael gerði hún ekkert annað en að tala um mannréttindabrot Ísraela. En hjá Assad var hún þæg stelpa og hélt kjafti, enda getur verið hættulegt að gagnrýna hann.

Sendið Assad eftirfarandi bréf og krefjist þess að hann komi Sýrlandi í lag, strax í dag, því Ingibjörg Sólrún gleymdi því þegar hún var í hallarheimsókn hjá honum nýverið.

Dear President Bashar al-Assad,

I am an Icelandic citizen, who followed the resent visit of Icelandic Foreign Minister Ingibjörg Sólrún Gísladóttir to Syria.  In the press releases from your meeting, I can see no mention of the Icelandic Foreign Minister addressing the human rights violations, which take place in Syria under your rule nor your rule's support of terrorist activity in Lebanon and elsewhere.  I, as a democratic Icelander, do not recognize Syria's support for Iceland's candidacy for the United Nations Security Council when fundamental human rights are violated in Syria.

Sincerely yours,

Undirskrift þín

 

Þótt Assad sé forseti tölvusambands Sýrlands, eru nokkuð erfitt að ná í hann eða ráðuneyti í landi hans með tölvusambandi. Bréfið má senda til fastanefndar Sýrlands hjá Sameinuðu Þjóðunum [e-mail] og einnig til sýrlenska þingsins [e-mail] og afrit til [e-mail]

Þessi ræða um Assad er áhugaverð.

Athugasemdir

[AB (IP-tala skráð) 27.6.2008 kl. 17:36]

Hippókrates. Ingibjörg Sólrún er UTANRÍKISráðherra, ef þú skyldir ekki vita það. Því starfi fylgja óhjákvæmlega ferðir til annarra ríkja.

[Sk. Sk (IP-tala skráð) 27.6.2008 kl. 23:05]

Það er alveg makalaus árátta hjá henni Ingibjörgu S að vera að taka í hendurnar á þessum hryðjuverkakóngum.

Getur manneskjan ekki farið að vitkast og hætta þessum óskunda.

Það liggur við að maður sigi niður úr hægindastólnum fyrir framan sjónvarpið þegar maður neyðist til að horfa upp á þessi ósköp.

Skúli Skúlason.

[Vilhjálmur Örn Vilhjálmsson, 28.6.2008 kl. 08:22]

Hippó spyr: Af hverju hefur þú ekki opinn athugasemdavettvang á þessari síðu?

Sæmundur á Selnum, eða Sæmi Sjokk, sem mikið les bloggið mitt, en kemur þó aldrei í heimsókn þótt hann sé einn besti bloggvinur minn.... er nú að berja á mér aftur, og það vegna athugasemdar þinnar. Ég svara þér með vísun til þess sem ég svaraði honum http://saemi7.blog.is/blog/saemi7/entry/578847/

Hvíldardagurinn er heilagur en bloggið jafnvel heilagra. Mig langar ekki að hafa alls kyns kommentör frá fólki sem ekki hefur neina skömm í skrokknum á sér.

Þakka þér fyrir allar færslurnar, Hippókrates. Þú einn hefur skrifað við þessa færslu og engum hefur verið eitt í dag af guði þessa bloggs. Ég er þó mildur guð, því ég hef einhvers staðar óskrifuð lög sem segja að nafnleysingjar séu ekki velkomnir. En sumir nafnleysingjar hafa bara hærri greindarvísitölu en aðrir, og þá gefur drottinn þessa bloggs þeim leyfi til að masa sig sadda. Verði þér að góðu.

[Snorri Bergz, 28.6.2008 kl. 13:36]

Hver er Hippó eiginlega? Þessi maður lítur út fyrir að vera mjög athygliverður fýr! Hver er þetta Villi?

[Vilhjálmur Örn Vilhjálmsson, 28.6.2008 kl. 14:00]

Snorri, þetta líklegast læknir og reiðmaður. En annars verður við að spyrja hann hér með.  Hver ertu Hippó?

Ég þekki hann bara af hinu góða.

[S.H. (IP-tala skráð) 29.6.2008 kl. 10:08]

 

 

Takk Vilhjálmur fyrir upplýsingarnar fyrr í þessum mánuði. Það var fróðlegt að frétta af þessari grein í ” Sagan Öll” en hana hef ég ekki lesið, en þykist nú sjá að öldurótið sem skók bloggsíður mbl.is hafi að einhverju leyti fylgt í kjölfarið.

Í tilefni af ferðalögum utanríkisráðherra Íslendinga til verstu einræðisríkja heims eins og Sýrlands kemur mér í hug skoðanakönnun þar sem útkoman var furðuleg og ógnvekjandi:

 Síðsumars 2006  - eftir stríðið milli Ísraela og Hizbollah – gat að lesa  í Fréttablaðinu, að 44% kjósenda Samfylkingar og 45% kjósanda  Vinstri Grænna styddu Hizbollah. Við heimsókn í Reykjavík nóteraði ég þetta hjá mér í ferðadagbók sem ég hef fyrir vana að skrifa og er þess vegna viss um tölurnar.

Ég endurtek: 44 % og 45% vinstri flokkanna á Íslandi studdu hryðjuverkasamtök og íslamska öfgamenn!  Hins vegar veit ég ekkert hvernig staðið var að skoðanakönnuninni . Man að ég kenndi ófullkominni fréttaþjónustu um  eða meira í spaugi ”revolusjónsrómantík, þó Hassan Nasrallah sé nú varla nokkur Arabíu-Lárens, sem fær konur að hníga í ómegin;  þessi sölumaður í líkamsleifum, sem verzlar með höfuðlausa  boli og útlimi af föllnum ísraölskum hermönnum.

Ekki hafa enn fengist fregnir af hvort tveir ísraelskir hermenn, sem teknir voru í gíslingu af Hizbollah í árás yfir landamærin að Ísrael eru á lífi. Árásin  sem kostaði sex félaga þeirra lífið kom stríðinu við Líbanon af stað. Rauði Krossinn hefur ekki fengið að heimsækja fangana og það er auðvitað brot á stríðslögum og Genfarsáttmála. Hlýtur það að vera algjör sálarþraut fyrir fjölskyldur hermannanna að fá ekki vitneskju um afdrif þeirra, en fyrri reynsla hefur því miður sýnt að Ísraelar hafa sjaldan snúið lifandi frá fangelsisvist í Líbanon eða Sýrlandi.

 

 

 

 

[Vilhjálmur Örn Vilhjálmsson, 28.3.2009 kl. 08:13]

Hér nefnir DV þessa áskorun http://www.dv.is/sport/2008/6/27/skorar-a-folk-ad-senda-bref/

Sendi einhver Assad bréf?