Ótrúverðug Ingibjörg

 

Ingibjörgu Sólrúnu Gísladóttur og aðstoðarkonum hennar virðist greinilega erfitt að fóta sig á vinnumarkaðinum eftir hrunið.

Nýlega (12/7) gerði ég hér á blogginu og á vef dagblaðsins Haaretz i Ísrael grein fyrir óhæfi Ingibjargar Sólrúnar Gísladóttur til að leiða nefnd sem rannsaka á ólöglega skipalest frá Tyrklandi og árás Ísraela á hana. Á bloggi mínu greindi ég frá fordæmingum hennar á Ísrael sem hún sendi út með „friðarsamtökum" International Women´s Commission, sem hún á sæti í. Ég vakti athygli á bréfinu og orðalagi þess við tilheyrandi aðila í Ísrael og Genf.

Ingibjörg hefur í íslenskum fjölmiðlum harðlega neitað því að einhliða fordæming hennar á Ísrael í því bréfi sem var sent var í nafni hennar og annarra kvenna hafi valdi því að hún fékk ekki formannsembættið í rannsóknarnefndinni.  En 29. júlí sl. greindi The Jewish Chronicle Online frá þessu:

Recently the former foreign minister of Iceland, Ingibjorg Solrun Gisladottir, was removed from the UNHRC committee of inquiry into Israel's conduct in the ill-fated flotilla raid in May, after she was found to have signed a petition supporting the flotilla.

Annað hvort telur blessunin hún Ingibjörg, að hún geti endalaust logið að þjóðinni í anda Samfylgingarinnar, eða að hún er einfaldlega vitlausari en ég hélt.

Reyndar verður að hafa í huga að þegar þann 6. júní stakk Ban ki- Moon upp á því að Sir Geoff Palmer frá Nýja Sjálandi myndi stýra rannsóknarnefndinni. En valdatafl innan SÞ breytti öllu og PR-fólk Ingibjargar er greinilega ofvirkt. Þegar menn sáu afstöðu Ingibjargar til Ísraels gegnum tíðina, var ljóst að hún var ekki rétta manneskjan. Fatah-stjórn Palestínumanna er heldur ekki mikið fyrir rannsókn á málinu, sem ugglaust mun varpa ljósi á tvískinnung Fatah-stjórnarinnar, en þeir eiga líka sama andstæðing og Ísrael á Gaza, Hamas, samtök sem Ingibjörg styður svo innilega.

Erlendis bera menn ábyrgð á orðum sínum og gjörðum. Á Íslandi er þessu öðruvísi farið, og það er enn einn aðalvandi Íslendinga. Er nokkuð búið að handsama einn einasta glæpamann sem olli Icesave skuldinni, þó heimtað sé að saklaus þjóðin borgi skuldina upp.

Athugasemdir

[Valsól (IP-tala skráð) 4.8.2010 kl. 12:58]

Afrekaskrá þingmanna Sjálfstæðisflokksins

1. Ábjörn Óttarsson, játaði að hafa greitt sér tugi milljóna í arðgreiðslur með ólöglegum hætti.

2. Árni Johnsen var dæmdur fyrir fjárdrátt og umboðssvik.

3. Bjarni Benediktsson tók þátt í milljarðabraski ásamt Wernersbræðrum skömmu fyrir hrun þegar hann var stjórnarformaður N1, stærsta olíufyrirtækis Íslands.

4. Guðlaugur Þór Þórðarsson, þáði tæplega 25 milljónir í styrki sama árið og hann hafði millgöngu fyrir 30 milljón króna styrk frá FL Group og 25 milljón króna styrk frá Landsbankanum til Sjálfstæðisflokksins - á sama tíma áttu styrkveitingur beinna hagsmuna að gæta gagnvart ríkinu.

5. Kristján Þór Júlíusson er Ísfirðingum góðu kunnur og ekki af góðu, enda muna þeir hvernig hann fór með þá í Guggumálinu. Prófið að gúggla "Kristján Þór Guggan Samherji".

6. Ólöf Nordal sagði að Skýrsla Rannsóknanefndar Alþingis væri að þvælast tímabundið fyrir Sjálfstæðismönnum. Hún er einmitt nefnd í skýrslunni undir kaflanum um lánveitingar til þingmanna - endilega lesið hann.

7. Óli Björn Kárason, sitjandi þingmaður og fyrrverandi ritstjóri hægriöfga-vefsins amx.is skuldaði einmitt Kaupþingi um hálfan milljarð.

8. Sigurður Kári Kristjánsson, þáði 4,6 milljónir í prófkjörsstyrki en neitar að upplýsa hverjir greiddu honum féð.

9. Tryggva Þór Herbertsson þarf varla að kynna fyrir ykkur, þetta er maðurinn sem var efnahagsráðgjafi Geirs H. Haarde. Svo þáði hann milljónir fyrir að gefa út einhvers konar heilbrigðisvottorð fyrir íslenska bankakerfið fyrir utan fleiri hundruð miljóna kúlulán.

Pétur Blöndal var aðal hvatamaðurinn af því að koma sparisjóðakerfinu í einkaeign sem varð svo til þess að það fór lóðrétt á hausinn. Fé án hirðis kallaði hann sparisjóðakerfið.

Svo eru tveir þingmenn flokksins í leyfi – ath.  þeir sögðu ekki af sér!

10. Þorgerður Katrín Jakobsdóttir var með milljarða skuldir frá Kaupþingi, en þar var eiginmaður hennar einn af hákörlunum sem stýrðu ferðinni.

11. Illugi Gunnarsson, stjórnarmaður í Sjóði 9 hjá Glitni, en sá sjóður fór langt frá auglýstri fjárfestingarstefnu sinni sbr. Rannsóknarskýrslu Alþingis.

Þannig að það er fátt um fína drætti í þingflokki Sjálfstæðismanna. Það einna helst að maður geti bent á Ragnheiði Ríkharðsdóttur sem einu heiðarlegu manneskjuna innan þingflokks Sjálfstæðismanna. Ég spyr bara, hvernig fær fólk sig til að styðja annan eins Flokk og Sjálfstæðisflokkinn?

[Vilhjálmur Örn Vilhjálmsson, 4.8.2010 kl. 16:37]

Óreiðan fer ekki eftir flokksaðild, Valsól.  

Munurinn, á þessu fólki sem Valsól nefnir og á henni Ingibjörgu, er að því dettur ekki í hug að það eigi sérstöku hlutverki að gegna meðal þjóðanna eins og aumingja Imbu. En eitthvað finnst mér þessi listi þinn þó eineygður. En ekki ætla ég að bera í bætifláka fyrir þessa stjórnmálamenn.

Svo verður þú að muna að Árni Johnsen hefur fengið uppreist æru og sönglaði nú síðast með Bubba Morthens í brekkunni í Herjólfsdal, um engan annan en Hannes Hólmstein.

[Sigurður Þór Guðjónsson, 5.8.2010 kl. 23:18]

En Árni Johnsen átti líka stærstan þátt í því að sett var upp sjálfvirk veðurathugunarstöð í Vestmannaeyjabæ.

[Vilhjálmur Örn Vilhjálmsson, 6.8.2010 kl. 10:04]

Árni hefur átt stormasamt líf. Svo ekur hann of hratt. Þegar ég fór í Bláa Lónið síðast þegar ég var á landinu, tók hann fram úr mér 3svar sinnum og alltaf var hann með símann í hendinni. Ég held að hann hafi verið að athuga hvort það væri úrkoma á leiðinni.