Hin venjulega fjölskylda og frænka hennar hópæsingin

Í apríl á þessu ári, var því haldið fram, að barnabarn eins fórnarlamba Ólafs biskups Skúlasonar hefði nærri því lent í klóm barnaníðings á Amager í Danmörku. Níðingurinn reyndi samkvæmt íslenskum fjölmiðli að hafa drenginn á brott með sér í bifreið, á eða við lóð skólans sem drengurinn gengur í.

Ég á sjálfur son sem er á sama aldri og íslenski drengurinn á Amager, og það fer um mann hrollur þegar maður les svona fréttir. Ég las um fréttina á vefmiðlinum Pressunni. Athyglisvert fannst mér hins vegar, að ég gat ekki fundið hana í dönskum fjölmiðlum eða í hverfisblöðum á Amager. Hvernig stóð á því að ekki var greint frá svo alvarlegum atburði á svæðinu sjálfu?

Ég ákvað því að hafa samband við skólastjórann í skólanum, þar sem barnabarn konunnar sem áskaði Ólaf biskup um nauðgun er nemandi. Þar var mér sögð allt önnur saga en birtist í Pressunni. Skólastjórinn kannaðist ekki við söguna eins og ég las hana upp fyrir hann. Drengurinn og móðir hans hafði ekki upplýst skólann um nema lítið brot af því sem móðir hans sagði fjölmiðlum á Íslandi. Lögreglan hafði t.d. aldrei gert skólanum viðvart um mann, sem dóttir fórnarlambs Ólafs sagði fjölmiðlum að lögreglan hefði varað við að væri að sniglast kringum skólann. Hver segir satt, skólinn, eða móðir drengsins? Lögreglan á Amager hafði að minnsta kosti ekki lýst eftir eða varað við barnaníðingi á svæðinu, skömmu áður en að íslenski drengurinn var nærri því gómaður af barnaníðingi.

Ég hafið samband við kunningja minn, Þór Jónsson á Pressunni, og greindi honum frá þessu. Hann  bætti síðar við fréttina að því er mig minnir. 

Eftir að ég uppgötvaði að dóttir eins þekktasta fórnarlambs Ólafs hafi gert meira úr því sem gerðist gagnvart syni hennar en hún upplýsti skólayfirvöld á Amager um, fer ég varlegar í að trúa því sem ég sé og les um ásakanir á hendur Ólafi biskup.  

Hvernig má það vera að í sumum venjulegum fjölskyldum virðast allir verða fórnarlömb kynferðisofbeldismanna? Það þykir mér mjög skrítið, svo vægt sé til orða tekið! Gengur þetta kannski í ættir? Þefa perrar og níðingar, sem vaða uppi um allt, upp ákveðin gen eða útlit fórnarlamba sinna? Er eitthvað annað fyrirbæri á ferðinni, sem gerir sumar fjölskyldur álitlegri fyrir fyrir níðingana en aðrar venjulegar fjölskyldur?

Hvað gerðu íslenskir fjölmiðlar til að rannsaka málið í Danmörku? EKKERT.

Heimilislífið hefðbundið

Ein góð handa íslensku ríkisstjórninni

 

Íslensk yfirvöld og aðrir heilagir vinstri menn styðja leynt eða ljóst eyðingu Ísraelsríkis. Þetta hef ég bent á í nokkur ár, eða meðan þetta blogg hefur verið til. Það er þó ávallt gott að fá eitthvað í hendurnar sem segir allt það sem maður vildi sagt hafa á fáeinum mínútum. Hríðskotakjafturinn írski, Pat Condell, hefur einmitt fært mér það. Nú vona ég bara að Grýla, Leppalúði og jólasveinarnir hlusti á Condell, áður en þau gefa Hamas og Fatah fleiri sprengjur til að eyða Ísrael.

Δημοκρατία - Lýðræði

 

Boðuð þjóðaratkvæðagreiðsla í Grikklandi er réttur Grikkja og allir vita að hún eða gríska þjóðin hefur ekkert að segja um hvernig mörkuðum í heiminum ríður af. Eins og Íslendingum var kennt um hryðjuverk, er Grikkjum nú kennt um örlög heimsefnahagsins. Til er grískt orð fyrir athafnir ESB og græðgisaflanna: Tragedía.

Ofboðslegur yfirgangur ESB-furstanna í Þýskalandi og Frakklandi er birtingarmynd þeirra afla sem alla 20. öldina reyndu að kúga og þjarma að rétti þjóða til að taka ákvarðanir á lýðræðislegan hátt.

Besta lausn Grikkja er að koma sér út úr ESB sem fyrst og láta evruna sigla sinn sjó.

Lýðræðið, eins og demókratía hefur verið kölluð á Íslandi, er líka eina lausnin til þess að koma lagi á þá óstjórn sem ríkir á Íslandi. Ef Íslendingar eru óánægðir með hækkun stýrivaxta eða skilja ekki upp né niður í einbeittum vilja ríkisstjórnarinnar að bæta dauðri evru og ómögulegu ESB ofan á ástandið á Íslandi, er demókratía, þetta gamla gríska orð, lausnin. Þjóðin ákveður en ekki þing, sem ekki hefur traust þjóðar.

Ef tímabundin fátækt er afleiðing frelsisvilja, er enginn vafi á því að betra er að vera fátækur og frjáls, en að vera pattaralegur þræll og sníkill á „allsnægtaborði" ESB.

Íslendingar vilja Palestínu

 

Gallup á Íslandi telur það greinilega lífsnauðsyn, að ganga úr skugga um hve margir Íslendingar styðji stofnun Palestínuríkis. 80% þeirra 60% sem spurðir voru af Gallup, og nenntu að svara þessari vitleysu, sögðust styðja Palestínuríki. 

Og hvað með það? Stuðningur Íslands hjálpar ekki Palestínumönnum frekar en önnur hryðjuverk.

Þeir sem eru svona ólmir í að stofna ríki í fjarlægum heimsálfum, áður en friður hefur verið tryggður, geta bara flutt þangað, ef þeim er svona mikið mál að drepa gyðinga.

Væri ekki nær fyrir Gallup að athuga, hvað margir Íslendingar vilji hafa Jóhönnu hróið sem forsætisráðherra? Hætt er við að 6 af þeim 8 samfylkingarmönnum sem spurðir verða, og nenna að svara, haldi að hún sé Guð. Allir aðrir vilja losna við hana.

Gaddafi er á lífi

 

Fyrir þá sem nú velta því fyrir sér hvort Gaddafi hafi verið vondur eða góður, eru hér aldeilis gleðitíðindi:

Þrátt fyrir þrálátar sögur um fall Gaddafis í Surt (þannig er Sirte borið fram, líkt og surtur á íslensku án -ur) eða myndir af honum í kæliklefanum hjá Bonus í Misrata, þá hallast breskur blaðamaður með áfengisvandamál að því að Gaddafí hafi þegar verið kominn til Buenos Aires fyrir tveimur árum síðan og hafi þar eignast tvær dætur með úkraínskum kúlukastara. ´

Hann tjaldar aldrei til einnar nætur heitir bók Oscars Foolingtons, og lýsir hann því meðal annars hvernig Gaddafí hefur nú í nokkra mánuði verið atvinnutangódansari á Barbar Bar í Viejo Perduto, en á fimmtudögum treður hann upp sem Bob Dylan á Janky Bar í Calle Florida. Heima hjá sér sefur hann í indíánatjaldi á stofugólfinu.

Myndirnar efst og neðst voru teknar nýlega, þegar evrópskir kratar voru í tango-ferðalagi í Argentínu. Blair er góður tangódansari segir Gaddafi, en Brown vildi helst tala um Ísland og hryðjuverk. 

Kerlinga-Gestapóið

Mikið eru þetta sexí konur, allar klæddar í eitthvað sem minnir á samruna burku og einkennisbúninga Ku-Klux-Klan. Nú eru fórnarlömbin hins vegar ekki negrar eða gyðingar, heldur graðir, íslenskir karlar. Áður en þessar snótir komu fram á sjónarsviðið var valkyrjudeildin Aisha hjá byltingarlögreglunni í Teheran í mestu uppáhaldi hjá mér. Sjáið þessa mynd þar sem þær ráða niðurlögum perra í Homs:

 

Héðanífrá held ég með mínum mönnum, með Íslenska Kerlinga-Gestapóinu, Stóru Systur. Fínt hjá þessum konum að lokka karla með sömu áhugamál og þær sjálfar í gildru, svo að íslenska láglaunalöggan geti notað tíma sinn í að grilla á þeim besefann, sem þeir hafa greinilega sent myndir af til Stóru Systur. Þær eru enn að íhuga hvað þær eiga að gera við þessar mikilvægu upplýsingar!  

Ætli sé hægt að fá símanúmerin hjá þessum heillandi konum? Ég bara spyr.

Nei og æi, í sannleika sagt, er nema von að karlpeningurinn á Íslandi sé orðinn afbrigðilega mikið kynbrenglaður, þegar konur fá kikk út úr því að vera plathórur og gervilólítur með burkur?

Mikið geta Íslendingar nú annars skemmt sér í kreppunni. Þessari þjóð er ekki við bjargandi. Kannski vill Hið Íslenska Reðurfræðisafn fá myndirnar af tölvuperrunum ef löggan vill ekki skoða þær.

Walla Halla og Jalla Kalla

Halldór sem forseta

 

Tillaga um forsetaframbjóðanda

Ég leyfi mér að stinga upp á Halldóri Guðmundssyni sem forsetaframbjóðanda. Þetta er algjör geðþóttaákvörðun hjá mér, tekin að Halldóri óspurðum. Ég veit ekki einu sinni hvort Ólafur Ragnar býður sig fram, en ef svo er, setjum við bara Halldór á ís í fjögur ár.

Ef Ólafur Ragnar ætlar hins vegar að setjast í helgan stein með Mússu sinni uppi í Mosfellsbæ, þá sé ég góðan mann í Halldóri. Vissulega er Halldór rauður undir uggum, en stjórnmálamaður er hann ekki og það væri kannski gott að fá dálitla tilbreytingu.

Mér sýnist að Halldóri sé mikið að þakka það álit sem menn hafa á Íslandi í hinum þýskumælandi heimi, álit sem mun líklega breiðast eitthvað út og gagna landi og þjóð með tíð og tíma. Bókmenntirnar gætu vissulega verið betri. Auglýsingastarf Halldórs gæti nýst vel í embætti forseta Íslands.

Þau litlu kynni sem ég hef haft af Halldóri, benda til þess að hann sé ósnobbaður menningarviti, þægilegur í framkomu, án tiktúru og tilgerðar og einstaklega viðræðugóður. Hann er einlægur og fyndinn, talandi á margar tungur og hefur mikla yfirsýn. Þannig forseta vil ég hafa.

Ég sé ekki marga kosti ef Ólafur hættir, en Halldór fengi atkvæði mitt ef hann íhugaði framboð.

Látið í ykkur heyra!

Among the best

 

Nýlega hafa birst yfirlit yfir gæði háskóla í heiminum. Sú fyrri er gerð af QS stofnuninni (sjá topuniversities.com) og birtist hún í síðastliðnum mánuði. Þar var Háskóla Íslands ekki að finna á lista með 400 bestu háskólum heimsins. Þögn Háskólans var sláandi yfir þessari frétt, jafn sláandi og hvað mönnum kemur það á óvart að háskólinn er í verri endanum á 300 bestu háskólum heims samkvæmt annarri úttekt hjá Times Higher Education. Þessu var m.a. greint frá í Ríkissjónvarpinu.

Eins og sést á stöplariti Times Higher Education eru rannsóknir og kennsla í HÍ ekki upp á marga fiska.

Ég las nýlega grein eftir Birgir Guðjónsson lækni, sem hann kallar Háskóli Íslands 100 ára (einsemd!) Ég tel hnitmiðaða grein Birgis mjög þarfa greiningu á ástandinu í háskólamálum á Íslandi. Hvet ég menn að kynna sér hana, því hún lýsir því vel hvað veldur því að HÍ er hvorki fugl né fiskur, og er alls ekki á leið til stjarnanna.

Þegar menn velja þriðja besta manninn í stöður lektora og prófessora, fær maður vitaskuld 3. flokks háskóla, 3. flokks nemendur og 3. flokks fræðilegt umhverfi. Klíkuskapurinn í HÍ er líka einstakur og samur við sig, og í honum komast menn örugglega í eitt af 10 efstu sætunum í fílabeinsturni heimsins. 

Frábært ! Aukafjárveitingu og það strax, ef hún er ekki þegar komin!

Jóhanna 30%

Forsætisráðherra okkar Íslendinga, sem er með verslunarpróf frá VÍ (1960) og töluverða þekkingu á kokkteilum og björgunarbeltum eftir flugfreyjuþjálfun, talaði í gær á 4. Tækni og hugverkaþinginu. 

"Til þess að virkja mannauðinn þurfum við að fjárfesta í menntun. Hér er æðið verk að vinna. Staðreyndin er sú, að 30% íslensku þjóðarinnar er án formlegrar framhaldsskólamenntunar, og það er sérstaklega slagsíða er varðar iðn- og tæknimenntun", sagði forsætisráðherra (sjá hér).

Mikið er gott að menn þekki takmarkanir sínar. En menntun er auðvitað ekki allt, og ég er á því að 30% án framhaldsskólamenntunar sé nú ekki hættulega hátt hlutfall í siðmenntuðu landi, þegar fullmenntaðir menn og "fræðingar" hafa sett allt á annan endan í landinu. 

Það er auðvitað ekki tilvalið að forsætisráðherra nokkurs lands hafi rétt skriðið yfir 30%in fyrir 50 árum síðan. Stjórnmálamennska krefst, eins og kunnugt má vera, ekki óhemjumikils gáfnafars eða greindar, en stór gagnaugu og léleg heyrn eru til bóta. Við getum ekki öll verið stúdentar og doktorar, þegar kokkteill flugfreyjunnar er eins bitur, já ódrekkandi, og raun ber vitni. 

Gagnaugað á Árna Þór - Samsæriskenning

 

Eftir hina ósvífnu eggjahríð sem lenti á Árna Þór Sigurðssyni þann 9/30 2011 sl. hef ég hugsað mikið um eggið sem lenti á höfði þingmannsins, og reyndar líka höfuðið á Árna. Ég hef sannast sagna hugsað um höfuðið á Árna á hverjum degi í fríi mínu í Berlín, sérstaklega þegar ég var í Austur-Berlín. Nú er ég búinn að komast að niðurstöðu í málinu.

Menn mega kalla þetta samsæriskenningu, en ég tel þetta vera atriði sem menn verða að spyrja sjálfa sig út í. Ég hef komist að þeirri niðurstöðu, að Árni hafi "feikað" lendingarstað eggsins til að gera meira úr málinu. Gagnaugað er hættulegri staður en aðrir á höfði manna, þegar hlutir eins og egg lenda þar eftir flugferð.

Ef skoðaðar eru myndir af því þegar eggið hæfði Árna og hvar Árni heldur um meiddið, þá er greinilegt er að Árni heldur ekki um gagnaugað og að eggið lendir ekki á gagnauganu. En hann sagði sjálfur í fréttum að eggið hefði hæft hann í gagnaugað. Hvernig stendur á þessu? Hefur eggið valdið heilaskemmdum í Árna? Er myndin hér að ofan fölsun? Var einhver úr vinstri grænum sem henti egginu? Það er mafíulykt af þessu.

Eins og sumir á vinstri vængnum velta vöngum og gagnaugum yfir því hver stóð á bak við 9/11 árásina, leyfi ég mér að setja fram þá ósvífnu tilgátu, (með aðstoð sönnunargagns), að Árni hafi ekki fengið eggið í gangaugað.

Árni Þór Sigurðsson þingmaður Vinstri grænna segir nú að  mögulega beri að endurskoða hvernig þingsetning fari fram í ljósi þess mikla ófriðar sem skapast hefur á Austurvelli við síðustu þingsetningar. Árni segir: „Menn eru hugsi yfir þessu. Þetta er hluti af okkar þingræðishefð, þessi athöfn þegar gengið er inn í Dómkirkjuna, en það kæmi mér ekki á óvart ef menn færu að hugsa þingsetninguna upp á nýtt,"

Ég verð fyrir mína parta að leggja til að Árni Þór Sigurðsson fái sér hjálm næst þegar hann trítlar úr Alþingishúsinu yfir í Dómkirkjuna, þessi sannkristni maður, sem greinilega skilur ekki, að "hinn mikli ófriður sem skapast hefur" er m.a. honum að kenna. Egg eru þakkir fólksins, ekki lófaklapp.