Gyðingahatur er enn leyft á blogginu

Það verður að viðurkennast, að fólk sem bloggar er flest með einhverjar lausar skrúfur. Sumir eru minna hertir en aðrir og sumir eru illa forskrúfaðir. Aðrir eru hins vegar alveg búnir að tína flestum skrúfum og fittingum og mikilvægir partar er jafnvel farnir að hrynja af.

 Þorsteinn Scheving Thorsteinsson 

Þetta versta stig á líklega við um Þorstein Scheving Thorsteinsson.  Nafnið hljómar eins og þarna sé á ferðinni einhver ættarlaukur með ljómandi og svalandi framtíð fyrir sér. Ekki þekki ég neitt til mannsins. En hann hefur greinilega eytt framtíð sinni í nýnasistarugl, firru Ku Klux Klan og fáránleika gyðingahaturs. Það voru vitanlega oft rotnir laukar í poka frá kjörbúð SS og ekki held ég að ættmenn Þorsteins séu mjög sammála Þorsteini frænda sínum á blogginu. Líklegra er að kóngulær haturs hafi vafið Þorstein í net sitt, eins og klámfætlan vefur öðrum um fætur sér. Veraldarvefurinn getur verið hættulegur þeim sem ekki geta greint á milli rétts og rangs, á milli sannleika og lygi. 

Þorsteinn stundar einkennilegt samlífi við hatursmenn Ísraels og gyðinga á blogginu. Í hvert sinn sem einhver skrifar um Ísrael - og oftast er það ljótt og hatursfullt - er Þorsteinn kominn með langar runur af tilvitnunum í hitt og þetta sem hann hefur villst í á netinu, og sem hann trúir sem nýslegnum túskildingi.

Þorsteinn vitnar t.d. í orð, sem hann heldur fram að Nóbelsverðlaunahafinn Menachem Begin hafi látið eftir sér.

Begin á að hafa sagt: Our race is the Master Race. We are divine gods on this planet. We are as different from the inferior races as they are from insects. In fact, compared to our race, other races are beasts and animals, cattle at best. Other races are considered as human excrement. Our destiny is to rule over the inferior races. Our earthly kingdom will be ruled by our leader with a rod of iron. The masses will lick our feet and serve us as our slaves."

Þetta hefur Menachim Begin aldrei sagt. Þessi orð tilheyra Texe Marrs, sem er öfga"kristinn" gyðingahatari og helfararafneitari í Bandaríkjunum. Þessi fölsuðu orð Menachims Begins birtust fyrst á heimasíðu Marrs. Þar er að finna alls kyns falsupplýsingar um gyðinga, sem Marrs hatar eins og pestina. Marrs hefur aldrei sagt mönnum hvar Begin á að haf látið fyrrgreind orð falla, og Þorsteinn, sem er afar sólginn í allar "upplýsingar" Marrs, getur heldur ekki upplýst neinn um það. 

Marrs vitnar reglulega í falsrit frá 19. öld, sem íslenskur jafnaðarmaður, já alíslenskur jafnaðarmaður og Alþingismaður, Jónas Gumundsson, lét prenta  árið 1951 undir heitinu Samsærisáætlunin mikla; Siðareglur Zíonsöldunga). Það rit notuðu m.a. rússneskir keisarar og rússneska kirkjan til að ofsækja gyðinga, myrða þá og hrekja þá á braut. Í opinberri yfirlýsingu Hamas hryðjuverkasamtakanna frá 1988 er reyndar einnig vitnað í þetta rússneska falsrit gyðingahatara frá lokum 19. aldar (þekkt á ensku undir heitinu The Protocols of the Elders of Zion). Sjá frekar hér.

Marrs hefur einnig lagt mörgum öðrum gyðingum orð í munn, t.d. Nóbelsverðlaunahafanum Elie Wiesel, sem nasistum tókst ekki að útrýma. Elie Wiesel hefur helgað líf sitt upplýsingunni um helförina. Nú reynir Þorsteinn Scheving Thorsteinsson á Íslandi að útrýma Elie Wiesels á moggablogginu með svínaríi frá einum frumstæðasta forarpytti BNA. Enginn grípur inn í þetta og fjölmargir bloggarar leyfa meira að segja Þorsteini Scheving Thorsteinssyni að valsa með hatur sitt á síðum þeirra. Nokkrir eru jafnvel sammála honum, og þar á meðal svokallaðir gæðabloggarar Moggabloggsins.

 

Fangar í Buchenwald. Elie Wiesel er lengst til hægri í efri bás. Þorsteinn Scheving Thorsteinsson er með lygaáróðurum Elie Wiesel á Morgunblaðsblogginu.

Þorsteinn Scheving Thorsteinsson sem stundar gyðingahatur og svívirðingu á trú gyðinga, gefur í skyn að helförin (Shoah) hafi ekki átt sér stað og sem telur Osama bin Laden vera fórnarlamb samsæris gyðinga er enn að á Morgunblaðsblogginu. Er það ekki næg ástæða til að útiloka Þorstein Scheving Thorsteinsson frá blogginu?  Menn hafa verið reknir héðan af moggablogginu fyrir að vitna beint og orðrétt í Kóraninn. En um gyðinga má greinilega segja allt og skrifa á Íslandi, sér í lagi á Moggablogginu. Getur þetta verið rétt?

Þorsteini er eins og nasistum Þýskalands og einfeldningum nútímans, sem styðja hópa sem vilja útrýma Ísraelsríki, gjarnt á að tala um gyðinga sem Guðs útvöldu þjóð.  Nú leggja gyðingar reyndar ekki sömu merkingu í orðin Am Nivchar ,"Guðs útvalda þjóð", og hatursmenn gyðinga. Gyðingahatarar hafa lagt rasíska meiningu í þessi orð, eftir að kristnir gyðingahatarar tönnluðust á þeim í aldalöngu hatri sínu. Ég hef margsinnis bent hatursfullum áhangendum Hamas og Hizbullah á Íslandi, sem einnig eru uppteknir af hinni "Útvöldum þjóð" (sem þeir stefna að því að eyða), á að kynna sér túlkun gyðinga á Am Nivchar. En þegar hatrið er annars vegar, er skilningurinn sljór. Vel menntaðir menn og prestar á Íslandi hafa einnig verið með háðsglósur gegn gyðingum og Ísraelríki. Hvar eru mannréttindaljósin á Íslandi? Ja, sumir þeirra taka reyndar þátt í níðingssöngnum um "Guðs útvöldu þjóð".

Þorsteini er einnig margtalað um Khazara. Kenningin um Khazara, sem eiga að vera ættfeður Ashkenaz gyðinga er fyrir löngu fallin um sjálfa sig. Margir Khazarar tóku gyðingatrú á 9. öld, en þeir eru ekki ættfeður gyðinga í dag nema að mjög litlu leyti. Gyðingar, sem eru Ashkenaz, eru náttúrulega stoltir af því að sumir forfeður þeirra voru Khazarar og að sumir Khazarar reyndust gyðingum vel, miklu betur en t.d. Íslendingar á fjórða áratug síðustu aldar.  Markmið Þorsteins með því að vifta Khazarkenningum, er að halda því fram að gyðingar sem í dag búa í Ísrael séu ekki afkomendur þeirra gyðinga sem hraktir voru frá landi sínu fyrr á öldum; Að þeir eigi þess vegna engan rétt til búsetu  í Palestínu. Palestínuvinirnir geta vart haldið vatni yfir þessari speki Þorsteins. Þorsteinn á t.d. ungan Moggabloggvin af góðum Sjálfstæðismannaættum, sem tók þátt í "friðarráðstefnu" múslímska bræðralagsins í Kaíró, sem hefur útrýmingu Ísraelsríkis á dagsskrá sinni.

Erfðafræðirannsóknir hafa sýnt, að Khazarakenningin á ekki við nein rök að styðjast. DNA rannsóknir hafa reyndar líka sýnt, að þeir sem bera nafnið Ashkenazi og lík nöfn, eins og landsmaður okkar, píanósnillingurinn Vladimir, eru flestir hverjir komnir af þeim meiði gyðinga sem geta rakið ættir sínar til Spánar og Portúgal, til Norðurafríku og Austurlanda nær.

Þorsteini er einnig annt um að greina okkur frá því, að til séu gyðingar sem ekki eru zíonistar og sem séu mótfallnir Ísraelríki. Því er ekki hægt að neita, að fámennur hópur Satmar-gyðinga, skyldleikaræktaðs ofsatrúarsafnaðar frá Rúmeníu langar helst að búa áfram í gettóum í svörtustu Austur-Evrópu í fötum frá 18.öld og láta kósakka og nasista slátra sér eða nauðga. Satmar-gyðingar, sem ekki viðurkenna Ísraelsríki, eru ekki einu sinni komnir af Khazörum.

Fyrir utan þá rasísku frasa sem Þorsteinn veður í,  ræðst hann með fúkyrðum, lygum og ósóma á trúa gyðinga og trúarrit.

Ég bið virðulega umsjónamenn Morgunblaðsbloggsins og lögfræðing blaðsins að hafa samband við Þorstein Scheving Thorsteinsson og kynna honum lagaramma hegningarlaganna og biðja hann að fara með ósóma og hatursræðu sína um trú, trúarrit, uppruna, orð og ríki gyðinga annað en á Moggabloggið.

Við lifum á 21. öld og Morgunblaðið verður að fara að fylgjast með. Það telst hvorki til  mannréttinda né ritfrelsis að svína gyðinga til. Mannréttindasáttmáli SÞ varð m.a. til í minningu 6.000.000 gyðinga, sem voru fórnarlömb manna sem hötuðu gyðinga og trú þeirra og kyn. Er mönnum stætt að trampa á minningu fórnarlamba Helfararinna á Morgunblaðsblogginu?

Al-Dura leikþættinum er lokið

 

Einn helsti píslavottur Palestínumanna er Mohammad al-Dura, drengurinn sem sagður er hafa verið myrtur af Ísraelskum hermönnum árið 2000.

Sjónvarpsstöðin France 2 sýndi upphaflega sundurklippta upptöku sína frá meintum dauðdaga drengsins. Dauði hans var sagður hafa orðið er hann og faðir hans lentu í skothríð á milli Ísraela og Hamas-liða við landamæri Gaza.

Síðan þá hafa margir haldið því fram, að mynd France 2 hafi verið klippt þannig að halda mætti að drengurinn hafi látist. Aðrir hafa sýnt fram á að ekki sé hægt að sýna fram á að drengurinn hafi í raun dáið. Enn aðrir hafa sýnt fram á að drengurinn hefði ekki getað verið skotinn af ísraelskum hermönnum, heldur aðeins af Palestínumönnum.

Hér  er hægt að lesa um málið.

En nú hefur ARD sjónvarpsstöðin þýska gert enn eina rannsókn, sem sýnir að frétt fransk-ísraelska sjónvarpsmannsins Charles Enderlins, hafi verið svindl og prettir frá upphafi.  Áður hafði verið sýnt fram á að fráklippur sem Enderlins sagði sýna dauðateygjur drengsins sýndu ekki dauða hans. Þvert á móti. Mælingar á myndum af drengnum sem sést í skotárásinni hafa verið bornar saman við mynd af andliti drengsins sem sýndur var fréttamönnum í líkhúsi og því haldið fram að væri Muhammad al-Durra. Sérfræðingar sem ARD hefur leitað til segja að ekki um sama dreng að ræða.

Kvikmyndin var sýnd 4. mars sl. á ARD. Ætli RÚV þori að sýna þessa heimildamynd?

Hér er það helsta sem fram kemur fram í myndinni:

Thanks to a biometric analysis of the faces, it has been proven that the boy who was filmed by France 2 is not the boy presented at the Gaza morgue and buried later. The eyebrows and the lips are very different. 

• The German TV used the lip-reading technique to read the father's lips. They discovered that Jamal al Dura gave instructions to the people who were behind France 2's cameraman during the filming of the scene. 

•  The boy filmed by France 2 moves a red piece of cloth down his body for no specific reason. 

• In France 2's news report, there is no blood - neither on Mohammed nor on Jamal al Dura's body, whereas the two were supposed to have received 15 bullets all together. 

• The boy shown at the funeral as Mohammed al Dura arrived at the hospital before 10am, whereas France 2's news report was filmed after 2:30pm. 

Úti er ævintýri.  En lygin mun örugglega lifa áfram og verða notuð til að deyða fólk og sannleikann.

Ég treysti ekki Boga Ágústsyni og RÚV, svo hér getið þið horft á heimildamyndina í fimm hlutum:

1. hluti:

 

2. hluti http://www.youtube.com/watch?v=rs8mhfSWmbc&feature=related

3. hluti http://www.youtube.com/watch?v=BoJeHz2QHtE&feature=related

4. hluti http://www.youtube.com/watch?v=kuo_SOKhxEw&feature=related

5. hluti http://www.youtube.com/watch?v=Ds0XEoMh4mM&feature=related

Hér einnig eldri analýsa: http://www.youtube.com/watch?v=DzsCBFhCsyY&feature=related

Harmleikur í Borgarleikhúsinu og á RÚV

 

Nú flytur Borgarleikhúsið leiksýningu um Rachel Corrie, sem lést af slysförum þegar hún tók þátt í aðgerðum á Gaza árið 2003. Rachel Corrie var ekki friðargæsluliði eins og haldið hefur verið fram á RÚV og í tengslum við auglýsingar á leiksýningunni í fjölmiðlum. Hún var liðsmaður í samtökum, sem hafði og hefur einhliða skoðun á málefnum Miðausturlanda. Það er ekki  gott veganesti fyrir friðargæsluliða á þeim slóðum. Í augum Rachel Corries var Ísrael skúrkurinn og Hamas sakleysið uppmálað.

Fréttastofa RÚV birtir fréttir af þessari leiksýningu og Bogi Ágústsson var á Morgunvaktinni, með yfirborðskenndar upplýsingar um örlög Corries. Einnig var sýnt frá leiksýningunni í sjónvarpsfréttum kvöldsins. Því miður er áróðurinn einhliða og sannleikanum ábótavant í þessum umfjöllunum ríkisfjölmiðilsins á Íslandi.

Þegar stuðningshópur sá sem Corrie tilheyrði, og aðrir fréttamiðlar Hamas greindu frá því sem gerðist árið 2003, fór fram fólskuleg fréttafölskum. Myndum og kvikmyndum af atburðinum var breytt. Myndir teknar að morgni vour birtar og því haldið fram að þær væru teknar síðla dags. Dauði Corrie varð að leikatriði í svikamyllu fréttafölsunar Palestínumanna. Þetta er hægt að lesa um víða á netinu.

Rachel Corrie var ekki myrt af Ísraelsher, hún lést af slysförum í tengslum við blinda og einhliða baráttu sína fyrir Palestínumenn. Samtök þau sem Rachel Corrie barðist fyrir er einum um að kenna hvernig fór.

Leitt er að sjá að Fréttastofa RÚV hafi ekki gert málinu betri skil í gær og dag. Menn hefðu t.d. getað haft samband við Ísraelsk stjórnvöld og samtök til að heyra þeirra skoðun á slysinu og á þeirri rannsókn sem fór fram og sem t.d. er lýst hér eða hér.  Svo birtist þessi grein í dag, þar sem hægt er að lesa yfirlit yfir allt ósamræmið í sögunni um Rachel Corrie.

Bogi Ágústsson, hvar eru siðareglur þínar og starfsmanna þinna? Af hverju leitar þú og þeir ekki allra fáanlegra upplýsinga um þetta mál? Nóg er til af þeim - ef maður vill finna þær. Fer kannski fram vísvitandi sniðganga og ritskoðun hjá RÚV?  Vandamálið meðal starfsmanna Boga Ágústssonar er þó frekast, að þeir hafa ekki áhuga á sannleikanum þegar fréttir varða Ísrael á annað borð. Það hefur sagan sýnt okkur.

En sorglegast er þó að sjá, að Borgarleikhúsið sé gert að vettvangi fyrir leikrit sem byggir á lofsöng á hatri og ofstopa. Leiklistagyðjunni hefur enn einu sinni verið nauðgað. Það er líka harmleikur. Þó Rachel Corrie hafi verið tekin í dýrlinga tölu meðal þeirra sem telja sig eiga einkarétt á réttlætinu og sé nú píslavottur Hamas, þá var hún því miður enginn friðarengill.

Fyrst og fremst gyðingahatari

Bo Harder Weymann, (upphaflega Weimann), heitir maður nokkur í Danmörku. Hann vinnur í stjórnunarstöðu hjá tölvufyrirtækinu DBC í Ballerup og er 53 ára. Eitt sinn tilheyrði hann hryðjuverkahóp sem kallaður hefur verið Blekingegade-banden. Hópur þessi varð fyrst og fremst til vegna haturs meðlimanna á Ísraelsríki og "baráttu" þeirra fyrir Palestínuþjóðina, þ.e.a.s, hryðjuverkasveitir Palestínumanna. 

Blekingegade-banden styrkti Palestínumenn með ránum og ofbeldi sem enduðu í ósköpum. Árið 1989 myrtu meðlimir hópsins lögreglumann sem reyndi að hindra pósthúsrán hópsins í miðborg Kaupmannahafnar.

Hópurinn var handtekinn og dæmdur fyrir ýmsar sakir, en enginn í hópnum viðurkenndi morð og önnur voðaverk sem þeir höfðu framið ... fyrir Palestínumenn.

Út hefur komið heilmikið ritverk blaðamannsins Peter Øvig Knudsens og málið hefur verið mikið til umræðu nýlega í Danmörku, enda komin ný kynslóð blaðamanna, sem sátu í barnavagni þegar glæpir hópsins voru framdir, og eiga því heilmikið ólært. 

En í gær hélt einn af félögum hópsins, Bo Weymann, blaðamannfund í tengslum við nýja kvikmynd um hópinn, sem ber heitið Blekingegade-banden, og sem Øvig Knudsen hefur verið ráðgjafi fyrir.

Bo sagðist ætla að leysa frá skjóðunni og biðjast afsökunar. Hann dró heldur ekkert úr. Hann sagðist hafa tilheyrt hryðjuverkahóp. Greindi frá aðild sinni að vopnuðum ránum, smygli á vopnum og öðrum glæpum, og er nú glaður yfir því að hafa sagt Dönum allt af létta.

En einu gleymdi þessi tölvufræðingur og fyrrverandi hryðjuverkamaður, sem reyndar var ekki  lengur með í Blekingegade-banden þegar hópurinn myrti ungan lögreglumann. Hann gleymdi að biðjast afsökunar á blóði drifnu hatri sínu í garð Ísraelsríkis. Eitthvað segir mér, að hann sé enn haldinn því hatri.

Hann safnaði einnig skipulega nöfnum á fólki í Danmörku sem tengdust Ísrael á einn eða annan hátt. Fyrst og fremst nöfnum og heimilisföngum  gyðinga, og þeim sem hann taldi óvini Palestínumanna. Hann hafði fólk til að aðstoða sig og njósna fyrir sig og hópinn. Hann bjó til spjaldskrá yfir "fjendur" Palestínumanna í Danmörku. Það var í fyrsta sinn síðan í síðari heimsstyrjöld, að Dani  safnaði nöfnum á gyðingum. Síðast þegar það gerðist, var það til að koma þeim fyrir kattarnef.

Ég er ekki í vafa um að Bo Weymann og samverkamenn hans ætluðu sér að nota lista yfir gyðinga og stuðningsmenn Ísraels til glæpsamlegra aðgerða. Ef ungur lögreglumaður hefði ekki verið myrtur við rán í þágu PFLP, hefði hópur þessi framið glæpi gegn gyðingum í Danmörku.

Danir hafa hins vegar fyrst og fremst áhuga á lögreglumorðinu 1989 og bæði fjölmiðlar og höfundur ritverksins um Blekingegade-banden og kvikmyndarinnar um hryðjuverkahópinn hafa skautað létt yfir z-listann, sem spjaldskráin með nöfnum "óvinanna" er kölluð. Z er þar skammstöfun fyrir zíonista.

Því miður hefur metsölubók Øvig Knudsens ekki varpað ljósi á þennan lista, sem var geymdur með vopnum í Blekingegade á Amager.  Kvikmyndin um danska hryðjuverkahópinn gerir það heldur ekki. Til hvers var listinn? Söfnuðu hryðjuverkamennirnir gyðingum, eins og aðrir safna plötum eða Andrés Andar blöðum? 

Bo Weymann hefur iðrast hryðjuverkastarfsemi sinnar, en hann hefur ekki iðrast haturs síns á Ísrael og afbrigðlegum stuðningi sínum við Palestínuþjóðina.

Hvorki morð á lögreglumanni, né listar yfir gyðinga hjálpa Palestínumönnum.

Danir gleyma flestir, að félagarnir í Blekingegade-banden myrtu lögreglumanninn vegna haturs síns í garð Ísraels.

Circus Iceland

Því meira sem ég hugsa málin, er ég hjartanlega sammála Sigurði Líndal. Álit Sigurðar á ráðningu Sveins Haralds í Seðlabankann er aðeins hrein tilvitnun í stjórnarskrána, og að vanda í forn lög, enda Sigurður forn og formfastur. Þeir sem ekki fylgja stjórnarskránni, fremja alvarlegt lögbrot.

„Áður en varir er stjórnskipanin gengin úr skorðum", segir Líndal. Spurningin er, hvort hún sé það ekki þegar. Ríkisstjórn með ráðsstjórnartakta, eins og sú sem nú er við völd, skítur á stjórnarskrár og vill breyta henni að geðþótta.

Media Circus Egils Rauða í Sirkus Silverado hefur bjargað Sirkus Stjórn um sinn. Stóri rauðhærði trúðurinn kallaði á lögfróða norska trúðinn,  Joly Paragraf, sem talar embættisfrönsku með reim. Nóg silfur er víst enn til hjá Sirkus Stjórn til að ráða fína, franska skemmtikrafta.

Þó svo að Joly hafi verið mötuð með Baugsmálinu, er ég er viss um að hún  muni þefa uppi allan ósómann hjá íslenskum stjórnmálatrúðunum, sem þáðu ölmusur frá spillingarliðinu The Magnificent Flying Viking Clowns sem féll flatt á gólfið - og þá verður henni sennilega sparkað úr Cirkus Iceland Association (CIA). Maður vill ekki heyra um óþægilegar uppgötvanir í sirkus, þar sem „slysin" hafa verið mörg.

Nú þegar vondi fíllinn Do Banco er farinn, The Soft Haarde Clown er hættur og valti Línudansarinn Sólrún komin í veikindafrí, sitja skeggjaða albínókonan og sköllótti græni maðurinn og reyna að skemmta þjóðinni með vinstri hendinni fram að kosningum.  Svein og Joly eru því auglýst grimmt, enda fersk atriði frá Sirkuslandinu mikla, Noregi.  Hvað verður það næsta Fleksnes eða Ah Ha?

Nýr sendiherra Ísraels

Nýr sendiherra Ísraels afhenti Ólafi Ragnari Grímssyni forseta trúnaðarbréf sitt á Bessastöðum í gær.

Hann heitir Michael Eligal og var áður sendiherra Ísraels á Kýpur. Hann hefur aðsetur í Ósló.

Eligal sendiherra er fæddur í Argentínu árið 1948. 

Strax eftir komu sína til Noregs hefur hann gagnrýnt læknana Mads Gilbert og Erik Fosse á Fedrelandsvennen og hann segir þá ljúga. Ég verða að taka undir það með sendiherranum eins og má lesa hér. Verið er að rannsaka lygar þeirra og kannski verður að fá Evu Joly til að dæma þá fyrir spillingu. 

Hvað ætli nýja sendiherranum þyki um íslenskan hjólasala, sem neitar að afgreiða gyðinga og íslenska kúnna hans sem telja það bara smámistök; eða um heimsþekkta hljómsveit (Mezzoforte) sem lýgur því að þeim hafi verið boðið til Ísraels (sjá einni hér) til að geta sagst hafa afþakkað boðið vegna hernaðaraðgerða Ísraelsmanna; eða bankastjóra í Landsbankanum sem líkir starfsmönnum við fangaverði í Auschwitz, eða fólk sem kennir gyðingum og Ísraelsríki um fjárhagslegar ófarir Íslendinga??

Velkominn til Íslands hr. Michael Eligal!

Eva Joly

Það er óneitanlega skipbrot ef íslenska þjóðin getur ekki ráðið fram úr spillingu þeirri sem hnésetti Ísland, án þess að fá norsk-franskan „au pair" lögfræðing til að veita sé ráð.

Eva Joly er vafalaust fyrirtaks lögfræðingur og dómari og mun örugglega segja Íslendingum vel til syndanna.

Eru íslenskir stjórnmálamenn, sem margir voru „on the take" hjá íslenskum fjárglæframönnum, tilbúnir að heyra það frá Joly. Ef eitthvað er sem (Gro) Eva (Farseth) Joly líkar ekki, þá eru það spilltir stjórnmálamenn, nema vera skildi blaðamenn sem hafa ásakað hana sjálfa um að vera gráðuga og spillta.

Ferill Gro Evu er glæsilegur. Frá því að vera alin upp í verkamannahverfi í Osló, af góðu fólki sem komið var af afdala- og jarðaberjabændum, þar til hún tekur að sér að vaða í eðju spillingar á Íslandi. Við getum vonað að hún sökkvi ekki upp að háls í þann forarpytt, og að hún sé enn eftir að ná hámarki ferils síns á Íslandi.

Og fyrst búið er að ráða Evu Joly, væri þá ekki þjóðráð að fá frændkonu hennar Sylvie Joly (Madame Touschard etc.), sem frönsk fyrirmynd Eddie Izzards (eða er það öfugt), til að skemmta þjóðinni. Hér er hún í hlutverki lögmanns. En Sylvie Jolie lærði til lögmanns áður en hún gerðist gamanleikari. Stundum er ekki mikill  munur þar á. Vonandi sækir hún sér ekki fyrirmynd í Evu í þessu atriði.

Economy Comfort

Af er það sem áður var.  Maður les að Jón á Allt sé nú búinn að "dángreida", kominn á Economy Comfort, eftir að hafa flogið á röndóttri einkaþotu  og þar áður á Saga Class de lux. Þotan hans í röndóttu fötunum hefur verið auglýst til leigu og hann ferðast á lakara farrými. 

Jón tekur sér reyndar 1,5 sæti eins og Egill Helgason. Vart getur verið langur tími þangað til hann þarf að fara í olbogaslag við samankreppta fátæklinga á Pack Rack. Nema að Joly hans Egils Helga setji hann í farbann.

Jón var að vonum önugur. Það var ekkert Kobe-nautakjöt í matinn og brennivínið kostaði. Hann var með nestismal úr Bónus með sér. Svo horfði sumt fólk á hann eins og það vildi drepa hann.

Ég læt fylgja með mynd þegar ég flaug með Jóni síðast og við tókum nokkra hrynur af tennis.

Kannski gerum við það aftur eftir 20  30 ár. Þá verður betri tíð.

Ég hef keypt mér norska orðabók

og geitost.

Skýrsluskussinn Ingibjörg

Fréttir herma, að Ingibjörg Sólrún Gísladóttir hafi haldið fundi, sem mikilvægir voru fyrir framtíð þjóðarinnar, án þess að skrifa línu um þá. Ingibjörg hefur enn einu sinni sýnt, að hún hefur einkennilega forgangsröðun.

Hún hafði til að mynda tíma á gamlársdag til að skrifa skammarbréf til Tzipi Livni í Ísrael sem fyrst var birt á þessu bloggi. Gaza er greinilega málið sem fær suma íslenska pólitíkusa í vinnufötin.

Ísland var hins vegar lengra niður á verkefnalista Ingibjargar en ávítur í garð Ísraels.  Hún hafði greinilega ekki tíma í desember og janúar til að skrifa smáskýrslu um leynifund sinn með David Milliband um Icesave, þar sem tekist var á um beitingu hryðjuverkalaganna. Þetta gæti hafi verið örlagaríkur fundur fyrir Íslendinga.

Það vantar jafnvægi í þetta. Þetta sýnir þá firringu sem oft var í starfi Ingibjargar sem utanríkisráðherra. Hún baðaði sig í sviðsljósinu með hryðjuverkahöfðingjum en hélt leynifundi með mönnum sem settu Íslendinga á hryðjuverkalista. Hún hnakkreifst við Davið Milliband, en skrifar ekki um það skýrslu. Svo hefur hún tíma til að senda harðorðar yfirlýsingar til þjóðar, sem er umkringd ríkjum sem hýsa allar helstu hryðjuverkahreyfingar heims.  

Flott Ingibjörg. Skrifaðu nú skýrsluna!