Íslenskur berserksgangur

 

Nú er komið á vopnahlé milli hetjanna í Hamas og Ísraels, en hvort það endist veit þó enginn. Þið sjáið hvers konar lið Ísraelmenn eiga í höggi við á myndinni hér fyrir ofan.

Eitt er þó víst, að hamfarir sumra Íslendinga, tiltölulega lítils hóps fólks, sem gert hefur Palestínu að gæluverkefni sínu og Ísrael af helsta hatursmáli sínu, hafa aldrei náð hærri hæðum en nú. Þetta er fyrst og fremst fólk á vinstri væng samfélagsins, sumt sem studdi blóðugar byltingar og þjóðarmorðsríki fyrr á árum, og sem nú beinir hatri sínu á sömu brautir og Íslamismar og öfgamenn sem telja BNA og Ísrael versta vandamál heimsins. Þeir halda alla aðra vaða í villu og telja sig hafa einkaleyfið á friði, ást og skilningi. Svo sakar ekki að kosningar eru á næsta leyti.

Mér finnst ganga of hægt hjá þeim að eyða Ísraelsríki. Vildi að það yrði leyst upp sem fyrst og Ísraelsmönnum boðið hæli í heimalöndum foreldra sinna og þeir aðstoðaðir við þjóðflutninga. (sjá hér)

Þannig skrifar Eva Hauksdóttir, sem er norn að „atvinnu". Ja, það hlýtur að vera eitthvað af lausum tengingum, til að geta skrifað á þennan hátt. Eva skrifaði reyndar grein þar sem hún fjallar um "Þjóðarmorð Ísraelsmanna" á íbúum Gaza, en gerir sig um leið seka um að hvetja til þjóðarhreinsanna á Ísraelsmönnum. Það er nefnilega almenn ósk þeirra sem styðja baráttu Palestínumanna. Þeim þykir fínt að endurtaka óskir Hamas um útrýmingu á Ísrael og víla ekki fyrir sig að gera Ísraelsríki að systurríki Þýskalands Hitlers í orðræðu. Siðleysið á sér engin takmörk. Svo vill margt af þessu fólki vera tekið alvarlega í ESB.

Illugi Jökulsson, sem á mömmu sem um árabil rak ferðaskrifstofu sem sérhæfði sig í ferðum til sæluríkja Ghadaffis, Amedinejads og Assads, kallaði á Eyjubloggi sínu Ísrael Villimannaríki.

Ég leyfi mér að leiðrétta Illuga. Það er til fólk á Íslandi sem er á góðri leið með að skapa villimannaríki.

Hvernig stendur á því, að sumir Íslendingar ganga af göflunum í hvert skipti sem erjur blossa upp á milli Ísraels og Hamassamtakanna, og af hverju eru menn svona miklu hatrammari í afstöðu sinni til Ísraels á Íslandi en t.d. í ESB? Meira að segja í Noregi braust þessi æsingur út, og sjáið fordæminguna.

Ég tel að margir Íslendingar séu enn í fyrir-2008- sjálfsblekkingu, og halda að Ísland hafi hlutverki að gegna á meðal þjóðanna. Þeir halda, að ef Ömmi og líkfylgd hans safnast saman fyrir framan Bandaríska sendiráðið og tali með belgingi eins og á Stalín-árunum, að þá hafi það áhrif. Sjálfblekkingin er enn slæm. Það heyrir enginn af þessum belgingi nema á Íslandi. Á Gaza vita menn ekki betur en að Össur sé gervilimur sem ekki er hægt að búa til sprengju úr. Þeir tengja þetta nafn ekki við helsta stuðningsmann sinn og velunnara norður í Íshafinu. Með öðrum orðum. Enginn þekkir Ísland eða Össur á Gaza og Vesturbakkanum.

Jafnvel þótt að lítill hópur illa upplagst fólks í bernskuæsingi ráðist á sendiráð Ísraels í Danmörku, fær umheimurinn engar fréttir af því. Dönsk yfirvöld skammast sín líka fyrir slík skrílslæti.

Hróp og harmgrátur móðursjúkra Íslendinga, sem gerast óðir út af Gaza, en segja ekki múkk þegar verið er að slátra múslímum á Sýrlandi, heyrist hvergi annars staðar en á Íslandi. Kannski er þetta leið til að hita sér í kuldanum?

Meira að segja Össur Skarphéðinsson hefur hægt á hatursblossanum, enda vill hann inn í ESB. Þar líðst svona Hamasgangur ekki, og veit ég að Össur hefur vinsamlegast fengið að vita það frá kollegum sínum í Evrópu. Þar telja menn enn ekki gjörlegt að taka Hamas af hryðjuverkalistanum.  Þess vegna hélt Össur sér til hlés, nú þegar Ömmi var að með one-man-show til að skamma Obama á Laufásveginum. RÚV er meira að segja farið að kalla átökin "hjaðningavíg" (hver ætli sé Héðinn og hver Högni, eða stíga menn ekki í vitið á RÚV frekar en fyrri daginn).

Ég hringdi í Barack í gær, og náði í hann því allir samstarfsmenn hans voru í orgíu við herinn. Ekki hafði hann heyrt um harminn á Íslandi. En hann veit hver heldur líftórunni í Gazabúum meðan Hamas gengur berserksgang og vinir þeirra á Íslandi fara hamförum, það eru ekki vasapeningar frá EFTA eða peningar frá ESB og Quatar, sem fara beint í vasa siðspilltra leiðtoga Hamas - heldur:

 

Opið bréf til utanríkisráðherra

 

Ágæti Össur Skarphéðinsson,

Þar sem þú hefur sett mig og aðra Íslendinga í stjórnmálasamband við Hamas á Gaza og dvalið þar sem heiðursgestur, langar mig að biðja þig og ríkisstjórn þína um greiða. Ég veit einnig að þú, eins og aðrir Íslendingar, ert sleginn harmi í hvert sinn sem þú heyrir um barn sem missir lífið í þeim hræðilegu erjum sem eiga sér stað fyrir botni Miðjarðarhafs, bæði í Sýrlandi, Ísrael og Gaza.

Mig langar að biðja þig að hafa samband við þína vini og tengiliði á Gaza og spyrja þá, hver voru örlög 4 ára drengs, Mohammed Sadallahs, sem dó á Gaza þann 16. Nóvember 2012. Lík drengsins var notað sem sýningargripur í fréttaflutningi frá Gaza, og á myndum sem fréttastofur birtu, sást hvar starfsbróðir þinn í Egyptalandi, Hesham Kandil, kyssir barnalíkið á ennið.

Vandamálið er að drengurinn er sagður hafa látist vegna eldflaugar kl. 8.30 að morgni föstudagsins, um það leiti sem Kandil var að aka inn á Gaza, en þá var vopnahlé og Ísraelsmenn skutu engum eldflaugum og flugskeytum á Gaza fyrr en síðar þann dag, eftir að Hamas hafði brotið vopnahléið. Nú hafa palestínsk mannréttindasamtök lýst því yfir, eftir að hafa skoða ummerki þann 17. september, að litli drengurinn hafi farist er eldflaug Hamas hæfði hann. Hugsanlega hefur barnið, Muhammed Sadallah, verið myrt af einhverjum öðrum en Hamas og Ísraelsmönnum? Hið rétta verður að koma fram. Ef hafðar eru í huga áhyggjur þínar af börnum í Miðausturlöndum, þá verður þú að teljast rétti maðurinn með réttu samböndin til að taka slíka rannsókn að sér.

Getur þú ekki, ágæti Össur, komist úr skugga um hið rétta í þessu máli, og um leið og þú gerir það, þætti mér vænt um ef þú fengir upplýsingar um af hverju samtök á Gaza senda út myndir af barni sem myrt var í Sýrlandi í Október og segir myndina vera af barni sem var látist hafi vegna eldflauga Ísraelsmanna í nóvember á Gaza. Er verið að hafa þig og mig að fíflum?

Mér þykir ekkert sjálfsagðara en að þú gerir þetta. Þú hefur á alþjóðarvettvangi lýst yfir stuðningi mínum og annarra Íslendinga við Palestínumenn og viðurkennt rétt þeirra til ríkis.

Ég sætti mig ekki við að styðja ríki, þar sem íbúarnir vilja útrýma nágrannaríkjum og misnota lík af börnum í illkynjuðu áróðursstríði.

Ég vænti þess, að þú hafir svipaða siðferðiskennd og ég hr. ráðherra, og kannið málir með öllum mögulegum aðferðum og samböndum sem þú hefur á Gaza.

Virðingarfyllst,

Dr. Vilhjálmur Örn Vilhjálmsson

Albertslund, Danmörku

An open letter to the Foreign Minister of Iceland

11.20.2012

Dear Össur Skarphéðinsson,

Since you put me and other Icelandic citizens in diplomatic relations with Hamas in Gaza, and have been their guest of honor, I would like to ask a favor of you and your government. I know that you, just like other Icelanders, are stricken with grief every time you hear about a child who gets killed in the horrible warfare that takes place in the Middle East, in Syria as well as in Israel and Gaza.

I would like to ask you to contact your friends and contacts in Gaza and ask them what was the exact fate of a 4-year-old boy, Mohammed Sadallah, who died in Gaza on 16 November 2012. The boy's body was used as a display piece in news broadcasts from Gaza, and one could see how your colleague in Egypt, Hesham Kandil, kisses the dead body of the child on the forehead.

The problem is that the boy is said to have died in a rocket attack at 8:30 AM on Friday, when Kandil was driving into Gaza. But there was a cease-fire at that stage and the Israelis fired no rockets or missiles on Gaza until later that day, after Hamas had broken the ceasefire. A Palestinian human rights organization has now stated that, after looking at evidence in Gaza on 17 September, that the little boy was hit and killed by a Hamas rocket. In fact, the boy Muhammad Sadallah, may have been killed by someone other than Hamas and Israel? The truth must be revealed. With your concerns for children in the Middle East and your contacts on Gaza, you are the right person to engage in such an investigation.

Can't you, honorable Össur Skarphéðinsson, find out the truth in this matter, and while you are doing so, I would appreciate if you retrieved information about why an organization in Gaza sends out photographs of a child killed in Syria in last October and claims it was a child killed in Gaza by the rockets of the Israelis. Have we been fooled, Mr. Minister?

Nothing seems more natural to me than you taking on this task. In the international arena you have expressed my and other Icelanders support to the Palestinians and recognized their right to to a state.

I do not, as a citizen of Iceland, accept to support a state, where the residents want to eliminate their neighbors and abuse corpses of children in a war of malign propaganda.

I expect you to have a similar sense of morality as I, Mr. Foreign Minister, and hope you investigate the case with all available means and  connections you have in Gaza.

Yours Sincerely,

Dr. Vilhjálmur Örn Vilhjálmsson

Albertslund, Denmark

Hvað rímar við Gaza? Asza?

 

Blaðamaðurinn Agnes Valdimarsdóttir kallar sig Asza. Hún vann einu sinni fyrir RÚV, en nú er hún „Currently a stringer for an International (undisclosed) News Agency in Iceland". Maður getur nú spurt sig af hverju hún Agnes, fyrirgefiðið Asza, vill ekki gefa upp nafnið á þeirri fréttastofu sem hún vinnur fyrir? Það hefur þó líklega ekkert upp á sig að skilja það, frekar en skilning Öszu á ástandinu á Gaza, sem er furðulega takmarkaður og fordómafullur í garð Ísraels.

Eftir að Krummi litli, (best þekktur sem stjúpsonur Jóhönnu Sig.), hafði loks krunkað því út úr sér í Kastljósi í gær, (19.11.2012) að markmið Hamas væri að útrýma Ísrael, (og það held ég bara að sé í fyrsta skipti að Gunnar Hrafn hefur látið það út úr gogginum á sér), þá tók Agnes Valdimarsdóttir upp á því að lýsa Gaza sem fangelsi og fangabúðum, þaðan sem enginn kæmist eða færi. Hún notaði þó ekki orðið útrýmingarbúðir eins og æsta fólkið fyrir framan bandaríska sendiráðið gerði í gær.

Ávaxtasalar á Gaza kvörtuðu nýlega (mánuði fyrir átökin) sáran yfir því að þeir mættu ekki lengur selja ísraelska ávexti. Það hlýtur auðvitað að vera lygi því sannmálugur utanríkisráðherra Íslendinga heldur því fram, að íbúar Gaza svelti. 

Sumir ávaxtasalanna fóru á hausinn, því þeir gátu ekki fengið að flytja inn ísraelska ávexti á Gaza. Hamas minnkaði innflutninginn um 50% því samtökin leggja nefnilega meiri áherslu á hernað en ræktun. Þess vegna brutu þeir og brömluðu gróðurhúsin sem Ísraelsmenn skildu eftir árið 2005.

Svo lokaðar eru „fangabúðirnar" á Gaza. Ef Íslendingar skilja ekki af hverju að landsvæði, sem stjórnað er af hryðjuverkasamtökum sem kallar á útrýmingu Ísraelsríkis og gyðinga, er sett í herkví, þá er það líkast til gamalt gott íslenskt gyðingahatur sem blokkerar rökhugsun þess fólks.

Hún Asza litla veit kannski hve margir Gaza búar leituðu lækninga í Ísrael árið 2011 - og sem snéru aftur? Já meira að segja ættingjar yfirmanns hryðjuverkasamtakanna Hamas fengu læknishjálp í Ísrael. Ísraelsríki veitti árið 2011 yfir 100.000 Palestínumönnum frá Vesturbakkanum og Gaza læknisþjónustu. Bæði systir og mágur Ismails Hanyeh, foringja Hamas á Gaza, sóttu sér t.d. lækningu á sjúkrahúsi í Petah Tikva í Ísrael fyrr í ár.

Annað hvort eru fréttamenn RÚV viðvaningar, sem eru illa að sér, eða að þeir taka þátt í skipulegri herferð gegn Ísraelsríki í íslenskum fjölmiðlum. Ég held að vandamálið sé blanda af báðu.

Gaza rímar við Asza. Aza var reyndar nafnið á Gaza þegar múhameðstrúarmenn frömdu fjöldamorð á gyðingum sem bjuggu þar á miðöldum, því þeir vildu ekki beygja sig undir Íslam. Mennirnir voru hálshöggnir og konunum var nauðgað og þær gerðar að ambáttum múslíma. Sumir Gazabúar, sem ekki eru upphaflega Egyptar að uppruna, eru komnir af því fólki og þeirri þjóð sem það vill útrýma.

Hún Asza upplýsir á WWW, að þetta gælunafn hennar szhé borið fram 'ah-sha', en það er malaísísk afbökun á nafni barnungrar konu Múhameðs, sem hét  Aisha. Asza litla, þ.e. Agnes, ólst upp í Malasíu og þar hata menn líka gyðinga, en ekki eins mikið og sumt fólk í Passíusálmabeltinu við heimskautabaug, sem springur af heift án sprengjubeltis.

"Börn og saklausir borgarar". Það er kannski þess vegna að við lesum fréttir eins og þessa og Hamas notar myndir af barni sem myrt var á Sýrlandi og segja það vera barn fallið á Gaza.

Trúir þú Hamas?

Þeir sem hata USA gera það:

Steingrímur, Helgrímur, Árni Che Sigurðsson og Tamimi með Hamas-húfu hata allir Bandaríkin en Ísrael vilja þeir útrýma.

Furðudýrafræðingurinn og Eggjahausinn

 

Í morgun var Útvarp Hamas (RÚV) með útsendingu þar sem sjálfsmenntaður furðudýrafræðingur fréttastofunnar, Þorvaldur Friðriksson, og Árni Eggjarauða úr VG helltu úr könnum haturs síns í garð Ísraels og gyðinga. Það var eins og að þeir væru að lesa upp úr Passíusálmunum. "Gyðinga hörð var heiftin beisk, hjartans blindleiki og villan treisk".

Eftir að Þorvaldi Friðrikssyni, sem lært hefur smá fornleifafræði í Svíþjóð, varð ljóst, að "Keltabyggð" frá því fyrir landnám, sem hann þóttist hafa fundið, væri frá 13. öld, gerðist hann fréttamaður á RÚV (með drykklöngum pásum) og sérhæfði sig þar í stuðningi við hryðjuverkasamtök og fiskeldi.

Þorvaldur Friðriksson. Efst er Che Che Árni

 

Árni Þór Sigurðsson, er hins vega mest þekktur sem fórnalamb íslensk múgs í fyrra þegar hann fékk egg "í gagnaugað" við setningu Alþingis, og var vart hugað pólitískt líf í langan tíma á eftir. Í kjölfarið vildi hann afnema fundarfrelsi og lýðræðið. Í dag vill Árni helst senda lið til Gaza til að berjast við hina vonda Ísraelsmenn, enda eru þeir með lýðræði. Þetta fár í Árna er ekkert nýtt og heldur ekkert sem Árni tók upp á þegar hann lærði smá slavnesku í Sovétinu sáluga. Nei, þegar Árni var í Róttæka Félaginu í MH árið 1979, lagði hann líka til að að félagið hvetti íslensk stjórnvöld til að slíta stjórnmálasambandi við Ísrael. Hann vildi að Ísraelsríki yrði máð út af landakortinu eins og hann orðaði það.

Þessir heiðursmenn voru teknir í viðtal á morgunútvarpi Rásar 2 í Ríkisútvarpinu í morgun, þar sem allir frasarnir um þjóðarmorð, fangelsi, stríðsglæpi osfr. flutu út á öldum ljósvakans. Kryddið á gyðingahaturspítuna var frú Tamimi, sem er leyft að upplýsa þetta um sig á vef Alþingis:  "F. 7. janúar 1960.  Framkvæmdastjóri."  Framkvæmdastjóri Jafnréttisstofu, B.A. í Félagsfræði frá Háskóla Íslands.

Ekkert af þessu fólki hefur þó blætt út í opinni umræðu á fjölmiðlum út af fjöldamorðunum á Sýrlandi, en furðudýrfræðingurinn talaði um linnulausar eldflaugaárásir Hamas á Ísrael sem einhverja saklausa flugeldasýningu. Kannski verður Hjálpasveit skáta með 8 metra langar og 90 kg. þungar rakettur frá Íran um áramótin sem Þorvaldur getur krækt sér í. Vonandi er einnig, að Árni eggjahræra fari með Össur-sveit undir vopnum til Gaza. Tamimi, sem ekki þarf að upplýsa um uppruna sinn og ættir á heimasíðu Alþingis eins og aðrir Alþingismenn, getur orðið klappstýra, þó hún kunni greininga ekki að gæta jafnréttis og jafnvægis í skoðunum sínum, sem er auðvitað frábær eiginleiki í stöðu þeirri sem hún hefur fengið af Össuri, fyrir flokksstuðninginn.

 

Fjölbreytt úrval af flugeldum verður fáanlegt hjá VG um næstu áramót. Hjálparsveit Árna skaffar dótið.

Hamasgangur VG og Samfylkingarinnar varðandi Gaza skilar líka alltaf nokkrum plúsprósentum í kosningatölur þessara flokka. Félögunum verði nefnilega ekki eins heitt í hamsi um nokkur önnur mál en ástandið við Botn Miðjarðarhafs. Botninn í íslenskum fjölmiðlum er ekki lengur uppi í Borgarfirði.  

Sjaldan hefur RÚV sýnt sig sem eins ógeðslega áróðursmaskínu eins og morgun

Hlustið ef þið þorið. 

Hamas myrðir börnin

 

Barn sem var myrt í þjóðarmorði brjálæðinga Assads og íslamista á Sýrlandi þann 25. október sl, var myrt aftur þann 14. nóvember af Hamas á Gaza, vinum Össurar Skarphéðinssonar.

Þið einfeldningarnir í Samfylkingunni eruð meðsek, sama hvað fífl þið kjósið til leiða ykkur í blindni eftir næstu kosningar. Illa sjáandi meðreiðarsveinar Ögmundar og Steingríms J. taka einnig átt í dauðadansinum.

En hetjan sem gaf Hamas peninga EFTA og stuðning Íslendinga um daginn gerir kleift að svona barnamorð og þjóðarmorð geti átt sér stað. Hamas er morðsveit og barnaníðingar, og það eru meðreiðarsveinar þeirra einnig.

Hvenær farið þið til Sýrlands til að hindra þjóðarmorðin þar? Eruð þið of flækt í lygavefinn til að komast af stað?

Lesið þetta: http://honestreporting.com/gaza-child-killed-by-hamas/

og svo er 3-bíó frá Gaza fyrir Gísla Gunnarsson sagnfræðing sem telur Ísrael versta þjóðarmorðingja heimsins:

Svín og fávitar í Finnlandi

Þessi stuttmynd frá Finnlandi talar sinni eigin svínatungu. Myndin er reyndar hluti af samnorrænu verkefni.

Hvað ungum Finnum vill til með þessu ógeðfellda uppátæki, að grilla svínakjöt og bacon fyrir framan afganskan flóttamann sem er í hungurverkfalli fyrir framan finnska þinghúsið, veit ég ekki. Ef þetta er húmor, er hann sjúkur. Það er greinilega eitthvað að í finnsku samfélagi. Þetta minnir á frumstætt fólk á Íslandi sem segist ætla að grafa svín í grunn nýrrar mosku. Er ekki nóg móðgun, að slík svínmenni séu til?

Afganski flóttamaðurinn, sem er með glært augnaráð þess sem sveltur, nýtir sér hitann frá grilli svínanna, sem éta og drekka fyrir framan hungraðan manninn, sem berst fyrir tilverurétti sínum. Svo þegar pattaralegu finnsku drengirnir eru búnir að éta nægju sýna, brýst sýndarfýsn þeirra fram í ljósum logum og þeir fara að spúa eldi, berrassa sig og hlaupa nektarhlaup umhverfis þinghúsið sem ber hið fagra nafn Eduskunta.

Þetta er greinilega toppurinn á finnskri og Norðurlandamenningunni í dag. Finnland er víst ESB-land.

Heimildafölsun í skýrslu rannsóknarnefndar

?

Í þeirri lýðskrumsumræðu sem nú fer fram um meint og sönnuð afbrot meðal lærðra kaþólikka á Íslandi, er sorglegt að sjá óvandaða fréttamennsku á RÚV. En að vissu leyti má skýra þennan fréttaflutning með ónákvæmum vinnubrögðum skýrsluhöfunda rannsóknarnefndarinnar.

Því er m.a. haldið fram, að meint fórnarlamb séra Georges, sem kölluð er A í skýrslunni og sem krefst nú skaðabóta, hafi orðið fyrir kynferðisofbeldi af hendi séra Georgs.

Því er haldið fram í skýrslunni, að faðir A hafi farið á fund Jóhannesar Gunnarssonar biskups og það apa fjölmiðlar eftir skýrslunni. Þetta er einfaldlega ekki rétt.

Í Fréttatímanum í júní 2011 hélt A því fram að faðir hennar hafi farið á fund Hinriks Frehens biskups. Ég benti á bloggi mín á, að það og annað í framburði A gæti ekki staðist. Þær upplýsingar fékk rannsóknarnefndin reyndar frá mér, af bloggum mínum (sjá hér  og hér og hér) en hefur ekki fyrir því að nefna það. Faðir A gæti ekki hafa farið á fund Frehens, því þegar Frehen kom til Íslands þá dvaldi A hjá fjölskyldu sinni í Ungverjalandi. Samt breytir nefndin athugasemdalaus Hinrik Frehen i Jóhannes Gunnarsson án nokkurra skýringa, nema því sem kemur fram á blaðsíðu 73. Hvers konar vinnubrögð eru það?

Á góðri íslensku er það kallað heimildafölsun.

Ég er kominn á þá skoðun að Hjördís Hákonardóttir og nefnd hennar hafi jafnvel valdið meiri skaða fyrir Kaþólsku kirkjuna á Íslandi en séra George. Sekt hans er ekki sönnuð, en forkastanleg vinnubrögð Hjördísar og félaga liggja fyrir svart á hvítu.

Mér gæti svo sem manna mest verið algjörlega sama um kaþólsku kirkjuna, en mér bíður við fólki sem matar skrílslega umræðu með óvönduðum vinnubrögðum.  Það er mínu mati einn versti glæpur sem hægt er að fremja.

Ef A hefur breytt fyrri framburð sínum, þá ber nefndinni auðvitað að nefna það sérstaklega, því það lýsir vitaskuld vandamáli fyrir trúverðugleika A.

Skýrsla rannsóknarnefndarinnar er klámhögg

Ég hef fengið skýrslu rannsóknarnefndarinnar Kaþólsku kirkjunnar í hendur og er búinn að hraðlesa hluta hennar. Gagnstætt því sem ég bjóst við í eintómum hégóma mínum, þá hefur nefndin auðvitað engan áhuga haft á æskuminningum mínum og skrifum, þótt skrif mín hér á blogginu um málið staðfesti margt það sem kemur fram við nánari athugun á framburði sumra vitnanna, framburði sem stenst ekki nánari rannsókn, eða er ekki hægt að staðfesta.

Ég greindi fyrr í dag frá þeim grun mínum, að Jóhannes Gijsen fyrrv. biskup hefði orðið einhvers konar vitni í málinu. Það má teljast afar óeðlilegt, en greinilegt er þó að frásagnir Gijsens stangast á við minni annarra lærðra innan kaþólsku kirkjunnar.

Nefndin kemst svo að þessari niðurstöðu (bls. 108):

"Með vísan til alls ofangreinds verður rannsóknarnefndin að telja óvarlegt að álykta nokkuð um efni ásakana eða viðbrögð við þeim fyrr en kemur að árinu 1988".

Þetta er vissulega mjög viturleg og rökrétt niðurstaða, en verður aðeins að einhvers konar stílbragði. Henni er alls ekki fylgt sem skyldi. Hvert sinn sem því er haldið fram að yfirmenn Georgs hafi brugðist skyldu sinni, er vitaskuld gefið í skyn að ásökuninni sé trúað. Það er ekki það sama að telja sér óvarlegt að álykta um efni ásakananna eða viðbrögðin við þeim fyrir 1988.

Greinilegt er að eitthvað ósætti hefur verið innan nefndarinnar um ályktun. Því það er í raun er engin ályktun, heldur mikið af mótsögnum og skildir eru eftir lausir endar, sem er hægt að hnýta á ýmsan hátt, eftir því sem mönnum hentar. En uppi stendur áminning til stjórnenda kirkjunnar um eitthvað sem þeir tóku ekki á, þótt maður geti ekki sannað hvað það var. Þannig niðurstaða er  ekkert annað en klámhögg.

Ég sé strax að frásögn A (bls. 100), sem enginn getur farið villur vegu um hver er, stangast á við það sem "A", sem hélt því fram að hún hefði orðið fyrir barðinu á séra George, tjáði Fréttatímanum árið 2011. En í skýrslunni er ekki greint frá þeim hrópandi mótsögnum sem voru í frásögnum A í fjölmiðlum.

Skýrslan er einnig full af einkennilegum setningum og övönduðu máli, eins og t.d. á bls. 103:

Borið var á hinn bóginn að A hafi sagt séra Davíð Tencer frá ofbeldi af hálfu séra George árið 2007 þar sem hann var staddur í verslun.

Hvernig á maður að skilja þetta rugl? Var A að halda því fram að séra George hefði haft í frammi ofbeldi við sig í verslun árið 2007. Eða sagði A Davíð Tencer frá því árið 2007, að George hefði beitt sig ofbeldi, þegar A hitti Tencer í versluninni? Hvað á maður að halda? Las enginn þetta yfir? Í svo mikilvægum skýrslum verða menn að skrifa skiljanlegt mál.

Þessa skýrslu verður vitaskuld að endurrita, svo hún sé ekki ruglingslegt plagg á kjánalegu og illa ígrunduðu lagamáli. Öllu verður að lýsa faglega með heimildarýnisaðferðum, t.d. hvað stangast á í frásögn vitna, trúnaðarmanna og við það sem kemur fram í öðrum upplýsingum, til að mynda barna sem dvöldu í Riftúni, sumardvalarheimili Kaþólsku kirkjunnar, og svo og barna í Landakotsskóla.

Nú, þegar í ljós er komið, að vart stendur steinn yfir stein í frásögnum meintra þolanda frá því fyrir 1988, sem hægt er að álykta um á rökrænan og vitrænan hátt, að nöfn þessa fólks sem setti fram ásakanirnar er alveg eins hægt að birta eins og nöfn meintra gerenda.

En eitt er víst, sumir íslenskir fjölmiðlar eru þegar búnir að fella sinn dóm og einnig fjöldi manns sem ekki hefur lesið skýrsluna, en sem hatar kirkju og trú með svo miklum krafti, að hvaða áfellidómur sem er verður að vatni á hatursmyllu þess.

Lesið einnig færslu mína frá því fyrr í dag, sem ég kallaði "Kirkjunauðgun?"

Kirkjunauðgun?

 

Þegar Rannsóknarnefnd Kaþólsku kirkjunnar hóf störf sín í fyrra til að kanna ásakanir um kynferðisglæpi og mannvonsku á hendur starfsmönnum kirkjunnar, hafði ég samband við nefndina og lét henni í té upplýsingar sem ég tel skipta máli.

Ég hafði á þessu bloggi fyrstur manna skrifað opinberleg um mannvonsku Margrétar Müller, sem var nefnd til sögunnar sem illvirki sumarið 2011, þegar ásakanirnar á henni og séra George birtust í Fréttatímanum í júní 2011. Ég skrifaði ég nokkra pistla á bloggi mínu sem lesa má hér

Upphaflega kom þessi færsla:

https://www.postdoc.blog.is/blog/postdoc/entry/889641/ (skrifuð 4.6. 2009)

https://www.postdoc.blog.is/blog/postdoc/entry/1174389/ (skrifað 17.6.2011)
https://www.postdoc.blog.is/blog/postdoc/entry/1174980/ (skrifað 20.6.2011)
https://www.postdoc.blog.is/blog/postdoc/entry/1175282/ (skrifað 22.6.2011)
https://www.postdoc.blog.is/blog/postdoc/entry/1175499/(skrifað 23.6.2011)
https://www.postdoc.blog.is/blog/postdoc/entry/1176337/ (skrifað 29.6.2011)
https://www.postdoc.blog.is/blog/postdoc/entry/1176705/  (skrifað 29.6. 2011)
https://www.postdoc.blog.is/blog/postdoc/entry/1176962/ (skrifað 1.7.2011)
https://www.postdoc.blog.is/blog/postdoc/entry/1177576/  (skrifað 4.7.2011)

Ég var sem barn í sumarbúðum Kaþólsku kirkjunnar, bæði í Stykkishólmi og í Riftúni, þó svo að ég sé ekki kaþólikki. Í Stykkishólmi var ég mjög ungur og þótti gott að vera, en allt öðruvísi var vistin í Riftúni. Það var hreint helvíti á jörðu fyrir sum börnin. Ég er líklega eini maðurinn sem á enn bréfviðskipti við móður sína frá þessum tíma í sumarbúðunum. Þar lýsi ég æ ofan í æ óskum mínum um að komast burtu frá Riftúni. Ég skrifaði meira en flest börn og gekk undir heitinu "spekingurinn" í Riftúni, sem var ekki það versta sem maður varð fyrir þar. Bréf mín og óskir um að komast heim voru vegna ofsókna Margrétar Müller i minn garð. Mörgum börnum leið mjög illa vegna hennar.

Ég bjóst við því að fá skýrsluna í hendur, þar sem ég veitti nefndinni upplýsingar. Nú er skýrslan komin og mega allir fjölmiðlar fá skýrsluna, en ekki maður sem gaf nefndinni upplýsingar.

Og þannig sem RÚV/Sjónvarp upplýsti um skýrsluna í kvöldfréttum 2. nóvember 2009, þá mætta skilja niðurstöðuna þannig að búið sé að dæma tvo einstaklinga fyrir glæpi.

Alvarlegri eru vissulega ásakanir þeirra sem urðu fyrir kynferðislegu ofbeldi þeirra tveggja erlendu starfsmanna kirkjunnar sem ákveðið hefur verið að nefna og setja á fórnaraltari nefndarinnar. En hve vel var framburður þeirra rannsakaður. Ég fann  mótsagnir í framburði eins aðila og greindi frá því á bloggi mínu í fyrra.

Ekki varð ég persónulega eða neinn sem ég þekki fyrir aðkasti, hvorki kynferðislegu né öðru ofbeldi af höndum sér Georges. Börn í Riftúni leituðu til hans í vandræðum sínum. En kannski er ekki greint frá frásögnum mínum í skýrslunni.

Ég hef beðið nefndina um skýrsluna, svo ég geti séð hvort nefndin hafi notað þær upplýsingar sem sendi henni.  Einhver vandkvæði virðast á því og er mér bent á að kaþólska kirkjan hafi ekki birt skýrsluna á heimasíðu sinni. Er það virkilega fyrirstaðan fyrir því að ég geti ekki fengið skýrsluna?

Hér má lesa bréfaviðskipti mín við nefndina, sem nú að einhverjum ástæðum í stökustu erfiðleikum með að láta mé í té skýrslu sína.

Johnnes Gijsen sem vitni ?

Mér sýnist að fjölmiðlar, sem hafa fengið skýrsluna, geri mikið úr þætti Jóhannesar Gijsens biskups og hann er greinilega orðið eitt aðalvitni nefndarinnar. Sjálfur hefur Gijsen, sem nú húkir í ellinni í Karmelítaklaustri í Hollandi, legið undir ásökunum um kynferðisafbrot. Hann er samt orðið vitni um séra störf séra Georges. Getur það talist eðlilegt? 

Rannsóknarnefnd um kynferðisafbrot kaþólsku kirkjunnar í Hollandi komst að þeirri niðurstöðu, að meint afbrot Gijsens biskups er hann vann við kaþólskan prestlingaskóla í Rolduc í Hollandi hefði "tæknilega" séð ekki verið kynferðisglæpir. Gijsen er sagður hafa legið á gægjum og notið þess er skólapiltar fróuðu sér er hann var svefnsalsvörður í Rolduc. 

Sjálfur neitaði Gijsen öllum ásökunum fyrrv. nema um gægjur og afbrigðilega kynhegðun. Við þekkjum mannlegt eðli, sem biskupar geta líka haft, og þekkt er einnig það fyrirbæri að þvo hendur sínar og þurrka með því að dæma samferðamenn sína fyrir sama glæp eða verri en maður sjálfur hefur framið. Þótt "glæpur" Gijsens sé vissulega ekki sannaður á hann, hefur Gijsen biskup hefur sannarlega gert sig sekan um rætið gyðingahatur á 9. áratug síðustu aldar.

Johannes Gijsen. Hvernig má vera að svo umdeildur einstaklingur sem hann er, sé orðinn að vitni í skýrslu um undirmenn sína sem hann lagði fæð á?

Gijsen er kannski ekki áreiðanlegasta vitnið um misferli annarra og afbrigðilega kynhegðun, þar sem hann hefur verið ásakaður um hið sama. En svo virðist að dómgreind íslensku nefndarinnar sé þannig farið að meðlimir hennar telji svo vera. Þeir hafa sent einhvern til að heimsækja karlinn eða tala við hann í síma. 

Hér langar mig að benda á þátt í þáttaröðinni Andere Tijden í Hollandi, sem einvörðungu fjallar um hinn umdeilda Johannes Gijsen. Mæli með þvi að nefndin kynni sér innihaldið og t.d. það sem John Jansen segir þegar 14,23 mínútur eru liðnar af þættinum. (Sjá: http://www.geschiedenis24.nl/andere-tijden/afleveringen/2007-2008/Bisschop-Gijsen.html: Aðrar kynningar á Gijsen biskupi er að finna á YouTube, m.a. þessi : http://www.youtube.com/watch?v=UX4MjpfoP1k).

Öruggt er að kynhneigð Gijsens biskups var þegar þekkt á árunum 1979-81, þegar punk-hljómsveitin Disease söng um preláta þennan.

Myndin efst er af Séra George og Gijsen biskupi. Þeim kom aldrei vel saman. Eru frásagnir hatursmanna hver um annan vel til þess fallnar að gefa álit í skýrslu um meint glæpsamlegt athæfi þess sem látinn er? Gijsen incompetentus est, að mínu mati og kannski líka rannsóknarnefndin íslenska? En ekki má gleyma því að núverandi Páfi var stuðningsmaður Gijsens í stormviðri því sem Gijsen olli í starfi sínu sem biskupi Roermond í Hollandi.

Margoft hefur maður heyrt sögusagnir af íslenskum þjónum kaþólsku kirkjunnar á nútíma, og jafnvel nokkrar eins ljótar og af útlendingunum Séra George og Margrétu Müller. Voru íslenskir þjónar kirkjunnar ekki rannsakaðir af rannsóknarnefndinni? Eða þótti hentugt að notast við tvo dauða útlendinga til að lenda málinu? 

Viðbrögð núverandi biskups á Íslandi, sem er í eins konar útlegð á Íslandi fyrir skoðanir sínar um Miðausturlönd, eru eftir þeim forskriftum sem Vatíkanið hefur gefið. Samkvæmt þeim reglum getur kirkjan sætt sig við að eyðileggja mannorð einstakra manna, þó svo að engar sannanir séu fyrir sekt þeirra. Betra er samkvæmt þessari doktrínu að fórna einum en allri kirkjunni. Ekki held ég að þessi fílósófía gagni Kaþólsku kirkjunni mikið.

Vona ég að rannsóknarnefndin sendi mér nú skýrslu sína sem allra fyrst, svo ég sjái hvernig hún hefur unnið.

Þessi kona skilur eftir sig velferðarparadís

 

Hin hvíthærða flugfreyja, sem kom, sá og fullvissaði alla sanna Samfylkingarmenn um að hennar tími væri kominn og að Samfylkingin í túninu heima ætti enga sök á bankakreppunni á Íslandi, er nú komin á leiðarenda. Maður neyðist til að þakka henni fyrir að hætta, áður en hún er alveg hætt að valda skaða.

En hvað skilur bifukollan og arfahirð hennar eftir sig áður en hún verður blásin burt? Jú, alls kyns bruðlverkefni, sem engu skila, útsvelt heilbrigðis- og skólakerfi, afdönkuð elli-og vistheimili, þar sem þarf að kalla til lögreglu þegar vistmaður fellur út úr rúminu að nóttu til. Það er kal í túnum þótt fíflar og arfi blómstri.

Jóhanna Sigurðardóttir og hennar pólitík féllu úr rúminu fyrir löngu síðan með Samfylkingunni eins og hún leggur sig. Vinstri græna vantar höfuð, hendur og fætur og geta því ekki hjálpað til að koma stjórninni upp í rúmið aftur. Þess vegna vonast þessir langlegusjúklingar eftir því að ESB læknirinn komi og gefi þeim stóran skammt af Evru og stingi velferðarhitamælinum beint í gyllinæðina. Evrulæknirinn er gráðugur og borðar nefnilega fisk, ódýran fisk og borgar vel fyrir að illgresi sái sér í tún.

Hins vegar ber nú á síðustu metrunum mikið á því að blóminn í kalatúninu á Samfylkingsstöðum á Nýja Íslandi sé aftur kominn með heilaDabba.

Nú eru það greininga annað hvort Sjálfstæðisflokkurinn eða einhverjir ljóðelskir Kínverjar sem geta bjargað Íslendingum. Ég tek nú rímur íhaldsins fram yfir ríspungavæl spældra Heimsvaldakínverja sem traðka á sínum eigin löndum til persónulegs ávinnings. Sjálfstæðismenn eru ekki allir eins kræfir og kapítalistískir meðlimir kínverska kommúnistaflokksins.

Hver veit nema að íhaldið og náhirð Samfylkingarinnar gangi í einu og sömu sjúkrasængina eftir næstu kosningar? Það er ýmislegt að ótta. Sagan á það til að endurtaka sig eins og Marx bræður sögðu um árið.

Takk fyrir árin "góðu", Jóhanna Sigurðardóttir! Ég man ýmsan fífil fegurri en þig.