Skítmenni undir verndarvæng Þýskalands

Morðingi skálar

Tvöfeldni Þýskara (vá, það er lengi síðan ég hef notað orðið Þýskari, en það á við hér) er enn mikil. Stríðsglæpamaðurinn Søren Kam, morðhundur sem slapp undan réttvísinni eftir stríð, er nú verndaður af þýskum yfirvöldum. Hann sveik ættjörð sína fyrir Þýskaland nasismans og gerðist þýskari til að sleppa frá réttarhöldum í Danmörku.

Danir hafa reyndar ekki staðið sig sérstaklega vel í því að reyna að koma honum til réttra yfirvalda í Danmörku. Þeir gerðu fyrst átak í því í fyrra. En þegar Þýskarar höfðu upphaflega samband við Dani vegna máls Kams (fyrir 35 árum) og leituðu álits Dana á glæpum hans, reyndist áhuginn á honum afar takmarkaður í Danmörku. Danir vildu ekki láta minna sig á einn af þeim 6000 dönsku dáðardrengjum sem börðust fyrir Hitler í Waffen SS.

Stríðsglæpamaðurinn Werner Best, sem stýrði þýsku hersetunni í Danmörku, hafði mikið dálæti á Søren Kam. Hann bauð honum oft til sín í aðalbækistöðvarnar í Dagmarhus. Líklegt er, að Kam hafi verið meðal þeirra dönsku SS-manna, sem safnaði saman gyðingum sem ekki tókst að flýja til Svíþjóðar í október 1943. Gyðingarnir voru sendi til Theresienstadt búðanna, og fáeinir til Sachsenhusen og þaðan beint í dauðan í Maidanek. Best slapp við dauðadóm í Danmörku. En fyrst nú er að renna upp fyrir Dönum, að Best hafði svo margar þumalskrúfur á dönskum stjórnmálamönnum, að þeir neyddust til að sleppa honum með frekar vægan fangelsisdóm. 

Søren Kam framdi morð og hefur ekki tekið út refsingu fyrir það. MORÐ FYRNAST EKKI. Þótt hann sé orðinn hrörlegt gamalmenni, 85 ára að aldri, verður hann að taka út refsingu fyrir glæpi sína. Við getum ekki treyst á að hann fari til helvítis. Hann hefur lifað í vellystingum í Þýskalandi og tekið þátt í starfi fyrrverandi SS-manna, sem enn dásama Hitler og hafa samstarf við nýnasista.

Kam var reyndar “smákrimmi” miðað við nokkra aðra Dani í röðum SS. Ég var fyrsti sagnfræðingurinn í Danmörku sem skrifaði um þann Dana, sem framdi flesta stríðsglæpi í þýskri herþjónustu, í grein sem birtist í Danska helgarblaðinu Weekendavisen ["En dansk krigsforbryder", Weekendavisen, Kultur,  28. januar-3. februar 2005, s. 11].  Alfred Jepsen hét sá og var hengdur fyrir ódæðisverk sín árið 1947. Dönsk yfirvöld fóru leynt með mál hans og réttarhöldin yfir honum í Þýskalandi og reyndu einnig árið 2005 að hindra mig í að greina frá glæpum hans og dómi. Mig grunar að margir Danir eigi oft afar bágt með að sjá styrjaldarárin á skýran og raunsæjan hátt.

 

Þýskur dómstóll neitar að framselja fyrrum nasista til Danmerkur

Svör óskast nú!

Ég verð að greina frá færslu Sigurðar Þórs Guðjónssonar (Nimbus) í dag, þar sem hann setur fram mjög þarfar spurningar um örlög flóttamanns á Íslandi, sem allir verða að lesa. Við höfum öll rétt á því að fá svar við þessum spurningum. 

Hér er ljósmynd af flóttamanni, sem tók sitt eigið líf í Kaupmannahöfn í júní 1941. Enginn tók eftir þjáningu hans og angist. Dönsk yfirvöld framfylgdu ófsóknum nasista gegn honum. Hann hafði verið dómari í Berlín. Dómarar af gyðingaættum voru taldir hafa framið stærstu glæpina gegn þýsku þjóðinni. Dönsk yfirvöld byrjuðu að innheimta þær sektir sem nasistar dæmdu Rudolf Martin Tietz í. Enginn tók eftir angist hans, fyrr en starfsliðið á Hotel Astoria tók eftir því að vatnsmælirinn fyrir herbergi Tietz sýndi mjög mikla neyslu. Allt vatnið, sem Tietz notaði til að skola burt blóði sínu.  

Dóri í dönsku blöðunum

Gott að hafa græna hjálminn nú

Halldór Ásgrímsson skrifar í Jyllands-Posten í dag og svarar ”svæsnum” ásökunum Dansk Folkepartis. Áhugaverð grein.

En gæti Halldór svarað því hvað var gert við flóttamenn frá Írak, þegar þeir komu til Íslands í tíð hans sem ráðherra? Hvað gerist svo, þegar írakskir flóttamenn í Svíþjóð óska að flytjast til Íslands? Nei, sveiattan, það er enginn svo vitlaus, að vilja það....... Hvers vegna eru Íslendingar í útrás, og tíundi hver Íslendingur undir fátæktarmörkum?

 

Friðarpostuli mannfyrirlitningarinnar

Á að gefa kynþáttahatara Friðarverðlaun Nóbels? Hverjum dettur slíkt í hug? Mahathir Mohamad er ekki friðarsinni. En ef hann kemur til með að stenda á sviði í Osló og tekur við Friðarverðlaunum Nóbels, þá er mannekla meðal friðarsinna.   Þann 16. október 2003 hélt þetta “stórmenni” ræðu, þar sem hann sagði m.a.:

“The Muslims will forever be oppressed and dominated by the Europeans and the Jews.

It cannot be that there is no other way. 1.3 billion Muslims cannot be defeated by a few million Jews. There must be a way.

We are actually very strong. 1.3 billion people cannot be simply wiped out. The Europeans killed 6 million Jews out of 12 million. But today the Jews rule this world by proxy. They get others to fight and die for them.”

Sjá ennfremur : http://www.adl.org/Anti_semitism/Malaysian_1.asp 

Friðardúfan Mahathir Mohamad hefur gerst sekur um að hvetja hinn íslamska heim til kynþáttafordóma og haturs. Svona karakter er greinilega friðarsinni í augum margra vinstrimanna, sem hafa fundið samreiðarmenn í röðum öfgafullra íslamista. Þetta er að verða verulega sjúkur heimur sem við lifum í.

 

Mahathir Mohamad tilnefndur til friðarverðlauna Nóbels

Eru rasistar í dönsku löggunni?

 

Tveir danskir lögreglumenn, á lögreglustöð í grennd við heimili mitt í Danmörku, sýndu ef til vill sitt rétta andlit um daginn. Þeir þurftu af hafa samband við danskan þegn af kúrdísk-tyrkneskum ættum. Ber sá maður nafnið Tunchan Turan og er leigubílsstjóri. Tunchan hafði lánað tengdabróður sínum bílinn sinn. Tengdabróðirin lenti í árekstri og hafði gefið upp símanúmer eigandans við skýrslugerð. Lögreglan hringdi því í Tunchan, sem ekki var heima, og skildu lögreglumennirnir eftir skilaboð á símsvara. Þeir gleymdu hins vegar að leggja símann á að skilaboðunum loknum. Það sem fór þeirra á milli á mínutunum á eftir festist á stálþráð í símsvara Tunchans. Og það var ekki neinn fagurgali.

Töluðu löggurnar um manninn sem “abekat”, (apakött), og “perker”, sem er uppnefni notað um útlendinga, helst þá sem hafa dekkri húðlit en við með bleiku andlitin. Orðið perker hefur verið notað í Danmörku í hartnær 30 ár,  án þess að uppruni orðsins sé þekktur eða skýrður. Þetta er einhvers konar “nigger” orð, sem þykir móðgandi og er notað í því sjónarmiði að móðga og særa fólk sem ekki er danskt og ekki borðar beikon.

Tunchan, sem löggurnar tvær, telja vera “perker” og apakött fór með spóluna sína til fjölmiðlanna og nú hefur yfirmaður tvímenninganna sem heitir Ming, án þess að vera það sem enskumælandi kalla “Gook” (er notað niðrandi um Kínverja og aðra Asíumenn) tekið á málinu. Ming er ekki sérstaklega gefinn fyrir hegðun manna sinna og nú er málið hjá Saksóknara Kaupmannahafnar, sem mun ákveða hvort rasistatal mannanna var viljandi eða án ásetnings. Ef það reynist óviljandi, er ekki hægt að dæma þá eftir grein í dönskum hegningarlögum, sem gefur fangelsisvist fyrir ómerkilegt og niðrandi orðaval um minnihluta- og trúarhópa.

Eins og lögreglan sjálf hefur túlkað þann lagabókstaf í Danmörku síðustu árin, er ljóst að rasistalöggurnar munu aðeins fá smááminningu. Menn hafa hins vegar verið dæmdir í stórar sektir fyrir að hrópa “strømersvin”  [löggusvín] eftir löggum í Danmörku. Það er annað danskt orð, þar sem uppruninn á notkun orðsins er á huldu, því upphafleg merking orðsins strømer er ekki lögga, heldur flækingur.

 

Framtíð Palestínu

Er þetta palestínska Fjallkonan?

Í janúar urðu að minnsta kosti 58 Palestínuarabar fórnarlömb innbyrðis átaka tveggja öfgahópa, Hamas og Fatah. Það er sorglegt, en það eru öfgamenn sem enn ráða ferðinni í Palestínu. Nú hefur Bandaríkjastjórn ákveðið að senda 86 milljónir bandaríkjadala til Hamas og stuðningsmanna sagnfræðingsins Dr. Mahmoud Abbas (Abu Mazen). Forsætisráðherran, Haniyeh, úr röðum hryðjuverkasamtakanna Hamas, heldur því hins vegar fram, að með þessari peningagjöf séu Bandaríkjamenn að leggja undir sig Palestínu. Þegar bræður berast á banaspjót, eins og nú gerist í Palestínu, er ekki laust við að maður óski frekar eftir beinum afskiptum Bandaríkjamanna eða Evrópuherja í stað peningagjafa. Eitt er víst að þessi stóra upphæð frá Bandaríkjamönnum fer ekki eingöngu í uppbyggingu eða til almannaheilla í Gaza og á Vesturbakkanum. Það yrði nýlunda ef annað gerðist í þetta sinn.

Lausnin á vanda Palestínumanna er greinilega ekki bara eitthvað sem Ísrael getur komið með. Mig grunar að það verði ekki friður í tjaldbúðum Palestínumanna fyrr en hófsamari öfl taka þar við stjórn. Milljarður bandaríkjadala myndi ekki bæta neitt. Það þarf hófsamari menn en helfararafneitarann Abbas og hryðjuverkamanninn Haniyeh. Spilling núverandi valdhafa virðist engin takmörk sett. En það er til fullt af Palestínumönnum, sem ekki sjá lausn mála sinna í rifflum, sprengivörpum og sjálfsmorðssprengjum, sem eru búnir að átta sig á, að þeir eru ekki einu fórnalömbin í hildarleiknum. Palestínumenn verða að setja öryggið á byssurnar og byrja að ræða málin án þess að drepa.

ECCOTI LE MIE SCUSE

 

Cara Veronica .. Já, já

Veronica Berlusconi ætti að biðja ítölsku þjóðina, eða að minnsta kosti heimabæ sinn, afsökunar á því að hún giftist þessum trúð, sem stjórnað hefur Ítalíu eins og sirkus. En þarf Veronica að hafa áhyggjur. Sjón er sögu ríkari http://static.twoday.net/peneun/images/berlusconi.jpg Það þyrfti ekki stóran skáp fyrir þetta á typpasafninu á Húsavík.

Berlusconi biður konu sína auðmjúklega fyrirgefningar

Erlendir glæpamenn streyma til landsins

Í boði forsetaembættisins.

Bill Gates tók vel í boð um að koma til Íslands

Þorskur dagsins, og maður

 Allra meina bót

Dr. Jón Bragi Bjarnason er maður dagsins. Hann hefur drepið kvefið og fuglaflensu með þorski, (með smá fyrirvara þó). Geri aðrir betur!!!!

Mér sýnist á öllu að það þurfi að breyta skjaldamerkinu til eldri gerðar.

Íslenskt lyf gegn fuglaflensu og kvefi væntanlegt

Hvalræði

Norska dagblaðið VG greinir frá því að hvalurinn Snow, sem var með kálfi, hafi verið drepinn af risafarþegaskipinu Dawn Princess. Þetta gerðist reyndar fyrir 6 árum. Í gær var eigendum skipafélagsins, sem á Dawn Princess, gert að punga út 750.000 bandaríkjadölum fyrir morðið á hnúfubaknum Snow.

Kviðdómendur voru allir sammála. Skrúfur farþegaskipsins voru alblóðugar og lögmenn O J Simpsons áttu ekki sjans í málið. Nelson Cohen, ríkissaksóknari í Alaska, skýrði dómsorðið á þá vegu að hvalir væru þjóðargersemar sem yrði að vernda fyrir komandi kynslóðir. “Við verðum að vernda þá gegn glæpsamlegum og óábyrgum verkum mannanna og stórra fyrirtækja”, sagði Nelson Cohen við Fréttastofu AP.

Það er greinilegt að Nelson dómari hefur í hyggju að eignast 10 tonna uppeldisson þarna úti í höfunum. En hvað með Sævar skjaldböku, Bobba marsvín og Tommy túnfisk, sem allir lentu í slæmum árekstri við skip á síðasta ári -  eða alla hina fiskana. Hver hugsar um þá? Hver sér um hagsmuni fjölskyldu Smára smokkfisks? Hvar er manngæskan?

Nelson Cohen fær Hvalinn, verðlaun PostDocsins, fyrir nýjan vinkil á lögfræðinni.