Styðjum Guðbjörn Jónsson

 

Guðbjörn Jónsson fer í dag í Heilbrigðisráðuneytið til að leita sér aðstoðar. Hann er með Parkinsonveiki og hefur ekki ráð á lyfjum þeim sem eru honum lífsnauðsynleg - vegna nýrra lyfjalaga sem "velferðarríkisstjórnin" fyrrverandi kom á, sem eru gölluð.

Lesið um baráttu Guðbjarnar hér.

Ég hvet fólk, sem ekki þarf að sinna vinnu, og jafnvel það sem er í vinnu, sem hefur snefil af samkennd og sem er í sömu stöðu og Guðbjörn, að mæta með Guðbirni, honum til stuðnings í ráðuneytinu. Hann ætlar að mæta þar við opnun í dag á Vegmúla 3 í Reykjavík. Þeir sem komast ekki geta einnig ritað stuðningsyfirlýsingar hér eða á blogg Guðbjarts.

Ég kemst ekki frá Kaupmannahöfn, en verð með í anda, og geng út frá því að nýr ráðherra velti vitleysu fyrri ríkisstjórnar, eða geri tilheyrilegar breytingar svo þeir sem minnst mega sín þurfi ekki að líða undir ófullnægjandi og ómannsæmandi lögum.

Málsókn vegna ófrægingar

 

Ragnheiður Traustadóttir fornleifafræðingur, sem ég þekki aðeins sem góðan og samviskusaman fornleifafræðing, á auðsótt mál á hendur þeim sem skrifaði skýrsluna og öðrum þeim sem standa á bak við hana. 

Ég skrifaði um skýrslu Brynju í dag á Fornleifi (sjá hér). Ég hef oft verið gagnrýninn við kollega mína þegar ástæða er til. En þessi skýrsla Brynju er ljótt dæmi um hve ömurlegt það er þegar menn sem búa í glerhúsi og kasta steinum.

Ég hvet aðra til að íhuga málsókn á hendur þeim sem bera ábyrgð á þessu ófrægingarskjali sem Brynja hefur skrifað fyrir fólk sem í raun vill fornleifafræðinni og minjavörslunni illa.

Lesið pistil Fornleifs í dag

 

Ragnheiður Traustadóttir

Rangfærslur sem valda álitshnekki

Teiknimyndajóga

 

Steingrímur J. er líka með í þættinum, þar sem hörmungarstjórnin er að reyna að koma Carl úr landi og skattleggja lottóvinning hans.  Nú er stóra spurningin: Hvað geta Simmi og Bjarni gert til að komast í Simpsonsþátt?

Þetta atriði var talið of svalt og skorið úr myndinni. Jóhanna og Marge. Doh!

Jóhanna Sigurðardóttir í Simpsons

Þegar danska utanríkisþjónustan drepur

Michael Nidoya, danskur diplómat sem starfaði fyrir ESB í Ísrael hefur nú verið dæmdur í 21 mánaða fangelsi í Ísrael fyrir að hafa ekið mann niður og síðan að hafa ekið á brott af vettvangi.  Fyrst nú, tæpum fjórum árum eftir verknaðinn frétta Danir af þessari fyllibyttu í ESB-þjónustu.  Sjá hér.

Michael Nidoya var drukkinn þegar hann ók mann með Downs heilkenni niður á rólegri götu í Jerúsalem. Daninn flýði af vettvangi og flaug til Kanaríeyja þar sem hann faldi sig. Hann hefur nú verið framseldur með hjálp Interpol og hóf nýlega afplánun dóms síns í ísraelsku fangelsi.

Maðurinn sem Nidoya ók niður slasaðist mjög illa og þurfti á mikilli endurhæfingu að halda, en í henni fékk hann hjartaáfall og dó.

Danskir fjölmiðlar greina ekki frá nafni byttunnar sem vann fyrir ESB þegar hann keyrði af vettvangi eftir að hafa ekið á fatlaðan mann, og ísraelskir fjölmiðlar greina ekki frá því að fórnarlambið dó í kjölfarið. Diplómatían er alltaf söm við sig, fáguð raggeit.

Myndin efst var tekin þar sem ákeyrslan átti sér stað.

Sumir geta þetta

Ég sé að Jóhanna Sigurðardóttir er strax kominn með vinnu við sitt hæfi, eftir að þjóðin hafnaði henni. Fyrir sumum eru allar dyr opnar! Alltaf sami bölvaði klíkuskapurinn!