Með martröð í nótt

Þó ég hafi greinilega kosið rétta flokkinn, dreymdi mig illa í nótt. Hér eru draumsýnir mínar:

Draumur 1:

Draumur 2:

Rökstuðningurinn fyrir viðurkenningu á Palestínuríki

 

Um daginn bað ég um gögn úr Utanríkisráðuneytinu sem stutt gætu orð Össurar Skarphéðinssonar um þá gífurlegu vinnu sem átti að hafa farið í ferlið að viðurkenningu Íslands á Palestínuríki. Ferli, sem að sögn Össurar, varð til þess að hringt var í hann í tíma og ótíma frá Washington.

Allt sem fyrir lá, og ég fékk í hendur, var þetta ömurlega vinnuskjal frá ráðuneytinu til utanríkismálanefndar, dags. 16.9.2011. Það er  svo kjánalegt og fullt af rangfærslum og lofi á "arabíska vorið", að maður vonar fyrir sérfræðinga utanríkisráðuneytisins í Miðausturlandamálum, að það komist ekki upp, hvor þeirra skrifað þennan barning.

Í vinnuskjalinu er ekki einn einasti rökstuðningur með tilvitnun. En við sjáum svona setningar: "Hvatning um viðurkenningu af hálfu Íslands hefur einnig komu fram hjá ríkjum hliðhollum Palestínu, þar á meðal Egyptum". eða "Jafnvel eru dæmi þess að fullvalda ríki hafi tekið upp stjórnmálasamband við ríki þó enginn annar viðurkenni það, sbr. viðurkenning Tyrklands á Norður-Kýpur" eða meistarastykkið: "Þá má ætla, miðað við hina sterku vakningu meðal Arabaríkja, þar sem vaxandi samúðar gæti með málstað Palestínumanna, ekki síst í Egyptalandi sem efalítið verður ráðandi aðili á svæðinu í framtíðinni, að nú sé rétti tíminn fyrir Ísraela til að tryggja öryggi sitt með samningum". 

Heldur utanríkisráðuneytið á Íslandi að sigurvegarar arabíska vorsins í Egyptalandi, Múslímska bræðralagið, hafi annað á matseðlinum en útrýmingu Ísraelsríkis? Hvaða séní hefur skrifað þetta rugl?

Fráfarandi utanríkisráðherra hefur fyrir utan misheppnaða ESB-ferlið verið í Miðausturlandaferli, sem honum þykir mikilvægara en að sinna vandamálum heima fyrir. En nú eru útlönd, fljúgandi furðuhlutir og einstaka Kínverji auðvitað hans ær og kýr.

Mesta afrek eins mesta sorgarkjörtímabils Íslandssögunnar þykir Össuri að hafa gert Íslendinga að stuðningsmönnum öfgafulls Palestínuríkis. Ríkis sem hefur fyrir stefnu að útrýma nágrannaríki sínu, ríkis þar sem mannréttindi eru fótum troðin, Ríki sem ekki hefur viljað halda áfram friðarferlinu síðan Arafat gekk frá samningaborðinu árið 2000. Íslands styður nú ríki sem ber álíka litla virðingu fyrir borgurum sínum og ríkisstjórn Jóhönnu, Steingríms og Össurar.

Sérfræðingum Össurar hefur einnig tekist að setja austurlenska leynd á yfir skýrsluna, því 4. málsgrein á bls. 4 hefur verið ritskoðuð. Hún fjallar eins og sést á samhenginu um upplýsingar sem fengist hafa frá utanríkisráðuneyti Noregs. Þessa málsgrein má ég ekki sjá, því hún "varðar samskipti við önnur ríki eða fjölþjóðastofnanir". Einu staðfestanlegu upplýsingarnar um skoðanir annarra ríka hefur Utanríkisráðuneytið á Íslandi  fengið úr einni af Ísraelshatursskýrslum norsku stjórnarinnar. Embættismennirnir á Rauðarárstígnum þora ekki að  leyfa almenningi að sjá hvað þeir fengu frá Norsurunum til að efla frægð Össurar Skarphéðinssonar. Er  ekki alveg nóg að Norðmenn bori fyrir okkur niður í bergkvikuna á Drekasvæðinu til að það renni upp fyrir Samfylkingamönnum að þeir eru ekki ólíusheikar eins og frændur okkar?

Öll vitleysan var greinileg eins í þeirri ríkisstjórn sem í dag verðu talin niður af íslensku þjóðinni. Fækka mætti í hvítflibbaliðinu í utanríkisráðuneytinu í kjölfarið.

Efst er skopmynd VÖV af dýrlingnum með helstu attríbút sín á síðasta ráðherraskeiðinu.

Hjólkoppasamsteypan

Árangur af sleitulausri hjólkoppasöfnun bræðranna Össurar og Magnúsar Skarphéðinssona hér á árum áður ber nú ávöxt.

Um næstu helgi, þegar Össur lætur að störfum sem innsti koppur í búri utanríkismála, tekur hann við störfum sem sölustjóri Hjólkoppsamsteypunnar. Hann verður einnig safnstjóri Hjólkoppasafnsins.

Magnús heldur hér á hjólkoppi úr Dodge sem þaut af bíl yfir þvert Rauðavatn árið 1977. Þessi koppur er einn af dýrgripum Hjólkoppasafnsins. Koppurinn er gjöf úr einkasafni Össurar Skarphéðinssonar.

Össur hlakkar mikið til að byrja í Hjólkoppasamsteypunni, enda orðinn langþreyttur á að litlir karlar úti í heimi (geymi) séu í tíma og ótíma að skamma sig í síma.

Daníel í ljónagryfju skussanna

Kæra ber atvinnuvegaráðuneytið fyrir brot á lögum í þessu máli Daníels Jónssonar bónda á Ingunnarstöðum. Öll ráðuneyti undir stjórn Samfylkingar og VG eru greinilega óstarfhæf, án þess að neysluvatnið sé mengað. Þau eru líklega of upptekinn í vinnu við að koma Íslandi inn í ESB.

Ráðuneytisstarfsmenn eru hins vegar örugglega mengaðir af öðru. Þessi skussaháttur er með ólíkindum. Veljast alltaf fífl og amlóðar í íslensk ráðuneyti?

Landsbankinn er hér fljótari gegn lítilmagnanum en þegar bankinn lætur ræningja innan veggja bankans sleppa með því að segja af sér.

Þegar maður heyrir af svona máli, er maður er mjög í vafa um að íslenskt þjóðfélag muni nokkru sinni komast upp úr þeirri lægð sem hún náði þegar Mammonsveislan stóð sem hæst og allt hrundi.

Á að bera Daníel af jörðinni svo einhver ríkisbubbinn geti sest þar að með hesta og þyrlu til að ná í pulsur og kók?

Ég skora á sveitunga Daníels að hjálpa honum og sýna náungakærleikann ómengaðan. Það gerir gott fólk. 750 lítrar af mjólk í niðurfallið á degi hverjum er mengunarvandamál sem atvinnuvegaráðuneytið og Landsbankinn valda. Kærið kerfið og sýnið náungakærleikann í verki.

Krafa um að Daníel verði borinn út

Fermingarbarn Nr. A 3317

Margir Íslendingar kannast við nafnið Branko Lustig, en fæstir kunna þó frekari deili honum, önnur en að hann er maðurinn sem framleiddi stórmyndir eins og Schindler´s List (þar sem hann var unit producer) og Gladiator. Hann hefur hlotið Óskarsverðlaunin fyrir.

Branko Lustig Fæddist í Króatíu árið 1932. Hann var ungur fluttur í útrýmingarbúðirnar í Auschwitz. Þar lifði hann af. Hann var aðeins 13 ára þegar honum var bjargað helsjúkum af taugaveiki í Auschwitz. Eftir stríð varð hann þekktur kvikmyndaframleiðandi í Júgóslavíu. Hann flutti til Bandaríkjanna árið 1988.

Árið 2011 helt Branko Lustig til Auschwitz til að fermast, bar mitzvah. Þessi fallega stuttmynd, sem nýlega var birt, sýnir þann atburð, sem ég vil deila með lesendum mínum. Líka þeim sem hlóguð í Háskólabíói sumarið sem ég og kona mín og Terry Aviva Fingerhut, bandarískur fornleifafræðingur af gyðingættum, fórum að sjá Schindler's List. Íslensk ungmenni hlógu þegar fólk var tekið af lífi í myndinni. Ég fór aftur á myndina til að sjá hvort fólk myndi hlægja, og viti menn Íslendingar hlægja þegar fólk er tekið af lífi í kvikmyndum.

Nú er aðeins til ein gerð af hetjum í Baltnesku löndunum

   

Jón Baldvin Hannibalsson þakkar svo sannarlega fyrir síðast, þegar hann rífur ESB-punginn undan fyrrverandi samstarfsfólki sínu í Samfylkingunni.

Þetta illvirki vinnur Jón Baldvin, þar sem hann stundar nú kennslu á The Institute for International Relations and Political Science við háskólann í Vilníus.

Andlit viðstaddra á fyrirlestri Jóns hrundu hreinlega, og enn er verið að sópa upp postulínsbrosi Baldurs Þórhallssonar ESB-fræðings Samfylkingarinnar og áróðursmeistara ESB í HÍ, sem er samkennari Jóns í Vilníus.

Nú segja mér vinir í Litháen, að stjarna Jóns í Litháen skíni ekki lengur skært hjá ungu valdhafakynslóðinni í landinu sem reiðir framtíð sína í öllu á ESB. Síðast þegar ég var í Kaunas á ráðstefnu kom þar ung kona frá upplýsingaskrifstofu ESB í Kaunas, sem vildi meina að Grikkir væru í vandræðum því þeir væru latir!

Áður fyrr voru tvenns konar hetjur til í baltnesku ríkjunum. Þeir sem höfðu samvinnu við Þriðja ríkið í gyðingamorðunum og svo Jón Baldvin, The special friend from Iceland.

Eftir þessa ESB-líkræðu, þar sem Jón Baldvin skaut niður ESB-drauminn/Martröðina, er ljóst að nú er aðeins til ein tegund af hetjum eftir í Litháen. Það eru gyðingamorðingjarnir, sem ESB leyfir valdhöfunum í þessum ESB-löndum að dýrka (sjá hér).

Eins og menn vita bregður Jón sér oft í líki þess er hann sjálfur kallar "Satýrikon" (maður að ofan geithafur að neðan), en helst þegar betri helmingurinn er ekki nærri. Vinsæll hefur hann verið meðal ungra kvenna í baltnesku löndunum og hefur miðlað af lífsreynslu sinni þegar hann bíður þessum elskum mat og drykk. Þegar hann var i Vilníus og gat ekki riðið skógardísinni sinni í hægum takti, eins og hann upplýsti í sendiráðspósti, þá kallaði hann á 69 á stöðinni og lét keyra sig á gáfumannapöbb þar sem sem gáfulegar konur voru á hverju strái. Þegar hann var á Eistlandi fékk hann kipp í punginn og fór á fínan veitingastað og fékk forrétt frá Úkraínu. Í Ríga hitti hann Rítur á næturklúbbi sem ekkert skömmuðust sín fyrir vinnu sína. Allt var þetta á reikning íslensku þjóðarinnar.

Nú hefur hins vegar frést að þessar frjálslyndu vinkonur Jóns hafi lokað á hann. Sumar af bestu kúnnum þeirra eru nefnilega frá ESB. Þær eru með blágulu þyrnikrónuna fyrir neðan rauða lampann og taka aðeins €ur. Hann getur ekki einu sinni húkkað leigubíl í Litháen.

Jón verður nú bara hetja í staðinn hjá einhverjum köllum á Ísland, eins og hann hefur hingað til verið. En gott er að hann sá ljósið í allri hetjudýrkuninni.

Enga trú hef ég þó á því að fleiri Jónar fylgi eftir út úr vel spunnum lygavef Samfylkingarinnar. En Jón Baldvin má þó eiga, að hann getur tekið sönsum. Batnandi manni er best að lifa!

	Stoðir evrusvæðisins ótraustar
Ábyrgðarmaður færslu Tenging við þessa frétt hefur verið rofin vegna kvartana.

LÍN blóðmjólkar aumingjana

Ég er alls óhræddur við segja fólki opinskátt af högum mínum, þótt að þessu bloggi mínu sé ekki ætlað að vera upplýsing um það sem ég er að hræra í pottinum eða hvað kemur í koppinn þegar ég stíg fram úr fletinu snemma morguns.

Nú ætla ég að gera smá undanþágu og hafa þetta ég - um mig - frá mér  - til mín blogg, í stað þess að vera macho-karl sem ber erfið örlög sín mannalega en brotnar að lokum undan því eins og lítil stúlka.

Í júní á síðasta árið missti ég atvinnuleysisbætur í Danmörku. Ég hafi í lengri tíma, on and off, verið atvinnulaus áður en það gerðist, en getað fengið ágætar atvinnuleysisbætur. Síðan ég missti bæturnar, hef ég ekki haft neinar tekjur. 0 kr. Ekkert! Ég get heldur ekki fengið neina styrki frá bæjarfélagi mínu, þar sem tekjur konu minnar sem er yfir ákveðnu marki, valda því að ég verð að lifa á hennar tekjum.

Ég er eins og "bara heimavinnandi" konurnar í gamla daga, sem "sátu" heima og urðu að sætta sig við að kerlingardræsur á vinstrivængnum kölluðu þær eldhúsmellur. Ég er hins mjög vegar stolt "eldhúsmella" og stéttvís. Því áður en konurnar fóru út atvinnumarkaðinn voru fyrirvinnunnar oftast með hærri laun en einn maki / fyrirvinna hefur í dag. Svo hart er nú í koti mínu - og margra annarra. Um 20.000 manns eru í sömu sporum og ég í velferðarparadísinni Danmörku.

Ég tók á sínum tíma gríðarleg námslán og hef eins og margir mikla námslánaskuld, sem ekki minnkar, eða hverfur eins og kúlulán krimmanna. Reglur LÍN gera ráð fyrir því að menn get sótt um undanþágu frá afborgunum. Ég sótti um daginn um slíka undanþágu eftir að ég var búinn að útvega fjögur mismunandi gögn sem staðfestu atvinnuleysi mitt, skattamál og þar að auki tekjumissinn af völdum atvinnuleysis og stöðvunar atvinnuleysisbóta. Ég fór eftir þessari leiðbeiningu sem mér barst frá starfsmanni LÍN: "Ef sótt er um vegna atvinnuleysi og ekki hægt að senda staðfestingu á atvinnuleysi erlendis frá þá er að senda staðfestingu um að þú sért á skrá en eigir ekki rétt á greiðslum, eða staðfestingu frá ráðningaskrifstofu og þá tímabil skráningar, eða umsóknir um störf ef sótt er um í gegnum netið þá senda afrit af því. Sendu einnig staðfestingu frá kontanthjælp um að þú eigir ekki rétt á greiðslum frá þeim og þá tímabil."

Ég hef uppfyllt þessa ósk um upplýsingar um atvinnuleysi, en LÍN telur enn að ég hafi tekjur þótt það komi hvergi fram á því sem ég sendi þeim af gögnum frá opinberum stofnunum og skattayfirvöldum. Ekki er laust við að LÍN gefi í skyn að atvinnuleysi mitt sé mér sjálfum að kenna. 

 

Námslánskuldarar í vanda eru rúnir meðan fjárglæfrafólki er verðlaunað

En þetta er auðvitað íslenska kerfið, þar sem kúlulánakrimmarnir sleppa við endurgreiðslur, meðan atvinnulausir menn og algjörlega tekjulausir sem ekki hafa rænt banka eru rúnir, þegar aldur, of mikil menntum (já, þið lesið rétt) og almennt atvinnuleysi, sem er þjóðhagslegt vandamál í löndum Evrópu ESB (Danmörku), veldur atvinnuleysi sumra þeirra. Vonandi er LÍN ekki að halda því fram að ég sé sjálfur valdur að að atvinnuleysi mínu og fjárhagsörðugleikum?

Mig gruna að sumt fólk á Íslandi haldi að atvinnuleysi sé meira böl á Íslandi en annars staðar í nágrannalöndunum og heldur að maður fái bara starf ef maður sæki um. Þannig er ástandið ekki einu sinni í gósenlandinu Noregi, þar sem ég sótti nýlega um stöðu.

Ég er búinn að setja mál mitt undir úrskurð stjórnar LÍN og vona að menn þar sjái, að ástandið á Íslandi er kannski betra en víða annars staðar.

LÍN ætlar þó varla að fara að þurrmjólka "ofmenntaðan" og gamlan aumingja eins og mig, meðan sleipir kúlánakrimmar sleppa við borga af lánum sínum. Hver veit? Innheimtufyrirtæki LÍN hefur líka sérhæft sig í að bjarga kúlulánakrimmum.

Oh elskurnar mínar, klukkan orðin svona margt. Nú er best að fara að undirbúa kvöldmatinn, og ég þarf líka að hengja upp tau, sem sat á hakanum meðan ég deildi þessum öngum mínum með ykkur.

Lanny Breuer og faðir hans Robert

Þeir sem eitthvað hafa fylgst hafa með baráttu bandarískra stjórnvalda við að sækja til saka þá sem ollu hruninu í bandaríska bankakerfinu og á Wall Street, þekkja líklega þennan þreytulega mann á myndinni hér að ofan. Þetta er hann "sérstakur" þeirra Bandaríkjamanna, þ.e. íslenskur starfsbróðir snillingsins Ólafs Þórs Haukssonar.

Maðurinn á myndinni heitir Lanny A. Breuer, sérlegur saksóknari í hvítflibbamálum, sem oft hefur verið sakaður um að gera ekki nóg líkt og menn ásaka Ólaf Þór. Þannig að skilja, að fólk í BNA vill oft sjá höfuð fjúka eða menn í 2000 ára fangelsi, þó svo að lög gefi ekki ekki neinn möguleika á slíku. Lög eru oft til til að hnekkja þeim sem minna mega sín.

Ég var í sambandi við þennan mjög svo upptekna lögfræðing og saksóknara vegna þess að ég skrifaði um föður hans, Robert Breuer (1909-1996). Fyrst í grein sem kom út árið 1998 og sem bar heitið "Vi har ikke brug for 70.000 jøder", og síðar í bók minni Medaljens Bagside árið 2005. Það var löngu áður en honum var treyst fyrir að rannsaka hvítflibbaræningjana.

Um foreldra sína og móður sína Lilo Breuer, sem ég var einnig í bréfasambandi við og talaði við í síma, lét Lanny A. Breuer eitt sinn þessi orð falla:

"My parents just never made any money at all. I called up my mother to break the news that her son was not going to a law firm: "Mom, you've just got to remember that Cy Vance Jr. - who, of course, is now the D.A. - he's in the D.A.'s office. And Dan Rather Jr., he's in the D.A.'s office. And Andrew Cuomo, the son of the governor, he's in the D.A.'s office." There was a long pause. And my mother said: "Them? They should go to the D.A.'s office. You? You should go to a firm."

Ég held að Lanny Breuer, sem nýlega sagði af sér eftir lengstu setu nokkurs mann í stöðu United States Assistant Attorney General - Criminal Division, eigi ekki langt að sækja áræðni sína og þrjósku. Hann hefur ekki látið menn sem vilja gjalda lögleysu með lögleysu hafa neinn möguleika á að hafa áhrif á störf sín.

 

Breuer sjötugur

 

Faðir Lannys, Róbert, sem lengst af vann við að skrifa um tónlist í blað þýskumælandi gyðinga í New York, Aufbau, hræddi heldur betur dönsk yfirvöld sem tóku miður fallega á móti honum er hann kom til Danmörku árið 1938 sem ungur flóttamaður frá Vín. Lesið grein mína um Robert Breuer og sjáið hvaðan Lanny litli fékk lögmannshæfileika sína, sem ég útiloka þó ekki að hafi líka komið frá móður hans Lilo.

Rauðglóandi lygar Össurar

Ég hef aldrei trúað neinu sem Össur Skarphéðinsson lætur út úr sér, síðan hann var umhverfismálaráðherra. Þá kom hann því til leiðar að sumarbústaður lyfsala nokkurs var byggður í hjarta náttúruperlu og of nærri friðlýstum fornleifum, í trássi við lög.

Nú þegar hann er á síðasta snúningi, og fullvissar okkur um að hann elski ekki ESB, reynir hann líka í kosningabaráttunni að koma því inn hjá okkur að hann hafi látið athuga mjög vandlega hvað viðurkenning hans á Palestínuríki myndi hafa í för með sér.

Þessi sjálfsmæring Össurar á síðasta sprettinum er vægast sagt hjákátlegt. Sjá hér á RÚV.

Í Palestínu vita menn enn ekki hver Össur er og er gott sama. Í Bandaríkjunum hefur enginn haft minnstu áhyggjur af brölti hans, þegar hann gerði Íslendinga að athlægi með Palestínumissjón sinni.

Þá athugun sem Össur segist hafa látið gera á mögulegum og ómögulegum áhrifum á Palestínuævintýri sínu væri fróðlegt að sjá, og í raun er undarlegt að niðurstöður hennar séu hvergi að finna á vef Utanríkisráðuneytisins. Ég vona að utanríkisráðherra láti mig og annað áhugasamt fólk um málefni Miðausturlanda hafa niðurstöðuna af þessari athugun sinni og ráðuneytisins nú þegar.

Mitchell og Burns

"Hann  segir að símtölin hafi komið frá Nicolas Burns, sem nú er varautanríkisráðherra Bandaríkjanna, og George Mitchell sem er erindreki Bandaríkjastjórnar í Miðausturlöndum." (RÚV Fréttir Sjónvarps 6.4.2013)

Er ekki einnig við hæfi að láta sannreyna orð Össurar um símhringingar til hans frá Bandaríkjunum varðandi ákvörðun hans, fyrir hönd Íslendinga, að viðurkenna ríki sem hafa á stefnuskrá sinni að útrýma eina lýðræðisríkinu í Miðausturlöndum?

Össur segir að George Mitchell, sem var erindreki Bandaríkjastjórnar í Miðausturlöndum hafi hóað í sig út af málinu. Ef svo er, þá hlýtur sú símhringing að hafa verið fyrir 13. maí 2012, er Mitchell sagði af sér embætti sínu.

Með ólíkindum þykir mér að "Nicolas Burns" hafi einnig verið að hringja í Össur út af þessu prívatmáli Össurar sjálf, og enn furðulegra að fréttagúrúar RÚV segi Nikolas Burns sé enn starfandi aðstoðarutanríkisráðherra BNA. Það síðast sýnir enn og aftur, að fréttastofa RÚV er þaulsetinn viðvaningum

Ef Nicolas Burns, sem tilkynnti Geir Haarde árið 2006 að Keflavíkurherstöðin yrði lögð niður, hefur virkilega hringt í Össur á tímabilinu 2009 til 2012 er Össur gerði Ísland að stuðningslandi Palestínu, þá hefur Burns gert það sem prívatpersóna. Burns lét nefnilega af embætti aðstoðarutanríkisráðherra í janúar 2008 og tók sú uppsögn gildi í mars 2008. Annar möguleiki er líka fyrir hendi, að hér sé Össur að tala um William Joseph Burns (Bill Burns) sem nú er aðstoðarutanríkisráðherra landsins. Svo er líka til þriðji möguleikinn, og hann er einfaldlega sá að Össur sé að ljúga okkur full eins og hann hefur gert sygnt og heilagt. Lygar um ESB, Nubo, Drekasvæðið, fangaflug, Wikileaks, FBI á Íslandi er ópíum handa auðtrúa fylgismönnum núverandi ríkisstjórnar.

Hillary Clinton

Össur segist einnig hafa fengið símhringingu frá Utanríkiráðuneyti BNA, nánar tiltekið frá starfsmanni Hillary Clinton, þegar hann var staddur á flugvelli í Brussel.

"Þá hafi verið gefið til kynna að símtals væri von frá Hillary Clinton utanríkisráðherra. Það kom þegar hann var að leggja af stað heim frá Brüssel með flugi. „Þá var það starfsmaður Hillary Clinton að biðja um samtal við íslenska utanríkisráðherrann. Ég sagði honum að ég yrði því miður að slökkva á símanum en hann mætti hringja á morgun. En um nóttina gerðist það að Wikileaks brast fram í fjölmiðlum og það heyrðist aldrei meira frá bandaríska stjórnkerfinu útaf þessum máli og það fór í önnur verk."

Það væri auðvitað áhugavert að fá að vita, hvort Össur meinar að umrædd nótt hafi verið þegar Wikileaks hafi "brostið fram í fjölmiðlum" með myndirnar af árásum herþyrlanna í Bagdad. Því lak Wikieaks um mánaðamótin mars/apríl árið 2010. Vandamálið með þá dagsetningu er einfaldlega sú að Össur var ekki í Brussel byrjun apríl árið 2010 (nema kannski í leynilegum persónulegum erindagjörðum). Og víst má þykja að Palestínumálið, sem Össur er nú að mæra sjálfan sig með í kosningabaraáttunni, var ekki á lista hans yfir aðalmál utanríkisráðuneytisins sem hann lagði fram í maí 2010 (Sjá hér)  .

Nú verður þessi afvegaleiddi ráðherra að skýra mál sitt, þótt fáir dagar séu eftir í embætti. Össur segir að viðurkenning Íslands á sjálfstæði Palestínu sé sú ákvörðun sem hann sé einna stoltastur af. Það var að minnsta kosti ein af bestu sjónhverfingum hans.

Hér hefur Hillary alveg verið búin að gleyma símhringingu sinni til Össurar

Hrifludraugurinn í boði Capacent

 

Hvað hafa Framsóknarmenn gert til að fá þetta gífurlega draugafylgi sem þeir fá nú í skoðanakönnunum?

Þeir hafa ekkert gert. Framsóknarmenn græða nú billeg Capacent-atkvæði (eins konar Matador-peninga) fyrir það eitt að hafa ekki gert neitt, ekki sagt neitt og algjörlega haldið kjafti.

Almenningur á Íslandi, hinn sauðgrái skríll sem er haldinn minnisleysi á háu stigi, er náttúrulega haldinn stjórnmálaleiða og því er þessi aðferð Framsóknarmanna einstaklega vel heppnuð til að ná í fylgi, sérstaklega hjá þeim sem engar skoðanir hafa.

Í versta falli getum við fengið yfir okkur samsuðu eins og í Danmörku, þar sem meintur systurflokkur Framsóknar, kaffi-latte píurnar í Radikale Venstre, flokknum sem ólmur lét Þjóðverja kafríða dönsku þjóðinni, situr í óstarfhæfri stjórn danskra "Framsóknarmanna" og ósamanlagðrar Samflykkingar sósíaldemókrata og SF.

En er ekki Framsókn á móti ESB? Það gæti breyst, ef henta þykir, því flokkurinn er opinn í báða enda.