Fæðingarvottorð Jesús

er ekki til. Ekki er þó hægt að leyfa sér að draga tilvist hans í efa, ekki síst vegna jólanna, en sér í lagi vegna þess að  menn hafa drepið svo grimmt í nafni Jesús. Dauði hans orkar enn tvímælis og er opið sakamál, þar sem líkið hvarf af vettvangi. Miðað við hvað margir hafa þurft af missa líf sín fyrir dauða þessa manns, er ég sáttur við að hann hafi verið til, enda trúa milljarðar manna á hann. Þeir eiga hins vegar erfitt með að sjá hann í þeirri mynd sem hér er gefin af Jesús. Myndin sýnir dæmigerðan samtímamann Jesús, eða höfuðkúpu hans, sem BBC klæddi "holdi" og "blóði" með hjálp vísindamanna. Ég leyfði mér að bæta við algengu erfðaeinkenni gyðinga. Sjá, þetta er vissulega ekki Jesús Drottinn í Dómkirkjunni.

Mikið ber á því að menn séu að reyna að falsa fæðingarland Jesús. Ýmsar kenndir reka menn áfram. Íslenskir prestar ganga um og opinbera þá fávisku sína að að Jesús hafi fæðst í landi sé hét Palestína. Ég hef greint frá því áður. Í útvarpinu er lyginni fylgt ötullega eftir, eins og Jesús hefði alltaf verið kammerat Jesús Kristur frá Palestínu, uppreisnarmaður og eins konar frummarxisti. Þetta er orðið að þráhyggju hjá sumu fólki.

Blessuð mannkindin sem hefur „þýtt" eða endursamið grein um "Palestínu" á Wikipedia hefur einnig átt erfitt með sig, því þar stendur þetta:

Um það bil sem Jesús er talinn hafa fæðst, var ókyrrð í rómversku Palestínu og beinni stjórn Rómverja var aftur komið á. Kristnir menn voru kúgaðir og þó flestir tækju upp siði Rómverja voru margir, þá sérstaklega gyðingar, sem þoldu illa að vera undir stjórn þeirra.

Voru kristnir menn til þegar Jesús fæddist?  Nei, auðvitað ekki, enda var Palestína heldur ekki til þegar Jesús fæddist, hvort sem það var í Betlehem í Galíleu eða í Túristabetlehem nútímans, sem fjölmiðlar kalla hina palestínsku Betlehem. Nafnið Palestína var ekki notað opinberlega sem nafn á landsvæði því sem Jesús er talinn hafa fæðst á fyrr en um 390 e. Kr.

Myndin er af Títusarboga í Róm.

Þegar menn segja Jesú hafa fæðst í Palestínu, er það álíka mikil firra og ef einhverjir héldu því fram að Jón Sigurðsson forseti  hafi fæðst á Eyri við Arnarfjörið í ESB. Því verður nú örugglega logið upp á Jón hvort sem er, ef landsvikamenn og búskussar nútímans fá vilja sínum framgengt.

Ég hef beðið Biskupsstofu um að skýra afstöðu sína til þess lands sem Jesús fæddist í. Ég fékk þetta svar frá séra Kristjáni Vali Ingólfssyni:

Þessu má sem best svara svo: Kristnir menn leggja mismikið upp úr landafræði og staðháttum í Biblíutextum, en yfirleitt láta þeir duga að lesa bara það sem stendur í  Lúk. 2.4 og hafa það fyrir satt:

Þá fór og Jósef úr Galíleu frá borginni Nasaret upp til Júdeu, til borgar Davíðs, sem heitir Betlehem.

Það er engin önnur kenning um fæðingarstað Jesú í Þjóðkirkjunni heldur en hinn biblíulegi vitnisburður.

Mér sýnist, þrátt fyrir skoðanir afvegaleiddra íslenska presta með afar lélega söguþekkingu, að Þjóðkirkjan kalli fæðingarland Jesús Júdeu, eða það sem sem blessuð Biblían kallar Ísraels land, og reyndist sannspá. Því það heitir landið nú og höfuðborgin er hin helga borg Jerúsalem, en ekki Al Quds. Al Quds hét borgin meðan musteri gyðinga og kirkjur kristinna voru vanvirtar af trúarbrögðum sem enn á sér fylgismenn sem eiga erfitt með að sætta sig við tilvist Kristni og Gyðingdóms. Tími Palestínuoksins er löngu liðinn.

Athugasemdir

[Sigurður Þór Guðjónsson, 26.12.2009 kl. 08:47]

Býsna margir eru ólíkir hinum ''dæmigerða'' manni og mér skilst að Jesú hafai dáið aðeins rúmlega þrítugur. Hann hefur líklega verið með hár. Svo segja sumir að hann hafi litið út eins og Erlendur í Unuhúsi.

[Vilhjálmur Örn Vilhjálmsson, 26.12.2009 kl. 10:05]

Ég kæri mig kollóttan um þessi falsvísindi þín Sigurður. Jesús var líklegast sköllóttur og var líkari Bubba Morthens en Erlendi í Unuhúsi. Hver veit, kannski leit hann út eins og Steingrímur J. En líkast til var hann líkur þeim öllum: Hann mun hafa sungið nokkuð vel, hann var sjálfmenntaður og afvegaleiddi 40% þjóðar sinnar. Nú ætla ég ekki að skrifa meira, svo ég missi ekki háhelga bloggvini mína. Guð er líka sköllóttur.

[Sigurður Þór Guðjónsson, 26.12.2009 kl. 10:11]

Annars er þessi árgyðingur BBC furðulega líkur einum háheilögum gyðingi sem situr sem fastast í Kaupinhavn.  Sköllóttur og viskuþrunginn og allt. 

[Vilhjálmur Örn Vilhjálmsson, 26.12.2009 kl. 10:29]

Never heard of him. Mér þykir þetta ólíklegt.

Ætli hann geti gert kraftaverk? Þeim þarf ég á að halda, bara nokkrum.

En menn hlæja bara af því, eins og þeir hlæja að því þegar rugluð kerling hoppar á páfann, forgamlan mann. Kannski er tími kraftaverkanna liðinn?

[Sigurður Þórðarson, 26.12.2009 kl. 11:37]

Sælir félagar og gleðileg jól.

Ég get ekki státað mig af að vera biblíufróður en nóg til þess að ég er  sammála þér Vilhjálmur um að  þetta tal þjóðkirkjunnar um að Jesú hafi verið frá Palestínumaður (reyndar orða þeir þetta þannig að hann hafi verið frá Palestínu) kemur mér spánskt fyrir sjónir. Um móðerni er óþarft að efast en faðernið er óljósara. Jósep virtist ekki efast um að hann ætti ekki króann þannig að óhætt er að útiloka hann. Meyfæðing er fyrirbrigði sem jafnvel atvinnuprestar reyna ekki að fá fullorðið fólk til að trúa. Nærtækasta skýringin sem allir hljóta að sjá en fáir þora að nefna er sú að Ísrael var hernumið land og þar var "ástand" gríðarlegur fjöldi erlendra karlmanna á besta og frjóasta skeiði lífsins.

Jesú var alls ekki "gyðingur" í hefðbundnum skilningi "afnam  lögmálið" en virðist hafa tekið ýmislegt úr Biblíunni og reyndar frá Rómverjum líka enda var reyndin sú að hann náði betur til þeirra en móðurfólks síns.  

[Vilhjálmur Örn Vilhjálmsson, 26.12.2009 kl. 12:07]

Ef það er ekki Sigurður Þór, þá er það Sigurður Þórðarson. Með þessu held ég að þú sért að segja, að Jesús hafi verið nokkuð samsettur maður.

Segjum svo að faðir Jesús hafi verið Rómverji, þá er samt engin ástæða til að ætla að drengurinn hafi ekki fengið rammgyðinglegt uppeldi og gyðingur var hann 100% þrátt fyrir það.

En ég tel nú þrátt fyrir slíkar vangaveltur, mjög litlar líkur á því að María hafi verið á "ástandinu". Í landinu helga voru til konur sem höfðu atvinnu af því að friðþægja setulið.  Rómverjar höfðu líka "rétttrúaðar" skækjur með sér sem trúðu á Mars og Júpiter.

Getur þetta ekki allt verið öfugt og skrumskælt af Rómverjasleikjum eins og Páli og Rómverjum sjálfum. Rómverjar gátu ekki trúað á gyðing, sem ekki var sonur Guðs. Þess vegna varð til sagan af meyfæðingunni. Hann hefði hugsanlega líka getað komið út úr höfðinu á Guði, en sú saga var þegar í notkun.

[Sigurður Þórðarson, 26.12.2009 kl. 13:23]

Þetta má vel vera rétt há þér Vilhjálmur en náttúran er söm við sig og þau slá líkt hjörtun í Betlehem og á Blönduósi. Ég hef orð Kára Stefánssonar sem þykir öðrum mönnum fróðari um erfðavísindi, fyrir því að illt sé að treysta á kirkjubækur hvað feðrun snertir. Er hver sem faðirinn hefur verið þá er óhætt að segja að Kristur hafi komist til manns.

[Rauða Ljónið, 26.12.2009 kl. 18:41]

Fæddur í Betlehem í Galileu.

Jesúa, Jósua ( hjálp Jahve) Iesous, Iesus , Jesús systkini ,Jakob,Jósef, Simon, Júdas, ?

 Fæddur í Betlehem í Galileu árið 6 eða 7 e.k.samkvæmt manntali sem Lúkas átti við, Quuiriníus gerði manntal ár 6 til 12 e.k. dagur Apríl 19 ? eða 20 maí ? .

Útlit Galíeu nefnd eftir litarhætti íbúa Amoríta, aría, fólkið var talið líkt keltum, ljóslitað hár blá augu og rauðleitt hár. 

Eflaust verið rauðhærður vegna þess að hann var áberandi bæði í útliti og framsögu ræðum og þann boðskap sem hann boðarð.

Líkari mér en Villa ég er rauðhærður , gæti hafa verið sköllóttur mynd röng vantar rauðleitt hár.

Kirkjuþingið í Nikeu árið 325 ritskoðaði Constantínus Mikli, allar heimildir um Krist til að móta þær að stjórnar hætti sínum, let farga öllu heimildum sem ekki hentaði honum sem kirkja hefur notað og notar en í sögufölsun.

 Á samahátt nota Íslenskirblaðarmenn

[Rauða Ljónið, 26.12.2009 kl. 18:51]

Á sama hátt nota Íslenskir blaðamenn vinnubrögð Constantínus Mikla enda er hann guðfaðir þeirra ásamt kirkjunarmönnum og íslenskum stjórnmálamönnum sem nú fara með stjórn Íslands.

Já hann var fæddur í Betlehem í Galileu það sem ritað er og stuðst er við er ritskoðun síðara tímar hafa leitt það í ljós og mannleg skinsemi rökhyggja og greind hvernig skoða er segja hann fæddan í  Betlehem í Galileu annað er bull.

Kv. Sigurjón

[Rauða Ljónið, 26.12.2009 kl. 18:53]

Eflaust verið rauðhærður vegna þess að hann var áberandi bæði í útliti og framsögu ræðum og þann boðskap sem hann boðarð. Á að vera boðaði.

[Rósa Aðalsteinsdóttir, 26.12.2009 kl. 22:26]

Sæll og blessaður

Ekki trúi ég því að Jesús hafi verið svona eins og ljóta myndin hér fyrir ofan af sköllóttum eldgömlum fausk en hauskúpan getur verið svipuð :-)

"Nú ætla ég ekki að skrifa meira, svo ég missi ekki háhelga bloggvini mína. Guð er líka sköllóttur." hm :-)

Nú ert þú nú svo fróður og fróðleiksfús. Getum við samið við þig að skoða heimildir frá Ísrael og nágrenni sem eru frá þessum tíma. Heyrt hef ég að í samtímaheimildum sé getið um Jesú Krist?

Jesús fæddist í Ísrael í sama landi og Davíð og Salómon.

Guð gefi þér gleðileg jól og sanna jólagleði.

Kær kveðja/Rósa háhelguð????????

[Jón Valur Jensson, 27.12.2009 kl. 02:14]

Það er ekkert fyndið né frumlegt hjá þér, bloggvinur minn Vilhjálmur, að draga Jesúm niður í eitthvert rugltal úr BBC. Treystir þú BBC almennt í málum Landsins helga? Þú ættir nú að reyna að halda frið við kristna menn fremur en að taka þátt í uppsláttar-ögrunum og móðgunum við trúartilfinningu okkar, rétt eins og við erum ekkert að móðga þína heittelskuðu Gyðinga.

Og hvernig dettur þér í hug að trúa því, að Kristur hafi verið sköllóttur? Ert þú ekki nokkurn veginn á sama aldri og hann á boðunarárum hans, og ert þú sköllóttur?!

En Júdea var fæðingarland Jesú kallað (Mt. 2.1, Lúk. 2.4-7) og Galílea sá hluti Landsins helga, sem hann ólst upp í. Taktu þó líka eftir þessum texta í Mattheusarguðspjalli, 2.19-21: "Þegar Heródes var dáinn, vitrast engill Drottins Jósef í draumi í Egyptalandi og segir: „Rís upp, tak barnið og móður þess og far til Ísraelslands. Nú eru þeir dánir sem sátu um líf barnsins.“ Jósef tók sig upp og fór til Ísraelslands með barnið og móður þess." Og í 2. kafla Lúkasarguðspjalls er lofsöngur Símeons, eftir að hann tók Jesúbarnið í fangið, og eftirfarandi texti:

„„Nú lætur þú, Drottinn, þjón þinn í friði fara eins og þú hefur heitið mér, því að augu mín hafa séð hjálpræði þitt, sem þú hefur fyrirbúið í augsýn allra lýða, ljós til opinberunar heiðingjum og til vegsemdar lýð þínum Ísrael." - Faðir hans og móðir undruðust það, er sagt var um hann. En Símeon blessaði þau og sagði við Maríu móður hans „Þessi sveinn er settur til falls og til viðreisnar mörgum í Ísrael. Hann verður tákn sem menn munu rísa gegn. Sjálf munt þú sverði níst í sálu þinni. Þannig munu hugsanir margra hjartna verða augljósar.“"

Ísrael hét þjóðin og Ísraelsland var landið, sem skiptist í Júdeu, Samaríu, Galíleu og fleiri landshluta á veldisdögum Rómverja.

Og vertu nú sæll.

[Rósa Aðalsteinsdóttir, 27.12.2009 kl. 02:41]

Flott innlegg frá Jóni Val. Þú átt flotta bloggvini.

[Óskar Arnórsson, 27.12.2009 kl. 03:38]

Þetta er heilmikið fræðandi. Sérstaklega þetta með skallafjölskylunna..

[Sigurður Þórðarson, 27.12.2009 kl. 03:47]

Sköllóttur eða ekki sköllóttur. Hvaða fjandans máli skiptir það?

Af hverju skiptir það máli hvort Jesú var stuttur feitu og sköllóttur  eða hár og og síðhærður með þétt hár?  Væri það móðgun við trúartilfinningu kristinna manna er Jesú hefði verið með freknu eða kartnögl?  

Er þetta ekki full hégómlegt.

Guðir geta aldrei orðið fullkomnir frekar en við mennirnir.

[Óskar Arnórsson, 27.12.2009 kl. 04:33]

Skiptir öllu máli Siggi minn! heilagir menn eru oftast sköllóttir. Sjáðu bara Búddistanna! Ef þeir eru ekki sköllóttir frá náttúrunnar hendi, þá raka þeir af sér hárið til að geta sinnt æðri máttarvöldum betur. Svo er það líka þægilegt segja þeir.

Jesú verður aldrei móðgaður. Hann er yfir það hafin...ég er bara ekki inn í þeim málum sem varðar hvort Guðir séu ófullkomnir. Enn ef við erum skapaðir í Guðs mynd, sem sagt er að við séum, þá er Guð langt frá því að vera fullkomin...

Sjáðu bara Jón Val! Ef hann er skapaður í Guðs mynd er Guð MJÖG ófullkominn...segir sig sjálft..

[Jón Valur Jensson, 27.12.2009 kl. 05:05]

Guðlastið ekki. Guð er fullkominn. Við erum allir ófullkomnir.

[Óskar Arnórsson, 27.12.2009 kl. 05:32]

Jæja Jón Valur! Ég Guðlasta ekki. Er á sérstökum samningi við almættið.

Gleðileg jól á þig undarlegi fugl... og farðu nú ekki að rausa neitt um Guð því ég veit miklu meira um Guð enn þú. Þú kannt bara fræðin betur enn ég. Á því tvennu er verulegur munur...

[Vilhjálmur Örn Vilhjálmsson, 27.12.2009 kl. 11:18]

Ágætu bloggvinir, ég vona að þið hafið haft ánægjuleg jól. Sjálfur komst ég hjá þeim vegna flensu og tvöfalds nýrnasteinakasts.  

Ég viðurkenni fúslega, að þetta er dálítið skallapopp hjá mér, og ég ætlaði ekki að særa sannkristna menn á helgum jólunum, ei heldur sköllótta eða raska gjörvallri fagurfræði kristninnar. Guðir verða auðvitað að vera fallegir. En ég vona að engir gangi enn með þá grillu að Jesús hafi fæðst í Palestínu. Rósa, það er satt hjá þér, ég á aðeins bestu bloggvinina.

Sigurjón. Hvað hafa sköllóttir eiginlega gert kirkjunni? Mér lýst prýðilega á að Jesús hafi verið rauðhærður. 20-30% allra gyðinga í dag eru rauðhærðir á einn eða annan hátt. Sumir halda að þeir séu það, þó svo að þeir hafi verið gráhærðir í tugi ára. En ekki þarf maður að vera ”Aríi” til að vera rauðhærður.

Hvað varðar skalla, þá erfist hann oftast úr móðurætt. Svo við verðum að þekkja ættir Maríu til að þekkja það.

Jón Valur, mér þótti hausinn, leirmyndin eftir Richard Neaves, á BBC ekki illa gerð.  Sjá  hér á YouTube . Leirjesús var ekki ólíkur bandarískum vini mínum, Steve.  En túlkun listamanns sem teiknaði hausinn hér að ofan, og sér í lagi hárgreiðslan sem gefin var myndinni var illa gerð. 

Myndin hárprúða, sem stundum prýðir bloggið mitt (m.a. nú), er 30 ára gömul og sýnir mann sem vart er kominn á boðunaraldur. Nú, þegar ég á eitt ár í sextugsaldurinn, er hárið hins vegar mest grátt, en það sést í einstaka svart, brúnt og rautt strý inn á milli. En mest ber á bleikum erfðaskalla ættuðum úr Skagafirði og Húnaþingi í beinan kvenlegg aftur á Landnámsöld. Sköllóttur hef ég verið síðan á 28. aldursári þegar brúin á milli vestur- og austurbakkenbartanna féll. Ekki þýddi neitt að hafa yfirgreiðslu, þar sem hárið var of hrokkið. Ég nota gjarnan glæsilega hatta til að særa ekki blygðunarsemi kristinna menn og annarra heilaga með höfuðnekt minni.  Ég er því ginnkeyptur fyrir hugmyndum Dorritu Moussaieff um að Íslendingar fari út í meiri hattar ”hattargerð”, eins og hún orðaði það í einhverju kjaftablaðinu fyrir jólin. Ég gæti vel hugsað mér að verða hattari forsetaembættisins.

Ég setti skalla á "ljóta Jesú BBC" fyrir nokkrum árum, og SJÁ allir voru sammála um að Ljóti Jesús væri all verulega líkur Vilhjálmi Erni. Mynd þessa nota ég t.d. á Skæpi mínu og menn halda ekki annað en að hún sé af mér. Ég hef velt fyrir mér að nota hana sem passamynd næst þegar ég fæ mér nýtt vegabréf.Ertu til í að mæta mér á miðri leið, Jón Valur, og viðurkenna að Jesús var óvenjulega hátt enni? Men um þrítugt geta vel verið sköllóttir, og sérstaklega þeir sem hugsa mikið.

Hér fáið því svo runu af Jesú. Hver er líkastur hinum sanna? Ég veðja á 1, 4, 10 og 11. Númer 2 sá nýlega fyrir utan Fíladelfíu.

1)   

2)   

3)   

4)   

5) 

6)  

7)   

8)

9)

10)

11)

12)

13)

14)