Bill þakkaði mér fyrirfram!

 

 

 

Já, nú er ég farinn að skilja ýmislegt. Til dæmis af hverju Clinton bað konu mína fyrir þakkir til mín fyrir Íslendingasögurnar innbundnu sumarið 1997. Þá botnaði ég ekkert í því. Nú hef ég lesið hvernig að afhendingu þeirra var staðið í Hvíta Húsinu. Jón Baldvin var skipað að afhenda innbundinn menningararfinn við sérstaka viðhöfn, og svo tók Jón bara allan heiðurinn samkvæmt söguritara forsetans. Jón segist hafa kríað út fundi með Clinton, sem er auðvitað ekki heiglum hent. Hann mun hafa skemmt Bill í þrjú korter með rímum og tilvitnunum í Hávamál, meðan aðrir fengu bara 10 mínútur. Nema Mónika. Hún fékk fékk bletti á bláa kjólinn.

Þess vegna skil ég nú af hverju Bill rúllaði niður rúðunni sinni og bað konu mína sem stóð fyrir framan hvíta húsið okkar á Vandkunsten í hjarta Kaupmannahöfn að bera þakkir til mín og forseta míns. Mér þóttu þetta eitthvað svo ópersónulegar þakkir, að ég ákvað að hundsa Bill, og Ólaf. Bill hefði getað komið til mín upp á 4 hæð, þar sem ég stóð og myndaði allt (mundaði riffilinn). Þannig var þetta nú. 

Það skrítnasta við þetta allt er, að Bill bað fyrir þakkirnar sumarið 1997, en Ólafur Ragnar segist hafa sent Íslendingarsögurnar í mars 1998. Eitthvað grunar mig að Davíð Oddsson hafi líka haft feitu puttana sína í þessu máli.

Eins og sést á myndinni hér að ofan, átti ég í dálitlum erfiðleikum með að skjóta Bill. Þrír næstum eins bílar birtust fyrir framan hús mitt, og ég vissi ekki í hvorum Bill var. Eitthvað lærðu menn greinilega eftir Dallas.

Ég komst nær Bill sumarið 97, og hann rétti mér vindil rétt eftir að ég tók þessa mynd og sagði: "Thank God".

Afhending bóka dróst af gildri ástæðu

Athugasemdir

[Vilhjálmur Örn Vilhjálmsson, 21.11.2008 kl. 07:22]

Hefur einhver hugsað út í það, hvort samhengi sé á milli þess að Clinton fékk sér SS pulsu í Reykjavík og hjartaáfallsins, sem hann fékk nokkrum dögum síðar.

[Tobbi (IP-tala skráð) 21.11.2008 kl. 09:45]

Já, margir.  Það er meira að segja hægt að fá klintonsbana á bæjarins bestu. (með sinnepi)

[Loftur Altice Þorsteinsson, 21.11.2008 kl. 11:16]

Jón Baldvin segist hafa farið bakdyraleiðina að Hillary Clinton. Þetta segir Jón Baldvin að sé "algjör undantekning frá reglum" og venjum í Hvíta húsinu. Jafnvel Monika hafi ekki fengið það baka-til. Liðhlaupinn frá Arkansas hafi verið öðrum lýsandi fordæmi og hafi hann ávallt heimtað að fá "stand-by" meðferð.

Það hafi eingöngu verið langt og innilegt samband Jóns við Hillary sem gerði bakdyraleiðina mögulega. Þetta tók að vísu óvenju langan tíma, en að sögn Jóns "skipti það ekki hinu minnsta máli". Jón fullyrðir að "um þetta liggja fyrir skýrslur í utanríkisráðuneytinu." Hvort Jón er vanur að nota bakdyraleiðina að Bryndísi kemur ekki fram í fréttinni.