Hinn sanni íþróttaandi

Jú hann er til og það er um að gera að sýna hann í stað þess að fylla sig með EPO og sparka í andstæðinginn þegar dómarinn sér ekki til. Enn er þó hægt að neita að keppa við gyðinga á Ólympíuleikunum. Andi Hitler-leikanna 1936 svífur yfir vötnunum í Beijing.

Ljótur blettur var settur á leikana um daginn. Íranskur sundmaður, Mohammad Alirezaei, taldi sig ekki geta synt í sama riðli og sömu laug og Ísraelskur sundmaður og sagði sig því sjálfkrafa úr leikunum. Eins og allir vita halda Íranar að gyðingar gefi frá sér hættuleg efni í vatni. - Bara að grínast.  Ætli þessi ákvörðun hafi ekki verið tekin fyrir sundmanninn af litlum mönnum með eitrað hugarfar, sem er studdir af einfeldningum á Vesturlöndum? Það held ég nú. Svipaður atburður gerðist á Ólympíuleikunum í Aþenu. Íran viðurkennir eins og kunnugt er ekki tilvist Ísraelsríkis.

 

 

Landsliðsþjálfari Rússa, David Blatt, sem er Ísraeli og gyðingur, tók hins vegar innilega í höndina á fyrirliða Íranska landsliðsins í körfu sem tapaði fyrir liðinu sem Blatt þjálfar. Blatt sagði við blaðamenn "Þetta er fegurð íþróttanna" og "strax þegar maður byrjar að hlaupa gleymir maður öllu og man að við erum öll sömul eins. Því miður eru stjórnmál ekki í höndum venjulegs fólks og íþróttamanna". Sjá hér. Ég veit nú ekki alveg hvort ég er sammála Blatt um að mannsandinn hreinsist alveg af íþróttunum einum.

Greinilegt er, að það líðst að íþróttamenn vilji ekki synda með gyðingum. Það er fyrst og fremst  vandamál fyrir alþjóðlegu Ólympíunefndarinnar, meðan mannréttindin í Kína er eitt aðalvandamál alls heimsins. En er gyðingahatur um heim allan það ekki líka?

 

 

Með gleði sé ég að Palestína sendir 4 íþróttamenn í mengunina í Beijing, 2 frjálsíþróttamenn, og 2 sundmenn. Liðið átti að verða stærra, en stangastökkvarinn og hindrunarhlaupararnir voru hlaðnir verkefnum heima fyrir og skytturnar eru flestar í ísraelskum fangelsum (ég vona ekki að menn taki þennan brandara of illa upp). Einn palestínsku þátttakendanna kemur frá þeim hluta Gaza, þaðan sem flugskeytum er skotið á Ísrael. Það tók langan tíma fyrir ýmis ísraelsk og palestínsk samtök að fá leyfi Hamas og ísraelskra stjórnvalda til þess að Nader Masri gæti keppt á leikunum í Beijing.

Næst þegar ég skrifa um íþróttir, er það um þátttakendurna frá Darfúr á leikunum í Beijing. Ég er enn að rannsaka málið. Ég er hræddur um að eitthvað hafi gerst í Darfúr.

Athugasemdir

[Sigurður Sigurðsson, 12.8.2008 kl. 07:06]

Ég skal sýna gott fordæmi Vilhjálmur og býð þér í kaffibolla næst þegar þú kemur til landsins.

Ég efa stórlega að mér verði meint af, en gæti hins vegar haft bæði gott og gaman af skemmtilegum og hnittnum orðaskiptum við mest hataðasta bloggara landsins.

Við gætum síðan skroppið í Vesturbæjarlaugina?

[Egill (IP-tala skráð) 12.8.2008 kl. 10:14]

Í gær horfði ég á frábæra heimildarmynd. Hún segir frá Daniel Barenboim, þeim stórmerka tónlistarmanni, og hjómsveit sem hann stofnaði með ungu fólki frá Ísrael og Palestínu. Myndin sýndi tónleika sem hljómsveitin hélt í Ramallah. Það er í anda manns eins og Barenboim (sem hefur hvort tveggja ísraelskt og palestínskt vegabréf) sem við ættum að starfa - ekki í þeim anda haturs sem ríkir á þessari bloggsíðu.

[Vilhjálmur Örn Vilhjálmsson, 12.8.2008 kl. 11:16]

Lesendur góðir, þessi góði maður, Egill,sem rétt í þessu var hleypt inn með ásökun um að hatur ríkti á þessari bloggsíðu, heitir Egill Helgason (samkvæmt nafni hans á netfangi). Já, þetta er alnafni heimsfrægs fjölmiðlamanns sem ferðast um á íslensku vegabréfi  í loftbelgnum "Friður á jörðu" sem drifinn er með ímyndunargasi. Ég vildi óska þess að nafni hans, sem ásakar mig um hatur, tæki þennan stóra íslenska friðarpostula og missjónera, og vitaskuld líka Barenboim, sér til fyrirmyndar í stað þess að ásaka mig um það sem hann fær hann sjálfan til að tjá sig á bloggi mínu.

Friður sé með þér Egill.

[Vilhjálmur Örn Vilhjálmsson, 12.8.2008 kl. 11:43]

Já Einar, ég hélt mig nú ekki vera í hatursbuxunum þegar ég skrifaði um tvö lítil atvik á Ólympíuleikunum, þar af eitt sem eitt versta hatursveldis vorra tíma ber ábyrgð á. En það er víst í anda Egils Helgasonar að bera blak af Íran. Ekki veit ég hvort það sé siður Barenboims, nema að hann sé líka kominn með þriðja vegabréfið í safnið sitt.

[S.H. (IP-tala skráð) 12.8.2008 kl. 12:34]

Vil upplýsa um ágaeta samantekt um Gydingafordóma á Moggablogginu í Vefritstídindum í dag. Thar er saxad úr faerslum moggabloggara í seinni tíd og vona ég ad their hirdi sneid sem eiga. Sá thetta fyrir tilviljun og kem thessu á framfaeri hér thó thad sé upphaflegri faerslu Vilhjálms lítt vidkomandi.

[Egill (IP-tala skráð) 12.8.2008 kl. 14:55]

Jæja, svo má vera. En ef maður les skrif á þessari síðu aftur í tímann má sjá að þau eru full af hatri.

[Aðalbjörn Leifsson, 12.8.2008 kl. 16:07]

Íranski sundmaðurinn átti að synda á 7. rein en hefði eflaust viljað synda á þeirri 6?? Eða hugsanlega var hann ósyndur. "I am mad" sagði að óíþróttamannlegir tilburðir yrðu ekki endurteknir aftur. Hann sagði ósatt. JESÚS sagði að óvinurinn kæmi aðeins til að stela, slátra og eyða.

[Sigurður Þór Guðjónsson, 12.8.2008 kl. 20:21]

Hvern andskotann kemur Jesú þessu sportmáli við? Hata svona rugl!