Leitin að dóttur Fischers

DV greinir frá leitinni að Jinky Ong í dag. Ég er ekki búinn að sjá hvað þar stendur, en ég vona að það séu fleiri að leita að Jinky en ég og Greta Björg Úlfsdóttir. Eins og ég tjáði blaðamanni DV í gær, vona ég að leitarmálið sé nú í góðum höndum hjá filippseyska innanríkisráðuneytinu. Filippseyjar eru mjög fjölmennt land og skráningar á mannfólkinu ekki með sama hætti og á Íslandi.

Egill Helgason segist oft hafa séð Fischer og Miyoko saman á gönguför, og trúir því ekki að ættingjar hans í Bandaríkjunum hafi kært sig mikið um hann.

Ekki held ég að þetta sé rétt hjá Agli. Bróðir Fischers, Peter (Björn) Nemenyi, sem dáinn er fyrir nokkrum árum var að minnsta kosti í góðu sambandi við Bobby Fischer. Faðir þeirra beggja, Paul, greiddi meðlög og kvartaði til yfirvalda yfir því hvernig móðir Bobbys ól hann upp.

 

Athugasemdir

[Greta Björg Úlfsdóttir, 6.2.2008 kl. 18:56]

Mjög nærtæk skýring á því að ættingjar Fischers í BNA hafi ekki verið sólgnir í að eiga samskipti við hann að fyrra bragði verður að skoða í því ljósi að þeir eru, eins og hann sjálfur var reyndar líka, Gyðingar, en mönnum eru kunnar skoðanir og yfirlýsingar kappans um þann flokk manna.

Hins vegar mun Miyoko hafa stutt hann dyggilega við að viðra róttækar skoðanir sínar á því sem öðru með því að halda úti fyrir hann vefsíðu þar sem þær koma fram. Þar má einnig, meðal annars, lesa skoðanir hans á íslenskum stjórnvöldum, sem eru ekki háleitar, sem má teljast undarlegt, þar sem það voru þau sömu stjórnvöld sem veittu honum kærkominn ríkisborgararétt hér á landi fyrir nokkrum árum.

Það að ættingjar hans (systursynir tveir, systir hans og systurdóttir eru látnar fyrir nokkrum árum) hafi ekki sóst eftir samvistum við hann af framangreindum orsökum breytir heldu engu til eða frá um hugsanlegan erfðarétt þeirra, sem vonandi fer bráðlega að skýrast hvernig er háttað um. 

[Greta Björg Úlfsdóttir, 6.2.2008 kl. 20:46]

Hæ, Villi, - stelpukornið er komin fram - kíktu á bloggið mitt!

[Greta Björg Úlfsdóttir, 6.2.2008 kl. 22:10]

Hm,...ég er búin að lesa DV og þykir blaðamaðurinn sem spjallaði við mig snúa málum heldur mikið yfir í æsifréttastílinn með því að tiltaka að ég gæti hugsað mér að láta grafa Bobby upp, til að taka úr honum DNA-sýni.

...Alla vega er vonandi fyrir alla aðila að ekki þurfi að koma til slíks. Þó það gæti orðið lokaúrræði, ef í harðbakka slær. Ég hugsa að það liggi samt sem áður fyrir næg önnur sönnunargögn sem sanna að Jinky Young sé dóttir Roberts J. Fischer. Við skulum vona það.

Hins vegar er annað mál að margir eru alls ekki sáttir við að hafa gröf Fischers þarna við gangstéttarbrúnina heim að kirkjunni...frekar hallærisleg staðsetning, fyrir utan það hvernig að greftruninni var staðið, sem var vitanlega hneyksli. 

[Greta Björg Úlfsdóttir, 6.2.2008 kl. 22:33]

Varðandi það sem ég sagði hér áður um vefsíðuna hans Bobbys og Miyoko, þá verð ég til að gæta sanngirni að setja þetta hér inn sem ég var að lesa rétt í þessu:

" In private conversations after the press conference, both Ishii and Watai made revealing comments about their relationships with Fischer. Ishii, though describing Fischer as a friend, says he respects the chess icon while not personally liking him; Watai feels that Fischer’s troubles spring from his controversial political statements. “I told him not to write on his website [about] political things,” she says. “It’s very dangerous. But he said to me, ‘Do you want me to live silently? Is that a real life?’” "

[Vilhjálmur Örn Vilhjálmsson, 6.2.2008 kl. 23:13]

Sæl Greta,

ég tek þennan "lögfræðing" ekki trúanlegan fyrr en innanríkisráðuneytið í Manila hefur staðfest það sem hann segir. Þetta er fyrrverandi starfsmaður skáksambands Filippseyja og ekkert í fréttinni sýnir fram á að hann hafi náð sambandi við mæðgurnar.

[Greta Björg Úlfsdóttir, 7.2.2008 kl. 01:18]

Ég held að þú sért óþarflega tortrygginn núna, Vilhjálmur. Ég sé ekki betur en að þetta standist allt saman.

[Greta Björg Úlfsdóttir, 7.2.2008 kl. 09:43]

Þessari síðu sem Fischer og Watai héldu úti frá Yahoo í Japan hefur nú verið lokað. Það er kannski eins gott, því ekki var hún minningu Bobbys til heiðurs.

[Greta Björg Úlfsdóttir, 7.2.2008 kl. 09:45]

Veit svo sem ekkert hvort Watai kom eitthvað nálægt þeirri síðu, eða hvort Fischer stóð fyrir henni einn, ætli það sé ekki sennilegra, í ljósi þeirra orða sem ég hef eftir W. úr viðtali við hana hér að ofan?