Póstsaga

 

Póstmaðurinn fingralangi og fyrrverandi hermaður Allah

Fyrrverandi danskur fangi í Gvantanamóa fékk vinnu sem póstmaður, þegar honum var sleppt úr haldi Bandaríkjamanna. Meintir hryðjuverkamenn eru taldir gjaldgengir sem póstmenn í Danmörku. Hinn 34 ára Slimane ABDERRAHMANE, frá Árósum, sem er hálfur Dani og hálfur heittrúarmaður, hefur nú verið hnepptur í varðhald fyrir að hafa rænt og ruplað pósti sem hann átti að bera út. Slimane er kærður fyrir að hafa stolið greiðslukortum og stolið með þeim meira en 100.000 dönskum krónum frá saklausu fólki. Hann er einnig ásakaður fyrir að hafa stolið vegabréfum, sem í Danmörku eru ekki send í ábyrðarpósti til móttakenda.

Almenningi í Danmörku kom á óvart að Slimane hefði starfað sem póstmaður í tæp tvö ár. Líklega hefur póstþjónustan í Danaveldi líka orðið dálítið bylt við. Því dags daglega gekk hinn skeggjaði ofsatrúarmaður Slimane til starfa sinna á pósthúsinu undir dönsku nafni. Áður var hann var opinberlega búinn að lýsa því yfir, eftir að hann kom heim frá tveggja ára dvöl í Gvantanamóa, að hann ætlaði að fara til Tétjeníu til að berjast við trúleysingja í nafni Allah. Að stela vegabréfum og greiðslukortum vantrúaðra í Danmörku er greinilega það næstbesta sem hryðjuverkamenn geta tekið sér fyrir hendur.

Er þetta enn ein æfingastöðin fyrir danska póstmenn? Starfið getur oft gefið Gvantanamóskar tilfinningar

Eins og flestir lesenda minna vita er ég líka starfandi póstmaður og er fúlskeggjaður eins og Slimane. Ég hef þó ekki verið í Gvantanamóa ásakaður um hryðjuverk. Þó leyfi ég mér að benda á að ég hef tekið þátt í minni háttar "hryðjuverkum" á Íslandi. Glæpur sá er varð til þess að ég er póstmaður er hins vegar miklu verri en þær gömlu syndir. Ég er nefnilega með doktorsgráðu í fornleifafræði.

"Vinnan göfgar manninn" stendur í einhverri skruddu. En því fer nú fjarri hjá danska póstinum og því hætti ég á næstunni í þessu starfi mínu, sem ég neyddist til að vinna við vegna þess að fólk með doktorsgráðu í fornleifafræði fær ekki vinnu í Danmörku. Ég neyddist líka til að yfirgefa ættjörð mína árið 1996 og góða stöðu og hef síðan ekki fengið starf í minni fræðigrein. Árið 1996 framdi ég það hryðjuverk að ég leyfði mér að segja skoðun mína á yfirmanni mínum, sem átti Íslandsmet í framúrkeyrslum á fjárlögum. Miklu hærri upphæðir en þær sem póstmaður Allah í Danmörku hefur rænt hurfu eins og sandur á haf út. Reyndar var Sturla Böðvarsson þá formaður ráðs sem ráðskaðist með Þjóðminjasafnið og brottvikningar manna sem leyfðu sér að segja sannleikann. Stulli tók enga ábyrgð frekar en fyrri daginn.

Athugasemdir

[Stebbi (IP-tala skráð) 17.8.2007 kl. 11:22]

Hann hefði verið betur geymdur í Guantanamo. Gat hann ekki fengið að flokka póst til hinna fanganna? 

[Loftur Altice Þorsteinsson, 17.8.2007 kl. 12:20]

Er ekkert silfur í Danmörku sem þessi sonur Al-ilah gat stolið, eða að minnsta kosti falsað ? Ég þekki einn póstmann, sem hefði verið fljótur að þefa slíkt uppi og hefði það verk ekki tekið hann nærstum tvö ár.

Hvað varðar Sturlu Böðvarsson, þá trúi ég öllu illu upp á þá mann-skepnu.

Kveðja.

[Ólafur Þórðarson, 17.8.2007 kl. 14:39]

Hér í USA er talað um að "go postal" sem kannski má umleggjast sem ganga af göfflunum. Það var á tímabili sem svo erfitt var að vinna hjá póstinum að menn sturluðust og myrtu samverkamenn eða kúnna:

Going postal is an American English slang term, used as a verb meaning to suddenly become extremely and uncontrollably angry, possibly to the point of violence. The term derives from a series of incidents from 1986 onward in which United States Postal Service (USPS) workers shot and killed managers, fellow workers, and members of the police or general public. Between 1986 and 1997, more than 40 people were killed in at least 20 incidents of workplace rage.

Svo þjófnaður er slæmur en verra geta hlutirnir orðið. Stal þessi maður til að auðgast eða til að upphefja einhvern málstað?

[LM, 17.8.2007 kl. 15:14]

Þú varst ekki með puttana í Grímseyjarferjunni líka, var það ?

[Matthías Ásgeirsson, 17.8.2007 kl. 16:49]

Vantar ekki eitthvað í frásögnina af starfslokum þínum?

[Vilhjálmur Örn Vilhjálmsson, 17.8.2007 kl. 17:11]

Matthías, þú veist kannski meira um starfslok mín á Þjóðminjasafni Íslands en ég? Lát endilega heyra!  Ég held barasta að þú og LM geimveran séuð "gone postal". En lát endilega heyra ! þú virðist vita lengra en nef þitt nær.  Hvað vantar í frásöguna? Gerðu grein fyrir þessu! Þú virðist vita af hverju ég einn manna á Íslandi hef verið settur í atvinnubann til frambúðar á Þjóðminjasafni Íslands,  í Berufsverbot ævilangt. Hverjar ætli sakir mínar hafi verið til að verðskulda það? Stal ég, laug ég, nauðgaði ég? Hvað gera menn til þess að þeir séu dæmdir í ævilangt atvinnubann?

[Vilhjálmur Örn Vilhjálmsson, 17.8.2007 kl. 17:21]

Veffari, þú skrifar

"Svo þjófnaður er slæmur en verra geta hlutirnir orðið. Stal þessi maður til að auðgast eða til að upphefja einhvern málstað? "

Ég get ekki svarað þér þessu. Þú verður bara að fylgjast með í dönsku blöðunum, sem ég veit að þú lest. Reyndar er maðurinn saklaus þangað til að sekt hans hefur verið sönnuð. En með þekkingu á réttarkerfi Dana, tel ég ólíklegt að hann hafi verið fangelsaður ef ekki voru nægilegar sannanir fyrir hendi. Hann var t.d. ekki kærður fyrir neitt eftir að hann kom heim frá Gvantanamóa, og ekki einu sinni settur í ævilangt atvinnubann, svo lítið virðist hann hafa verið að gera í Tora Bora eða hvar sem Ameríkanar fundu hann.

En hann getur örugglega greint frá forsendum sínum á betri hátt en íslenskir yfirmenn sem hafa tínt milljónum í hitt og þetta án ábyrgðar.

[Gunnar Örn (IP-tala skráð) 17.8.2007 kl. 18:23]

„Hinn 34 ára Slimane ABDERRAHMANE, frá Árósum, sem er hálfur Dani og hálfur heittrúarmaður...“

Með þessum ummælum ert þú að mínu mati brotlegur við 95. gr. almennra hegningarlaga. Með því að vísa til þess að móðir hans er dönsk en að faðir hans sem er frá Alsír sem heittrúarmanns. Með því að orða þessa setningu með þessum hætti þá varst þú að smána hina Alsírsku þjóð af ásetningi, því er heimfærsla við brotalýsingu 95. gr. almennra hegningalaga auðveld. 

Spurning hvort þetta sé ekki til merkis um múslimahatur þitt?

Og einnig, er minni glæpur að hata múslima en gyðinga? 

[Vilhjálmur Örn Vilhjálmsson, 17.8.2007 kl. 18:41]

Gunnar Örn, ert þú voða hegningarglaður?

Hvar skrifa ég Alsír? Tökum þetta einu sinni enn Gunnar Örn:

„Hinn 34 ára Slimane ABDERRAHMANE, frá Árósum, sem er hálfur Dani og hálfur heittrúarmaður...“

Þú skrifar Alsír. Þú er þá, ef einhver er það, sekur og það um að vera með róg á opinberum vettvangi. Það varðar líka við lög. En þú sleppur við málaferli, því ég er ekki hegningargjarn maður og þú ert örugglega besta grey, þótt þú sért ekki sleipur í lestri. En kannski ertu líka heittrúarmaður frá Árósum?

Það er ekki minni glæpur að hata múslimi en gyðinga. En Alsír er alfarið þitt vandamál og auðvitað alls þess saklausa fólks sem hefur verið ofsótt þar af öfgamönnum í áraraðir.  

[Gunnar Örn (IP-tala skráð) 17.8.2007 kl. 18:48]

Sælir,

Við virðumst deila slæmum lestrarhæfileikum, en ég er aðeins í BA námi og stend þér því langt að baki.

Það að þú nefndir ekki Alsír er einmitt málið, þú sagðir hálfur heittrúarmaður og hálfur dani. með þessu ert þú að gefa til kynna að faðerni hans sem er alsírskt, eins og flestir fjölmiðlar sem fjallað hafa um mál hans hafa gefið upp sé í raun samnefnari við heittrúnað, og það fellur undir verknaðarlýsingu 95. gr.

Varðandi ummæli þín um kúgun fólks þá vil ég nota tækifærið og votta samúð mína með þeim milljónum sem lifa í þjáningu og kúgun á herteknum svæðum sem Ísraelar hafa tekið með hervaldi og svipta íbúa öllum almennum mannréttinum.

Varðandi mögulega kæru á hendur mér vegna rógs þá tel ég hana ekki dómtæka en ég þakka þér engu að síður miskunsemina. 

Væri í lagi að ég segði einhvern vera hálfan íslending og hálfan júða?
Ég vona svo sannarlega að það sé ekki í lagi heldur.

[Vilhjálmur Örn Vilhjálmsson, 17.8.2007 kl. 19:38]

Gunnar Örn,

Þú ert nú ansi mikið úti á þekju. Ég endurtek. Ég hef ekki sagt neitt um faðerni Slimane. Má vera að fjölmiðlar hafi gert það. En það er alþekkt að Slimane póstur er heittrúarmaður. Og að segja það varðar ekki við 95 grein íslenskra hegningarlaga. Ekki veit ég mikið um föður póstmannsins, en hef lesið að faðir hans hafi ekki verið sérlega trúaður. Kannski kærir þú mig næst fyrir að kalla Dani heittrúaða.

Í mínum orðabókum er heittrúarmaður ekki það sama og Alsírmaður. Heittrúarmenn búa ekki í einu landi. Þú ert eins ónákvæmur og 17. alda Íslendingar, sem vildu klína mannránum Alsírsmanna á Tyrki. Hver veit kannski er Slimane Vestamanneyingur í framættum (nú verð ég örugglega dæmdur til drekkingar).

Mér er nokkuð mikið sama hvað þú segir og hvort þú ert heill eða hálfur maður. En finnst þér einhver skynsemi í að bera saman hálfan Dana og heittrúarmann og hálfan Íslending og hálfan júða?

Ef hálfur Dani + heittrúarmaður = glæpur (vegna þess að heittrúarmaður er Alsírmaður að þinni sögn), er þá hálfur Íslendingur + júði líka glæpur. En hvaða stærð er júðin hjá þá? Er þetta ekki stærðin sem sýnir þínar öfgar og hatur.

BA námi hefur greinilega farið aftur. Í hvaða grein er mönnum kennt að gera fólki upp skoðanir. Vona að þú farir ekki í lögfræðina. Þá yrðu fangelsin fljótt full af fólki sem hafa brotið 95. grein hegningarlaga.  Vona ekki að þú sért í almennri rökfræði. Þar mundir þú falla með fyrstu einkunn!

Þitt vandamál er örugglega gremja yfir því að "sakleysingi" frá Gvantanmói, sem þið vinstrimenn teljið fórnarlömb BNA, sé í raun ótíndur krimmi. 

[Vilhjálmur Örn Vilhjálmsson, 17.8.2007 kl. 19:49]

Sæll Skúli,

Heittrúarmaðurinn Slimane fór víst aldrei til Tjeteníu, og mikið rétt hann braut loforð sín og lýsti því yfir að danska ríkisstjórnin væri réttmætt skotmark fyrir hryðjuverkamenn.  Hvernig gat svona maður fengið vinnu hjá póstinum í Danmörku?  Ég þurfti að afhenda hrein sakavottorð til að fá þar vinnu. Dvölin úti í Gvantanamóa og hótanir í garð danskra stjórnvalda hafa greinilega ekki þótt til frásagnar hæfar á sakavottorði hins danska heittrúarmanns.

[Gunnar Örn (IP-tala skráð) 17.8.2007 kl. 19:51]

Sæll,

Best að taka það fram að ég er hægrisinnaður íhaldsmaður og hef verið flokksbundinn sjálfstæðismaður frá 16 ára aldri.

Gæði BA náms getur vel hafa farið aftur, en kjarni málsins er af hverju sagðir þú:

hálfur dani og hálfur heittrúarmaður, af hverju er hann bara hálfur heittrúarmaður, er hann semsagt ekki heill í trú sinni?

en ekki hálfur dani og heittrúarmaður eða jafnvel dani og heittrúarmaður? 

[Vilhjálmur Örn Vilhjálmsson, 17.8.2007 kl. 20:15]

Já, Gunnar Örn, nú brást mér bogalistin. Ég stimplaði þig sem vinstrimann. Ég bið alla vinstrimenn innilega afsökunar á þessum alvarlegu mistökum. En nú man ég það: það voru líka aflóga nasistar í Sjálfstæðisflokknum hér um árið, sem ekkert skömmuðust sín fyrir að níðast á "júðum", þótt engir væru "júðarnir". Þá níddust þeir líka á Thorsörum og öðrum góðum dönskum ættum. Já nasistarnir, þeir voru nú aldeilis fengur fyrir flokkinn ykkar! Bankastjórar, lögreglustjórar, flugmálastjórar, bílstjórar, stórkaupmenn og læknar etc.

Þú hefur alveg rétt fyrir þér. Hann Slimane póstmaður, er hálfur heittrúarmaður, og ef hann verður sekur fundinn hér í heimalandi sínu, þó svo að þú haldir því fram að hann sé Alsírmaður, er hann hálfgerður krimmi líka.

En það hefur nú einnig oft verið misjafn sauðurinn meðal flokksmanna í Sjálfstæðisflokknum. Til dæmis menn, sem dæla almannafé í botnlaus fen og bera enga ábyrgð. Eftir hvaða lögum eigum við að dæma þá?

Góðar stundir og ég bið að heils niður í Valhöll, þar sem gölturinn Sæhrímnir er étinn.

[Gunnar Örn (IP-tala skráð) 17.8.2007 kl. 21:08]

Jæja, ég er ekki nasisti og hef ímugst á þeim og þeirra gjörðum, alveg eins og ég hef ímugst á ísrael og þeirra gjörðum.

En mér þykir leiðinlegt að þér þyki ekkert að því að lýsa manni svona en ferð og kærir blöð og menn fyrir ummæli sem eru ekki svo fjarri þínum eigin, stundum sést skógurinn ekki fyrir trjánum.

Ég finn til með þér og þínum og vona að þú finnir starf sem hæfir þinni menntun betur, en ég treysti ekki hlutdrægni þinni né fagmennsku út frá lestur þessa bloggs, en það er svona þegar röksemdirnar bresta þá fara menn út í persónulegar árásir, sem ég sé ekkert að enda trúi ég á frelsi einstaklingsins, en þú virðist sætta þig við fangelsun manna án dóms og laga, allavega ef ég skil þig rétt varðandi fangabúðirnar í Guantanamo.

Ég held þessar skemmtilegu rökræður okkar gangi ekki lengra en nú er komið, mín litla þekking sem hin merka stofnun Háskóli Íslands hefur veitt mér er bara á svo lágu plani að ég get ekki gert mig skiljanlegan við Post Doc, því er nú ver og miður, í öðru orðinu hljóma ég eins og versti vintrimaður og því næsta eins og gyðingur, ég stefni að því að ljúka BA prófi næsta vor og meistaraprófi tveim árum síðar, getum við spjallað á sama plani þá? 

[Vilhjálmur Örn Vilhjálmsson, 17.8.2007 kl. 22:45]

Gunnar Örn, þú ert alltaf velkominn sem BA, meistari eða án titils. Ég gef ekki mikið fyrir titlatog og geri ekki mannamun, en vil helst ekki vera ásakaður ranglega um fordóma í garð Alsírmanna. Þá hef ég aldrei haft.

Þú hefur nú aldrei hljómað eins og gyðingur. Það hef ég örugglega ekki skrifað og tel ekki að hægt sé að lesa það á milli línanna. En ef þú ert það þá segi ég bara Shalom Shabat og laila tov. 

[Greta Björg Úlfsdóttir, 18.8.2007 kl. 12:29]

Strákar mínir, er slæmt að vera gyðingur? Ég er nefnilega Rosenbaum að langfeðratali og hef alltaf verið heldur stolt af því! Shalom!

[Vilhjálmur Örn Vilhjálmsson, 22.8.2007 kl. 11:13]

Nú ber að taka fram, að Slimani (sem er öfgatrúarmaður, og sem hefur verið í Guantanamóa) er ekki sekur um um glæpi þá sem hann er grunaður um að hafa framið í starfi sínu sem póstmaður, fyrr en dómarar hafa kveðið upp dóma sína.