Habemus Puerum Germanum?

Annuntio vobis gaudium magnum:

http://www.postdoc.blog.is/blog/postdoc/entry/252926/

Joseph Ratzinger í einkennisbúningi þegar hann þjónaði örðum Gvöði og latína var ekki málið.

Nánari skoðun mín á myndinni, eftir tvær réttmætar gagnrýnisraddir, hefur fullvissað mig að Joseph var leiður yfir því að vera í þessum búningi.

Benedikt páfi XVI heimilar flutning eldri gerðrar kaþólskrar messu

Athugasemdir

[Predikarinn - Cacoethes scribendi , 7.7.2007 kl. 18:14]

Þetta sýnir kannski frekar að batnandi mönnum er best að lifa.

Ratzinger jomst undan þessari óguðlegu stefnu, þjóðernissósíalismanum hans Hitlers og varð guðfræðingur og síðar prestur og loks páfi.

[Jón Valur Jensson, 7.7.2007 kl. 18:34]

Hinn ungi Josef Ratzinger var 14 ára settur í hinn leiða félagsskap Hitlersæskuna samkvæmt (ó)lögum, þrátt fyrir að faðir hans væri harður andnazisti eins og margir aðrir kaþólikkar. Og Josef valdi a.m.k. ekki að vera nazisti. Eins og þú átt að vita, Vilhjálmur, var gervöll skátahreyfingin tekin inn í þennan Hitlersæskuna, rétt eins og öll verkalýðsfélög voru incorporeruð inn í eitt nazistískt samband. Þetta var ekki frjálst land. Seinna, 16 ára, var hann kvaddur í herinn, en þaðan gerðist hann svo liðhlaupi. Ætlarðu að gera nazista úr slíkum manni? Show some decency and self-respect, please. Heldurðu, að hann hafi verið spurður álits, hvort taka ætti mynd af honum, þegar hann var munztraður í herinn? Þú gerir ekki nazista sjálfkrafa úr manni í þýzkum einkennisbúningi. Minnstu þess líka, að Pólverjinn Jóhannes Páll II hefði aldrei gert nazista, ekki einu sinni fyrrverandi, að sinni hægri hönd í Vatíkaninu. - Með góðri kveðju,

[Vilhjálmur Örn Vilhjálmsson, 7.7.2007 kl. 19:45]

Sæll Jón Valur, gamlar bænir, gamlar myndir. Það er alltaf gaman að taka þetta fram. Áhrif bænanna, sem nú verður farið að syngja á latínu, erum við eftir að sjá, en ég segi hins vegar ekkert um stjórnmálaskoðanir Páfa, eins og þú vilt túlkar þetta. Mér finnst hann líka hálf leiður á myndinni. Ég biðst líka afsökunar á fyrstu fyrirsögninni. Ég breyti henni hér með. Vona að þetta verði góður Páfi. Ég hefði ekki átt að kasta fyrsta steininum..... Margir kaþólikkar voru líka nasistar og kaþólsk samtök voru viðriðin "hjálparstarf" til stríðsglæpamanna sem þau aðstoðuðu í ferðir til Suður-Ameríku og annarra fjarlægra heimsálfa.

[Predikarinn - Cacoethes scribendi , 7.7.2007 kl. 22:40]

dr. h.c. Jón Valur, mig minnti nú að þetta hefði verið í þá veruna sem þú hefur nú upplýst. Þökk fyrir að spara mér uppflettinguna.

[Jón Valur Jensson, 8.7.2007 kl. 01:52]

Kærar þakkir fyrir góð orð og lagfæringu þina, Vilhjálmur. Svo ræðum við betur saman síðar. - En Predikari, ofgerðu nú ekki hlutunum með uppskálduðum heiðuirstitli! - Kær kveðja til beggja.

[Vilhjálmur Örn Vilhjálmsson, 8.7.2007 kl. 04:56]

Mynd þessi svíður sums staðar sárt, t.d. á Ítalíu, þar sem bannað er að birta hana!

[Jón Valur Jensson, 8.7.2007 kl. 13:18]

Vilhjálmur, kanntu ekki að skrifa "Guði"? (sbr. rithátt þinn í örpistlinum).

Í 2. lagi: Finnst þér rétt hjá þér að tala í hálfkæringi og jafnvel vissri óvirðingu um Guð skapara þinn og allra manna (þ.m.t. þeirra Gyðinga sem þú hefur svo ágætlega varið, réttindi þeirra og minningu, á liðnum árum)? Þeir hafa litið á sig sem þjóð Guðs og myndu illa kunna að meta það hjá vinum sínum, að þeir tali næstum á spottandi hátt um Guð sinn, sama á hvaða máli það er gert.

Bara vinsamleg ábending.

[Jón Valur Jensson, 8.7.2007 kl. 13:20]

Þetta er kannski óþarfi af mér. Þú varst þarna í raun að tala um að þjóna öðrum guði, þeim falsguði sem Hitler var og nazismi hans. Afsakaðu fljótfærnina.

[Vilhjálmur Örn Vilhjálmsson, 8.7.2007 kl. 13:39]

Ég leyfði mér þarna örlítið flámæli til að blanda ekki Herranum, honum Hashem eða whatyoumaycallhim, við "Gvöð" nasismans. Þetta er ekki vegna þess að ég er að jötnakyni eða 666 standi á skallanum á mér. Ég þekki ýmis fleiri nöfn guða. Lélegir guðir eru hjá mér "Gvöðir" og suma Guðmunda kalla ég Gvöðmunda.

Nú var það heldur ekki Guð sem ritaði messurnar sem Páfi var að leyfa á ný.

[Jón Valur Jensson, 8.7.2007 kl. 23:44]

Messurnar eru í fínum stíl, eða hefurðu einhverja fordóma gegn latínu, gæzkur?

Svo er ekki rétt hjá þér, að nú sé verið að taka upp latínumessur á ný. Það var t.d. leyft hér á Íslandi einu sinni í mánuði fyrir mörgum árum (allnokkrum eftir Vatíkanþingið) og heyrist raunar í mörgum messum hér, jafnvel í Þjóðkirkjunni. Í Cambridge á Englandi gat maður (1979-83) ýmist sótt "Folk Mass" og sungið á ensku eða "Latin Mass" og sungið á latínu. Í öllum latínumessunum er þó ritningalesturinn, mestallar bænir og predikunin á þjóðtungu hvers lands. Latínan er að mörgu leyti ornament; þó skilja flestir kaþólikkar textann nema einna helzt efstubæn prestsins.

[Jón Valur Jensson, 8.7.2007 kl. 23:46]

Ég átti við: í stúdentakirkjunni í Cambridge: [St John] Fisher House, University Students´ Chaplaincy.

[Vilhjálmur Örn Vilhjálmsson, 9.7.2007 kl. 03:02]

Hef ekkert á móti latínu. Lauk fornmálasviði í Hamrahlíð hjá meistara Teiti. Það er Trento-messan sem áður innihélt bænir um skjóta kristnun gyðinga. Veistu hvort að þær hendingar séu horfnar, eða er verið að syngja þetta í Landakotskirkju upp á gamla mátan?

[Jón Valur Jensson, 10.7.2007 kl. 01:02]

Meistari Teitur -- kenndi mér líka, góður sá.

Veit hitt ekki vel fyrir víst, Vilhjálmur, hygg raunar að þessi bæn (sem um leið, í öðrum liðum sínum, var fyrir vantrúuðum, schismatískum, heretískum o.fl.) hafi verið lesin einu sinni á ári, einhverja stórhátíðina, og trúlega við biskupsvígslu líka og sé væntanlega enn lesin, að mig minnir. Við kristnir trúum því staðfastlega, að kristindómurinn sé fullkomnara form trúar en Gyðingdómurinn, þótt trúin sú hafi verið hrein og tær og heilög jafnvel í frumformi sínu hjá föður okkar Abraham, og vertu nú kært kvaddur.

[Sævar Einarsson, 10.7.2007 kl. 02:01]

Ó guð hvað þetta er guðdómlega skemmtileg lesning, takk strákar fyrir að koma mér í gott skap fyrir svefnin