Vers um Per

Þetta er hann Per. Hann er enn utanríkisráðherra Dana. Hann vildi ekki, af siðferðilegum ástæðum, hitta Paul Wolfowitz á Íslandi í síðustu viku og bað Valgerði Sverrisdóttur að skrifa Wolfowitz bréf þar sem það var tilkynnt. Wolfie er í vondum málum.

En í dag tók Per á móti utanríkisráðherra Írans í Kaupmannhöfn. Hvaða ástæður eru fyrir því veit ég ekki, en vart geta þær verið siðlegar. Líklegast vilja Danir selja meira til Íran. Hefð er fyrir slíku í Danmörku. Danir seldu mikið til nasista á stríðsárunum. Þeir seldu frelsi sitt.

Utanríkisráðherra Írans, Manouchehr Mottaki kennir í sífellu Bandaríkjamönnum og Ísraelum um all það sem miður fer í heiminum. En hvernig er ástandið í Íran?

Danir reyna allt sem þeir geta að senda flóttamenn til Íran. Ég hef barist fyrir því að írönskum feðgum var bjargað frá því óðs manns æði. Ég fór í spurningartíma í danska þinginu, þar sem baunað var á Per vegna greinar sem ég skrifaði í Politiken. Per sat þar og laug alla fulla! En yfirvöldum tókst samt sem áður ekki að senda mennina úr landi.

Per langar ekki að hitta Wolfowitz, en han hittir ólmur Mottaki yfirböðul frá Íran. Það verður líklega Per verst á endanum að hafa móttekið Mottaki.

Athugasemdir

[Vilhjálmur Örn Vilhjálmsson, 11.5.2007 kl. 16:07]

Politiken greindi frá því í gær að íranski ráðherran, Mottaki, hafi verið kærður til lögregluyfirvalda í Danmörku eftir heimsókn sína.  Mottaki var þáttakandi í pyntingum á írönskum útlaga árið 1988. Maðurinn sem var pynaður, Abdol-Hassan Mojtahedzadeh, hefur fengið merkan danskan lögfræðin í lið með sér.

Hvorki íranska sendiráðið eða Per Stig Møller vilja tjá sig um málið.