Tískan á þingi: Skuplur, hattar eða hárkollur?

Asmaa Abdol-Hamid langar í Folketinget 

Útlendingahatarar í Danska Þjóðarflokknum hafa nú líkt slæðum og andlitsblæjum múslimakvenna við hakakross nasista. Hugmyndaflugið virðist líka mikið í þessum öfgahópi. Hvað ætli nasistar hafi minnt Dani á árið 1945? Kannski hina rómuðu samvinnupólitík og góð sölu á dönskum afurðum í stríðinu.

Kona nokkur, Asmaa Abdol-Hamid, sem fer í taugarnar á danska þjóðarflokknum þar sem hún er kappklædd á höfði, langar mjög á þing í Danmörku. Hún hefur reyndar ekki afrekað neitt sérstakt til þess, annað en að koma fram með klútinn sinn vafinn um hausinn í spjallþáttaröð í danska sjónvarpinu, þar sem framkoma hennar var afar leiðigjörn. Nú vill hún á þing fyrir Enhedslisten (Einingarlistann), sem er samansull af fólki úr ýmsum framliðnum flokkum á öfgavæng vinstrimennskunnar í Danmörku. Kommar í Danmörku vilja greinilega nota klúta, slæður og skuplur í kosningaslaginn. Þetta hefur farið farið fyrir brjóstið á einum flokkmanni í Enhedslisten. Hann heitir Benito Scocozza, og er hann sagnfræðingur og gamalreyndur jálkur á vinstrivængnum og jafnvel meiri marxisti en Marx sjálfur.

Í gær, 22. apríl, birti dagblaðið Politiken stutt bréf, þar sem Scocozza skrifar, að það geti verið að Danski Þjóðarflokkurinn ætli sér að hefja trúarbragðastríð ef Asmaa Abdol-Hamid verði kosin á þing með vafninginn um hausinn. En gamli komminn undrast hins vegar mjög "að Einingarlistanum geti dottið í hug að bjóða fram trúaðan flokksmann, sama hvaða trúabrögð hann aðhyllist. Það ætti að vera hlutverk sósíalísks flokks að hindra hina umfangsmiklu trúarhyggju sem gripið hafi um sig á síðustu árum".

Já, kannski hefur Scocozza rétt fyrir sér. Ópíum fólksins og allt það. En er tíma prestaveldisins ekki lokið í Evrópu?

Gætuð þið góðir landsmenn unað því ef kona með slæðu, sem fylgjandi væri sharía-löggjöf fyrir utan lög landsins okkar, yrði kosin til Alþingis? Væri hulinshettan hennar mannréttindi? Mér skilst að höfuðbúnaður múslimakvenna, í hvaða formi sem hann er, sé upphaflega ekki einu sinni trúarlegt tákn, heldur uppfinning karlrassgata sem lagt hafa eign sína á gjörvallt kvenkynið.

Mér sýnist að margir á Íslandi eigi bágt með að sætta sig við menn sem vilja á Alþingi og sem tala vart annað en sloraíslensku. Aðrir mega ekki ganga bindislausir meðan aðrir virðast fæddir með slíka hengingaról um hálsinn. Er þar um að ræða tísku eða fordóma?

Mér er svo sem alveg sama hvað konur og karlar hafa á hausnum, ef eitthvað bitatstætt er inni í honum. Hef heldur ekkert á móti stjórnmálamönnum með hárkollur, ef þeir afneita ekki "hairpísinu". En öðru máli gegnir um konur og karla, sem vilja setja mér skorður í nafni trúarbragða. Það á ekki samleið með lýðræðinu.

Ég verð að viðurkenna, að sjálfur geng ég mikið með amerískan eightpiece eða írskan newsboy. Hattarnir mínir eru eins konar trúarleg tákn. Ég trúi því nefnilega að enginn, jafnvel ekki Herran, sjái skallann minn þegar ég er með húfuna á hausnum. Eru hattarnir mínir ástæða þess að ég er ekki enn kominn á þing, eða er það vísitalan undir hattinum? Á ég að fá mér hárkollu eða kannski slæðu og sjá hvað setur?

Asmaa hin þingelska er líka miklu myndarlegri undir hvítu klæði en ég:

Amen í þetta sinn.

Athugasemdir

[Vilhjálmur Örn Vilhjálmsson, 24.4.2007 kl. 02:39]

Sæll Skúli og þakka þér fyrir athugasemdirnar í gær. Ég held ekki að slæðan hennar Ösmöö sé hakakross. Það finnst mér oftúlkun hjá þér og skoðanabræðrum þínum í DF. En ég er viss um að stúlkan siglir undir fölsku flaggi. Líkt og mörg önnur ungmenni, sem aðhyllast imperíalistískan íslamisma, er Asmaa að notfæra sér hve bláeygir Danir eru. Aðrir jafnaldrar (óg trúfélagar) hennar hafa verið reknir úr öðrum dönskum stjórnmálaflokkum en Einingarlistanum fyrir ólýðræðisleg ummæli og aðgerðir.  Nú síðast var Safíu Aoude vikið úr danska Íhaldsflokknum. Kennir hún víst m.a. mér um brött endalok sjtórnmálaferils síns, þar sem ég var einn af þeim "sérfræðingum" sem Nyhedsavisen leitaði til eftir áliti á ummælum hennar. Hún felldi sig reyndar sjálf. Manneskjan hefur í áraraðir haldið úti vefsíðu, þar sem hún skreytir sig með tilinum lögfræðingur og þar sem hún heldur fram sakleysi hryðjuverkamannanna sem grönduðu PanAm þotunni yfir Lockerby á Skotlandi. Aoude hélt afram að verja terroristana eftir að Ghaddafi viðurkenndi sekt mannanna.

Aðrir íslamístískir stjórnmálamenn í Danmörku styðja opinskátt hryðjuverkasamtök. Þannig passar Asmaa vel inn í flokk eins og Einingarlistann. Meðlimir hans hafa allir á einn eða annan hátt séð byltinguna blóði drifna sem nauðsyn á undan þeirri útópíu sem þeir eltast við. Þeir ættu bara að flytja til Norður Kóreu ef þeir hafa það slæmt á Vestsurlöndum.

[Vilhjálmur Örn Vilhjálmsson, 24.4.2007 kl. 11:08]

Það er misjafn sauðurinn meðal múslima eins og allra annarra. Það sem mér leiðist mest við trúarbrögð þeirra er dauðatilbeiðslan. Ef þeir deyja ekki fyrir málstaðinn, þá drepa þeir fyrir málstaðinn. Mergurinn málsins er, að það eru svipaðar kenndir og þær sem heilla kommúnista. Byltingartal kommanna er að mínu mati náskylt dauðakúltúr sumra múslima. Þetta eru frumstæðar mannlegar kenndir.  Sömuleiðis fynnst mér ég heyra múslima í sífellu kenna öðrum um ófarir sínar. Svo eru sumar lærisetningar þeirra svo fullar af mannvonsku út í ákveðna hópa, að ég sé ekki neinn kærleika í þessum trúarbrögðum.

En ég verð þó að viðurkenna að ég veit afar lítið um Íslam. En það sem ég veit gerir mig hræddan og veldur því að mig langar ekki að kynnast trúnni frekar. Mér er nákvæmlega sama hvað fólki fynnst um þessa skoðun mína og tel ég næsta öruggt að hinir "rétttrúuðu" afskrifi mig sem villutrúarmann. Ég trúi á frelsi, og það held ég sé ekki meðal mikilvægustu boðorða múslima.

[Vilhjálmur Örn Vilhjálmsson, 25.4.2007 kl. 20:32]

Sæll Skúli,

ég hef lesið eitthvað af þessu sem þú nefnir, þó ekki á arabísku. Heldurðu að textinn hafi skolast til í þýðingum?

Gaman til hliðar. Ég deili með þér áhyggjunum, en hef enn örlitla von um að kynslóð múhameðstrúarmanna sem nú vex úr grasi muni gera siðbót og andmæla öfgunum. Annars er illt í efni.