Álsambönd Hitlers

 

Ál Hitler

Kannski hefur það farið framhjá löndum mínum, að auður og velgengni ALCOA samsteypunnar á fyrri árum er hægt að þakka góðu sambandi fyrirtækisins og fyrri stjórnenda þess við Þýskaland Hitlers.

ALCOA var á sínum tíma ásakað um að eyðileggja fyrir uppbyggingu flugflota Bandaríkjahers i byrjun 5. árutugs 20. aldar. ALCOA hafði samvinnu við I. G. FARBEN verksmiðjurnar, sem voru m.a. með útibú í AUSCHWITZ.

Mellon fjölskyldan, sem átti stóran hlut í ALCOA félaginu, átti líka hlut í Bank of Boston, sem hafði mikil og góð viðskipti við Þýskaland nasismans. ACH SO! 

Því má þó ekki gleyma, að fjöldi annarra bandarískra fyrirtækja veðjaði líka á Hitler.

En ætli Fjarðaál minnist þessa á einhvern hátt?  Kannski verður hægt að festa álhausinn hér að ofan á eitthvað efniskennt í Austfjarðaálþokunni. 

Athugasemdir

[Guðmundur Ragnar Björnsson, 31.3.2007 kl. 10:52]

Jæja Vilhjálmur. Er þetta ekki ansi langsótt tenging hjá þér. Velgengni ALCOA er stríðinu gegn Hitler að þakka en ekki viðskiptasamböndum fyrirtækisins við IG Farben. 1941-1945 var reistur fjöldi verksmiðja og óheyrilegt magn af áli framleitt af ALCOA og selt til Bandaríkjastjórnar. Að halda einhverju svona fram er alger þvættingur. Með sama hætti væri hægt að segja að togaraúrgerðir á fjórða áratugnum á Íslandi hafi stutt útrýmingabúðir með því að selja Þjóðverjum fisk. Rólegur með samsæriskenningarnar og vil benda þér á að það er ekki allt satt sem finnst á netinu. 

[Vilhjálmur Örn Vilhjálmsson, 31.3.2007 kl. 11:01]

Ekki fæ ég séð að togaratútgerð íslendinga á 3. áratug 20. aldar hafi haft nokkuð að segja, en ALCOA var í viðskiptum við nasista árin 1940-41.

Ég þekki hins vegar til ýmissa útgerðamanna sem heldur vildu hafa selt fisk til Hitlers en Churchills.

Alcoa gerði Þjóðverjum kleift að komast í einn þriðja hluta þess magnesíums, sem þeir þurftu til stríðsreksturs.  Svo, Já Guðmundur. Það eru tengsl milli ALCOA og Hitlers. Meiri en þau sem voru á milli íslenskrar útgerðar og Hitlers.

[Guðmundur Jónas Kristjánsson, 31.3.2007 kl. 12:21]

Verð taka undir orð nafna míns. Finnst þetta ansi
langsótt svo ekki sé meira sagt.

[Vilhjálmur Örn Vilhjálmsson, 31.3.2007 kl. 14:10]

Þegar tengsl IBM við nasista voru staðfest hér um árið í fræðiritum, vonuðust margir eftir því að önnur fyrirtæki og voldugar fjölskyldur léttu leynd á samskiptum sínum við Þriðja Ríkið og réðu sagnfræðinga til að varpa ljós á þau. Bush fjölskyldan hafði t.d. tengsl, Ford samsteypan, JP Morgan, Du Pont, Mellon fjölskyldan (Alcoa), Allen Dulles, Charles Lindbergh, William Randolph Hearst, Rockefeller (Standard Oil), General Motors, ITT and Chase Manhattan Bank. 

Það eru engar samsæriskenningar á bak við það, en það er hins vegar gaman að sjá hvernig þessi fyrirtæki og ættarlaukar skauta yfir tengsl sín við Þýskaland nasismans. Sjá t.d. http://is.wikipedia.org/wiki/Alcoa Greinin á Wikipedia er skrifuð af Alcoamönnum og þar er heldur lítið að finna um velmektarár Alcoa með nasistum.

 

[Guðmundur Jónas Kristjánsson, 31.3.2007 kl. 18:24]

Allar þjóðir fyrr og síðar hafa notað hverskyns
stálefni í sína herganaframleiðslu, þ.á m. Þjóðverjar, Bandaríkjamenn, Rússar, Japanir
og sv. frv. Hvers vegna þú dregur Þjóðverja þarna
sérstaklega út skil ég alls ekki.

[Vilhjálmur Örn Vilhjálmsson, 31.3.2007 kl. 19:31]

Það gerði ég ekki Guðmundur, ég ritaði um ál og ALCAN (amerískt fyrirtæki), sem um tíma sá gróðaleið í því að veðja á Hitler, ranga hestinn.

Ég skrifaði því ekki um Þjóðverja og dró þá ekki sérstaklega út. (Þó svo að meirihluti fyrri kynslóða þeirra hafi á sínum tíma kosið skrímslið Adolf yfir sig). Málið fjallaði um Alcan, álið og einkennileg tengsl bandarísks fyrirtækis við Þýskaland Hitlers og nasismans. Tengsl, sem hugsanlega lengdu stríðið og ollu dauða fleiri manna en ella.

[Guðmundur Ragnar Björnsson, 1.4.2007 kl. 07:46]

Vilhjálmur. Þú talaðir um ALCOA en ekki Alcan og Alcan er Kanadískt fyrirtæki. Vissulega hafði fjöldi Bandarískra fyrirtækja tengsl við Þýskaland en það að tengja einhver fyrirtæki með þessum hætti er frekar vafasamt. Ef Þjóðverjar hefðu átt einhver fyrirtæki í td. efnaiðnaði í USA þá hefðu Bandaríkjamenn varla hikað við að nota það fyrirtæki og framleiðslu þess gegn Þjóðverjum. Auðvitað nota menn allt sem hönd á festir og árið 1941 var langt í frá útséð með að USA myndi blanda sér í stríðið hvort eð er.  

[Vilhjálmur Örn Vilhjálmsson, 1.4.2007 kl. 08:52]

Blandaði óvart Alcan við Alcoa í síðasta svari mínu, Guðmundur. Þetta eru svo lík nöfn