Elton John giftist ekki

Já, loksins eftir 21 árs reynslutíma og 9 ár í skráðri sambúð. En eitt er víst. Elton John giftist hvorki né kvænist David Furnish! Furnish er nefnilega ekki kona frekar en Sir Elton. Þeir félagar verða gefnir saman eða ganga í hjónaband. Menn kvænast konum og konur giftast körlum. Kannski ættum við frekar að segja að þeir séu samgefnir fyrst þeir eru samkynhneigðir?

"Breski tón­list­armaður­inn Elt­on John ætl­ar í dag að gifta sig". Er ekki lengur kennd setningafræði á Íslandi? Kannski er Jón Valur hættur að prófarkarlesa á Morgunblaðinu, eða vill hann ekki koma nálægt fréttum af eins óheilögu fyrirbæri og hjónaböndum samkynhneigðra?

Ég óska körlunum til hamingju með "brúðhlaupið" og óska þeim alls hins besta í að minnsta kosti 21 ár til viðbótar reynslutímanum. Um leið vona ég að málfarið batni á íslenskum fjölmiðlum.

Elton John giftir sig

Athugasemdir

[Húsari. (IP-tala skráð) 21.12.2014 kl. 17:16]

Sæll Vilhjálmur.

Þvert á móti þá giftu þeir sig, Elton John og
ástmaður hans!

Óþarfa grimmd er það gagnvart samkynhneigðum
þá réttarstaða þeirra er tryggð að lögum að ætla
sér að úthýsa þeim úr orðabókum enda verður það
ekki þó ekki skorti viljann til.

Orðið 'gifta' í færeysku og gipta í fornsænsku
vísa beint til uppruna síns sem er 'gift'
og merkir gjöf, gáfa, hamingja.

Nú er lag að samkynhneigðir auðgi ennfrekar
íslenskt mál og karlar giftist
og konur kvænist sbr. uppruna kván=kona.

Þá er að bíða og sjá hvort hinn vísi
blaðamaður Morgunblaðsins noti ekki orðið
'kvænast' þá tilefni gefst til og í nýrri
merkingu og á þjálu máli
því allt fellur það prýðilega að íslenskri
málfræði og óaðfinnanlegt með öllu.

[Vilhjálmur Örn Vilhjálmsson, 22.12.2014 kl. 07:33]

Konur voru gefnar mönnum (voru vara). Heimanmundur fylgdi líka.

Íslensk málvenja er sú að menn kvænist og konur giftist. Ég fylgi þeirri venju að grimmd eftir að það var barið inn í hausinn á manni í hvert skipti sem manni varð það á að segja eða skrifa að einhver karl hefði "gifst". Mér því sama um færeyska og sænskar skýringar, sérstaklega sænskar. Svíar tilheyra öðrum menningarheimi en við

[Húsari. (IP-tala skráð) 22.12.2014 kl. 15:46]

Sæll Vilhjálmur.

Þakka þér fyrir svarið.

Núorðið er miðmyndin 'giftast' notuð jafnt
um bæði kynin.

Í Orðabók Menningarsjóðs og athugasemd þar
er augljóst að skrið hefur þegar átt sér stað
(1963)og þróun í þá átt sem orðin er og virðist
afgerandi um og eftir 2000 að 'giftast'
sé sannanlega notað jafnt um bæði kynin þó
orðaseðlar séu ekki afgerandi um það sem
vitanlega á sér augljósar skýringar.

Má vera að hér sé enn einn hringaksturinn
frá því að Loðvík XIV Frakkakóngur
glaptist á að leggja uppúr fánýti á borð við
hamingju, - höfðu menn áður lifað sælir
án hennar og væntanlega ekki miklar kröfur
uppi um það sem fyrirfannst ekki.En svo gleggra sé tilgreint og sagt frá þá er
orðið 'gifta' í færeysku og fornsænsku(!)
samhljóða sýn Loðvíks og merking þess á báðum
stöðum er 'hamingja'.

Ekki ætla ég að synja fyrir þær kárínur sem í
boði voru á fyrri tíð um svo ósiðlega merkingu
orðsins sem nú er uppi þar sem í boði voru
myrkvaðar kolastíur í samfögnuði við
rottur og kakalaka.(kakkalakka)

Áhrifamiklir fjölmiðlar á borð við Mbl. og DV.
fylgja breyttum áherslum og samfagna þá
stórtíðindi verða í eldhúskrókum á Stóra-Bretlandi!

Er ekki sjálfsagt að gera það þó hamingjan
hafi ekki náð að ganga frá þeim dauðum;
- samfagna fagnendum!

Gleðileg jól.