Össur píningur

Össur Skarphéðinsson (S) vill "pína Ísraelsmenn" til að sætta sig við útrýmingarherferð á Ísrael og gyðingum. Þessar píningarhugleiðingar sínar, það er viðskiptabann á Ísrael, afhjúpaði hann á hinu háa Alþingi um daginn. 

Sjáið bara hér (8:50 mínútur inn í fréttatímann). Núverandi utanríkisráðherra útilokaði ekki að "Pína"  gyðinga ef heimurinn allur tæki þátt í slíkri "píningu".  Píning og útilokun á gyðinga var líka yfirlýst stefna forráðamanna Framsóknar á 4. áratug síðustu aldar. Allur heimurinn er sem betur fer ekki farinn aftur á sama menningarstig og Össur Skarphéðinsson, þar sem píningar og hryðjuverk eru verkfæri í mannlegum samskiptum.

Íslendingum má vera ljóst, að hagsmunir Íslendinga eru í húfi ef Ísland fer í sóló píningarherferðir gegn Ísraelsríki. Land sem leyfir einhverju braskfyrirtæki að veiða hval í óþökk siðmenntaðra þjóða, sama hve mikið slíkar þjóðir menga og drepa af fólki og hnísum, þá er stuðningur við "píningar" gegn þjóðum sem þegar eru fórnarlömb hryðjuverka, útrýmingarherferðar og haturs heilla heimstrúarbragða ekki sniðug aðferð til að gæta hagsmuna Íslendinga. Munið hverjir kaupa íslenskan fisk? Það gera hvorki Framsóknarmenn né píningarmeistari Samfylkingarinnar, flokks sem leitaði fulltingis hjá Assad Sýrlandsmorðingja, þegar Samfylkingin ætlaði inn í Öryggisráð SÞ, þar sem ætlunin var að ganga frá Ísrael.

Píningarmeistarar og sadistavinir Össurar í Samfylkingunni eru sjálfum sér verstir, þótt þeir fái "læk" á smettiskruddur sínar frá fólki sem kallar gyðinga "djöfla" og íslenska stuðningsmenn Ísraels "helvítis gyðinga".

Athugasemdir

[Jón Sveinsson, 20.9.2014 kl. 14:15]

Sæll Vilhjálmur

Það er oft skondið þegar fólk talar umm rétt folks að verja sig en ekki hver sem er má það, Ísarel er ríkji að mér skylst með flest öll trúarbrögð ynanborðs svo það er ekki bara giðingar sem þeir eru að verja burt séð frá hernámi þeirra,Össur og co eru ekki það fólk sem er treistandi fyrir einu né neinu sem varðar frelsi til verka nema til að sundra það er þeirra aðalsmerki,Ég er á móti öllu ofbeldi sama hver á í hlut Sameinuþjóðirnar eiga að mínu mati að vera nokkurnvegin Lögregla heimsins leiðtogar heimsins gera ekkert nema að stofna til ófriðar milli hvers annars,Eins og með þetta isis morðingja þá á að þurka þá af yfirborði heimsins og gefa skír skilaborð til þeirra sem vilja vera eins og þeir haga sér að það verði ekki leift veit ég vel að markt saklaust fólk mun farast í slíkri framkvæmd en fleirri falla þegar þessum ósóma er leift að grassera hvar sem er það er mín skoðun á þeim ósköpum sem dinur um heim allan.(Össur er bara kjáni sem ekki skilur frelsi)

[Vilhjálmur Örn Vilhjálmsson, 21.9.2014 kl. 10:00]

Eins og beint úr mínum munni, Jón.