"Helvítis gyðingur"

Ég var fyrstur manna til að stinga upp a mosku á Íslandi og styð byggingu hennar heils hugar. Ég tel enga trú  vera verri en einhverja aðra. Það er aðeins fólkið sem er mismunandi. Þess vegna sjáum við öfgaíslam blómstra í blóðbaði, og menn hafa einnig í gegnum aldirnar sýnt það ljótasta í sér gegnum kristnina.

Það syrgði mig hins vegar að sjá og heyra, að imam safnaðarins sem fékk gefna lóð undir mosku hafi hrópað að íslendingum sem voru með við sömu "iðju" og hann sjálfur í Laugardalnum í gær. Þar mótmæltu fáeinir íslenskir stuðningsmenn Palestínu því að kvennalandslið frá Ísrael leyfði sér að leika á Íslandi. Nokkrir vinir Ísraelsríkis, voru einnig komnir á staðinn með andmótmæli. Þeir sem mótmæltu fyrir Palestínumenn töldu sig hafa ákveðið svæði, sem þeir töldu stuðningsmenn Ísraels hafa ráðist inn á. Þetta leiddi meðal annars til ljótra hrópa og kalla meðal stuðningsmanna Palestínumanna. Ekki kom til steinskasts.  Imaminn, Salman Tamimi, kallaði alíslenskan og þrautkristinn aðdáanda Ísraelsríkis "helvítis gyðing". 

Nú held ég að flestir stuðningsmenn Ísraels á Íslandi séu frekar upp með sér heldur en hitt, þegar einhverjir kalla þá gyðinga. En þegar "helvíti" er sett í samhengið, er allt annað mál. Þessi hegðun Tamimis þykir mér ekki sæma trúarleiðtoga múslíma á Íslandi. Slík köll og hróp sýna að andlegur leiðtogi múslíma á Íslandi óski gyðingum helvíti og að hann sé hugsanlega ekki í andlegu jafnvægi. Þó hann sé Palestínumaður, þá er það ekki hlutverk hans að brjóta íslensk hegningarlög í hlutverki andlegs leiðtoga múslíma. Íslensk hegningarlögin gilda í Laugardalnum en ekki sharía lög.  Íþróttamannleg var þessi gusa Tamimis ekki og hefði mönnum verið vísað af velli og settir í leikbann fyrir minni sakir. Salmann verður að vara sig.

Þrátt fyrir ágætan stuðning varðliða Ísraels á Íslandi unnu íslensku stelpurnar þær ísraelsku með glæsibrag. Ætli kuldinn hafi ekki verið að drepa dætur Ísraels. Ég sé að á myndinni eru ýmsir smettisskrudduvinir þessa heiðingja. "Helvíti" voruð þið góð. Elskið Friðinn, Shalom!

Varðliðar Ísraels á Íslandi. Ljósmynd. Eva Björk.

Athugasemdir

[Jón Valur Jensson, 15.9.2014 kl. 14:10]

Það er alls ekki sammála þér um það, að engin trú sé verri en einhver önnur. Ég veit ekki hvað hefur komið yfir þig, maður! Telurðu trúna á Baal, sem sumir Ísraelsmenn freistuðust af og fórnuðu til sonum sínum og dætrum (já, í blóðugum mannfórnum), hafa verið jafngóða og trúna á Ísraels Guð?! Eða telurðu hof-vændi nágrannaþjóða Ísraelsmanna að fornu hafa verið ásættanlegt?!!! Og hvað um blóðfórnir Azteka, 25.000 manns á ári, tengdar mannáti?

Vertu ekki með svona vitlausar yfirlýsingar, Vilhjálmur minn, þær fara þér ekki vel. Og betra er að trúa á almáttugan, algóðan Guð heldur en stokka og steina!

[Jón Valur Jensson, 15.9.2014 kl. 14:15]

En orðbragð Salmanns þessa Tamimi er sannarlega forkastanlegt eins og fleira frá honum. Á hann svo að halda áfram að taka þátt í samstarfsvettvangi trúfélaga, eins og ekkert sé? Hann hefur fordóma bæði gegn kristindómi og Gyðingum, þá vitum við það. Eiga svo Reykvíkingar að gefa honum og hans söfnuði eina dýrustu lóð landsins?!

[FORNLEIFUR, 15.9.2014 kl. 14:26]

Spurðu borgarstjórann Jón, hann er sumum mönnum á við Guð föður.  Guð er í öllum að mínu mati.

[Jón Valur Jensson, 15.9.2014 kl. 15:01]

Guð er í öllum samkvæmt kristinni trú, en það gerir ekki öll trúarbrögð jöfn né alla menn jafngóða.

[FORNLEIFUR, 15.9.2014 kl. 15:40]

Guð er i öllum, en menn geta ekki orðið að Guði eða Guðs syni (í Gyðingdómi). Guð getur ekki verið faðir einhvers, en það gerir ekkert Kristna verri en gyðinga

[salmann tamimi (IP-tala skráð) 15.9.2014 kl. 17:19]

Vilhjálmur örn. ég held að þú þekkir þessa maður sem kallast Valdimar Jóhannesson. Þú veist að hann er lygari á hæsta gráðu. Ég hef aldrei í mina lifið hanfa kalla nokkur mann "Helvitis Gyðingur " eða annan trúabragð. Sannleikan er sá og lögreglan var til staðar. Hann kom til okkar og vildi taka í handinin á mér og ég neitaði og sagði að ég tek ekki í hand á svona manni einsog hann sem berja kona sin. Hann sagði það er rangt hjá mér ég svaraði að þetta var á öllum blöðum á sin tima. Hann svaraði að ég kunni ekki islensku. Þetta er allt og sumt. En hann notar hvert tækifæri til þess að sverta okkar og neitar að birta það sem ég svara. Þetta lið Hann og Jón Valur er versta dæmi um kynþátthatarar og ég fyrirlit. Ég virða þig vegna þess að þú kemur fram og þina málum þótt við erm ósmmála öllu í samband við zionista ríkið. En gyðingdom og öllu trúabrógð virða ég, og það er krafa á okkur múslima að gera það. Ekki taka mark á svons rasistar að því þeir eru versta óvinir gyðingana. Guð blessið þig og þinum

[ThinkTanker (IP-tala skráð) 15.9.2014 kl. 17:20]

Ég sendi bara þessa slóð -> http://theunboundedspirit.com/the-negative-effects-of-religion-on-society/

Sagan þar á bakvið er ekki einstök eins og aðrar sögur sem vilja upp á yfirborðið í okkar þjóðfélagi.

En hvers er eins ákvörðun og hvort þú sért verður er nátttúrulega ákvörðun hvers?

Ég tek allavega ekki þátt í þeirri ákvörðun, hvorki fyrir mig né annara!

K. Think.

[Vilhjálmur Örn Vilhjálmsson, 15.9.2014 kl. 18:44]

Salmann, ég hafði þann varann á að skrifa "helvítis gyðingur" í gæsalöppum. Ef þú hefur ekki sagt það, bið ég þig afsökunar. Ég átti erfitt með að trúa þessu. Valdimar þekki ég ekki né forsögu hans, en hann og ég erum bloggvinir, þótt ég sé ekki sammála honum um allt.Annars þekki ég hann ekkert.

Ég er sammála þér að fólk sem eru múslímahatarar eða gyðingahatarar  eru oft hreinræktaðir rasistar, og mér líkar ekki að það fólk taki Ísrael og gyðinga í gíslingu til fá sínum eiginlegu áhugamálum, hatri í garð múslíma, brautargengi.  Á sama hátt líkar mér ekki þegar fólk á Vesturlöndum heldur uppi vörnum fyrir sama hvað er sem þrífst í nafni Íslams, bara vegna þess að hatur þess á eigin menningu fer á einhvern furðulega hátt saman við öfgaíslamista, sem vilja eyða Vestrænni menningu og Ísraelsríki í leiðinni.

Ég bið þig enn og aftur afsökunar, en þið Valdimar verðið að útkljá ykkar deilumál og vonandi getið þið tekist í hendur.  Ef Valdimar viðurkennir að hann hafi farið með rangt mál, skal ég strax greina frá því hér.

[Jón Valur Jensson, 15.9.2014 kl. 18:58]

Kristin guðfræði er ekki þín sterkasta hlið, dr. Vilhjálmur.

Maðurinn Jesús frá Nazaret varð ekki að Guði eða Guðs syni, heldur var Jesús Kristur allt frá getnaði sínum bæði Guð og maður -- hinn eilífi Guðs Sonur jafnframt því að taka á sig mannlegt hold. "Áður en Abraham var, er ég," sagði hann sjálfur (til dæmis um mörg önnur ummæli hans og víðar í NT). Og hann sagði (athyglisvert:) ekki "var ég", heldur "ER ég" og vísar þar til hins eilífa Guðseðlis, sem er sístæð verund (being, lat. ens), sbr. opinberunina til Móse á fjallinu, þar sem Guð birtir honum nafn sitt þannig: "Ég er sá, sem ég er" eða "Ég er sá, sem ER" (þ.e. hin eina algilda verund).

Salmann hefur komið á framfæri meintri leiðréttingu, látum hann þá njóta sannmælis að því leyti, en seint mun það gerast, að þeir Valdimar takist vinalega í hendur! 

PS. Vitaskuld átti 1. orð í 1. aths. minni hér að byrja á "Ég", ekki "Það". 

[FORNLEIFUR, 15.9.2014 kl. 19:38]

Nei, rétt er það Jón, ég er ekki guðfræðingur. En eitt veit ég: Gyðingar verða ekki að guðum í lifanda lífi, nema ef þeir séu sammála þeim sem hata gyðingdóm og grundvallarréttindi gyðinga sem trúarhóps og þjóðar. Við sjáum þetta enn í dag. "Bestu gyðingarnir" í augum annarra er fólk sem ég leyfi mér að kalla sjálfhatara. Þeir afneita trú sinni og gera gys að henni, í trúarlegu samhengi og veraldlegu, og í verkum sínum eyða þeir menningu og grundvelli gyðingdóms. Ef gyðingurinn Jesús hefur verið Guð frá byrjun, þá hefur hann vart verið gyðingur. Það er ekki mögulegt samkvæmt Gyðingdómi. Þar er Herrann Guð, ekki faðir og á engan son, heldur þjóð. Jesús, tel ég, tilheyrði þeirri þjóð, og var ekki guð, heldur Spámaður, sem önnur trúarbrögð voru byggð á. Sannleikur Jesús er á margan hátt gyðinglegur, en hann bætti við kryddi sem menn kölluðu ást og kærleika (sem voru fyrirbæri sem alls ekki voru framandi gyðingum). En vandi Kristindóms er sá, að þessi kærleikur hefur aðeins verið sýndur við hentugleika og ástin þegar vel lék á.  Lengra fer ég ekki é dag, svo þú bannfærir mig ekki og kallir mig guðlastara.

[ThinkTanker (IP-tala skráð) 15.9.2014 kl. 20:54]

Rétt ein og í sænsku stjórnmálunum, frysta út sannleikan og ekki minnast á það sem aðrir en þeir sem eru í "hringnum" segja.

Ekki skrítið að veröldin okkar er forrituð til að tapa.

-kerfisforrituninn

[Hörður Þórðarson, 15.9.2014 kl. 21:25]

"Ég var fyrstur manna til að stinga upp a mosku á Íslandi og styð byggingu hennar heils hugar."

Ég líka.

[Sigurður Þór Guðjónsson, 16.9.2014 kl. 00:43]

Enginn er ég gvöðfræðingur fremur en Vilhjálmur en eitt veit ég þó með vissu:  Engin trú er  annarri verri nema þá hin eina sáluhjálparlega trú!

[Jón Valur Jensson, 16.9.2014 kl. 04:31]

Ég anza nú þessu ekki frá honum Sigurði málvini mínum.

En doktor, þú ritar: "Ef gyðingurinn Jesús hefur verið Guð frá byrjun, þá hefur hann vart verið gyðingur. Það er ekki mögulegt samkvæmt Gyðingdómi." -- SVAR: Holdtekningin (incarnatio) merkir einmitt, að Guðssonurinn eilífi (sbr. Jóhannesarguðspjall, 1.1 o.áfr.) tók á sig mannlegt hold, fæddur af mey af kyni Gyðinga. Þetta er vel mögulegt samkvæmt trú Ísraels frá öndverðu, en e.t.v. ekki að trú rabbína vestur í New York eða í Jerúsalem nútímans. Það má vel leiða sannfærandi Gamlatestamentis-rök fyrir þessu, eins og gert var strax í frumkristni og sagt er m.a. frá í Postulasögunni.

[FORNLEIFUR, 16.9.2014 kl. 05:31]

Hvaða rök í Gemara? Ekki hef ég lesið þau eða rekist á, Jón Valur, enda orðið langt síðan. Það er margt hankípankíið í GT en ekkert á við NT, enda annað fólk (afsakaður Guð) að skrifa. Grikkir hafa alltaf verið fyrir skraut og furðusögur, sjáið bara hann Árna Kanelás í Eyjum.

[FORNLEIFUR, 16.9.2014 kl. 05:45]

Engin "aðvörun" kom um Jesús í Talmud, og engin um t.d. helförina eða "Palestínumenn" og Tamimi. Þessi færsla var um meintan fúkyrðaflaum Salmanns Tamimis og mig langar ekki, Jón Valur, að blanda því efni við staðhæfingar þínar um að sum trúarbrögð séu betri en önnur. Það heldur þú. Ég er líka fullviss um að félagar ISIL séu fullvissir um að þeirra skilningur á Íslam sé sannur og að engin trúarbrögð séu fremri en þau sem veiti þeim svona fína heimild til að drepa og pína. Ég leyfi mér aðeins í lítillæti mínu að benda á að Kristni og Íslam eru bæði "kópípródúkt" og væntanlega er margt í GT sem er  copy/paste úr öðrum eldri trúarbrögðum sem við höfum ekki á bókfelli.

[Axel Jóhann Hallgrímsson, 16.9.2014 kl. 06:38]

Ég er sammála síðuhöfundi um jafnræði trúarbragða. Trú getur í sjálfu sér ekki verið slæm nema hún sé notuð til að skaða fólk og önnur trúarbrögð.

Það er ekki laust við, svo vægt sé til orða tekið, að í hroka sínum noti JVJ sína trú einmitt í þeim tilgangi.

Svo afsaka ég þessa innrás mína! 

[Vilhjálmur Örn Vilhjálmsson, 16.9.2014 kl. 08:34]

Ekkert að afsaka Axel. Jú, Jón Valur gerir sig "sekan" um trúarhroka, en hann fer ekki um með báli og brandi og skilur höfuð frá bol, þegar menn eru ekki sammála honum. Ég ber virðingu fyrir trúarhita hans. Það er ágætur hiti, ef ekki sýður upp úr.

[Vilhjálmur Örn Vilhjálmsson, 16.9.2014 kl. 08:44]

Bið ég menn að halda sig við efnið.

[Jón Valur Jensson, 16.9.2014 kl. 11:40]

Ég þarf ekki að svara skrýtnum athugasemdum þínum kl. 5:31 og 5.45, doktor, og anza ekki órökstuddri gerviröksemd um "hroka".

Ekkert, sem hér hefur verið skrifað, hefur enn svarað né jafnvel reynt að takast á við rök mín í 1. innlegginu á þessari vefslóð.

[Vilhjálmur Örn Vilhjálmsson, 16.9.2014 kl. 12:16]

Athugasemdir

Það er alls ekki sammála þér um það, að engin trú sé verri en einhver önnur. Ég veit ekki hvað hefur komið yfir þig, maður! Telurðu trúna á Baal, sem sumir Ísraelsmenn freistuðust af og fórnuðu til sonum sínum og dætrum (já, í blóðugum mannfórnum), hafa verið jafngóða og trúna á Ísraels Guð?! Eða telurðu hof-vændi nágrannaþjóða Ísraelsmanna að fornu hafa verið ásættanlegt?!!! Og hvað um blóðfórnir Azteka, 25.000 manns á ári, tengdar mannáti?

Vertu ekki með svona vitlausar yfirlýsingar, Vilhjálmur minn, þær fara þér ekki vel. Og betra er að trúa á almáttugan, algóðan Guð heldur en stokka og steina!

Jón Valur Jensson, 15.9.2014 kl. 14:10

[Jón Valur Jensson, 16.9.2014 kl. 13:05]

Já, ég get endurtekið allt þetta innlegg, en 1. setningin átti að vera: Ég er alls ekki sammála þér um það, að engin trú sé verri en einhver önnur.

[Vilhjálmur Örn Vilhjálmsson, 16.9.2014 kl. 14:23]

Það er ekki málvillan, heldur þessir fordómar þínir Jón Valur, sem ég kann ekki við.

[Jón Valur Jensson, 16.9.2014 kl. 20:09]

Já, eru það FORDÓMAR að telja þau trúarbrögð af versta tagi, þar sem fram fóru um 25.000 blóðugar, grafískar og kvalafullar, rítúalískar mannfórnir árlega (hjá Aztekum í Mið-Ameríku)? Þá vil ég fremur kallast fordómafullur heldur en ekki! Ég veit ekki hver þinn standard er, en ef minn má ekki vera þessi, þá fordæmi ég þetta aðkast þitt út af orðum einum. Það sveið þó undan mannfórnunum, máttu vita.

Og ég hef áður sagt, að Múhameðstrúin hafi siðbætt sum lönd með því að afnema þar útburð meybarna -- þó ekki þau, sem þegar höfðu tekið við kristni, því að það var hvarvettna eitt fyrsta verk kristindómsins (við allt Miðjarðarhaf og einnig hér á Íslandi) að afnema útburð barna.

Það eru ekki öll trúarbrögð jöfn, enda afar ólík innbyrðis.

Og þú, vinur Gyðingaþjóðarinnar, átt að kunna að meta það, að ólíkt nágrannaþjóðum Ísraels að fornu lagði Gamla testamentið algert bann við trúarlegum mannfórnum.

En endilega haltu áfram að skrifa um hroka minn og fordóma, ég á víst ekki betra inni hjá þér.

PS. Þetta í 1. innlegginu var ekki málvilla, Vilhjálmur, heldur yfirsjón -- ætlaði að hafa setninguna öðruvísi upphaflega, breytti henni, en gleymdi að laga eitt orð í flýti mínum.

[Elfar Aðalsteinn Ingvarsson (IP-tala skráð) 17.9.2014 kl. 00:15]

Ég vann reyndar í nokkur ár með honum Salmani og þetta hljómar ekki eins og það sem hann mundi segja. En það að fylgjast með hundruðum landa sinna sallaða niður á síðustu vikum gæti hafa breytt honum eithvað, kannski skiljanlega.

[Elfar Aðalsteinn Ingvarsson (IP-tala skráð) 17.9.2014 kl. 00:31]

Jón, þetta eru kannski ekki bestu trúarbrögðin til að taka

sem dæmi. Þau eru nú útdauð til að byrja með.

.

En lítandi á listan yfir tíu algengustu trúarbrögðin í dag þá sýnist mér að þau nokkuð jöfn af verðleikum, þ.e. ég hefði engar áhyggjur ef iðkandi eins þeirra mundi flytja í íbúðina hliðina á mér.

[Jón Valur Jensson, 17.9.2014 kl. 01:47]

Þú hlýtur að viðurkenna, Elfar, að það engin skynsemi í því að alhæfa fyrir fram um öll trúarbrögð. Það gera samt sumir sem þekkja hvorki haus né sporð á miklum meirihluta allra trúarbragða!

Þetta á víst að heita svo "umburðarlynt" hjá þeim, "víðsýnt" og ég veit ekki hvað! Heyr á endemi! -- veraldarhyggjan enn á sínum afvegum.

[Gísli Gíslason, 22.9.2014 kl. 12:19]

Vinur minn sem var nýkominn af Vogi, sagði að trúin væri eins og brennivín. Hún væri góður gleðigjafi og hjartastyrkjandi í passlegu magni þ.e. þegar hún er ferðafélagi mans en hún getur orðið vondur fararstóri, rétt eins og brennivínið.

Held bara að það sé margt til í þessu og þetta eigi við um flest öll trúarbrögð.

[Jón Valur Jensson, 22.9.2014 kl. 14:10]

Trúin og andi kærleika Krists var fararstjóri Páls postula.

Trúin og eftirfylgd við Krist var leiðsögn Franz frá Assisi.

Ekkert verður alhæft (sízt út frá óviðeigandi samlíkingu við vín) um skaðsamleg áhrif mikillar trúar. Hitt skiptir meira máli: hver trúin sé og hvort hún sé sannleiknunum samkvæm og heilnæm manni og samfélagi. Ennfremur á trúin að vera með allri skynsemd og dómgreind, eins og postulinn segi.

[Jón Valur Jensson, 22.9.2014 kl. 14:11]

... hvort hún sé sannleikanum samkvæm ...