Wer im Glashaus sitzt, sollte nicht mit Steinen werfen

Ummæli illa upplýsts fréttamanns á RÚV, (og eru hann einn margra slíkra), hafa dregið dilk á eftir sér. Svo virðist sem í austurríska handknattleikssambandinu, Österreichischer Handball Bund, séu menn jafn sögulausir og starfslið RÚV, því sambandið "ætlar að leita réttar síns" út af ummælum íslenska fréttamannsins sem lýsti  íslenska landsliðinu sem "þýskum nasistum sem slátruðu Austurríkismönnunm árið 1939".

Fáum hlutina á hreint: Þó svo að menn séu fádæma illa að sér á Fréttastofu RÚV, visir.is sem og á sænskum og þýskum fjölmiðlum, þá réðust Þjóðverjar ekki á Austurríki árið 1939 og Austurríkismönnum var aldrei slátrað. Þeir tóku hins vegar þátt í slátruninni. Innlimum Austurríkis í Þýska Ríkið átti sér stað í mars 1938 og hét sú innlimun Anschluss, sem Austurríkismenn tóku að mestu leyti með stillingu. Síðar kusu Austurríkismenn að tilheyra Þýskalandi í frjálsum kosningum, og allir vita líka að Adolf Hitler kanslari Þýskalands var Austurríkismaður.

Íslenska landsliðið slátraði ekki einu sinni Austurríkismönnum, eins og þýski herinn slátraði gyðingum og í þeim her voru Austurríkismenn, og foringi þeirra var Austurríkismaður. Ekki veit ég hve margir handknattleiksmannanna úr liðunum á myndinni efst, sem hittust á Makkabí-leikunum, heimsleikum gyðinga, í Berlín haustið 1936, fórust í helförinni. En ef til vill voru slátrarar þeirra í þeim liðum frá Þýskalandi, Danmörku, Austurríki og Svíþjóð sem kepptu í handbolta í febrúar árið 1938 í Þýskalandi?

Nasistabolti árið 1938. Þýskaland vann mótið og innlimaði mánuði síðar Austurríki.

 

Anschluss varð til þess að gyðingar í Austurríki misstu öll sín réttindi, og síðar var þeim sem ekki tókst að koma sér í burtu ekið í fanga- og útrýmingarbúðir. Vonandi veit Austurríska Handknattleikssambandið þetta. Stundum er ég í vafa um, hvort nokkur viti þetta á fréttastofu RÚV, því þar er enn slíkur óheyrilegur áróður í garð Gyðinga og þjóðríkis þeirra, sem m.a. varð til vegna árásar Þjóðverja á Austurríki og meðreiðar Austríkismanna í helförinni. Halda mætti að annar hver í ungliðadeild fréttastofu RÚV væri öfgafullur gyðingahatari.

Austurríska handknattleikssambandið getur vart leitað réttar síns yfir fávisku Íslendings hjá ríkisfjölmiðli, en ef menn þar á bæ eru jafn illa af sér í morðsögu nasismans, þá ættu þeir að minnast þeirra gyðinga sem bannað var að stunda íþróttir eftir Anschluss í mars 1938 og sem síðar voru sendir í dauðann af Þjóðverjum og meðhjálpurum þeirra, Austurríkismönnum, sem tóku svo um munar þátt í helförinni! Það verður ekki af þeim skafið.

Nú þegar Björn Bragi Arnarsson, sem hlýtur að hafa verið fallisti eða tossi í sögu, ef hún hefur þá yfirleitt verið kennd í þeim skólum sem hann sótti, er búinn að biðjast afsökunar, væri kannski við hæfi að Österreichischer Handball Bund bæðist einnig afsökunar á vankunnáttu sinna manna á sögu landsins.

Og hvenær baðst svo austurríska handboltasambandi afsökunar á þessu framferði í Vín í maí 1937 ? Þetta vara greinilega mikil nasistaíþrótt sem laðaði að sér öfgar - og gerir því miður enn. Þetta gerist einnig í öðrum íþróttagreiningum. Sjá hér og neðst, þegar króatískur leikmaður heilsaði að hætti fasista eftir leik við ... Íslendinga.

Athugasemdir

[Wilhelm Emilsson, 20.1.2014 kl. 17:43]

Björn Bragi Arnarsson sagði „1938," ekki „1939". Þetta má sjá hér http://www.dv.is/sport/2014/1/19/utiloka-ekki-ad-fara-i-mal-vegna-ummaela-bjorns-braga/

Myndskeiðið staðfestir þetta.

[Vilhjálmur Örn Vilhjálmsson, 20.1.2014 kl. 18:26]

Nokkrir fjölmiðlar sögðu 1939, svo söguþekkingin er líka í lamasessi víðar en á RÚV, og það hefur mann svo sem grunað lengi.

[Vilhjálmur Örn Vilhjálmsson, 20.1.2014 kl. 18:29]

Sbr:

http://www.visir.is/likti-landslidinu-vid-nasista/article/2014140118864

og 

http://www.dv.is/sport/2014/1/19/utiloka-ekki-ad-fara-i-mal-vegna-ummaela-bjorns-braga/

og víðar

[Pétur D. (IP-tala skráð) 20.1.2014 kl. 22:04]

Vilhjálmur, þú skrifar:

"...þá réðust Þjóðverjar ekki á Austurríki árið 1939..."

og síðar:

"...sem m.a. varð til vegna árásar Þjóðverja á Austurríki..."

Ertu ekki í mótsögn við sjálfan þig?

[Wilhelm Emilsson, 20.1.2014 kl. 23:21]

Vilhjálmur, í dæminu úr Vísi stendur "1939". Þar er rangt farið með það sem Björn Bragi sagði. Í dæminu sem þú tekur úr DV stendur greinilega "1938--en ekki "1939," eins og þú segir. 

Ég var bara að benda á að tilvitnun þín Björn Braga er röng. Hann sagði "1938" en ekki "1939". 

Er ekki betra að hafa það sem sannara reynist?

[Vilhjálmur Örn Vilhjálmsson, 21.1.2014 kl. 00:26]

Wilhelm, DV. er búið að leiðrétta villuna!

Sjáðu líka:  http://www.bt.se/sport/%284116507%29.gm

http://sverigesradio.se/sida/gruppsida.aspx?programid=179&grupp=8919&artikel=5761726

Engir hafa það sannara en Svíar, sem étið hafa upp eftir vitlausum Íslendingum, smámunasami Willi. Tilvitnun mín er ekki röng. Íslenskir fjölmiðlar höfðu þetta efir manninum.

 

[Vilhjálmur Örn Vilhjálmsson, 21.1.2014 kl. 00:33]

Willibrandur, meira hér:

 http://www.svd.se/sport/handbolls-em-skakas-av-nazireferens_8912736.svd

Ætli Svíar lesi DV eða Vísi? 

[Vilhjálmur Örn Vilhjálmsson, 21.1.2014 kl. 01:09]

Við verðum að vona að Þjóðverjar íhugi ekki mál gegn Visir.is og sænskum fjölmiðlum! Þeir gætu notað Wilhelm Emilsson sem vitni.

Í raun ættum við Íslendingar að íhuga mál gegnr RúV og Birni Braga, því hann líkti okkur við þýska nasista. 

[Wilhelm Emilsson, 21.1.2014 kl. 03:54]

Voðalegur skætingur er þetta í þér, Vilhjálmur. Ég benti þér á hvað Björn Bragi sagði. Í blokki þínu segir þú að hann hafi talað um “1939”. Það er ekki rétt. Hann sagði “1938.” Af hverju áttu svona erfitt með að viðurkenna það?

Máli mínu til stuðnings vísaði ég í DV frétt:

http://www.dv.is/sport/2014/1/19/utiloka-ekki-ad-fara-i-mal-vegna-ummaela-bjorns-braga/

Svo vitnar þú í sömu frétt eftir að ég hef bent á hana. Þar stendur greinilega “1938”--en þú notar fréttina til að styðja fullyrðingu þína að „nokkrir fjölmiðlar sögðu 1939”.

Þegar ég bendi á mistök þín, heldur þú því fram að DV sé „búið að leiðrétta villuna!” Ef það var villa í frétt DV, þá var búið að leiðrétta hana áður en þú tókst hana sem dæmi um að fjölmiðlar skrifuðu að Björn Bragi hefði sagt „1939”.

[Jón Valur Jensson, 21.1.2014 kl. 07:20]

Góður ertu, dr. Vilhjálmur, í þessari grein þinni eins og mörgum.

Og umræðan á ekki að snúast um smáatriði (misheyrt ártalið).

Hér á ég nýbirtan pistil: Hrikaleg var uppgjöf austurrísku biskupanna 1938.

[Wilhelm Emilsson, 21.1.2014 kl. 07:29]

Ertu að gagnrýna Vilhjálm hér, Jón Valur, eða mig? Eða okkur báða?

Vilhjálmur gagnrýnir fjölmiðla fyrir að þekkja ekki ártöl. Hann skrifar: „Þó svo að menn séu fádæma illa að sér á Fréttastofu RÚV, visir.is og sænskum og þýskum fjölmiðlum, þá réðust Þjóðverjar ekki á Austurríki árið 1939 og Austurríkismönnum var aldrei slátrað."

[Jón Valur Jensson, 21.1.2014 kl. 08:00]

Gott og vel, já, en ég lít þó ekki á þetta skot á Fréttastofu Rúv sem kjarna málsins hér. Og ég var svo sem ekkert að gagnrýna þig fremur en Vilhjálm.

En það er samt vitaskuld rétt hjá doktornum, að Þjóðverjar réðust ekki á Austurríki árið 1939 og að Austurríkismönnum var ekki slátrað, heldur látnir taka þátt í slátrun á Gyðingum og berjast með nazistum gegn bandamönnum.

[Vilhjálmur Örn Vilhjálmsson, 21.1.2014 kl. 08:10]

Sæll Jón Valur, þakka þér fyrir pistilinn. Það voru margir sem brugðust, en einnig margir sem stóðu sem björg!

[Vilhjálmur Örn Vilhjálmsson, 21.1.2014 kl. 08:16]

Willie, þetta fjallar ekki um ártöl heldur um algjört siðleysi þjóðar (Íslendinga), sem ekki hefur skilning á hörmungum stríðs, og annarrar þjóðar sem á svo erfitt með fortíð sína, að hún er tilbúinn að hliðra til sannleikanum, þegar uppistandskómíker á Íslandi sýnir vanþekkingu sína.

[Wilhelm Emilsson, 21.1.2014 kl. 08:36]

Ég tel átta ártöl í bloggfærslunni :)

[Vilhjálmur Örn Vilhjálmsson, 21.1.2014 kl. 08:45]

Hjá mér eru þau öll rétt, en þú ert góður í sparðatíningi. Skrifaðu nú endilega til Svíþjóðar og Danmerkur og leiðréttu 1939 villuna hjá þeim. Gefðu þeim C.

[Wilhelm Emilsson, 21.1.2014 kl. 09:09]

Að kasta steinum úr glerhúsi

Þú sakar aðra um að vera „fádæma illa að sér" en vilt ekki breyta augljósri villu sem slæðist inn í bloggfærsluna hjá þér, blokkfærslu sem ber titil sem í íslenskri þýðingu er auðvitað að sé sem er í glerhúsi ætti ekki að kasta steinum. Þetta er svo dásamlega írónísk að þú sem fræðimaður hlýtur að sjá hve þetta er fyndið.

En hafðu þetta endilega eins og þú vilt, Vilhjálmur.

Ég kom með athugasemdina í góðir trú, en þú brást við með stælum. Menn uppskera eins og þeir sá.

[Salmann Tamimi (IP-tala skráð) 21.1.2014 kl. 09:58]

Björn Bragi Arnarsson átt að lýsa íslenska landsliðinu sem "gyðingum zionistum  sem slátruðu Palestinumönnum árið 1948". Það er réttara lýsing

[Vilhjálmur Örn Vilhjálmsson, 21.1.2014 kl. 10:43]

Salmann Tamini, þakka þér fyrir heimsóknina. Það kemur örugglega að því að einhver á fréttastofu RÚV verði að vilja þínum. Það er ekkert nýtt að starfsmenn fréttastofu RÚV hafi stundað lygaáróður fyrir Palestínuaraba.

En það verður að minnsta kosti seint sagt í íþróttafréttum RúV, að íslenska landsliðið sé eins og stórmúftinn í Jerúsalem í heimsókn hjá Hitler eða Alfred Rosenberg til að bjóðast til að aðstoða við helförina.

Sjá: http://fornleifur.blog.is/blog/fornleifur/entry/1340698/

[Vilhjálmur Örn Vilhjálmsson, 21.1.2014 kl. 10:47]

تحيات سلمان

[Vilhjálmur Örn Vilhjálmsson, 21.1.2014 kl. 11:08]

Björn Bragi í South Park? 

https://www.youtube.com/watch?v=koyc_i5ekZU

Wilhelm, taktu efir "Poland 1938". Þetta verður þú að leiðrétta.

[Jón Valur Jensson, 21.1.2014 kl. 11:52]

Gott er svarið hjá þér, dr. Vilhjálmur, til Salmanns þessa Tamimi, sem í öfgum sínum hikar ekki við að líkja landsliði okkar við einhverja zíonista slátrandi Palestínumönnum, en lætur þess raunar ógetið, að 1948 réðust herir fimm arabaríkja á lýðveldið Ísrael sem þá var nýstofnað með atfylgi alþjóðasamfélagsins og þar á meðal litla Íslands.

Og var ekki þessi nazistavinur, stórmúftinn í Jerúsalem, einn þeirra sem Jasser Arafat leit mest upp til i ungdæmi sínu?

[Jón Valur Jensson, 21.1.2014 kl. 11:58]

Salmann Tamimi ætti að virða sína gestgjafaþjóð, ekki nota einhverja beztu syni hennar í alls óviðeigandi samlíkingum, eins og þeir séu eða megi vera tæki fyrir þau meðul hans að vera með pólitískan áróður um alls óskylt málefni.

[Wilhelm Emilsson, 21.1.2014 kl. 20:49]

Hæ, félagar. Jón Valur, ætti Vilhjálmur ekki að "virða sína" eigin þjóð, að þínu mati? Hann skrifar:

"þetta fjallar ekki um ártöl heldur um algjört siðleysi þjóðar (Íslendinga), sem ekki hefur skilning á hörmungum stríðs."

Samkvæmt Vilhjálmi er öll íslenska þjóðin, þar með hann sjálfur, þú, ég og Salmann "algerlega siðlaus". 

En Vilhjálmur má að sjálfsögðu hafa þessa skoðun. Mér finnst gaman að heyra og reyna að skilja skoðanir fólks, þó ég sé ekki alltaf sammála þeim. Málfrelsi getur leitt til óþæginda en það er þess virði :) Ég hef lesið mér margt til gagns og gamans á bloggsíðu Vilhjálms.

[Vilhjálmur Örn Vilhjálmsson, 22.1.2014 kl. 08:54]

Hér masar þú enn Wilhelm og Tamimi sýnir sitt rétta eðli. Lengi lifi málfrelsið!

Þegar kemur að því siðleysi sem ég skrifaði um, vil ég helst að þú látir vera með að tengja mig því. Hugsanlega er ég siðlaus á öðrum sviðum.

[Wilhelm Emilsson, 22.1.2014 kl. 17:20]

Já, lifi málfrelsið :) Það leyfir fólki að sína sitt rétta eðli. Svo getur hver dæmt fyrir sig hvað honum finnst um það sem við segjum.