Horfin frétt finnst aftur

 

Fréttin, sem hvarf á vef RÚV í gær og greint var frá í færslunni hér á undan, er nú komin í leitirnar og birtist aftur á þessari slóð: http://www.ruv.is/frett/thegar-gunnar-hitti-hitler í dag kl. 11.05, en því miður án ljósmyndarinnar af Gunnari Gunnarssyni að koma af fundi með Hitler. Svona leit fréttin út í gær.

En við fréttina endurfundnu hefur nú verið sett þessi athyglisverða athugasemd: Vegna tæknilegra orsaka eyddist þessi frétt út eftir að hún hafði verið birt á vefnum.

Ég er enn sem komið er ekki búinn að fá neina skýringu á því sem nákvæmlega gerðist frá, en ég hafði samband við nokkra yfirmenn RÚV vegna hvarfs fréttarinnar.

Forstöðumaður Gunnarsstofnunar á Skriðuklaustri gefur mér nú vonir um það að þessi áhrifaríka mynd af Gunnari verði bráðlega sett á vef stofnunarinnar.

Athugasemdir

[Hjördís Vilhjálmsdóttir, 17.9.2012 kl. 17:04]

Hvar fékkstu þessa mynd ?

[Einar Steinn Valgarðsson (IP-tala skráð) 17.9.2012 kl. 18:42]

Eru þetta eitthvað nýjar fréttir? Annars þykir mér Jón Yngvi Jóhannesson taka þetta vel fyrir í ævisögu sinni um Gunnar. Þessi fundur er að mér vitandi ekkert leyndarmál.

[Vilhjálmur Örn Vilhjálmsson, 18.9.2012 kl. 07:01]

Sæl Hjördís,

m.a. í tímaritinu Der Norden 1941, sem er vist ekki til nema á betri heimilum á Íslandi. Hægt er líka að kaupa myndina á safni í Bayern, þ.e. eftirtöku eftir myndinni í sömu grein og ég hef sótt hana. En ég hef ekki fyrir sið að borga ekki krónu fyrir myndir nasista hjá þýskum yfirvöldum nútímans. Þeir eiga engan upphafsrétt af glæpum feðranna.

Sæll Einar Steinn,

Vissulega var myndin áður birt t.d. í Þjóðviljanum, Skáldatíma og bók Jóns Yngva, í lélegri upplaust og líklega eftir myndklisjunni í Þjóðviljanum sáluga. Heldur ekki þá, þótti RÚV ástæða til að birta myndina af Gunnari á tröppunum hjá Hitler. 

Ég hef heldur hvergi sagt að ég sé að uppgötva hafragrautinn. Það er hins vegar spurningin um hvernig maður borðar hann eða framreiðir. Jón Yngvi er ekki með þær upplýsingar um tengsl Gunnars við nasista sem ég er með í nýlegum bloggum mínum um málið á www.fornleifur.blog.is. Hann kemst því að þeirri niðurstöðu, að Gunnar hafi alls ekki verið nasisti. Það er mér og mörgum öðrum óskiljanleg niðurstaða. En kannski var Gunnar bara einfaldur?

En ég meina það, heldur þú Einar, að maður sem hélt fyrirlestra fyrir SS, SD/Gestapo og nasískan lýð í 44 borgum Þýskalands og lauk förinni með heimsókn hjá Foringjanum í Berlín hafi verið sunnudagaskólapredíkari úr afdal á Íslandi sem var að reyna að kristna Hitler?

Persónulega tel ég, að Hitler hafi séð íslenskan Quisling í Gunnari, en sem betur fer fengum við Breta í heimsókn áður en það gat gerst. En margir Íslendingar hefðu nú frekar viljað fá stúlkurnar sínar í ástand með Günther og Hellmuth frekar en George og Harry. Það hef ég fyrir satt!

[Ólafur Björn Ólafsson, 18.9.2012 kl. 09:59]

Sæll Vilhjálmur.

Það er gott að fréttin er komun upp aftur. Það er þó svo ð ég er undrandi á því að miðað við allar þær upplýsingar sem fyrir lyggja um Gunnar að ekki sé hægt að sjá hvers kyns er/var með hann.

Það tel ég harla ólíklegt að maðurinn hafi verið með aðrar pólitískar skoðanir fyrst hann hélt alla þessa fyrirlestra, upplestra og hvað skal nú kalla það fyrir þessa SS-liða alla. Svo til að kóróna allt þá gerði hann það sem aðra nasista á Íslandi gat aðeins dreymt um en það var að heimsækja aðal nasistann Hitler.

Enga hef ég trú á að maðurinn hafi reynt að koma vitinu fyrir þessa nasista sem hann hélt fyrirlestrana hjá.

Þetta er þó sagt með þeim fyrirvara þó að ekki komi upplýsingar sem sannanlega reynast á annan veg en minn grunur er.

Með kveðju

Kaldi

[Einar Steinn Valgarðsson (IP-tala skráð) 19.9.2012 kl. 22:01]

Ég er ansi hræddur um að í þessum málum hafi Gunnar verið full einfaldur, já, og haldinn glýju. Ég er alveg sammála því að honum hafi orðið hált á svellinu og vel það, en hef ekki séð gögn sem staðfesta að hann hafi beinlínis verið nasisti. Ég hef t.d. ekki orðið var við neina kynþáttaandúð hjá honum en hann hefur á sínum tíma séð Hitler fyrir annað en Hitler reyndist vera og lokað augunum fyrir mörgu sem vissulega hefði mátt liggja ljóst fyrir á þeim tíma. Það gerðu allt of margir. Ekki ósvipað Laxness & co. tel ég líklegast að Gunnar hafi 'kosið að blekkjast'. Menn eiga það til að trúa því sem þeir vilja trúa, og ég er hræddur um að svo hafi verið raunin með Gunnar.

Hvaða upplýsingar hefurðu undir höndum sem Jón Yngvi og fleiri hafa ekki gert skil?

[Vilhjálmur Örn Vilhjálmsson, 24.9.2012 kl. 15:47]

Samtök þau sem Gunnar var í, Nordische Gesellschaft, ól einnig á svæsnu kynþáttahatri og bauð upp á fyrirlestra um slíkt fyrir félagsmenn sína. Forsetar félagsins voru einir helstu arkitektar gyðingahatursins í Þýskalandi. Er erfitt að skilja þetta? GUNNAR UMGEKKST BÖÐLA NASISTA!

Nærri því allt það sem ég er með hér á blogginu um Gunnar, sem og á blogginu Fornleifi, t.d. fleiri myndir af honum í ham í Þýskalandi árið 1941, er ekki að finna hjá Jóni Yngva, sem er ekkert annað en sagnfræðisnyrtir og heimildaklippir. Hann vill ekki hafa Gunnar sem nasista og hagar því sínum seglum eftir sínumvindum þannig að útkoman verður: Gunnar Gunnarsson var alls ekki nasisti - þó svo að hann hafi verið í sama félagi og Heinrich Himmler, hitt Hitler með böðlinum Hinrich Lohse.

EN ANDSKOTI GETA ÍSLENDINGAR NÚ ORÐIÐ SLÆMIR FYRR EN ÞEIR VERÐA TALDIR TIL GLÆPAGENGJA.

En auðvitað eru Íslendingar betri, saklausari og hreinni en allir aðrir; Ekki er að spyrja að því...

[Einar Steinn Valgarðsson (IP-tala skráð) 24.9.2012 kl. 20:36]

Ég sé enn ekki hvaða gögn þú hefur í höndum sem Jón Yngvi hefur ekki, sé einfaldlega að þú dregur aðra ályktun en hann. Jón Yngvi hefur hvergi borið blak af Nordische Gesellschaft eða forystumönnum þess eftir að það lenti undir nasistum en það var stofnað 1921, löngu áður en nasistar komust til valda.

En getur þú bent mér á einhver dæmi kynþáttaandúðar hjá Gunnari, Vilhjálmur?