Er Ekvador draumaland nauðgarans?

 

Aumingja karlrassinn hann Julianus, sem um skeið dvaldi í Mosfellsbæ og duflaði við marga í hópi íslenskra blaðamanna. Drengurinn sá þarf nú að flýja allt suður til Miðbaugs, til Ekvadors, þar sem hið fornkveðna er enn við lýði: Sus enemigos son mis enemigos. Miss Enemiga býr auðvitað í Svíþjóð, sem er, eins og kunnugt er, mjög svo aftarlega á merinni, réttarfarslega og í mannréttindamálum. Svíar eru heimsþekktir fyrir spillingu og sem skósveinar vondu mannanna í BNA. Allt öðruvísi en Ekvador, sem er sósíalístísk velferðarparadís eins og Ísland.

Réttast hefði verið fyrir fósturmóður eins af blaðasnápunum sem héngu í skottinu á Assanganum um tíma, að bjóða honum í sælureitinn, eins og öðrum heimsmeistara í móðursýki, rugli og vitleysu. Fósturmóðirin, Jóhanna Sigurðardóttir, er hvort eð er alltaf tilbúin í að brjóta lög og ganga á bak orða sinna. Assange getur svo bara fengið vegabréfið hans Bobby Fischers. Hann þarf hvort eð er ekki að nota það frekar en heimsmeistarinn. Báðir eru ofsóttir af vondum mönnum, og Obama líka, og komast hvergi.

Íslenskir femínistar yrðu vafalaust stórfegnir ef Assange yrði boðið til Ísalands. Þá fengju þeir nú líkast til nóg að gera. Bara senda Assangann á Þjóðhátíð í Eyjum, og þá eru komin tíu ný mál.

Athugasemdir

[GB (IP-tala skráð) 21.6.2012 kl. 15:42]

Kærður fyrir að nota ekki verjur. Samantekin ráð 2 kvenna eftir á. Dæmigert cia samsæri til að ná honum í klefa 23 tíma á sólarhring.

Bara hið bezta mál?

[Sigurður Þór Guðjónsson, 21.6.2012 kl. 16:15]

Afhverju er þér svona uppsigað við þennan mann? Það er ekki búið að dæma hann fyrir neitt. Og hvað sem um hann má segja var að gott hjá honum að birta leyniskýrslur um glæpi og vélráð yfirvalda í voldugum ríkjum. Aldrei er of mikið gert af því. Hélt kannski að þú af öllum mönnum mundir skilja það. En alltaf gaman að helvítis háðinu í þér!

[Vilhjálmur Örn Vilhjálmsson, 21.6.2012 kl. 17:13]

Ég skil heldur ekkert í honum að vera að flýja til Ekvadors ef hann er saklaus frelsishetja. Svíar hljóta að sjá hið rétta og hann gæti endað daga sína sem virtur þjóðfélagþegn hjá frændum okkar vel ríkur með ríflegar sænskar skaðabætur fyrir rangar sakagiftir.

Sænskar konur, þeim er einfaldlega ekki treystandi.