Davíð og Golíat

Davíð Oddsson ritstjóri Morgunblaðsins gerir sér sem betur fer grein fyrir því, að Þýskaland er herraþjóðin í ESB, og sendiherra Þýskalands Hermann Joseph Sausen telur sig greinilega vera í farabroddi sendiherra ESB-landa á Íslandi, þegar svarað er gagnrýni á uppivöðsluhátt ESB á Íslandi. Myndin hér er frá því er Sausen brá sér í vinsælt hlutverk sem útsendari ríkis síns í Brasilíu.

Hermann Sausen vinnur fyrir Auswärtiges Amt í Berlín, sem á sér gamla sögu og alls ekki fallega. Í Síðari heimsstyrjöld voru flestir þýskir diplómatar tengdir einhverjum glæp. En ráðuneytið hefur reynt að þvo hendur sínar með "dýrlingi" sínum honum Georg Ferdinand Duckwitz, sem hefur nú verið veginn og léttvægur fundinn í grein minni í tímaritinu RAMBAM 15: 2006 (ensk samantekt aftast).

Fyrir tveimur árum síðan kom út mikilvæg bók í Þýskalandi. Hún ber heitið, DAS AMT, sem lýsir þessu apparati sem Sausen vinnur hjá ágætlega fyrir og eftir Síðari heimsstyrjöld. Fjórir höfundar bókarinnar hafa meira að segja sýnt að helgi Duckwitz, hins eina "góða, þýska diplómats" var svo sem svo. Hann var rotinn karl niður í rætur, nasisti og síðar þýskur imperíalisti og hrappur sem bjargaði fleiri gömlum nasistum en gyðingum, sem hann sagðist hafa bjargað í Danmörku.

Það grátbroslega er, að lítið hefur breyst. Yfirgangsstefna þýskrar diplómatíu er söm við sig. Við sjáum hvernig Þjóðverjar hóta Grikkjum, en það ekki í fyrsta skipti. Þýskir diplómatar og stjórnmálamenn segja Grikki lata. Það eru þeir ekki  Væri það ekki fyrir þann grikk, að þeir létu til leiðast að ganga í ESB og taka upp Evru eins og íslenskir kjánar vilja nú ólmir gera, hefði ekki farið sem fór á Grikklandi. Þegar ég heyri svo Stórþjóðaverja tala niðrandi um Grikki og kalla þá lata, minni ég þá vinsamlegast á þann óskunda sem Þjóðverjar unnu í Grikklandi á 5. áratug síðustu aldar. Hafa Þjóðverjar ekki gert nóg af sér í Grikklandi?

Ef menn hafa tautóníska burði til að lesa bókina Das Amt, mæli ég með því að þeir geri það. Það tekur um 10 vikur með þolinmæði því bókin er um 1000 síður, en í henni geta menn fræðst um stofnun með gamla hefð, sem ekki er endilega nein þýsk hefð. Þýsk utanríkisþjónusta er ekki til fyrir hinn venjulega þjóðverja. Þjóðverjar hafa gert upp við ömurlega sögu sína og yfirgang, en það hefur hin hrokafulla og tvískinnungslega utanríkisþjónusta landsins ekki, en hún er fyrst og fremst til að sjá þýsku Wirtschaft og iðnaði fyrir ódýrasta hráefninu, hvað sem það kostar.

Ef menn lesa bókina Das Amt, skilja þeir af hverju sendisveinar eins og Hermann Sausen eru að ybba kjaft á Íslandi. Nýjar handbækur hans í diplómatíunni kenna honum reyndar betri mannasiði en hann hefur sýnt á Íslandi.

Íslendingum ber ekki að taka við skipunum frá þýskum sendisveini, sem ber að hundskast til síns heima ef honum líkar ekki frjáls umræða á Íslandi, sem er enn frjálst land.

Athugasemdir

[Óskar Sigurðsson, 26.5.2012 kl. 19:44]

Stór merkilegt Vilhjálmur. En hvað er "tautóníska burði? "

[Guðmundur Kjartansson, 26.5.2012 kl. 20:00]

Citadel gagnrýnnar hugsunar á blog.is 

Er það annars ekki sögulegt jartekn að uppreisnin gegn hinni "hugprúðu veröld" muni hefjast í Grikklandi?

Aldous Huxley gerði Íslandi skil í bók sinni um hina hugrökku veröld ... þangað voru andófsmennirnir sendir. 

Verst er að hugsa til þess að þegar andófsmennirnir flýja Sykurnammifjallið til Íslands, þá mætir þeim hópur af bjánum á flugvellinum sem spyrja: "Hádjúlækæsland?" .... og svo að æðsti valdamaður í andófinu er gamall kommúnsti, stjórnleysingi,trúleysingi og öfundapamfíll sem búinn er að leggja niður þingæðið í elsta þingræðisríki veraldar, ......... að Grikklandi einu undanskildu.

Áfram frjálst Grikkland!