Breytt starfssemi Þjóðmenningarhússins

Textann hér fyrir neðan fann ég á heimasíðu Þjóðmenningarhússins, er ég var að leita að beinni útsendingu á landsdómsréttarhöldunum gegn Geir Syndahaarde. Það rann fljótlega upp fyrir mér að sýndarréttarhöld eru ekki sýnd opinberlega á Íslandi frekar en í öðrum ráðstjórnarvelferðarríkjum, Dómurinn, sem pantaður hefur verið, verður vitaskuld einkennilegur. Þjóðmenningarhúsið er notað til að kynna íslenska sögu og menningararf. Greinilegt er að hvorutveggja hefur farið mikið aftur:

Þjóðmenningarhúsið er friðað og tekur notkun hússins mið af friðun þess og sögulegu verðmæti.

Þjóðmenningarhúsið er vettvangur til að kynna íslenska sögu og menningararf.

Aðstaða er fyrir sýningar, fundi, samkomur, fyrirlestra, listviðburði, opinberar athafnir og aðra viðburði svo sem sýndarréttarhöld.

Á neðstu hæð Þjóðmenningarhússins er veitingastofa og verslun.

Í kjallara hússins er gálgi og sýning á píningartólum íslensku búsáhaldabyltingarinnar.

... Æi, ég breytti einu orði eða svo. Vona að það sé í lagi. Sumir stela hundruðum milljarða og sleppa með það. Íslendingar gera sig að fíflum með þessum "réttarhöldum".

Athugasemdir

[Vilhjálmur Eyþórsson, 6.3.2012 kl. 13:49]

Þú hefur oft áður hitt naglann á höfuðið, nafni, og gerir það enn hér. Skömm þeirra sem fyrir þessri uppákomu standa mun lifa meðan land byggist.

[Vilhjálmur Örn Vilhjálmsson, 7.3.2012 kl. 10:31]

Þetta er sorgleg sýning. Þjóð í molum hefur ekki gott af slíkum skrípaleik.