Eru rasistar í dönsku löggunni?

 

Tveir danskir lögreglumenn, á lögreglustöð í grennd við heimili mitt í Danmörku, sýndu ef til vill sitt rétta andlit um daginn. Þeir þurftu af hafa samband við danskan þegn af kúrdísk-tyrkneskum ættum. Ber sá maður nafnið Tunchan Turan og er leigubílsstjóri. Tunchan hafði lánað tengdabróður sínum bílinn sinn. Tengdabróðirin lenti í árekstri og hafði gefið upp símanúmer eigandans við skýrslugerð. Lögreglan hringdi því í Tunchan, sem ekki var heima, og skildu lögreglumennirnir eftir skilaboð á símsvara. Þeir gleymdu hins vegar að leggja símann á að skilaboðunum loknum. Það sem fór þeirra á milli á mínutunum á eftir festist á stálþráð í símsvara Tunchans. Og það var ekki neinn fagurgali.

Töluðu löggurnar um manninn sem “abekat”, (apakött), og “perker”, sem er uppnefni notað um útlendinga, helst þá sem hafa dekkri húðlit en við með bleiku andlitin. Orðið perker hefur verið notað í Danmörku í hartnær 30 ár,  án þess að uppruni orðsins sé þekktur eða skýrður. Þetta er einhvers konar “nigger” orð, sem þykir móðgandi og er notað í því sjónarmiði að móðga og særa fólk sem ekki er danskt og ekki borðar beikon.

Tunchan, sem löggurnar tvær, telja vera “perker” og apakött fór með spóluna sína til fjölmiðlanna og nú hefur yfirmaður tvímenninganna sem heitir Ming, án þess að vera það sem enskumælandi kalla “Gook” (er notað niðrandi um Kínverja og aðra Asíumenn) tekið á málinu. Ming er ekki sérstaklega gefinn fyrir hegðun manna sinna og nú er málið hjá Saksóknara Kaupmannahafnar, sem mun ákveða hvort rasistatal mannanna var viljandi eða án ásetnings. Ef það reynist óviljandi, er ekki hægt að dæma þá eftir grein í dönskum hegningarlögum, sem gefur fangelsisvist fyrir ómerkilegt og niðrandi orðaval um minnihluta- og trúarhópa.

Eins og lögreglan sjálf hefur túlkað þann lagabókstaf í Danmörku síðustu árin, er ljóst að rasistalöggurnar munu aðeins fá smááminningu. Menn hafa hins vegar verið dæmdir í stórar sektir fyrir að hrópa “strømersvin”  [löggusvín] eftir löggum í Danmörku. Það er annað danskt orð, þar sem uppruninn á notkun orðsins er á huldu, því upphafleg merking orðsins strømer er ekki lögga, heldur flækingur.

 

Athugasemdir

[Hjörtur J. Guðmundsson, 4.2.2007 kl. 12:05]

Nú er svona talsmáti vitaskuld engan veginn við hæfi. En maður veltir því þó óneitanlega fyrir sér hvort ekki sé gerður greinarmunur á því í Danmörku hvort slíkt tal sé viðhaft opinberlega eða í einkasamtölum? Það er ansi langt gengið gagnvart tjáningarfrelsinu að mínu mati ef fólk getur ekki lengur rætt saman t.d. úti á götu eða í heimahúsum án þess að það geti átt á hættu að vera kært fyrir eitthvað. En pólitískur rétttrúnaður lætur vissulega ekki að sér hæða.

[Vilhjálmur Örn Vilhjálmsson, 4.2.2007 kl. 15:52]

Ég gæti hugsanlega hafa tekið þetta skrítna danska orð mér í munn og sagt við sjálfan mig, “djöfulsins perker” þegar ég hef hjólað framhjá ungmennum ættuðum fra Miðausturlöndum, sem hefur verið að eyðileggja eitthvað á götu út í Danmörku. Fyrir fáeinum árum gerðist það hér, að slíkir drengir gengu hér um og köstuðu steinum að húsum og nágrannakona, sem kom gangandi með barnavagn fékk þau skilaboð að henni yrði nauðgað ef hún skipti sér frekar af framferði þeirra. Ungmenni fædd undir hálfmánanum eru einnig skv. síðustu fréttum búin að ná yfirhöndinni í stríði gengja, sem berjast um völdin í undirheimum Danmörku. Ef ég husaði á dönsku, gæti ég vel ímyndað mér að orðinu “perker” myndi bregða fyrir í afstöðu minni til slíkra einstaklinga. Ég get leyft mér að segja þá skoðun mín, að þeir eigi ekki heima hér í landi.  

Síðastliðið sumar fór ég inn í bæ til að skoða mótmæli öfgafullra múslíma. Mig grunar að einhver orð, t.d. terroristar, hafi farið í gegnum hugann þá. Bandarískur vinur minn kallar hins vegar Dani, sem hann telur hafa selt húsið ofan af sér til óæskilegra afla, “Pigfuckers”. Ég hef beðið hann að fara varlega með það orð, þó svo ég skilji hvert hann er að fara.

 En þegar tvær löggur á lögreglustöð eru að fárast yfir borgara, og kalla hann apakött og öðrum uppnefnum, er augljóst að þeir hafa ekki lesið kaflann um háttsemi og kurteisi gagnvart borgurum í kennslubókinni á Lögregluakademíunni. En slík hegðun er t.d. ekki það sama og þegar útlenskur læknir sagði eitt sin við íslenska konu, sem hann hafði í meðferð:“Feit kona, borða minn!” Konan varð svo vond út af þessari hreinskilni læknisins, að læknirinn varð að “helvítis útlendingi” i fjölmiðlunum. En hugsanlega hugsa löggurnar tvær, og segja einfaldlega það sama og meirihluti Dana. Ekki ætla ég að útiloka það, enda bara útlendingur í Danmörku.