Hjálparsveit Hamas í Efstaleiti

skaffaði dótið að þessu sinni. Yfir áramótin vantaði ekki að fréttaflutningur frá löndum múslíma væri góður á Íslandi, enda var stjúpsonur forsætisráðherrans á vakt á RÚV í byrjun árs. Er hann mikill áhugamaður um lönd Íslams, og öfga, enda yfirlýstur stuðningsmaður Fatah. Hef ég oft ritað um þennan unga og "efnilega" mann.  Fréttamaðurinn heitir Gunnar Hrafn Jónsson.

Áramótin höfðu vart verið sprengd í Gazahreiðrinu í Efstaleiti og fluskeytum skotið í allar áttir, fyrr en fréttir voru birtar af því að palestínsk kona hefði verið drepin með táragasi á Vesturbakkanum. Það var Gunnar Hrafn Jónsson sem las þessa frétt og setti hana á vef útvarpsins:

Lést vegna táragass

Palestínsk kona lést á sjúkrahúsi í Ramallah í gær eftir að hún andaði að sér táragasi ísrelska  [sic, þessi villa er mjög algeng hjá Gunnari] hersins. Konan var í stórum hópi Palestínumanna sem kom saman til að mótmæla aðskilnaðarmúr Ísraela á Vesturbakkanum.

Hermenn beittu táragasi til að dreifa mannfjöldanum. Að sögn lækna þjáðist konan af astma og átti erfitt með andardrátt eftir að hún andaði gasinu að sér. Hún var flutt á sjúkrahús og lést nokkrum klukkustundum síðar. Bróðir hennar lést fyrir tveimur árum eftir að ísraelskur hermaður skaut hann í bringuna með táragashylki. Talsmaður palestínsku heimastjórnarinnar segir Ísraelsmenn hafa gerst seka um stríðsglæpi með því að ráðast gegn friðsömum mótmælendum.  Sjá hér. Hlustið á Gunnar Hrafn lesa fréttina hér

Vandamálið við þessa frétt er bara sú, að hin 35 ára Jawaher Abu Rahma lést "vegna þess að hún andaði að sér gasi frá ísraelskum hermanni samkvæmt fjölskyldu sinni" en þannig hljóðaði dánarorsökin í yfirlýsingu spítalans sem hún á að hafa veið send á eftir að hún á að hafa orðið fyrir táragasi við Bilin á Vesturbakkanum, þar sem er orðin hefð að mótmæla reglulega. Hún kom á spítalann í Ramallah kl. 3.20 þann 31.12. 2010, en blóðsýni voru tekin af henni kl. 2.45, þ.e. áður en hún kom á spítalann undir áhrifum frá táragasi. Ásigkomulag konunnar, sem samkvæmt fjölskyldu hennar var fílhraust, versnar nú ört í takt við það að sannleikurinn sigrar, því í ljós er komið að þótt að palestínsk yfirvöld haldið því fram að hún hafi aldrei stigið fæti á spítala, þá fékk hún fyrir 10 dögum lyf sem er gefið fólki með hvítblæði. Sögur hafa einnig borist af því að Jawaher Abu Rahma hafi verið stungin til bana af fjölskyldumeðlimi í heiðursuppgjöri vegna þess að hún var þunguð en ekki gift, en þetta hefur ekki fengist staðfest. Öruggar heimildir sýna, að aldrei hefur verið tekin mynd af henni við mótmæli í Bil'in sem fara fram reglulega. Táragasið sem Ísraelsher notar er keypt erlendis frá og engin þekkt dæmi eru til um að menn hafi látist að völdum þess. Táragas Ísraelshers er ekki blandað fosfór eins og bróðir konunnar hefur haldið fram í ísraelskum fjölmiðlum. Þau efni hvarfast ekki vel saman í gashylkjum.

Mynd af Gunnari Hrafni Jónssyni, en þannig sýndi hann sjálfan sig á bloggi, sem hann var með á blog.is þegar ég kærði lygaherferð sem hann var með um jólin 2008. Kæra mín hefur ekki verið afgreidd eða tekin til málefnalegrar meðferðar af yfirmönnum Gunnars á fréttastofunni eða af Útvarpsráði. Neðri myndin er sönn ásjóna Gunnars Hrafns.

Lygar af mótmælum þeim sem hin krabbameinssjúka Abu Rahma á að hafa tekið þátt í eru óvenjumiklar. Því er haldið fram af erlendum einfeldningum og ísraelskum hasshausum, að þær hafi farið friðsamlega fram. Myndir Ísraelshers sýna nú mest annað.

 Hið meinta fórnarlamb lyganna fékk lyf við hvítblæði

Myndir frá mótmælunum, sem sýndar hafa verið í ísraelsku sjónvarpi sýna konu sem hefur orðið fyrir gasi, en það er ekki Jawaher Abu Rahma. Fyrstu fréttir frá Palestínu hermdu, að tveir einstaklingar, kona og maður, hefðu verið send á slysvarðstofu og hafi þeir farið heim stuttu síðar. En nú er fjöðrin orðin af 10 hænsnum, ef ekki að heilu Ali-fuglabúi. Gunnar Hrafn (kallaður Krummi) Jónsson, sem um tíma gerði hosur sínar grænar fyrir Assange á Íslandi, krunkar svo fréttum að kreppuþjóðinni í norðri, þar sem allmikill fjöldi manna þjáist af slæmu hatri í garð Ísraelsríkis og gyðinga. Slíkt fólk hefur auðvitað miklar mætur á stjúpsyni Jóhönnu Sigurðardóttur. Ég tel hins vegar að fréttamaður sem á eins erfitt með sannleikann og Gunnar verði að hugsa sinn gang. Hann ætti frekar að fá sé vinnu hjá Jógu stjúpu sem spunameistari (pólitískur lygamörður), frekar en að þýða beint og lesa upp Pallywood-fréttir án þess að sýna minnsta vott af gagnrýnni blaðmennsku. 

GLEÐILEGT ÁR!

Viðbót 5.1.2011

Ísraelski anarkistinn Jónatan Pollak heldur því fram að hann hafi sannanir fyrir því að Abu Rahma hafa verið drepin með táragasi.

http://www.jpost.com/NationalNews/Article.aspx?id=202250

Jonatan þessi, sem er þekktur fyrir að hafa reykt hass í Hollandi, þaðan sem honum var vísað úr landi, kemur nú með læknayfirlýsingar frá Ramallah frá því 3 dögum eftir að Abu Rahma lést. Því er harðneitað að konan hafi verið krabbameinssjúk.

Líklega er eina leiðin til þess að skera úr um mál þetta, að fram fari krufning óháðra aðilja. Ef Abu Rahma hefur verið í Bilin þegar síðustu mótmæli fóru þar fram, sem enginn hefur getað sýnt fram á með hjálp allra þeirra mynda sem annars voru tekiðnar af mótmælunum, hefur hún líklega verið með lélegt hjarta eða mjög veik lungu. Annars deyr fólk ekki af táragasi.

Að mínu mati verður að krefjast þess að dánarorsökin verði staðfest og að óháðir læknar framkvæmi krufninguna, því nú þegar, (frá fyrsta degi), eru palestínsk yfirvöld farin að stilla Abu Rahama upp sem píslarvætti.

Athugasemdir

[Jakob Ragnarsson (IP-tala skráð) 4.1.2011 kl. 14:06]

Hljómar nú eins og að konan hafi ekki haft heilsu til að standa í mótmælum og að hún hefði átt að halda sig heima! Vonandi, læra einhverjir eitthvað af hennar mistökum:-)

[Helga Kristjánsdóttir, 4.1.2011 kl. 14:24]

   Ég dreg alltaf í efa allar fréttir sem koma frá Ruv. um átök Israela og Palenstínu,svo oft hefur maður staðið þá að því að halla réttu máli. 

[Vilhjálmur Örn Vilhjálmsson, 4.1.2011 kl. 20:50]

Friður sé með konu þessari, Jakob. Vonandi læra menn að misnota ekki þá veikustu.

Sæl Helga, ég held að það sé mjög holl regla sem þú hefur komið þér upp. Því miður er það ekki bara RÚV sem smyr lygavélina, heldur nýgræðingar á fréttastofum út um allan heim, sem halda að hlutverk blaðamannsins sé að frelsa heiminn, sama hvað meðalið er.

[Vilhjálmur Örn Vilhjálmsson, 5.1.2011 kl. 06:08]

Viðbót:

Ísraelski anarkistinn Jónatan Pollak heldur því fram að hann hafi sannanir fyrir því að Abu Rahma hafa verið drepinn með táragasi.

http://www.jpost.com/NationalNews/Article.aspx?id=202250

Jonatan þessi, sem er þekktur fyrir að hafa reykt hass í Hollandi, þaðan sem honum var vísað úr landi, kemur nú með læknayfirlýsingar frá Ramallah frá því 3 dögum eftir að Abu Rahma lést. Því er harðneitað að konan hafi verið krabbameinssjúk.

Líklega er eina leiðin til þess að skera úr um mál þetta, að fram fari krufning óháðra aðilja. Ef Abu Rahma hefur verið í Bilin þegar síðustu mótmæli fóru þar fram, sem enginn hefur geta sýnt fram á, með öllum þeim myndum sem annars er tekið af mótmælunum, hefur hún líklega verið með lélegt hjarta eða mjög veik lungu. Annars deyr fólk ekki af táragasi.

Að mínu mati verður að krefjast þess að dánarorsökin verði staðfest og að óháðir læknar framkvæmi krufninguna, því nú þegar eru palestínsk yfirvöld er farin að stilla Abu Rahama upp sem píslarvætti.

[Vilhjálmur Örn Vilhjálmsson, 5.1.2011 kl. 06:35]

Annar fréttamiðill í Ísrael heldur því nú fram, að Abu Rahma hafi ekki einu sinni tekið þátt í mótmælunum og hafið verið 100 metra frá heimili sínu að horfa á mótmælin.

En lesið svo fréttina. Þar kemur fram að hún hafi verið heima hjá sér og hafi svo verið flutt með óráði annað og svo kom bróðir hennar, og þá var hún með rænu. Allir segja mismunandi sögu. Haaretz leggst mjög lágt í fréttamennskunni.

http://www.haaretz.com/print-edition/news/bil-in-eyewitnesses-say-woman-killed-by-tear-gas-wasn-t-even-protesting-1.335257

[ELÍAS Rúnar (IP-tala skráð) 12.1.2011 kl. 15:50]

Sæll Vilhjálmur mættu ekki óháðir koma mikið meir að ollum málum í Ísrael og Palestínu

[Vilhjálmur Örn Vilhjálmsson, 17.1.2011 kl. 06:27]

Sæll Elías Rúnar, hverjir eru óháðir. Íslendingar?

Nei, ég held að besta leiðin sé að þjóðirnar leysi sín mál sjálf.

[Vilhjálmur Örn Vilhjálmsson, 17.1.2011 kl. 06:29]

Annars virðist vera koman niðurstaða í málið í Bilin, sem hentar örugglega ekki Gunnari Hrafni Jónssyni

http://dover.idf.il/IDF/English/News/Videos/2011/01/0901.htm

Mun hann væntanlega aldrei greina frá þessu, enda ekki fréttamaður, heldur strákur sem heldur að blaðamenn gegni mikilvægari hlutverki en sannleikurinn.