Svarið er enn neikvætt

 

Otto Frank á efri árum

Nú eru fundin 80 bréf Otto Frank, föður Önnu Frank, sem sýna örvæntingarfullar bréfaskriftir hans í leit að landi sem vildi leyfa Frank fjölskyldunni landvistarleyfi. Slík bréf skrifuðu allir gyðingar á flótta undan nasismanum. Hér í Danmörku hef ég lesið hundruð slíkra bréfa og einnig skýrslur um að slík bréf hefðu verið skrifuð.  Þanni bréf bárust einnig til íslenskra yfirvalda og sömuleiðis til danskra yfirvalda, þar sem beðið var um upplýsingar um möguleika á landvist á Íslandi. Svarið var nei eða þögnin.

Nú senda flóttamenn ekki bréf á undan sér, því þeir vita að svarið er enn neikvætt.  

Otto Frank leitaði í örvæntingu að flóttaleið fyrir fjölskyldu sína

Athugasemdir

[Georg Birgisson, 25.1.2007 kl. 17:15]

Svörin eru ekki neikvæð þegar flóttamenn eiga ofsóknir og dauða yfir höfði. Reynar eiga þeir lagalegan rétt á hæli undir slíkum kringumstæðum. Það er því miður algengt í dag að fólk segist vera flóttamenn þegar það er það ekki. Slík háttsemi rýrir gildi laga og reglna sem settar hafa verið til að hjálpa þeim sem eru í sambærilegri stöðu og gyðingar voru á sínum tíma.

[Vilhjálmur Örn Vilhjálmsson, 25.1.2007 kl. 20:42]

Alveg sammála þér varðandi þá sem misnota stöðu flóttamannsins.  Verra er þegar yfirvöld rengja alla út frá þeim möguleika að nokkrir s-séu loddarar. Ég tel hins vegar, að flóttamenn sem eiga limlestingar og dauða yfir höfði sér, snúi þeir aftur til heimalandsins, hafi enn ekki fengið það öryggi sem reynslan frá 2. Heimsstyrjöld hefði átt að gefa þeim.

Ég skrifa hér frá dönsku sjónarhorni. Danir hleypa að sjálfsögðu inn SÞ-kvótaflóttafólki. En hér í landi eru yfirvöld einnig tilbúin að senda íranska flóttamenn í fangið á ofsækendum sínum hvenær sem er. Ég veit þetta af eigin reynslu. Dönsk yfirvöld reyndu að koma feðgum til í Írans. Ég sýndi fram á í grein sem ég skrifaði í Politiken í ágúst 2005, að danska utanríkisráðuneytið notaði svokölluð "sannleiksvitni" í Teheran, sem dæma áttu gögn sem feðgarnir lögðu fram; sannleiksvitni, sem hæglega gátu verið í vasanum á leyniþjónustum og yfirvöldum í Íran. Dönsk yfirvöld gáfust upp á málinu í fyrra án þess að viðurkenna galla í sinni málafærslu og nú eru feðgarnir hér, vonandi þangað til að íranska þjóðin losar sig við kúgara sína.  

[Sigurður Þór Guðjónsson, 26.1.2007 kl. 08:25]

Mikið er þetta þörf og upplýsandi bloggsíða.  

[Vilhjálmur Örn Vilhjálmsson, 28.1.2007 kl. 12:20]

Þakka þér fyrir það. Það hlýjar mér um hjartaræturnar.

Mig langar þá einnig að þakka þér fyrir "Siguðarannál hinn meiri", http://nimbus.blog.is/blog/nimbus/category/672/ sem ég hef oft gluggað í og sett á uppáhaldslistann minn.