Athyglisverð teikning af Reykjavík frá 1862

Bayard Taylor hét bandarískur rithöfundur, skáld, myndlistamaður og ferðalangur, sem m.a. kom við á Íslandi og teiknaði þar nokkrar myndir, sumar nokkuð skoplegar. Hann teiknaði Reykjavík, dómkirkjuna og önnur hús.

Bayard Taylor

Síðar birtust teikningar þessar, endurnotaðar sem málmstungur í öðrum bókum og tímaritum, þar sem höfundarnir eignuðu sér þær. Til dæmis í þessari bók frá 1867 eftir Írann J. Ross Browne, sem er sagður höfundur myndanna, en hann minnist oft á vin sinn Bayard Taylor, sem var listamaðurinn.

Hér er einnig mynd eftir Bayard Taylor, af Geir Zoëga og hundinum Brussu (eða Brúsu). Geir var greinilega hinn versti dýraníðingur. Einnig er gaman af mynd af neftóbakskarlinum, og af þjóðlegum sið, sem sumum útlendingum, eins og t.d. Taylor, þótti „An awkward Predicament".  Ungar, íslenskar stúlkur rifu plöggin af erlendum karlmönnum eins og áður hefur verið greint frá á þessu bloggi.

Meira af þessum skemmtilegu myndum hér. Klikkið á myndirnar 2-3svar sinnum til að stækka þær.

Athugasemdir

[Hilmar Þór (IP-tala skráð) 31.1.2010 kl. 12:34]

Þakka þér fyrir að vekja athygli á þessum skemmtilegu myndum.

Það er fengur af þessi

[Carlos Ferrer (IP-tala skráð) 31.1.2010 kl. 15:18]

Takk fyrir þetta, kæri doktor. Lítur út fyrir að vera skemmtileg ferðasaga.

[Jón Steinar Ragnarsson, 31.1.2010 kl. 17:55]

Takk fyrir þetta. Ótrúlet að þetta skuli ekki lengra síðan. Annars var nú varla bæjarbragur á þessu þorpi, þegar ég kom þar fyrst enda íslendingar rétt um helmingi færri, þegar ég fæddist.  Hver var íbúafjöldinn í landinu á þessum tíma?

Þetta er væntnlega Landakot þarna fremst a myndinni? Eitthvað virðist hann hafa skáldað til þó. Vindmyllan var á Skólavörðuholtinu, sem er eiginlega á jafnsléttu.

Allavega koma margir útlendingar hingað sérstaklega til að losna fljótt og vel  úr brókunum.


Raunar var þessi siður sakleysislegri en margur hyggur.  Hér var jú Talibanískt karlaveldi fram undir 1960.

[Anna Karlsdóttir, 31.1.2010 kl. 18:06]

Frábært. Þetta er skemmtilegt, takk fyrir þennan pistil.

[Jón Steinar Ragnarsson, 31.1.2010 kl. 18:13]

Ég fletti þessu upp með mannfjöldann. Hann hafði lítiið breyst frá upphafi 16. aldar og fram á þessa tíma, eða um 50- 55.000. (þetta er þó einhverskonar meðaltal samkvæmt  vísindavefnum.

Hér byggðu menn af þræla og kóngakyni. Þriðjungnum meira þrælsblóð en blátt. Þetta hefur runnið snyrtilega saman i persónueinkennum landans, eins og glöggt hefur komið fram á síðasta áratug eða svo.

[Vilhjálmur Örn Vilhjálmsson, 2.2.2010 kl. 12:47]

Þakka ykkur öllum fyrir innlitið. Jón Steinar, var ekki mylla neðst á Laugarveginum? Ég held einnig að kotin séu við Vesturgötuna, þar sem bjó margt gott fólk. Sem fornleifafræðingur verð ég að andmæla þrælakenningum. Íslendingar voru líklega flestir úr Norður Noregi, frá Mæri og norður úr, og sumir af "Lappa"kyni, þ.e. Hálftröll. Það sýna beinin. Svo var slatti af fóki frá Bretlandseyjum, sem gæti skýrt hegðun manna hér á landi á síðasta áratug eða svo. Síðar komu Hollenskir duggarar á Snæfellsnesið, sem skýrir hitt og þetta.

[Vilhjálmur Örn Vilhjálmsson, 2.2.2010 kl. 12:54]

.... og alltaf voru menn þó hífðir úr votri brók af ungum stúlkum. Ég var aldrei hífður úr votri brók á Íslandi (jú þrisvar reyndar). Þess vegna flutti ég úr landi, þar sem þurrara var, og hef verið brókarlaus síðan.

[Frk. Laxmýr (IP-tala skráð) 2.2.2010 kl. 13:10]

Flottar myndir :-)