Jesú haldið í gíslingu nærri Kringlunni

Borgarleikhúsið er enn með látalæti og trúðshátt. Nú í leikriti sem kallast Jesús litli.  Samkvæmt leikskrá fæddist Jesús litli í Palestínu. Ef svo er, er Jesús litli líklega týndur, því hann fæddist ekki í Palestínu.

Það fer ýmsum sögum af því hvar hann fæddist hann Jesús, en ekki var það í Palestínu. Heitið Palæstina var fyrst notað formlega yfir það land sem Jesús fæddist í á 2. öld eftir Krists burð. Þá varð Provincia Judea að Syria Palaestina, og var sú breyting bara einn liður í kúgun Rómverja á Gyðingum.

Hvernig þetta „slys" með Palestínudrenginn Jesús er komið inn í leikrit í Borgarleikhúsinu get ég nú vel gert mér í hugarlund. Menn hamast mikið í þessu nafni.

En það er stórfurðulegt að höfundar leikritsins hafi ekki getað notið aðstoðar íslenskar þjóðkirkjupresta til að fá haldgóðar upplýsingar um hvar Jesús litli fæddist. Samkvæmt leikskrá aðstoðuðu prestar, prelátar og prestslærlingar eins og Auður Eir, Bernharður Guðmundsson og Davíð Þór Jónsson, ásamt fleirum, höfundana og leikara Jesúsar Litla.

Er það opinber stefna Þjóðkirkjunnar á Íslandi, að Jesús hafi fæðst í Palestínu? Ef svo er, þá var Jesús væntanlega ekki til. Og gleðjast nú Vantrúarmenn. Já, ef hann fæddist í "Palestínu", er hann líklega bara hluti af hatursfullum áróðri, öfgum og hryðjum eins og nafnið Palestína er oft á okkar dögum. Nú urðu Vantrúarmenn óglaðir, því þeir eru líka mikið fyrir Palestínu, en auðvitað ekki i nafni Aðalsteins ósýnilega og Múhammaðs PR-meistara hans.

Ég vona að Jesús litli komist aftur heim til sín úr þeirri gíslingu sem Borgarleikhúsið hefur tekið hann í í Palestínu. Síðast þegar ég vissi, var Jesús litli með dekkra hár en á meðfylgjandi mynd, en hann er enn með slöngukrullur (ekki slöngubyssu). Þeir sem gætu gefið upplýsingar um ferðir hans, ættu að hafa samband við Þjóðkirkjuna hið fyrsta. Þar var mér tjáð í dag, að ekki væri hægt að gefa einhlýtt svar við því hvar Jesús hefði fæðst. En hugsanlegt má telja að einhverjir prestar hafi þetta á hreinu og geti hjálpað Jesú (Jesúsi, Jesum) litla heim til sín.

Hafið endilega ekki samband við lögregluna. Hún sendir alla útlendinga frá Miðausturlöndum úr landi með fyrstu flugvél.

Þeir héldu að hann væri guð

 

Lesblind þjóð las Baugsmiðla, þegar Jón Ásgeir kom út úr einkaþotu sinni á Reykjavíkurflugvelli og sagðist heita Jesús.

 

Ég imhallalaði Egil Helgason

... og hann er ekki kosher, ... afsakið halal.

Múslímar sem leita, geta nú gert það án þess að vestrænir-gyðinglegir klámheilar rugli þá í ríminu.

Þeir leita á www.imhalal.com

Ég fór inn á imhalal, under cover (burked), og þóttist vera halal. Ég leitaði að myndum eins og ég geri oft: Halal babes, skrifaði ég. 

Ekki fékk ég aðvörun um að tölva mín myndi springa, eða að hendur mínar yrðu höggnar af. En ég fékk aðvörun:

Oops! Your search inquiry has a Haram level of 3 out of 3! I would like to advise you to change your search terms and try again.

Ég leitaði þá bara að orðinu babes, en fékk sömu aðvörun og fyrr.

Þá leitaði ég að orðinu (myndum af) Jew og Iceland og þá kom í bæði skiptin þetta svar:

Caution! The image search of imhalal.com is stil in it's early Beta(β) days and doesn't filter perfectly yet. We advise you to choose your search terms carefully.

Svo Imhalallaði ég sjálfan Egill Helgason, og hann kom í allri sinni dýrð eins og Allah. Egill er greinilega mjög halal og augljóslega ekki neitt babe. Það liggur í augum uppi, að ég get ekki notað www.imhalal.com

Að lokum leitaði ég að myndum af "prophet Mohammed". Hann er ekki eins þekktur og Egill samkvæmt Imhalal.com. En þessi mynd kom upp, við hvatningu til þess að menn kaupi ekki mat frá Danmörku. Danir hafa nefnilega séð mynd af spámanninum, en líklega aldrei mynd af Agli Helgasyni.

Orð í tíma töluð

 

Nýjar raddir heyrast hér frá Quatar, þar sem hinn axlabrotni forseti vor á marga vini. Yousuf Al-Qaradhawi, sem upphaflega er frá Egyptalandi, er 83 ára gamall guðfræðingur. Hann hefur oft valdið trúbræðrum sínum áhyggjum, þegar hann flytur erindi sín á Al Jazeera. Nýlega gerðist hann talsmaður þess að það væri í lagi að múslímar drykkju drykki sem innihéldu vínanda undir hálfu prósenti. Þetta er greinilega mjög hættulegur maður.

En hlustið á hann. Hann reiðir vöndinn hátt yfir trúðbræðrum sínum. Hann segir það sem vinstrimenn vilja ekki heyra. Meira að segja þegar hann talar um óvininina, Zíonistana. Samkvæmt dr. Jósef eru þeir mikið dugnaðarfólk sem múslímar geta tekið sér til fyrirmyndar. Hvernig væri það nú?

Reyndar finnst mér Jósef gamli nokkuð harðorður í garð trúbræðra sinna. Algert kunnáttuleysi er nú ekki við völd þeirra á meðal. Þeir eru fjári góðir að búa til sprengjur. Væri ekki þjóðráð að fá flokk vaskra sprengiaraba til Íslands og láta þá sprengja sig í gegnum fjöll? Jarðgangnagerð færi þeim örugglega vel úr hendi.

Hólaræða Steingríms í hnotskurn

 

Nú gefur ríkisstjórnin möguleika á því að menn biðjist afsökunar á syndum sínum fyrirvaralaust. Sérstakir skriftastólar Fjármálaráðuneytisins verða settir upp um land allt, á Tortolu og í London.  Steingrímur  mun gefa mönnum syndaflausn, ef þeir eru ekki að blanda sér í opinbera umræðu. Nú þurfa þeir sem syndgað hafa ekki að fara til helvítis, þótt að meginþorri íslensku þjóðarinnar sé á leiðinni til ESB, vegna duglausra stjórnmálamanna og bankaræningja. "Með Lögum Skal Land Byggja, en látum þau liggja", segir séra Steini. 

Lausnir á vanda

 

Áður en ég fer í smá frí, ætla ég að koma með lausn á tveimur vandamálum sem ég sá í fréttatíma RUV í gær. 

Hljóðið í Ríkharðshúsi á Hjalteyri: Hefur einhver reynt að svara og banka á móti? Ef þetta er ekki skrattinn að morsa til Íslendinga um að ganga í ESB, er ég viss um að byggingameistarinn á húsinu hefur verið danskur eða danskmenntaður. Ef byggingarmeistara húsa í Danmörku er ekki haldið reisugilli þegar hús er fokhelt, hefur það þekkst að þeir múri flösku eða einhvern sívalning innan á skorstein hússins. Í smávindi hvín í þessu og klúkkar. Gætti þetta verið skýringin á hinu undarlega hljóði á Hjalteyri? Eða er þetta bara tilgangsleysi hlutanna undir hjúp hégómans á Íslandi, sem er að láta í sér heyra

Atvinnulausi Englendingurinn á Seyðisfirði: Blessaður maðurinn á samúð mína alla, en það á íslenska kirkjan ekki. Hún sér sér aðeins fært að veita þessum manni og öðrum í sömu stöðu 3 x15.000 króna lán á ári - á sama tíma og þessi helv..is samkunda sendir peninga til svæða í heiminum sem stjórnað er af hryðjuverkasamtökum. Jesús þyrfti víst að fara að banka upp á hjá biskupsstofu? Íslenska ríkið er auðvitað líka máttlaust og allslaust og getur ekki aðstoðað fjölskyldumann í neyð, því það sendir einnig milljónir til hryðjuverkasamtaka, þegar það er ekki  að bjarga bönkum og ESB-aðild. Það er víða sem hljóð heyrist úr iðrum jarðar. 

Kannski er hljóðið dularfulla á Hjalteyri tómahljóð úr ríkiskassanum.

Á Íslandi má hjóla yfir gyðinga

Nýlega setti hjólasali nokkur í Reykjavík miða í gluggann á verslun sinni á Hverfisgötunni, þar sem hann sagði að gyðingar væru ekki velkomnir í búðinni hans.  Fréttin barst til heimsfjölmiðla og má  rekja það til þess að ég sendi fréttina til gyðinga á Norðurlöndunum. Þingmaður í Danmörku sendi meira að segja erindi til danska utanríkisráðherrans og bað hann að gera eitthvað í máli þessu sem upp var komið á Íslandi, frændþjóð Dana.

Hitt hefur ekki komist í heimsfjölmiðlana, að hjólasalinn á Hverfisgötunni tók miðann úr glugganum eftir að tveir lögregluþjónar heimsóttu hann í verslunina á Hverfisgötunni og bentu honum á að miðinn væri stjórnarskrárbrot.

Hjólasalinn var bara frekar rogginn yfir heimsfrægðinni og greindi hróðugur frá. Einn allra besti kúnni hans, Mörður Árnason hjá Samfylkingunni, tjáði sig um málið: „Ég hef enga ástæðu til að halda að hann sé kynþáttahatari eða neitt í þá veru. Ég held að þetta hafi verið klaufaskapur hjá honum," DV greindi einnig svo frá: Mörður segist telja að ástæðan fyrir því að Magnús setti miðann upp hafi verið tíðindi af árásum á Gaza-svæðið nýverið. „Ég get vel skilið slík viðbrögð en þau mega auðvitað ekki koma út sem kynþáttahatur, og allra síst gyðingahatur sem er ákaflega ógeðfelld tegund af þeim tilfinningum því gyðingahatur á sér langa og blóði drifna sögu," segir hann og ítrekar að Magnús sé fyrst og fremst góður hjólaviðgerðamaður.

Magnús er ekki nasisti eins og sumir bloggarar úti í heimi hafa haldið. Hann kýs líklega Samfylkinguna. En Kratar og kommar geta líka verið kynþáttahatarar, eins og kunnugt er.

Var það kannski líka klaufaskapur hjá Bobby heitnum Fischer, þegar hann hélt úti andgyðinglegri vefsíðu í Japan, meðan hann bjó á Íslandi? Það athæfi var kært til Ríkissaksóknara. En Ríkissaksóknari taldi enga ástæðu til að framfylgja lögunum og senda ekki svo mikið sem eina löggu heim til heimsmeistarans til að skáka honum aðeins fyrir brot á íslenskum hegningarlögum.

Er allt hægt á Íslandi þegar að gyðingum kemur? Maður nokkur Scheving Thorsteinsson að eftirnafni heldur uppi ofsafengnum andgyðinglegum áróðri á bloggum ýmissa manna. Margir hafa hreinlega þurft að fjarlæga þennan mann og ruglið í honum. Ætlar enginn að gera neitt við því? Menn hafa verið fjarlægðir af Moggablogginu fyrir að hafa vitnað beint í Kóraninn. En Scheving Thorsteinsson má vitna í vefsíður gyðingahatara og halda með áróður fyrir þá inn á blogg annarra Íslendinga.

Kannski er það eðli Íslendinga að fara ekki að lögum, eða kannski gilda lögin ekki þegar óhróðri og andstyggð er breitt út um, eða hreitt í gyðinga á Íslandi.

Tvö ungmenni ferðast nú á vegum Rauða Krossins í Palestínu. Ekki eru þau andgyðingleg. Þetta eru bara góðir krakkar frá Íslandi sem eru að kynna sér starf Rauða Krossins. En þau skreyttu aðeins ferðalýsingu sína með því að halda því fram að þau hefðu verið vitni að innrás Ísraelsmanna og skotárás þeirra þann 3. mars sl.  Þessa fásinnu hrakti ég á bloggi þeirra og í færslu minni hér á undan. En móðir eins ungmennisins, Salvör Gissurardóttir, segir kannski það sem einkennir Íslendinga mest þegar þeir þykjast ekki þurfa taka afleiðingum gjörða sinna: Látið ekki fá á ykkur þó að Vilhjálmur Örn gagnrýni frásögn ykkar, það er bara ein leið til að komast hjá gagnrýni og hún er sú að gera ekki neitt.

AÐ GERA EKKI NEITT. Já, það hljómar eins og alíslensk lausn!!

Ætli þetta sé líka mottó hjá Ríkissaksóknara og þeim sem gera ekki neitt gegn síendurteknu gyðingahatri á Íslandi? Halda menn bara, eins og Mörður Árnason, að þetta sé klaufaskapur?

Hér er lítil mynd af manni sem líka hjólar yfir gyðinga á klaufalegan hátt. Sumir segja að þetta sjálfur Tom Cruise. Mér þykir líklegra að það sé Tóm Krús á Mission Impossible:

Þjóðarásakanir

Hvor er betri, maðurinn sem bannar „júðum" aðgang að verslun sinni vegna stuðnings síns við Hamas, eða maðurinn sem segir Dorrit Moussaieff að „vera heima og telja demantana sína", þegar hún segist vilja hjálpa íslensku þjóðinni? Sjá hér . Hvortveggja höfum við séð nýlega. Sá sem bað Dorrit um að vera heima og telja demantana hræsnaði meira að segja og fordæmdi, þegar hann skrifaði um hjólasalann sem ekki vildi „júða í búðina sína".   

Ég veit sannast sagna ekki hvor er verri, hinn franskmenntaði ættarlaukur, sem sér forsetafrúna á kafi í demöntum, ellegar hjólasalinn á Hverfisgötunni sem hefur lengi hatað gyðinga milliliðalaust. Fordómar þeirra lýsa hins vegar fordómum stórs hóps á Íslandi, sem á uppruna í gamalli hefð: Að kenna útlendingum um allt sem illa fer. En verra er, að íslensk yfirvöld láta þennan ósóma viðgangast og magnast.

Jafnvel sumir mestu stuðningsmenn friðar og réttlætis eru að sletta ósómanum í forsetafrúna Dorrit Moussaieff, sem ég geng út frá að fái heldur ekki viðgerð á hjólhesti sínum hjá rauða rasistanum á Hverfisgötunni.

Einn af Heiðdalsbloggurunum, sem eru frændur sem eru afar sannfærðir um réttmæti skoðanna sinna og einir helstu stuðningsmenn Hamassamtakanna á Íslandi, telur að Dorrit sé í tygjum við morðingja Palestínumanna og í vinfengi við Philip Green, svo notuð séu orð Björns Heiðdals. Það samsæri virðist líka hrjá ýmsar mektarmenn í íslensku þjóðfélagi, síðast Jón Ásgeir Jóhannesson. Heiðdal skrifa líka þetta um gyðinga og Dorrit. Ég þarf auðvitað ekki að nefna það sem þessir bráðskörpu frændur hafa skrifað um mig og aðra zíonista.

Þótt flestir Íslendingar haldi því fram, að þeir séu trúlausir eru þeir á fullu í samsæristrú. Því meira trúleysi, því meiri trú á samsæri og rugl. Ein helsta gyðja samsæristrúarinnar er hatrið. Dorrit Moussaieff hefur ekki farið varhluta af því. Þrátt fyrir öll huggulegheitin við Ísland, er hún bendluð við samsæri og er þá til tekinn gyðingdómur hennar, sem hún gat greinilega ekki losað sig við við það að taka upp íslenskan ríkisborgararétt. 

Þegar breska blaðið Times skrifaði um kreppuna og Dorrit í október sl. hljóðaði það svona, og var ruglið auðvitað haft eftir Íslendingum á götunni:  "That gold rush, at the beginning of this century, has spun the illusion of wealth. Dorrit Moussaieff, the jet-setting jewellery-designer wife of President Ólafur Ragnar Grimsson, set the tone, with her coterie of girlfriends". Hver mataði blaðamann The Times á þessu rugli? Er virkilega til fólk sem er að bendla Dorrit við orsakir kreppunnar? JÁ!

Við megum ekki  gleyma Ástráði forsetaefni. Hann hefur svo sannarlega lagt orði í belg. Við sjáum vel hvert hann er að fara. Hann telur að stríðið í Miðausturlöndum sé greinilega á ábyrgð og í boði Dorritar, eins og allt annað. Hann lét sér ekki nægja að skrifa þetta á sínu eigin bloggi. Hann verpti ósómanum á blogg annarra sem þekktir eru af samsæristrú gegn útlendingum. Ástráður skrifaði til Dorritar:

Ég skrifaði þér bréf fyrr á þessu ári og bað þig um að aðstoða okkur við að kynna boðskap Friðar 2000 í Mið Austurlöndum. Að kynna nýja hugmyndafræði í friðarmálum. Þú svaraðir ekki bréfinu? Hversvegna? Er hjarta þitt jafnkalt og steinninn sem þú keyptir á uppboðinu í London fyrir 735 milljónir?

Þrátt fyrir að forsetafrúin sé öll að vilja gerð til að hjálpa hinni nýju þjóð sinni í kreppunni, er mikið  neikvæð viðbrögð. Hún skjallar Íslendinga í sífellu og sauðkindina, hefur fengið sér íslenskt ríkisfang, hallmælt Ísrael og hvað eina til að safna stigum í litla sveitaþjóðfélaginu. Hún bauð meira að segja mótmælendum inn til sín í kaffi! Samt eru margir sem fúlsa við henni og á svo ógeðslegan hátt, að maður fer að skilja af hverju menn vilja ekki versla við gyðinga í landi þar sem gyðingar eru sárafáir og jafnvel í felum og afneita uppruna sínum.

Jafnvel þegar 9/11 árásin var gerð árið 2001 mátti lesa þetta á bloggi ungs menntamanns, Egils G.:

"11.9.01 Svakalegt!
Ég ætlaði ekki að trúa Sigga þegar hann sagði mér frá hryðjuverkunum í Bandaríkjunum fyrr í dag. Við vorum nokkur að læra í hópvinnuherbergi í Þjóðarbókhlöðunni þegar Halli hringdi í Sigga og sagði honum tíðindin. Siggi emjaði af undrun og sagði okkur frá þessu en við áttum auðvitað bágt með að trúa honum. Ég hringdi því í mömmu mína sem var að horfa á fréttirnar á breiðtjaldi niðri í vinnu hjá sér. Hún staðfesti þetta fyrir mér og hinum og þá fyrst gerði maður sér grein fyrir alvarleika málsins. Sú skynsamlega ákvörðun var tekin að ekki væri hægt að læra meira þegar svona hrikalegir hlutir hafa hent og því brunuðum við okkur heim til mín til þess að horfa á sjónvarpið. Fréttaflutningurinn þynntist svo eftir því sem á leið og varð fljótt lítið spennandi. Þetta er náttúrulega allt alveg fáránlegt. Hver verða eftirmálin? Burt með Dorrit!

Egill klukkan 17:52

14.9.2001

Á Íslandi í dag er Gyðingur á Bessastöðum. Öfgamenn í Mið-Austurlöndum hafa undanfarið verið að sækja í sig veðrið eins og öllum er ljós og þeim er svo sannarlega mjög illa við Gyðinga. Það væri því lítið mál fyrir þá að ræna Flugleiðavél og stefna henni á Kringluna.Er hag Íslands borgið með Gyðing í farabroddi?

21.9.2001

Það er alveg greinilegt hvað fólki hér finnst um Gyðinga. Þjóðin hefur talað! "

Flestum þykir þó forsetafrúin krúttleg. Hún á sem betur fer marga aðdáendur, og hvað mig varðar (þó ég hafi afklætt hana á listrænan hátt eins og frægt er orðið), verð ég að segja að ef Ólafur væri beðinn um að hætta á morgun vegna meints sambands við útrásarvíkinga og of litla gagnrýni í garð þeirra, fengi hún mitt atkvæði eins og skot og ég myndi verja Ólaf hennar vegna.

Myndin við færsluna er að finna á þessari vefsíðu.

Gyðingaofsóknir í sósíalistaparadísinni

 

Í Venesúela eiga gyðingar ekki sjö dagana sæla. Frumskógardýrið Hugo Chavez, einn frumstæðasti einræðisherra Suður-Ameríku um þessar mundir, sleit nýlega stjórnmálasambandi við Ísrael, líkt og Steingrímur Sigfússon afdalaráðherra á Íslandi vildi gera þegar hann var enn í stjórnarandstöðu. Nú er kannski lag að gera eins og Hugo, Steini. Lýsa stuðningi við Hamas og önnur hryðjuverkasamtök á þinn einstaklega siðmenntaða hátt.

Það hefur kannski farið fram hjá sumum, að það eru ekki bara nasistar og hægriöfgamenn sem hatast út í gyðinga. Sósíalistar kunna líka þá list að kenna gyðingum um allt sem miður fer í heiminum.

Reiðhjólasali á Íslandi lét hinn sunnræna pasa doble y loco en cabeza-anda nýju ríkisstjórnar hýru stýru á Íslandi hafa áhrif á sig í síðustu viku, þegar hann bannaði gyðingum aðgang í verslun sína og braut með því lög.

Í Venesúelu ráðast menn hins vegar inn í  á samkunduhús gyðinga og félagsheimili og svívirða helg rit og mála er alls kyns frumstætt níð á veggi, eins og "dauði yfir gyðingana". Gyðingar á Íslandi eiga engin guðshús og samastaði og ganga hræddir meðfram veggjum. Þeir vilja ekki láta mála hakakrossa á bílinn sinn, eins og gerðist víst hér um árið.

Hvenær munu íslensk yfirvöld lögsækja gyðingahatara? Hvað ætli BBC muni segja um gyðingahatarana á Íslandi?  Hér má sjá frétt BBC um árásina í Caracas.

Vildi ekki einn ráðherrann í nýju íslensku ríkisstjórninni

taka upp nánara stjórnmálasamband við Íran?

The Gay Cabinet

 

er nafn nýju ríkisstjórnarinnar?

Ég var að dunda mér við að litgreina ríkisstjórnina. Hér eru nokkrar glaðir litir. Samkvæmt litaprufunni lengst til hægri, er Jóhanna gjörsamlega númer 613. Toppstykkið á Geir var líklega númer 6. Ég treysti mér ekki litgreina Steingrím J. Hjálp, Heiðar!

Nú eftir stjórnarslitin, eftir að ungliðarnir flýja og segja af sér vegna dugleysis eða anna, og fjörið byrjar, hef ég ekki bara verið að velta fyrir mér litrófinu, heldur líka  nafni næstu ríkisstjórnar.  Á visir.is las ég að ef Jóhanna Sigurðardóttir yrði forsætisráðherra yrði hún fyrsti gay forsætisráðherrann í heiminum. Þetta mun auka túrismann. Ég var svo saklaus, að ég uppgötvaði mjög seint, að maður gæti kallað homma og lesbíur gay.

Kannski væri best að kalla ríkistjórnina The gay cabinet, þangað til hún molnar í maí. Ekki veitir af gleðinni, fjörinu og bjartsýninni núna, þegar eftir sitja gamlir og farlama stjórnmálajálkar, og mestur tími þeirra sem ætla að mynda þessa stjórn hefur farið í pólitíska moldvörpustarfsemi í stað þess að vinna að úrbótum í kjölfar hruns íslenska efnahagsundursins.

Ef The Gay Cabinet þykir of enskuslett, væri hægt að kalla þetta Gleðistjórnina. Það verður að vera mikill optímismi hjá stjórn, þar sem mun sitja kollóttur, rauður hrútur, sem vill skila öllu aftur til AGS (IMF).  

 Kaffiboð á Grund í dag. Hvar er hýra stýra?

Ég hef reyndar aldrei séð Jóhönnu S. glaða (gay), en það tel ég henni þó ekki til  lasts. Það gæti bent til þess að hún taki öll vandamál þjóðarinnar inn á sig og sé eins konar andlit þjóðarandans. Ástandið er ekki gott, samkvæmt síðustu myndum af henni.

Var Jesús ekki líka gay? Margt gæti bent til þess. Hann var með 12 mönnum í klúbbi.