Fräulein Hauptmann á Iceland Review

Ung þýsk kona, Katharina Hauptmann að nafni, hefur skrifað fyrir Iceland Review og t.d. Wall Street International, og er víst sérfræðingur í gyðingahatri, þegar hún er ekki barþjónn í Reykjavík. Hún kemur líka frá því menningarsvæði þar sem fyrirbærið gyðingahatur hefur náð hæstum hæðum á síðari tímum. Er því nokkur furða, að hún sé sérfræðingur í þessu ljóta fyrirbæri? En fyrir gyðingahatri hefur stúlkan víst aldrei orðið, svo hvernig hún veit hvernig það er, er mér ekki fyllilega ljóst.

Í hvert sinn sem gyðingar gangrýna Ísland fyrir gyðingahatur sem fram kemur á alþjóðlegum vettvangi er þessi kona, sem býr á Íslandi, farin á kreik til að segja öllum að gyðingahatur sé alls ekki til á Íslandi og að ekkert vandamál sé þar til staðar.

Þetta gerði hún árið 2011(sjá hér) og aftur á FB sinni í sl. mánuði, þegar birtist frekar léleg grein eins af deildarstjórum SWC (Simon Wiesenthal Center), sem hafði uppgötvað sjúkt myndband eftir íslenskan listamann. (Sjá skjámynd af FB Hauptmanns  neðst).

Kona þessi telur greinilega ekki að gyðingahatur getir verið til staðar í landi ef í því búi engir eða mjög fáir gyðingar. Þó samlandar hennar fyrr á árum hafi nær verið búnir að myrða alla gyðinga Evrópu með dyggri aðstoð ýmissa annarra þjóða, og að gyðinga sé næri aðeins að finna á söfnum í sumum löndum þar sem Helförin fór fram, þýðir það þó ekki að gyðingahatrið hafi horfið. Það er enn til í Þýskalandi og fjölda landa í mið og austur-Evrópu. Maður verður svo sannarlega var við það. Önnur rök hennar eru eins og eitthvað glamur í drukkinni menntaskólapíu. "Aðeins 2 % Íslendinga eru kaþólikkar" skrifar Hauptmann. "Þrátt fyrir það hata aðrir Íslendingar ekki íslenska kaþólikka". Þetta á, að mati Fräulein Hauptmann, að sýna það fjarstæðukennda í að nokkur á Íslandi sé gyðingahatari.

Nú vill svo vel til, að kona þessi sankar að sér vinum á Facebook sem deila með henni skoðunum sem verður hreint út sagt að gera Wall Street International viðvart um og það við fyrsta tækifæri. Þýsk Fräulein með slíka vini getur vitanlega ekki skrifað fyrir Wall Street International.

Meðal þeirra er bandaríski ríkisborgarinn Ted Theewen að nafni. Í mars sl. skrifaði þessi maður, sem er greinilega er satanisti og gyðingahatari í ofanálag þetta á FB Katharinu Hauptmanns, og hún lét það óáreitt:

Jews are all for making fun of other religions until it´s their turn. There is an old Polish proverb: The harder a Jew hits you, the louder he cries out in pain. I´ve noticed that Iceland is under a systematic attack by Zionist interests. I´m sure the attacks will stop once you give them something. A Holocaust museum usually shuts them up for a while.

Svo mörg voru orð FB-vinar Katharinu Hauptmann. Skrif hennar og dómur hennar um gyðingahatur á Íslandi voru hér vegin og léttvæg fundin. Fräulein Hauptmann, greinarhöfundur á Iceland Review og Wall Street International er alls ekki dómbær á gyðingahatur frekar en þeir gyðingahatarar sem hún vingast við á FB.

Iceland Review er lítill sómi í að ráð slíka manneskju til að rýna í íslenskt þjóðfélag Benedikt Jóhannesson, ESB sinni í öðru veldi, ræður þar ríkjum og ætti að vita það. Nýlega greindi hann sannarlega ástandið rétt er hann sagði að Þýskaland réði öllu í ESB (sjá hér). Það má líka til sanns vegar færa, að langt er of gengið þegar þýskar fraukur eru farnir að tjá sig um tilfinningar gyðinga í íslenskum þjóðernisglansblöðum á ensku, líkt og þær væru sérfræðingar í þeim efnum. Ætli Hauptmann hafi boðið Wall Street Journal greinar sínar um gyðinghatrið á Íslandi, þar sem hún segir m.a. að sérfræðingur Simon Wiesenthalstofnunarinnar sé bjáni? Nei, ætli það? En best er að spyrja...

Charlie og ískaldur, íslenskur veruleiki

Enn er hann þarna. Hinn ískaldi, íslenski veruleiki. Hryðjuverkin í París bara yfirstaðin og það komin helgi og huggulegheit. Mikill hluti siðapostulanna og hinna sjálfskipuðu sérleyfishafa á hreinar og sannar skoðanir eru orðnir að Charlie Hebdo. Þeir hvíla sig sælir með bumbuna út í loftið og pússa gloríuna. Aftur eru þeir farnir að kalla aðra öfgamenn. Dauði "kolleganna" í París gat ekki komið á betri tíma. Þeir eyðilögðu ekki frídagana fyrir neinum. Meira segja Egill Helgason sem grimmt ritskoðar og bannar fólk án raka er orðinn að englum Charlies.

Eftir að teiknararnir á Charilie Hebdo hafa verið nefndir í öllum heimsins ritum hins nýja heilaga Hebdos, er óhætt að hvíla sig og gleyma fórnarlömbunum fjórum í versluninni í París. Nöfn þeirra hafa ekki verið nefnd nema í örfáum fjölmiðlum um heim allan. Gyðingar verða að hreinsa upp sjálfir og syrgja.

Gyðingar eru greinilega ekki eins mikils virði og teiknarar á Charlie Hebdo. Það er greinilega líkt gildismatið hjá sjálfsútnefndum Charlieum og hjá hryðjuverkamönnum múslíma.

Engir fjölmiðlar nefna heldur að 30 mans hafi bjargað lífi sínu í Hyper Cachers, lítilli kjörbúð gyðinga, með því að fela sig í kæliklefa verslunarinnar, læsa honum innanfrá og hjúfra sig saman til að halda á sér hita. Sá sem hjálpaði til við það var múslími frá Malí, Lassana Bathily, sem vann í versluninni. Egill Charlie Helgason er ekki að greina frá hetjunni, hinum sanna Charlie, eða nöfnum gyðinganna sem myrtir voru af andlegum bræðrum hans. Egill Helgason er ekki Charlie Hebdo og verður aldrei:

Yoav Hattab,

Philippe Braham,

Yohan Cohen

Francois-Michel Saada.

Gleymum heldur ekki að

Georgre Wolinski,

  teiknari Charlie Hebdo, var einnig gyðingur

Blessuð sé minning þeirra

Jólaball Vantrúar

Það nálgast guðlast, þegar yfirlýstir byltingarsósíalistar og Vantrúarmen Íslands lýsa því yfir, að þeir kæri sig ekki um að íhaldssöm, kristin öfl ræni jólunum á Íslandi.

Einn þessara skrítnu byltingarkarla á seingelgjuskeiði er Vésteinn Valgarðsson, sem nú elur manninn í eintómri "julehygge" á Jótlandi. Hann vill láta banna trúarlega innrætingu eins og gert var í Sovétsófétinu og DDR forðum, eða bara öll önnur trúarbrögð en Vantrú og kannski væga útgáfu af Íslam. Sjá hér, hér, hér og hér. Minnir þetta óneitanlega á bönn öfgamúslíma sem þola heldur ekkert annað en sína eigin bókstafstrú.

Litli læknissonurinn, sem er sonur Katrínar Fjeldsted sem er ráðssett sjálfstæðiskona og fyrrum þingmaður, var nú ekki aldeilis á þeim skónum að banna trúarlega innrætingu þegar hann fór árið 2008 á friðarráðstefnu í Kaíró, sem var haldin af Múslímska Bræðralaginu. Þar sat hann innan um klerka og verðandi hryðjuverkamenn, sem ofsækja og drepa kristna í nafni trúar sinnar og hafa heitið því að útrýma gyðingum og eyða Ísraelsríki. Vantrúarmarmeðlimurinn Vésteinn Valgaðrsson fór á slíka ráðstefnu til að hylla frið.

Um leið og Kaírófarinn Vésteinn, vinur Bræðralagsmanna, lýsir kirkjudeildum á Íslandi sem öfgasamtökum sem stunda heilaþvott í skólum, er honum nú líka í nöp við múslimaklerka þar sem hann býr í Árósum í Danmörku. Hann skilur ekki, af hverju ekki er búið er að sprengja upp mosku í Árósi, þar sem innræting á sér stað á stráklingum og smákrimmum áður en þeir eru sendir til að myrða á Sýrlandi (sjá hér). Kannski sér Vésteinn Vantrúarmaður samhengið, þegar hann uppgötvar, að andlegur leiðtogi ISIS var eitt sinn meðlimur í Múslímska Bræðralaginu (sjá hér og hér). Vonandi er honum ekki eins kalt til kirkjunnar og meints heilaþvotts hennar. En kannski förum við að sjá kirkjusprengingar eða kirkjubruna eins og í Noregi (þar munu þó hafa verið satanistar eða sjúklingar á ferð).

Um leið og ég óska Vésteini Valgarðssyni gleðilegrar hátíðar, þar sem hann situr og hræsnast yfir jólum flestra Íslendinga þar sem hann stundar andagt í Árósi í Danmörku, vona ég að hann átti sig á því að jólafræðsla kirkjunnar manna á Íslandi eru ekki öfgar, heldur hluti af friðarboðskap. Friðarboðskap er vitaskuld einnig hægt að snúa yfir í öfgar eins og Kaíróferð Vésteins ætti að hafa kennt honum. Fræðslan í öfgamoskum í Danmörku og víðar er hins vegar hatursboðskapur, þar sem kjarninn er svipaður og í ákveðinni útleggingu kommúnista á tilverunni. Ástæðan fyrir því að svo margt er líkt með ráðstjórnarkommúnisma, öfgaíslam og nasisma, og að fólk úr þeim "trúarbrögðum" leika vel saman eru elstu og frumstæðustu kenndir mannsins (sem eitt sinn var líka stunduð af kristnum): Það er að kenna öðrum um það sem miður fer. Þess vegna hefur gyðingahatrið verið svo vinsælt á meðal þessara andlegu bræðra.

Höfum það líka á hreinu, að vinstri menn eru ekki mannréttindasinnaðri en aðrir, þótt að Vésteinn trúboði Vantrúar skrifi það í inngangi jólapistils síns frá Danmörku. Það sjáum við bara á fjölda þeirra mann sem drepnir hafa verið fyrir boðskap "vinstrisinna" eða annarra sem þeir eru í bræðralagi við.

 

"Helvítis gyðingur"

Ég var fyrstur manna til að stinga upp a mosku á Íslandi og styð byggingu hennar heils hugar. Ég tel enga trú  vera verri en einhverja aðra. Það er aðeins fólkið sem er mismunandi. Þess vegna sjáum við öfgaíslam blómstra í blóðbaði, og menn hafa einnig í gegnum aldirnar sýnt það ljótasta í sér gegnum kristnina.

Það syrgði mig hins vegar að sjá og heyra, að imam safnaðarins sem fékk gefna lóð undir mosku hafi hrópað að íslendingum sem voru með við sömu "iðju" og hann sjálfur í Laugardalnum í gær. Þar mótmæltu fáeinir íslenskir stuðningsmenn Palestínu því að kvennalandslið frá Ísrael leyfði sér að leika á Íslandi. Nokkrir vinir Ísraelsríkis, voru einnig komnir á staðinn með andmótmæli. Þeir sem mótmæltu fyrir Palestínumenn töldu sig hafa ákveðið svæði, sem þeir töldu stuðningsmenn Ísraels hafa ráðist inn á. Þetta leiddi meðal annars til ljótra hrópa og kalla meðal stuðningsmanna Palestínumanna. Ekki kom til steinskasts.  Imaminn, Salman Tamimi, kallaði alíslenskan og þrautkristinn aðdáanda Ísraelsríkis "helvítis gyðing". 

Nú held ég að flestir stuðningsmenn Ísraels á Íslandi séu frekar upp með sér heldur en hitt, þegar einhverjir kalla þá gyðinga. En þegar "helvíti" er sett í samhengið, er allt annað mál. Þessi hegðun Tamimis þykir mér ekki sæma trúarleiðtoga múslíma á Íslandi. Slík köll og hróp sýna að andlegur leiðtogi múslíma á Íslandi óski gyðingum helvíti og að hann sé hugsanlega ekki í andlegu jafnvægi. Þó hann sé Palestínumaður, þá er það ekki hlutverk hans að brjóta íslensk hegningarlög í hlutverki andlegs leiðtoga múslíma. Íslensk hegningarlögin gilda í Laugardalnum en ekki sharía lög.  Íþróttamannleg var þessi gusa Tamimis ekki og hefði mönnum verið vísað af velli og settir í leikbann fyrir minni sakir. Salmann verður að vara sig.

Þrátt fyrir ágætan stuðning varðliða Ísraels á Íslandi unnu íslensku stelpurnar þær ísraelsku með glæsibrag. Ætli kuldinn hafi ekki verið að drepa dætur Ísraels. Ég sé að á myndinni eru ýmsir smettisskrudduvinir þessa heiðingja. "Helvíti" voruð þið góð. Elskið Friðinn, Shalom!

Varðliðar Ísraels á Íslandi. Ljósmynd. Eva Björk.

Moskan og ruglið

Í umræðunni um moskuna í Sogamýrinni,  hafa fjölmiðlar og ákveðnir aðilar gegnið mjög langt til ná athygli og með furðulegustu staðhæfingar. Framsóknarflokkurinn fékk tvær konur inn í borgarstjórn vegna haturs sem greinilega ríkir í þjóðfélaginu.

Um daginn dró blaðamaður á DV meira að segja fyrrv. arabískan prins sem áður hét Abdallah inn í umræðuna. Hann átti að geta sagt eitthvað um Framsóknarflokkinn, sem hann var í kjöri fyrir. Nú er komið að Sigþrúði hjá Kvennaathvarfinu. Hún dregur inn sundurbarðar "múslímakonur". DV vitnar svo í athyglissjúkan ítalskan félagsfræðing sem heldur því fram að múslímar séu gyðingar 21. aldarinnar, að samfélagsleg staða þeirra sé sú sama og á meðal gyðinga á 19. öld. Langt er seilst!

Sigþrúður er væntanlega að tala um allar thailensku konurnar á Íslandi sem sumir íslenskir karlar fara vissulega illa með.

Margar þeirra eru múslímar. Ég hef einhvers staðar lesið að stór fjöldi kvenna í kynlífskössum Pattaya og Phuket séu múslímar og þangað sendar/seldar af fátækum foreldrum eins og aðrar konur, t.d. þær sem eru Búddatrúar. Dætur ríkra múslíma vinna einnig í þessum "iðnaði" og hafa valið þann veg til að komast hjá að bera hijab eða annan klæðnað. Sýn þessara kvenna á Íslam er líklega ekki sú sama og þeirra múslímsku karla sem í skynheilagleika heima í Arabíu eru góðir feður og eiginmenn, en á Phuket eru þeir kynlífsfantar sem ætlast til þess að þrælar þeirra séu múslímar og undir lögaldri.

Þegar konan er svo orðin "of gömul" fyrir kjötmarkaðinn er hún stundum seld útlendingum, t.d. Íslendingum sem gat ekki náð sér í íslenska konu, m.a. vegna fátæktar eða annarra samfélagslegra eða persónulegra vandamála, sem m.a. hefði hugsanlega gert að verkum að hann hefði barið hvaða konu sem var, íslenska eða múslímska. 

Ég efast um að margar sundurbarðar thailenskar konur sem eru á pappírnum múslímar komi í bænahús múslíma á Íslandi í dag. og þess vegna þykir mér mjög leitt að sjá forstöðukonu kvennahvarfsins skora "billeg" stig í hinni sýktu umræðu sem hefur verið um moskumál á Íslandi. Moskan rís og þar mun verða boðuð skoðun Íslam á konum. 

Íslensk lög veita mönnum rétt til að reisa mosku, lóð hefur verið lofað og það loforð er ekki hægt að taka til baka. Á Íslandi gilda íslensk lög, Ef Íslendingar hatast út í mosku og múslíma eru þeir í vissum tilfellum að brjóta gegn ákvæðum í hegningarlögum og ef Múslímar gera það sama þegar þeir koma með hatursfullar yfirlýsingar í garð ákveðinna þjóða, verða múslímar á Íslandi að búa sig undir að fylgja íslenskum lögum. Ef heiðursdráp verða framin á Íslandi, líkt og þau hafa verið framin á öðrum Norðurlöndum, eru  það íslensk lög sem dæmt er eftir, en ekki eftir skoðunum Sigþrúðar.

Sundurbarða múslímska konan á Íslandi er múslími að nafninu til, en þegar hún verslar í matinn í búð í Reykjavík er hún bara "tæja". Einu sinni heyrði ég íslenska konu á sextugsaldri segja í Hagkaupum í Kringlunni, svo allir kringum hana heyrðu mætavel "Sjáiðið helvítis tæjurnar, nú er kjöt á tilboði".

Myndin efst ef frá Danmörku og sýnir upptöku á heimildakvikmynd um Ghazala Khan sem tekin af lífi af bróður sínum eftir samantekin ráð fjölskyldu þeirra árið 2005. Aftakan fór fram fyrir framan lestastöðina í Slagelse á Sjálandi. Sök Ghazölu var að verða ástfangin af og giftast manni frá Afganistan. Ghazala var ættuð frá Pakistan (sjá hér).  Það er nefnilega ekki sama hver múslíminn er. Ég hef sjálfur heyrt múslímska menn tjá sig um þeldökka og austurasíska múslíma eins og þeir væru annars flokks fólk. Það er nefnilega til gott "Framsóknarfólk" víðar en á Íslandi, sem stundar skyldleikarækt á fullu í nafni óskrifaðra laga og trúar.

Íslenskir karlar beita ofbeldinu

Moska Inshallah !

Mosku ber að fagna, en það er nokkuð einkennilegt, finnst mér, að veitt sé lóð til byggingar, þegar ekki er ljóst hverjir greiða fyrir það hús. Er það ekki mjög óvenjulegt?

Það er satt hjá íslenskum talsmanni moskunnar, Sverri Agnarssyni, formanni Félags múslima á Íslandi, að það hafi verið lítill klassi yfir þeirri gagnrýni sem hefur verið á moskuna. Úthelling svínablóðs og aðrar frumstæðar saurganir lýsa best því fólki sem slíkt vill stunda. Það er fólk á lágu, andlegu stigi. Það er einnig litill klassi yfir þeim múslímum sem nota moskur til að úthella hatri sínu á öðrum trúarbrögðum, sér í lagi á gyðingum. En slíkt hatur er staðreynd um allan heim. Verður það landlægt meðal múslíma á Íslandi, eða er það það þegar? Það kemur í ljós.

Ég stakk fyrstur, opinberlega, upp á því að byggð skyldi moska á Íslandi og synagóga (leiðrétti þeir mig sem geta). Tel ég mig þó ekki bera ábyrgð á neinu sem valdið geti því að ég fái svínsblóð og grísahaus í pósti, enda tel ég trúfrelsi, og þar með réttinn til trúariðkana í tilheyrandi kirkjum, musterum eða hverju sem er, grundvallarmannréttindi. Vantrúarmenn og sumir kristnir menn virðast ekki vilja virða þau mannréttindi.

En, ef svo mikið sem einu sinni verður predikuð andgyðingleg yfirlýsing sem varðar við hegningarlög í moskunni ógreiddu, eða andkristileg (sem er ólíklegt), þá er þessi moska orðin ágætur minnisvarði um gyðingahatur Íslendinga, múslíma sem og um þá kristnu menn sem leyfðu byggingu þessa trúarhúss.

Reyndar grunar mig að margur sérleyfishafinn á réttar skoðanir og heilbrigðar hugsanir (lesist: Vinstri menn á Íslandi) fagni mosku, því þeir vilji fá gyðingahatur til Íslands til að réttlæta sínar eigin, mjög frumstæðu kenndir í þeim efnum.

Það hvílir mikið ábyrgð á herðum múslíma á Íslandi og sér í lagi á þeim Íslendingum sem tekið hafa þessa trú. Vilji þeir stunda hatursáróður eins og þann sem við sjáum og heyrum um allan heim, eru til lög á Íslandi sem nýtast í að banna starfssemina sem boðar hatur á öðrum trúarbrögðum eða þjóðum. Íslenskir múslímar eru opinberlega farnir að lýsa slíku snælduóðu hatri sínu (sjá hér). Reyndar hafa íslenskar kirkjur í aldaraðir boðað gyðingahatur, sér í lagi með Passíusálmunum.

Nú eru það kristnir menn á Íslandi sem brjóta lögin í hatri sínu á mosku og múslímum, en ég er hræddur um að það sér margt líkt með skyldum.

Við sjáum til, og þangað til óska ég íslenskum múslímum til hamingju og vona að þeir finni fjármagn til byggingar moskunnar. Auðnum er mjög misjafnlega skipt í löndum múslíma, en sumir þeirra hafa notið velvilja æðri máttarvalda er þeir hafa fæðst ofan á stærstu olíulindum heimsins. Þeir berast mikið á og lítið mál væri fyrir þá að setja aur í byggingu mosku í Reykjavíkurborg.

En ef hatrið fylgir með fjármagninu, ber íslenskum yfirvöldum að beita þeim landslögum sem við höfum til að stöðva slíkt, einnig meðal vinstrisinnaðra gyðingahatara á Íslandi - og kristinna.

Bygging moskunnar taki þrjú ár

Ólafur er múslími, en drabbari eins og gengur

 

DV var nú um helgina með grein um íslenskan múslíma. Það er vissulega áhugavert efni í allri hinni ógeðfelldu umræðu um mosku í Reykjavík. Mosku sem ég styð og mosku sem ég stakk upp á áður en múslímar sjálfir voru farnir að hugsa svo langt. Ég tel að moska sé hluti að trúfrelsi og mannréttindum, sem fórdómfullt fólk, þar með talið vantrúarfólk og trúleysingjar vilja fjarlægja. 

Ólafur Stefán Halldórsson var sjómaður dáðadrengur, en drabbari eins og gengur. Hann fór inn í verslun á Englandi til að kaupa Kóran-snældu fyrir móður sína. Hún hlýtur að vera  leitandi sál líkt og sonur hennar, eða afi hans, Friðjón Stefánsson rithöfundur frá Fáskrúðsfirði, sem var mikill sósíalisti. Ólafur kom út úr búðinni sem múslími. Svona hafa menn oft fengið andann yfir sig. Ég kannaðist einu sinni við mann sem í ölvunaræði sá Krist og talaði við hann yfir kaffibolla. Kristur sagði honum að ganga í Fíladelfíusöfnuðinn, þar sem menn eru víst í beinu sambandi við æðri máttarvöld. Allt er gott um það að segja. Ef Kristur og Múhameð eiga það til að geta gert menn almennilega edrú, þá er gagn af þeim herrum.

Afi Ólafs Stefáns var Friðjón Stefánsson rithöfundur (1911-1970) 

 

En sama hver saga Ólafs Halldórssona múslíma er, þá er boðskapur sá sem hann hefur upp á að bjóða frekar klénn og fordómafullur: Hann vanvirðir þau trúarbrögð sem Múhameð stal öllu steininum léttara frá. Ólafur Stefán Halldórsson segir:

Spámaðurinn var alltaf kurteis ...Eins og allir vita er enginn spámaður í sínu heimalandi og hann sætti miklum ofsóknum þar til múslímarnir voru orðnir svo sterkir að þeir tóku Mekka yfir. Áður bjó kona í nágrenni við hann sem var gyðingur og tók upp á því að strá alltaf þyrnum fyrir framan dyrnar hjá honum. Að lokum varð hún þreytt á því og gafst upp. Eftir nokkra daga þá bankaði spámaðurinn upp á hjá konunni og spurði hvort það væri ekki allt í lagi með hana. Svona var spámaðurinn alltaf kurteis."

Ég get frætt Ólaf Stefán Halldórsson og aðra múslíma á Íslandi, um að saga ofsókna múslíma gegn gyðingum í Miðausturlöndum er afar löng. Það sem menn líta á sem harðræði gyðinga (Ísraelsríkis) við Palestínumenn, er lítil og stutt saga miðað við þær ofsóknir og þá þyrna sem múslímar stráðu í götu gyðinga gegnum aldirnar. Það er saga, sem mótar skoðanir um að Ísrael sé apartheid-ríki, meðan gyðingar mega fyrir enga muni búa í Palestínu á landi sem tilheyrði forfeðrum þeirra.

Sagan af gyðingakonunni sem stráði þyrnum við dyr Múhameðs er lítilmótlegt ævintýri.  Minnumst frekar Safiyyu bint Huyayy dóttir höfðingja á meðal gyðinga í Medína. Hún var var ein af mörgum konum Múhameðs. Það varð hún reyndar fyrst eftir að öllum ættbálki hennar, Banu Nadir, hafði verið útrýmt. Hún var gerð að konu Múhameðs líkt og Aisha sem Múhameð tók sér sem konu er hann var 51 árs og hún aðeins 9 vetra. Hver veit, kannski var Aisha líka gyðingur.

Bjálkinn er því miður stór stór í augum hins íslenska múslíma, og margra trúbræðra hans.

Meðan trúarrit og skólabækur í löndum múslíma bjóða upp á samlíkingu á gyðingum við dýr, þá er ekki mikil von um að múslímar sættist við sjálfa sig, frekar en aðra. Menn geta enn lært af þeim trúarbrögðum sem Múhameð lánaði frá með hjálp Allah.

Það er líka leitt að sjá ofsækjendur þeirra sem vilja að reisa mosku á Íslandi, leita sér stoðar í sams konar hatri og ósóma og múslímar hafa sýnt gyðingum. En eins og ég hef oft sagt, þá er margt líkt með því fólki sem ofótti gyðinga og sem nú vill hella svínablóði í grunn mosku í Reykjavík.

Menn eru greinilega ekki komnir lengra upp í þróunarstigann síðan á 7. öld?

Múslímar á Íslandi í partí hjá sendiherra Bandaríkjanna, sem hefur boðið til sín öllum minnihlutahópum Íslands nema geimverum. Ólafur stendur fyrir miðju og með barðahatt.

Sendiherrann viðkunnanlegi

 

Nýlegar lokanir á sendiráðum Bandaríkjanna í fjölda landa hafði engin áhrif á Íslandi.  Ekki er mér kunnugt um að Bandaríska sendiráðið við Laufásveg hafi verið lokað, enda lítil ástæða til þess. Íslendingar eru hættulegasti sjáfum sér og terroristar ganga lítið eftir Laufásveginum, þótt steinsteypuhindranir BNA-sendiráðsins gæti gefið aðra mynd. Nú ræður ríkjum mjög óvenjulegur bandarískur sendiherra, sem á góðviðrisdögum gerir Laufásveginn litríkari og lýsir stuðningi við það sama og flestir Íslendingar, með því að rúlla út fána samkynhneigðra.

USA-Embassy Reykjavík - Glad to be gay!

 

Sendiherrann heitir Luis E. Arreaga og er fæddur og uppalinn í Guatemala á viðsjárverðum tímum, eða um það leyti sem herforingjar rændu þar völdum árið 1954 með dyggri aðstoð CIA. Luis Arreage hafði, eins og börn elítunnar í Guatemala, tök á því að fara í framhaldsnám til Bandaríkjanna og settist þar að.

Síðan að sendiherrann kom loksins til landsins, hefur hann verið mjög virkur í almannatengslum og að kynna sér land og þjóð, sem og að kynna land sitt. Hann heldur úti bloggi, sem hann kallar Ambassdor's Blog, sem ég hvet alla til að kynna sér. Áður hafa mest setið stífflibbar og merkikerti í sendiráðinu, eins og oft vill verða í diplómatíunni, en Luis er búinn að koma dálitlum Ladínó-salsaanda inn í utanríkisþjónustu. Áhugavert að lesa, og sjá hvernig hann skjallar Íslendinga upp úr skónum, ferðast um landið og kynnir sér margar hliðar þess lands sem hann gistir og þjónar landi sínu í. Hann ber mikla virðingu fyrir Íslendingum og hefur greinilega uppgötvað, að Íslendingar eru hálfgerðir Kanar og að smáhluti þessara eyjaskeggja er "Norther-Ladínó".

Meðlimir múslímasafnaðarins í Öskuhlíð, sem ýmsir bloggarar rita um sem Íslamista og öfgamenn, hafa meira að segja verið á gestalista Arreaga, svo vart getur hann verið haldinn íslamófóbíu eins og 80% Bandaríkjamanna. Arreaga hefur meira að segja farið í samkomuhús þeirra. Myndirnar eru af bloggi sendiherrans alþýðlega og sýnir efsta ljósmyndin gesti hans við iftar-máltíð í Sendiráðinu á nýafstaðinni Ramadan-föstuhátíð. Múslímar frá báðum söfnuðum Múslíma á Íslandi voru mættir. Sóttur var bandarískur imam í veisluna. Egypskur klerkur safnaðarins í Öskjuhlíðinni var líka mættur í partíið, en hann "misskildu" allir um daginn, þegar hann var að tjá sig um konur og samkynhneigða. Þarna voru einnig múslímar á Íslandi sem á fasbókum sínum hafa tjáð sig fjálglega um nauðsyn þess að útrýma Ísrael og einn sem setti "læk" á öfgaklerk í Sádi-Arabíu, sem vill útrýma öllum gyðingum.

USA - ICELAND - ISLAM

Eitt er öruggt, Luis E. Arreaga hefur fundið sér besta stað í heimi til að vera bandarískur sendiherra frá Guatemala. Á Íslandi er hryðjuverkahættan=0. Við vonum að hann verði sem lengst á Laufásveginum og haldi fleiri veislur.

Iftar Ramadan party 2012 in the USA Embassy Reykjavík, Iceland

I bet the goofy guy on the far right is the CIA operative   

Here is Goofy- this time in the Gay Parade

I bet John Kerry was talking about Manning, when he said this!

Eina mosku með öllu nema hatri

 

Nú er moskuumræðan blossuð upp aftur. Það er beljandi gúrkutíð. Fólk er að verða satt af því að fara hamförum yfir því sem forsetinn gerir eða gerir ekki. Málsmetandi menn hamast þess í stað gegn mosku, eða með. Læknir og fyrrum borgarstjóri er á móti og sonur Jóns Baldvins er með.

Sama er mér um þá karla. Moska er einfaldlega mannréttindi þeirra sem eru múslímar á Íslandi. Ef þeir vilja byggja hana, þá gera þeir það eftir tilskildum reglum. Mér finnst þó alltaf einkennilegt hvernig fjöldi múslíma á Íslandi er ýktur. Ég held að það verði fremur fámennt í moskunni. Svo mun vera til annar tilbeiðslustaður múslíma í Öskjuhlíðinni, sem ku vera í hrópandi andstöðu við hópinn sem vill reisa mosku í Sogamýrinni.

Hvað veldur því að fólki líður svo illa við tilhugsunina um mosku í Reykjavík? Jú, sjáið til, á Íslandi hefur alltaf ríkt útlendingahræðsla og fordómar. Kynþáttahatur ríkir þar jafnt á meðal vinstri og öfgahægrimanna. Íslam er, eins og Kristindómur, lélegt afbrigði af Gyðingdómi, sem einnig er hægt að gagnrýna. En fólk hefur frelsi til að trúa, þó svo að það fari í taugarnar á trúleysingjum og kynþáttahöturum - og sumum kristnum mönnum.

Í landinu er trúfrelsi og enginn getur komið í veg fyrir mosku, ef menn vilja reisa hana. Um að gera að fá sýnagógu í leiðinni. Því stakk ég upp á fyrir all nokkru síðan (1994) og ekki veit ég til þess að aðrir hafi gert það fyrr. Ég skrifaði m.a.: „Það er ekki nóg að yrkja landið, fólkið verður einnig að fegra. Ég fagna þeim degi, að moska rís í Mosfellssveit eða sýnagóga á Selfossi og að bænir á Alþingi verði ekki aðeins kristnar". 

Á næsta árið held ég upp á 20 ára moskuyfirlýsingu mína og vænti að einhver sendi mér grísakótelettur í bréfi.

Hins vegar, ef kirkja, moska eða önnur musteri eru notuð til að boða hatursboðskap í garð annarra trúarbragða og þjóða, þá höfum við Íslendingar lög, sem taka á slíku. Það varðar við lög á Íslandi að boða hatur gegn trúarbrögðum og kynþáttum. Vissulega hefur hatur verið mikið í Íslam, en einnig í Kristni.

Myndin efst er af Mosku i Wagentraat i den Haag í Hollandi. Þegar faðir minn var ungur og bjó í borginni með foreldrum sínum, var þetta hús sýnagóga, samkunduhús gyðinga. Hatur, sem átti rætur í aldagömlu gyðingahatri kristinna fór úr böndunum og olli því að ekki var grundvöllur fyrir að halda uppi söfnuði gyðinga í þessu húsi lengi eftir síðara stríð. Íslendingar hafa líklega heyrt um Helförina, þó þeir séu nú mest upptekin af sjálfum sér.

Sams konar hatur er víða boðað í dag, ma. í moskum. Ég vona að við þurfum aldrei að hlusta á slíkt hatur í moskum á Íslandi. Ég vona að vinstri menn, sem venjulega lýsa frati á trúarbrögð (nema þegar þeir fá ólmir að lesa gyðingahatur í Passíusálmunum í kirkjum landsins), styðji ekki moskubyggingu til þess eins að ala á hatri. Ekki býst ég við því að þeir fari að beygja sig til Mekka eftir að beygingar í átt að Moskvuborg lögðust af, en maður veit nú aldrei. Þeir fara enn hamförum.

Bendi svo á þessar fyrri færslur mínar frá 2008  og 2010:

Mosku hér og nú (2008) Mosk(v)u strax ! (2010), Trú friðar og umburðarlyndis skal vera velkomin (2010)

 

Samkunduhúsið í Wagenstraat í den Haag um 1950, og moska í sama húsi í dag

Kinky Iceland

Nú heyrist bara ekkert um gerðir níðinganna í ríkisstjórninni sem enn ganga lausir. Fjölmiðlarnir eru í staðinn yfirfullir af fréttum um dónalega dverginn úr Vestmannaeyjum, aðra íslenska perra, Klaus Kinsky og ekki síst bresku sjónvarpsstjörnuna Savile, sem valdi sér m.a. 47 ára fórnarlömb.

Face it 1% allra karla eru auðvitað með barnagirnd, og jafnvel fleiri á Íslandi en annars staðar, og að minnsta kosti 5% allra kvenna. Kynæði Íslendinga er eitt það mesta á byggðu bóli. Undarlegt má teljast að ekki sé búið að nauðga einhverjum strætisvagni. Þessi árátta tengist greinilega trúarlífi samkvæmt fjölmiðlum, en einn þeirra bestu, RÚV á Leiti, er samt enn ekki búið að setja spámanninn og barnaníðinginn Mu [nafnið ekki birt í heild sinni til að verja Moggabloggið ónauðsynlegum árásum] á forsíðu sína eins og Klaus Kinsky. Það gæti verið hentug aðgerð og gæti hugsanlega komið í veg fyrir allan eðlilegan fréttaflutning af ríkisstjórninni í áraráðir. Hæglega væri hægt að taka þjóðina í rass og ESB á meðan slík umræða geisaði.

Kaþólska kirkjan borgar nú fyrir bestu og safaríkustu sögurnar af þeim sem lentu í klónum á síra Gogga og meintri heitmey hans Margréti the Hun, sama hvort þær eru sannar eður ei.

One fucked-up country, Iceland. Jöklarnir bráðna meira að segja hraðar á Íslandi en í Bandaríkjunum. Hvað er eiginlega að? Er fólk með með heilann undir beltisstað, eða hvað?