Ný stjórn: Blágræni smokkurinn

Greinilegt er að Sjálfstæðisflokkurinn og Framsókn eru að færast nær hvorum öðrum í örugga forystu. Það svo örugga, að það líkist einna mest 13 tommu verju, verju gegn stjórnleysi og aumingjahætti þeirra flokka sem halda að þeir hafi reist eitthvað upp úr rústum hrunsins. Blágræni Smokkurinn mun nú fullkomna reisnina með meirihlutasmokki.

Smokkmynd fylgis D og B á sér skýringar- fyrir utan val RÚV hönnuða á grafi. Fylgi Samfylkingarinnar og Vinstri Grænna lýsir sér best með einu vinsælasta klámleitarorð Íslendinga samkvæmt nýlegri alþjóðlegri könnun á klámskoðun á netinu. Stór fjöldi Samfylkingarinnar leitar að loðnu rassgati eða Hairy anal. Það þarf að fara langt frá Evrópu til að finna aðra þjóð sem er eins upptekin af því fyrirbæri og Íslendingar. Og þegar menn taka yfir slík rústasvæði er víst best fyrir þá að vera vel varðir gegn rauðum og grænum útbrotum á rassgati.

En ég er haldinn heilbrigðri skynsemi og er hræddur um, að lítið verði hægt að bæta á Íslandi með smokknum. Menn storka ekki alþjóðlegri óáran í efnahagsmálum og geta ekki lofað of miklu. Öll atlot að hinu sjálfdauða Evrusvæði, eða samfarir við Kínverja, kalla á sterkan smokk. Ef smokkurinn nálgast þær ígerðir kemur örugglega á hann gat. Ég er ekki bjartsýnn. Flokkar verða ekki betri en það fólk sem í þeim er. Það á víst líka við um smokka.

Þeir heilsuðu svona í Vatnaskógi

 

Grískur knattspyrnumaður, Herkules Handaskakis, (nei hann heitir víst Giorgos Katidis), hefur verið settur í ævilangt leikbann hjá landsliði landsins þar sem hann rétti of hressilega út handlegginn og höndina, er hann skoraði nýverið mark.

Vísir.is hefur m.a. vakið athygli á þessari frétt. Þar er athyglisvert að sjá sumar athugasemdirnar. Þar er t.d. ein frá Guðjóni Jóhannssyni sem segir: "Þetta gyðingasmjaður er orðið grátbroslegt vægast sagt."og ellefu lesendum Vísis líkar þessi orð Guðjóns.

Ekki vissi ég að gyðingar störfuðu fyrir Knattspyrnusamband Grikklands. Er ekki vandamálið, að það eru of margir gyðingahatarar á Íslandi, sem vart vita hvað þeir eiga að gera við handleggi sína þegar svona fréttir koma inn á visir.is. 

Hættulegir tímar 

Við lifum á mjög hættulegum tímum, ef menn mega ekki rétta úr handleggnum til að sýna sigurvímu sína. Við sjáum oft knattspyrnumenn sem fangaðir eru á filmu, þar sem þeir steyta hnefann eins og kommúnistar og hryðjuverkamenn. Ekki eru þeir settir í ævilangt bann.

Enginn segir neitt við fylgismenn taparaliðsins FC Brøndby. Í fyrra bauð ég syni mínum, sem þá var 9 ára, og vinum hans tveimur á leik á Brøndby Stadion. Helstu stuðningsmenn liðsins sem stóðu fyrir aftan mark sýna oft baráttukveðju í hópæsingu sem samanstendur af þremur óðfluga handaútréttingum. Þær fyrstu tvær eru með steyttum hnefa, og sú þriðja ekki ósvipuð því sem nasistar og drengir í Vatnaskógi notuðu. Eitthvað hrópa þessir stuðningsmenn líka, en það er á svo frumstæðri dönsku að mér hefur enn ekki tekist að skilja það. Ég efast um að fleiri en 5% þeirra sem sýna þessa armlyftingar hjá Brøndby séu nasistar, og líklega eru sumir bara kratar ef dæma má út frá 2 x krepptum hnefum í þessari samsettu baráttukveðju.

 

Hvað der Hollande að gera??

Er þjálfarinn nasisti líka?

Ég veit ekkert um andlegt upplag og pólitískar skoðanir Grikkjans sem var settur í ævibann. En á hann ekki að njóta vafans. Hefur hann hótað fólki, af öðrum uppruna en grískum, útrýmingu. Er hann ekki bara að reyna að sýna góða takta og þjónka við þýsku herraþjóðina í Berlín, þar sem þessi kveðja er reyndar bönnuð með lögum. Mér finnst að við eigum við að trúa því sem Giorgos skrifar á Twitter. Hann er ekki nasisti. Hann er þjóðernissinni (eins og flestir Grikkir og Íslendingar), og á því tvennu er mikill munur.

Getur ekki einhver bent Grikkjum á, að þessi "afar saklausa" kveðja var notuð í Vatnaskógi forðum er menn hylltu íslenska fánann. En hún var líka eitt fyrsta tákn í táknmáli frummannsins þegar hann var glaður eða jafnvel graður?

Kaþólskir borga sig frá vandanum

 

Í skýrslu Rannsóknarnefndar kaþólsku kirkjunnar á Íslandi var á sl. ári komist að þeirri niðurstöðu, að 8 manns hefðu orðið fyrir kynferðisglæpum og mannvonsku af völdum séra Georgs og Margrétar Müller hinnar þýsku í Landakoti og á sumardvalastaðnum Riftúni í Ölfusi. Meintir gerendur er báðir látnir.

Kirkjan bauð svo fólki að setja fram (fjár)kröfur á hendur kirkjunni, og nú eru  komnar á þriðja tug krafna! Átta í skýrslunni og nú er komnar yfir 20 kröfur! Miðað við framburð þeirra sem stóðu fram í þessu máli, tel ég, að engar sannanir liggi fyrir barnaníði eða kynferðisglæpum fyrrnefndra starfsmanna kaþólsku kirkjunnar. Hins vegar er ljóst, að Margrét Müller var fantur og hef ég sjálfur, þó ekki sé ég kaþólskur, upplifað það og lýst því hér í mörgum færslum hér á blogginu, og það áður en meint fórnarlömb Georgs og Müller stigu opinberlega fram með sögur sínar:

2011:

http://www.postdoc.blog.is/blog/postdoc/entry/1174389/ (skrifað 17.6.2011)
http://www.postdoc.blog.is/blog/postdoc/entry/1174980/ (skrifað 20.6.2011)
http://www.postdoc.blog.is/blog/postdoc/entry/1175282/ (skrifað 22.6.2011)
http://www.postdoc.blog.is/blog/postdoc/entry/1175499/ (skrifað 23.6.2011)
http://www.postdoc.blog.is/blog/postdoc/entry/1176337/ (skrifað 29.6.2011)
http://www.postdoc.blog.is/blog/postdoc/entry/1176705/  (skrifað 29.6. 2011)
http://www.postdoc.blog.is/blog/postdoc/entry/1176962/ (skrifað 1.7.2011)
http://www.postdoc.blog.is/blog/postdoc/entry/1177576/  (skrifað 4.7.2011)

Árið 2012 birti ég gagnrýni mína á rannsóknarnefndina og sendi henni, en hún svarar ekki:

Kirkjunauðgun?

Skýrsla rannsóknarnefndarinnar er klámhögg

Heimildafölsun í skýrslu rannsóknarnefndar

Vitnisburður minn um Fräulein Müller og minningar mínar um séra Gerorg frá sumardvalatíð í Riftúni var ekki nefnt einu orði í skýrslu rannsóknarnefndarinnar, því það hentaði ekki. Það átti, þrátt fyrir algjöra vöntun á sönnunargögnum, að halla á séra Georg.

Fyrirframákveðin friðþæging

Að mínu mati sýndi skýrslan, að nefndarmenn kunna ekki venjulegar rannsóknaraðferðir, eða að þeir hafi haft fyrirframgefnar vinnureglur settar af núverandi leiðtoga kaþólskra á Íslandi. Ekki var t.d. haft samband við Montfoort regluna í Hollandi, til að athuga hvort eitthvað hefði verið bogið við tíð séra Georgs í heimalandi hans Hollandi, áður en hann var sendur til Íslands.

Nefndin hafði hins vegar samband við Jóhannes Gijsen, kaþólskan biskup sem hafði verið á Íslandi, og tók hann trúanlegan. Á þann mann hefur verið sönnuð afbrigðileg kynferðisleg hegðun og t.d. rætið gyðingahatur, sem líka er glæpur. Hann á greinilega að vera dómari yfir séra Georg, (þótt þeir hefðu víst ekki verið miklir mátar), með fólki sem segir sögur þar sem ekki stendur steinn yfir steini.

Engar sannanir eru fyrir illverkum séra Georgs, en kaþólska kirkjan er farin að fórna "smápeðum" meðal starfsmanna sinna til að lenda einu versta vandamáli kirkjunnar fyrr og síðar, það sem hún sjálf kallar baráttuna við kjötið. Peningarnir tala enn einu sinni í sögu kaþólsku kirkjunnar. Kirkjan er orðin eins og hóran sem hún fordæmdi í gegnum aldirnar, en nú greiði hóran fyrir dráttinn.

Skaðabætur

Í málinu frá Landakoti og Riftúni má ekki fórna sannleikanum og lögfræðinni og sverta mannorð fólks án nokkurra sannanna. Það sýnist mér þó að kaþólska kirkjan á Íslandi ætli sér að gera; Að kaupa sér syndaaflausn. Páfastóll hefur lagt blessun sína yfir slíkt vegna hins mikla fjölda mála sem þykja sönnuð og þar sem glæpur hefur verið framinn.

Borgun skaðabóta til nokkurra aðila á Íslandi er smámál miðað við t.d. 700 milljón dala greiðslur til fórnarlamba í Los Angeles, sem kirkjan sækir m.a. til sóknarbarna sinna.

Þó svo að ásakanir á hendur kirkjunnar mönnum eigi í flestum tilvikum við rök að styðjast, þá eru árlega settar fram ákærur á hendur kirkjunni í auðgunarskini. Það hefur kirkjan á Írlandi þurft að reyna. Kirkjan þar hefur meir að segja verið sökuð um barnamorð, en ásakendur dæma sig oftast sjálfir. Lesið hér.

Lesið t.d. um mál séra Kennedys sem er skyldur Kennedy ættinni í BNA (forsetanum og bræðrum hans, og vissulega er ættarsvipur sterkur með þeim frændum):

Hvítur reykur yfir Rómarborg

 

eða eins og Danir segja: "Habemus kolonihavehus"

Maður gleðst vissulega yfir því að kaþólskir séu nú búnir að fá sér nýjan Páfa, Fransiscus / Jorge Mario Bergoglio,  sem virðist í fljótu bragði ekki hafa hylmt yfir glæpi bræðra sinna og systra í kirkjunni. Hann á meira að segja góða vini á meðal gyðinga í Argentínu. Svo eldar hann ofan í sig sjálfan og labbar í vinnuna. Líklegt þykir mér að Vatíkanið banni honum alla góða siði sína. Þetta virðist þó vera hinn sterkasti karl, sem lifað hefur með eitt lunga síðan hitt var tekið þegar hann var unglingur.

Þetta getur sem sagt ekki orðið betra, nema vera skyldi að næsti páfi yrði kona.

Við sem aðra Guði höfum óskum Jóni Val og hinum milljörðunum til hamingju. Myndin efst sýnir fyrirboðann. Frans missti kardínálakollhúfuna í vindgusti á Péturstorginu. Nú er hann komin með hvíta húfu og vonandi er hún hrein.

Vont og getur aðeins versnað

RÚV, þarf ég að segja meira?

Sá sérstaki fréttamiðill, fréttastofa RÚV (einnig kölluð DDRúv) greinir frá því, að rússneskt skemmtiferðaskip Lijubova Orlova sé á reki í Norður Atlantshafi og reki nú til Noregs.

Fréttin segir frá því, að „írlensk" stjórnvöld hafi einnig nokkurn viðbúnað, því enginn vill bera ábyrgð á skipinu. "Írlenskir" vilja auðvitað ekki fá þetta "ferðamannaskip" á sínar fjörur enda hefur skipið verið selt í brotajárn og var verið að draga skipið í sína hinstu för er dráttartaug slitnaði. 

En á RÚV nauðga menn íslenskri tungu, og er alveg sama um áhyggjur frænda okkar "írlenskra". RÚV segir einnig rangt frá á nafni skipsins sem er sagt 100 metrar að lengd. Skipið er kallað Lijubova Orlova. Rétt nafn er MV Lijubov Orlova og skipið er 90 m. langt (byggt á sínum tíma í Júgóslavíu sálugu). Rekaldið ber nafn frægustu kvikmyndastjörnu Sovétríkjanna. Ljubov Petrovna Orlova var Marilyn Monroe byltingarinnar, draumdís rauðustu óra Árna Þórs Sigurðssonar. Hún var rússnesk kvikmyndaleikkona af aðalsættum sem meðal annar lék í myndinni Volga Volga (1938), sem gárungar kölluðu Olga Volga, sem var afar vinsæl á menningarkvöldum MÍR á síðustu öld.

Maður vonar, að "írlenskir" setji ekki uppi með freigátuna, en kannski ættu þeir að biðja um blíðan straum svo hana reki norður og inn á sundin blá. Þar gætu framtakssamir ískir (íslenskir) kommar tekið hana til handargagns og hafið útgerð eins og hún var best fyrir glasnost. Eina útvarpið um borð yrði þá RÚV og Ögmundur Jónasson yrði með daglega fyrirlestra fyrir ferðamennina. Maður verður að hugsa "próaktívt" í öllu atvinnuleysinu sem skellur á eftir næstu kosningar.

Valdatafl Gnarrs og Jógu

 

Skák er íþrótt fyrir nörda sagði borgarstjórinn í Reykjavík í sjónverpinu gær. Um leið læddist stórmeistarinn Jóhanna út. Hún varð heimaskítsmát, en það er greinilega pattstaða hjá Gnarr. 

Enn lýgur RÚV

 

Í fréttaflutningi af morðtilræðinu í gær gegn Lars Hedegard, greindi RÚV rangt frá. Þá var sagt að hann væri "þekktur fyrir að gagnrýna múslíma" og hafi verið "dæmdur fyrir hatursáróður vegna ummæla sem hann lét falla um trú þeirra" svo notuð séu orðin í fréttum sjónvarps í gærkvöldi.

Í landi dómstóls götunnar, þar sem rumpulýður stundar sjálftektir og bætir við dóma dómstóla með því að berja dæmt fólk í götuna til viðbótar við dómsorðið í réttarsölum, er ekki við örðu að búast en að ríkisfjölmiðill ljúgi og greini ekki rétt frá dómsmáli í siðmenntuðum löndum.

Sama hvað manni finnst um Lars Hedegaard, þá var hann sýknaður af ásökunum um refsiverð ummæli um múslíma í Hæstarétti Danmerkur árið 2011. Fyrra dómsorð var ógilt, en það sagði að Hedegaard bæri að greiða 5000 króna sekt (rúml. 115.000 ISK).

Maður spyr sig, hvort svo lélegur fréttaflutningur á RÚV orsakist af lélegri menntum starfsmanna fréttastofnunnar og úreltum starfs- og siðareglum hjá RÚV, eða  hvort starfsmenn þar séu sumir hverjir fylgjandi þeirri heimsmynd öfga sem Hedegaard og aðrir leyfa sér að gangrýna.  Ég hef í mörgum færslum bent á slagsíðu í fréttaflutningi RÚV sem gæti bent til þess síðastnefnda.

Langhundur

 

Nú sagði hún loksins bless og gaf Katrínu beinið. Hún getur grafið það í næsta bakgarði sögunnar. Þessi ríkisstjórn tilheyrir fortíðinni og er ein af þeim sem maður vill helst gleyma.

Þetta var stjórn svika, pretta og lýðskrums. Hún setti velferðarþjóðfélagið á ruslahaugana og ætlaði sér að rústa hér landinu í skugga hrunsins. Hún gerði slæmt verra. Hún viðurkennir það aldrei því langhundar hafa engan móral, enga siðferðiskennd.

Christensen Jr. has spoken

 

Sumir Íslendingar telja að Lars Christensen sé algjör snillingur. Þessi bankablók hjá Danske Bank sem skipaði Íslendingum vessgú að borga allar skuldir Afdanans Björgúlfs Thors, hefur aldrei þótt merkilegur pappír á mínu heimili. Hann vinnur í banka þar sem fólki er skipt í A, B og C lið. Ég tilheyri vitanlega C-liðinu og þarf því að borga alls kyns gjöld fyrir að hafa peninga í banka og sérstaklega nú, þegar ég á enga.

Mér sýnist þó á Facebook Lars Christensens, að í syni Lars Christensens ungum (sjá mynd) leynist snillingur og mikill stjórnmálaskýrandi. Christensen Jr. sér afleik aldarinnar, ICESAVE samninginn, sem hluta af teiknimyndaröðinni IceAge 3, þar sem aðalhetjan heitir Skrat og leitar endalaust að hnetu (ESB). Hin dýrin í IceAge eru útdauð. Litli Christensen hefur greinilega séð að Skrat er ekki ósvipaður skrattanum okkar, honum Steingrími J.

Ríkisstjórnin, sem Steingrímur situr í meðan að hann leitar að hnetunni, minnir óneitanlega á eitthvað úr hinu löngu útdauða dýraríki.

Evrufrétt

Aumingja konan á myndinni sagði starfi sínu lausu skömmu eftir að hún frétti af dómsorðinu í Icesave málinu. Hún er frá einu fátækasta landi í heimi. Hún þjáðist eitt sinn af gildri gyllinæð og síðast af slæmri evru. Hún komst í tæri við íslenska glæpamenn sem lofuðu lækningu með hæstu, bestu og hreinustu vöxtum heims, en féflettu hana síðan. Eina von hennar um að endurreisa ættarauðinn var að mjólka saklausa Íslendinga. Nú á hún ekki einu sinni Goudaostinn sem hún er með á höfðinu á þessari mynd. Sonur hennar á ekki einu sinni rollsinn sem hann ekur í. Ég finn alltaf til með fátæku fólki.