Enn lýgur RÚV

 

Í fréttaflutningi af morðtilræðinu í gær gegn Lars Hedegard, greindi RÚV rangt frá. Þá var sagt að hann væri "þekktur fyrir að gagnrýna múslíma" og hafi verið "dæmdur fyrir hatursáróður vegna ummæla sem hann lét falla um trú þeirra" svo notuð séu orðin í fréttum sjónvarps í gærkvöldi.

Í landi dómstóls götunnar, þar sem rumpulýður stundar sjálftektir og bætir við dóma dómstóla með því að berja dæmt fólk í götuna til viðbótar við dómsorðið í réttarsölum, er ekki við örðu að búast en að ríkisfjölmiðill ljúgi og greini ekki rétt frá dómsmáli í siðmenntuðum löndum.

Sama hvað manni finnst um Lars Hedegaard, þá var hann sýknaður af ásökunum um refsiverð ummæli um múslíma í Hæstarétti Danmerkur árið 2011. Fyrra dómsorð var ógilt, en það sagði að Hedegaard bæri að greiða 5000 króna sekt (rúml. 115.000 ISK).

Maður spyr sig, hvort svo lélegur fréttaflutningur á RÚV orsakist af lélegri menntum starfsmanna fréttastofnunnar og úreltum starfs- og siðareglum hjá RÚV, eða  hvort starfsmenn þar séu sumir hverjir fylgjandi þeirri heimsmynd öfga sem Hedegaard og aðrir leyfa sér að gangrýna.  Ég hef í mörgum færslum bent á slagsíðu í fréttaflutningi RÚV sem gæti bent til þess síðastnefnda.

Athugasemdir

[Ragnhildur Kolka, 6.2.2013 kl. 09:54]

DDRUV, eins og Gunnar Rögnvalds réttilega nefnir fyrirbærið, flytur ekki lengur frettir. Þar er stundaður skefjalaus áróður sem sovéska fréttastofan hefði verið full sæmd af. Nu er svo komið að jafnvel fréttir af nit i kúm eru teknar með fyrirvara.

[Jón Valur Jensson, 6.2.2013 kl. 11:28]

Já, þeir eru stórlega brogaðir þarna á Rúv og hlutdrægir í þokkabót, og þakka þér fyrir að vekja athygli á því sanna í þessu máli, Vihjálmur!

[Óskar Sigurðsson, 6.2.2013 kl. 11:53]

og svo borgum við fyrir að láta ljúga að okkur..Takk Villi fyrir að upplýsa mig enn og aftur um hið sanna í málum.

[Sigurður Þór Guðjónsson, 6.2.2013 kl. 13:59]

Ég er á móti morðum. Og ekki vil ég gera mig breiðan og fara að stæla við mér betri og vitrari menn. En sú hugsun hefur að mér hvarflað að þetta sé hreinlega uppsuni með banatilræðið. Hvergi hef ég séð mynd af pakkanum eða hvað hann hafi haft að geyma. Og hvert fór skotið? Hvergi sé mynd af því. Fór það bara út í loftið? Kannski er þetta bara vitleysa í mér en ég vonast þá til þess að Villi reki það þá ofan í mig með eftirinnilegum hætti! Gaman væri að sjá pakkan og holuna eftir byssuskotið sem hlýtur að vera í ganginum.

[Sigurður Þór Guðjónsson, 6.2.2013 kl. 14:02]

Var kannski enginn pakki heldur bara sagt að það væri pakki til hans. En skotið ætti að vera einhvers staðar.

[Sigurður Þór Guðjónsson, 6.2.2013 kl. 14:06]

Nei, það var víst enginn pakki. En það var skotið.

[Vilhjálmur Örn Vilhjálmsson, 9.2.2013 kl. 20:21]

Veistu eitthvað meira Sigurður?